Првиот поврат на парите уплатени од компаниите за солидарен данок ќе се реализира во март, а вториот дел во март следната година, изјави денеска министерката за финансии Гордана Димитриеска Кочоска.

-Конечните листи се направени. Најголем дел од компаниите се согласија враќањето да биде на две рати. Обрасците се подготвени. УЈП треба да ги објави обрасците на својата веб страна и очекувам првата половината на износот на солидарниот данок компаниите да го добијат во март –  рече Димитриеска Кочоска.

Таа рече дека дел од компаниите не се согласуваат враќањето на парите да биде во две рати.

-Но, очекувам за овие два месеца состојбата да се промени и дел од нив да се премислат – рече министерката за финансии.

The post ВО МАРТ КОМПАНИИТЕ ЌЕ ГО ДОБИЈАТ ПРВИОТ ДЕЛ ОД ПОВРАТОТ НА СОЛИДАРНИОТ ДАНОК Дел од компаниите не прифаќаат износот да го добијат во две рати appeared first on plusinfo.mk.