Ова го изјави портпаролот на Кремљ, Димитриј Песков, објави Ројтерс.

Претходно, британската влада најави дека ќе ја разгледа можноста за распоредување одбранбена инфраструктура, вклучително и воени бази, во Украина како дел од 100-годишниот договор за партнерство со оваа земја.

Кремљ ја осуди и точката на договорот за соработка меѓу Велика Британија и Украина во Азовското Море бидејќи го смета за внатрешно море на Русија.

– Го оценуваме (договорот) негативно. Ова навистина е внатрешното море на Русија. Тешко дека може да се зборува за соработка меѓу Украина и Велика Британија во таа област – изјави Песков за новинарите.

Според договорот, Велика Британија и Украина имаат намера да ја продлабочат воената соработка, наводно за да ја „зајакнат безбедноста“ во Црното, Азовското и во Балтичкото Море. Договорот предвидува и дека Велика Британија ќе стане „префериран партнер“ на Украина во енергетскиот сектор, стратегиите за критичните минерали и во производството на зелен челик.

Портпаролот на рускиот претседател се осврна и на претстојната администрација на САД.

– Не може да има суштински промени во политиката на санкции на САД против Русија за време на мандатот на Доналд Трамп – додаде Песков.

Претходно, кандидатот за министер за финансии на САД, Скот Бесант, предложи заострување на антируските санкции во енергетскиот сектор со цел „да се принуди Русија да седне на преговарачката маса“.

Портпаролот на Кремљ рече и дека рускиот претседател, Владимир Путин, ужива огромна поддршка од населението што е под влијание на успесите на Русија на фронтот.

Тој потсети на резултатите од анкетата на ВЦИОМ, според кои повеќе од 78% од граѓаните му веруваат на Путин. Песков додаде дека целата земја очекува успех на фронтот.

– Ова е многу важен фактор што влијае на ентузијазмот и на еланот на нашите граѓани – рече Песков.

The post БРИТАНСКАТА ВОЈСКА СЕРИОЗНО ГО ЗАГРИЖУВА КРЕМЉ Обединетото Кралство се меша во руска територија со 100-годишниот договор со Украина appeared first on plusinfo.mk.

„Проблемот е што имаме многу напната демографска ситуација. Живееме во најголемата земја во светот, но нè има малку“, вели Песков.

На 12 ноември, Русија усвои закон со кој се забранува промовирање на начин на живот без деца, со цел да се поправи длабоката демографска криза наследена од советската ера и значително влошена од конфликтот во Украина.

„За да можеме динамично да се развиваме, да ги реализираме сите развојни проекти, потребна ни е работна сила. Руските власти можат само да го поздрават доаѓањето на мигрантите во Русија“, рече Песков.

Руската Федерација се простира на огромни пространства од Источна Европа и Северна Азија и со својата површина од 17.075.400 квадратни километри е најголемата земја во светот. Руската територија зафаќа 11,5 % од вкупната светска површина. По бројот на население, 144,5 милиони  жители, Русија е седма во светот, по Кина, Индија, САД, Индонезија, Бразил и Пакистан.

The post РУСИЈА КАНИ ДА СЕ ДОСЕЛАТ МИГРАНТИ, ИМ ФАЛИ РАБОТНА СИЛА Малку сме, иселениците се добредојдени appeared first on plusinfo.mk.

Кремљ го демантира извештајот на американски медиуми дека рускиот претседател Владимир Путин и новоизбраниот претседател на САД, Доналд Трамп разговарале по телефон минатата недела во врска со  конфликтот во Украина.

Портпаролот на Кремљ, Дмитриј Песков, изјави дека извештаите за тоа се „целосно лажна информација“. Тој негира дека имало каков било телефонски повик.

• ТРАМП РАЗГОВАРАЛ СО ПУТИН Му рекол на рускиот лидер да не ескалира војната во Украина

„Вашингтон пост“ вчера објави дека новоизбраниот американски претседател Трамп во четвртокот телефонски разговарал со рускиот претседател Путин. Според медиумот, Трамп побарал од Путин да не ја разгорува војната во Украина.

Минатата недела портпаролот на Кремљ исто така негираше дека Путин и Трамп имале телефонски разговор велејќи дека засега нема конкретни планови за контакт.

The post ТОА Е ЦЕЛОСНО ЛАЖНА ИНФОРМАЦИЈА Кремљ негира дека Путин и Трамп разговарале по телефон appeared first on plusinfo.mk.

– Нема да извршиме инвазија врз Украина доколку не бидеме испровоцирани. Ако Украинците ја нападнат Русија, немојте да се чудите ако возвратиме – изјави Чижов во интервју за британски „Гардијан“.

Тој истакна дека Русија ќе одговори доколку некаде бидат убиени руски државјани, вклучително и во Донбас.

Чижов изјави дека бројот на руски војници на границата со Украина е еквивалентен на бројот на војници за време на вежбата Запад 21, која беше спроведена во септември минатата година.

– И тогаш никој не кажа ни збор – додаде Чижов.

Рускиот дипломат рече дека верува оти дипломатските напори во последните недели сепак може да резултираат со решение прифатливо за сите страни.

Портпаролот на Крмљ, Дмитриј Песков, во изјава за Фредерик Плајтген од Си-Ен-Ен кажа дека рускиот претседател Владимир Путин е „подготвен да преговара“, додавајќи дека кризата во Украина е само дел од безбедносните грижи на Русија.

– Прво, претседателот Путин секогаш инсистирал на преговори и дипломатија. Всушност, тој го покрена прашањето за безбедносните гаранции за Руската Федерација, а Украина е само дел од проблемот. Тоа е дел од поголемиот проблем со руските безбедносни гаранции и претседателот Путин е подготвен да преговара – рече Песков.

Претходно, шефот на руската дипломатија, Сергеј Лавров, на претседателот Путин му соопшти дека гледа можност за дипломатски дијалог со Западот за безбедносните грижи на Русија и препорача таквите напори да продолжат.

Лавров го информирал и генералниот секретар на ОН Антонио Гутереш за преговорите на Русија со земјите-членки на НАТО и ОБСЕ за безбедносните гаранции, соопшти денеска руското Министерство за надворешни работи.

„Тие разменија мислења за голем број актуелни меѓународни теми, вклучувајќи ги Сирија, Либија, активностите на мисијата на ОН на Косово, во контекст на руското претседателство со Советот за безбедност на Обединетите нации во февруари – пренесоа руски медиуми.

Лавров му обрнал внимание на генералниот секретар на ОН на проблемите со кои се соочува руската мисија во ОН во САД поради неисполнување на американските обврски, пред се во однос на канцелариски простор и издавањето визи за вработените и членовите на руските делегации кои учествуваат на Генералниот Собрание.

The post НЕМА ИНВАЗИЈА НА УКРАИНА, АКО НЕМА ДИРЕКТНА ПРОВОКАЦИЈА Путин е за преговори за повеќе безбедносни прашања appeared first on plusinfo.mk.