Аврамовска Мадиќ изјави дека изминатиот период таа и министерот за правда Кренар Лога ја разгледале можноста за решавање на проблемот, во однос на претходниот правилник за регулирање на условите во КПУ Идризово, со кој била сторена неправда кон лицата од женски пол.

– По доставувањето на мислењето од Комисијата за спречување и заштита од дискриминација, каде ни се укажа дека има индиректна дискриминација врз осудените лица од женскиот пол, кои издржуваат казна затвор во КПУ Идризово – женско одделение, наспроти осудените лица од машкиот пол, кои издржуваат казна затвор во истиот, во овој период со министерот изнајдовме решение. Законското решение е изнајдено и во најскоро време, наредната недела, министерот, откако текстот ќе биде подготвен од страна на секретаријатот за законодавство, ќе го потпише правилникот и во согласност со него осудените лица од женскиот пол ќе можат да ги користат погодностите коишто ги користат осудени лица од машкиот пол. Значи сите, доколку осуденото лице од женскиот пол кое е осудено на казна затвор до три години или издржало казна затвор три години, ќе можат да ги користат погодностите согласно правилникот и куќниот ред на КПУ Идризово – изјави заменик-министерката за правда.

Комисијата за спречување и заштита од дискриминација кон крајот на март донесе општа препорака со која препорачува Управата за извршување санкции да подготви Акциски план со активности и извори на буџетирање за адаптирање, реконструкција или конструкција на установи од полуотворен и отворен вид за жени осуденички.

Оваа потреба, според КСЗД, е нужно предизвикана од фактот што жените осудени на казна затвор од целата територија на државата се упатуваат на издржување на казната затвор во КПУ Идризово, како единствена казнено-поправна установа во државата каде постои посебно одделение за жени.

Земајќи ја предвид важечката регулатива, односно фактот што жените својата казна затвор можат да ја издржуваат единствено во КПУ Идризово, установа која е од затворен вид, се доаѓа до заклучокот дека женските осудени лица се ставени во понеповолна положба во однос на машките осудени лица, велат од Комисијата.

Мерките и дејствијата предвидени со оваа општа препорака, како што наведуваат, треба да обезбедат жените, упатени на издржување затворска казна, да можат, на еднаква основа како и мажите, да прогресираат во казнено-поправните установи со издржан дел од казната затвор, согласно член 220 од Законот за извршување на санкции и соодветните одредби од Правилникот за времето што треба да го помине и условите што треба да ги исполни осуденото лице во установа од определен вид или во соодветно одделение на установа од општ вид.

– Имено, моментално Правилникот, иако претставува неутрален пропис, воопшто не се применува на жените кои издржуваат казна затвор од причина што во земјата не постојат установи од полуотворен и отворен вид наменети за жени осуденички каде тие би можеле да бидат упатени на издржување на казната затвор, или во кои подоцна би можеле да прогресираат, како што постојат за мажите – велат оттаму.

Комисијата напомена дека кога станува збор за прогресирање во друга, полиберална установа, истото е оневозможено за жените, од причина што друга установа за издржување казна затвор за жени во државата не постои.

ГОРДАНА ЈАНКУЛОВСКА Е ДИСКРИМИНИРАНА ЗАТВОРЕНИЧКА Комисијата за спречување дискриминација утврди дека и таа и другите осуденички ги немаат истите права како и мажите

The post И ЗА ЖЕНИТЕ ВО ЗАТВОР МОРА ДА ИМА ОТВОРЕНО И ПОЛУОТВОРЕНО ОДДЕЛЕНИЕ Заменик-министерката вели дека е најдено решение appeared first on plusinfo.mk.

Македонската асоцијација на новинари (МАН) по тој повод соопштува:

Информативните интернет портали секаде во Европа се дигитален медиум равноправен со другите традиционални медиуми. Традиционалните медиуми: телевизии, радиа и весници се регистрирани/пријавени во Агенцијата за медиуми, согласно постапка утврдена со закон во институција која работи според валидни закони.

Иако МАН десет години инсистира и дигиталните медиуми, порталите, да бидат регистрирани рамноправно во Агенцијата за медиуми, Здружението на новинари ЗНМ и две други невладини органзизации заради свои финансиски интереси не се согласуваат со тоа, и регистрацијата не е извршена.

Во очекување на регистрација при Агенцијата за медиуми, Информативните портали се веќе три години здружени и регистрирани во меѓународната организација ИАБ Македонија. Неодамна, своја параоганизација за регистрирање информативни портали покрена токму ЗНМ кои десет години се против регистрација на порталите во законски овластената Агенција за медиуми во обид да имаат контрола врз медиумите и остварат профит низ приходи од финансиски грантови.

Во Македонија, повеќе од 15 години, како најмасовна организација на новинарското здружување постои Македонската асоцијација на новинари МАН која не дозволува параорганизации како ЗНМ да преземат овластувања кои со закон и се дадени на легална и законски утврдена институција за регистрација на медиуми – Агенцијата за медиуми, а владата со оваа одлука го поттикнува токму тоа – го крши законот и на невладина организација ЗНМ и дава ингеренции кои со закон се веќе дадени на Агенцијата за медиуми.

Дали утре друга невладина организација под контрола на партии од власта ќе почне да издава лиценци на адвокати и судии наместо со закон утврдените институции?

Информативните портали се медиуми со еднаков статус како и традиционалните, и со доминација во индустријата на медиуми и информации, пред сите други медиуми.  Владата може, сега кога ги има сите овластувања, со три збора да го дополни постојниот Член 1 од Законот за медиуми и во набројување на опишани медиуми да додаде: … како и информативни интернет портали.

Со тоа и статусот ќе биде решен равноправно со другите медиуми, што е пракса во сите држави во Европската унија каде информативните интернет портали имаат еднаков статус со другите традиционални медиуми.

Или, владата како сега ќе врши создавање на параинституции и парарегулатори на медиумите за да се заштити себеси од новинари и медиуми кои не се под контрола на владеачките партии, и со незаконско давање ингеренции на невладина организација кои, по закон, припаѓаат на законски утврдената институција – Агенција за медиуми.

МАН бара Владата веднаш да ја повлече својата одлука и да не влегува во опасни преседани и обиди да создава партиски параниституции, денес во медиумите а утре и пошироко – соопштија денеска од МАН.

The post МАН: Владата намерно прави диксриминација на медиуми во време на вонредна состојба и светска пандемија  appeared first on plusinfo.mk.