Беким Купина, советник на претседателката на Косово, Вјоса Османи, изјави за ТВ Коха дека официјална Приштина е во очекување на информации од Швајцарија, откако тамошните медиуми објавија дека Марти е под специјална полициска заштите поради сознанијата дека му е загрозен животот од одредени српски служби.

– Претседателката Османи ги контактира безбедносните институции и побара од нив веднаш да обезбедат официјална информација од швајцарските власти за планот на српските разузнувачки агенции за елиминарење на пранешниот швајцарски сенатор Дик Марти. Поради чувствителноста на случајот, претседателката ќе се огласи повторно откако ќе добие официјални информации од швајцарската држава – ијави Купина.

Косовските медиуми деновиве ги пренесоа информациите објавени во швајцарски гласила дека Марти веќе 16 месеци е под специјален третман и силни заштитни мерки, поради информации дека од страна на српски служби било планирано тој да се убие и потоа за неговото убиство да се обвинат Албанците.

Српската Безбедносна информативна агенција (БИА), според медиумите во Белград, ги негирала наводите дека планирала убиство на Марти и тврди дека наводниот документ со закани по неговиот живот, кој дошол во посед на швајцарските разузнавачки служби, е напишан од британски тајни служби.

Меѓу косовските Албанци Марти ужива негативен публицитет, поради неговиот извештај до ООН дека има индиции оти, за време на војната во 1998-99 година, Ослободителната војска на Косово организирала трговија со човечки органи, кои биле вадени од воени заробеници и од цивили.

The post СРБИЈА ПОДГОТВУВАЛА АТЕНТАТ НА ДИК МАРТИ? Целта била да се обвинат Албанците appeared first on plusinfo.mk.

 Косовскиот претседател Хашим Тачи вели дека во моментот кога Специјализираните комори за Косово, односно Меѓународниот суд за воени злосоторства во Косово, ќе го потврдат обвинението против него, веднаш ќе поднесе оставка од функцијата, јави дописникот на МИА од Приштина.

Во синоќешното интервју за телевизијата Т7, Тачи изјави дека, иако медиумите тврдат дека, како еден од основачите и водачите на Ослободителната војска на Косово (ОВК), е меѓу осомничените за убиството на над 100 цивили Албанци, Срби и други во текот и непосредно по војната во Косово во 1998-99 година, тој од обвинителите на суд во Хаг воопшто не бил прашан за ниту едно убиство.

Тој нагласи дека при неговото испитување не била спомната ниту наводната трговија со човечки органи и „жолтата куќа“ во близина на Кукеш во Албанија, за што во извештајот од декември 2010 година пишува специјалниот претставник на Советот на Европа за Косово, Дик Марти, а што беше повод за основањето на Трибуналот во Хаг.

– Во ниеден момент не сум прашан за трговија со човечки органи, иако тоа беше основата за формирање на Специјалниот суд. Не сум прашан за никаква жолта куќа, ниту пак за било какво убиство – изјави Тачи.

Тој нагласи дека нема намера повторно да се кандидира за претседател на Косово откако во мај идната година ќе му истече актуелниот петгодишен мандат.

Тачи не ја коментира најавата на поранешниот премиер, лидерот на Алијансата за иднината на Косово, Рамуш Харадинај дека ќе се кандидира за претседател на државата и рече дека за него е прифатлив секој кој што ќе биде изгласан од Собранието

The post Тачи: Ќе поднесам оставка ако се покрене обвинение од Меѓународниот суд за Косово appeared first on plusinfo.mk.