Начинот на кој децата учат, комуницираат и ја градат својата иднина се менува побрзо од било кога. Технологијата отвора нови можности за знаење и креативност, рече Рози Мицкоска, сопругата на премиерот Христијан Мицкоски, во обраќањето на Глобалниот самит во Белата куќа, во организација на првата дама на Соединетите Американски Држави, Меланија Трамп, фокусиран на улогата на вештачката интелигенција и на образованието.

– Во одговорен и достапен начин во нашата земја, веруваме дека дигиталната писменост мора да започне од најрана возраст. Нашата цел е младите не само да користат технологија, туку и да ја разбираат, да размислуваат критички за неа и да ја користат за решавање на реални проблеми. Клучен чекор во таа насока е програмата за училишта во 21-виот век, спроведена во партнерство со меѓународни организации и приватниот сектор. Денес, 341 основни училишта и речиси 1.900 наставници во нашата земја се дел од оваа иницијатива, обезбедувајќи им на учениците модерни алатки за учење, вклучувајќи над 10.000 „микро-бит“ уреди за програмирање. Преку оваа програма, децата развиваат логичко размислување, креативност и вештини за решавање проблеми кои се есенцијални за нивната иднина – рече Мицкоска.

Сепак, дигиталните вештини мора да одат рака под рака со дигиталната безбедност, додаде таа.

– Затоа го воспоставуваме MK Safnet, првиот национален центар за побезбеден интернет како дел од европската мрежа на побезбедни интернет центри. Овој проект ги обединува институциите, универзитетите, граѓанското општество и приватниот сектор со една заедничка цел: создавање побезбедна онлајн средина за децата. Преку едукативни програми, 24/7 телефонска линија, училишни работилници и поддршка за родители и наставници, MK Safnet им помага на децата да препознаваат ризици на интернет, да ги заштитат своите лични податоци и одговорно да ја користат технологијата – рече Мицкоска.

Како професорка во средно училиште, мојата визија е јасна – технологијата мора да биде алатка која им помага на младите, а не ризик кој ги загрозува.

– Затоа соработката меѓу владите, училиштата, родителите, технолошките компании и меѓународната заедница е есенцијална за изградба на дигитален свет каде секое дете може безбедно да учи и да го достигне својот целосен потенцијал. Дозволете ми да ја изразам мојата искрена благодарност до нашата домаќинка, Првата дама на Соединетите Американски Држави, г-ѓа Меланија Трамп, за оваа важна иницијатива и за тоа што нè собра околу заеднички вредности. Ви благодарам за вашата посветеност – рече таа.

The post 🎥 ДИГИТАЛНАТА ПИСМЕНОСТ МОРА ДА ПОЧНЕ ОД НАЈРАНАТА ВОЗРАСТ Рози Мицкоска се обрати на Глобалниот самит во Белата куќа, организиран од Меланија Трамп appeared first on plusinfo.mk.

Во свет каде технологијата постојано ја редефинира иднината, Avenga Academy (Авенга Академи) веќе 15 години го гради мостот меѓу знаењето и реалните вработувања. Како дел од глобалната групација Avenga, академијата претставува еден од највлијателните центри за едукација во областа на ИТ, дизајн и бизнис, создавајќи заедница од над 20.000 алумни и 200 искусни ментори.

Под мотото „When I complete Avenga Academy, I won’t tell, but there will be signs“, Академијата „Авенга“ ја лансира својата нова кампања посветена на студентите кои преку труд, знаење и истрајност ги градат своите кариери – без големи зборови, но со видливи резултати. Токму врз максимата „Делата зборуваат посилно од зборовите“ се потпираат новите комуникациски активности на едукативниот центар специјализиран во сферата на бизнисот и ИТ индустријата.

„Во време кога сите зборуваат, ние решивме да оставиме делата на студентите да зборуваат наместо нас. Нашата нова кампања ја симболизира суштината на она во што веруваме — дека вистинскиот успех не се декларира, туку се гледа преку резултати. Во изминатите 15 години изградивме заедница од над 20.000 студенти и 200 ментори кои секојдневно докажуваат дека знаењето и посветеноста значат повеќе од празни зборови и ветувања“, велат од менаџерскиот тим на Avenga Academy.

Avenga Academy е носител на меѓународни лиценци и сертификати од светски брендови како Microsoft, Cisco, CompTIA, EC-Council, ISTQB, Kryterion, ACI, Certiport и Meazure, преку кои ги спојува највисоките образовни стандарди со практично искуство за да ги подготви студентите за иднината на работата, каде технологијата и човечкиот потенцијал одат рака под рака.

Годинава, едукативниот и тренинг центар ја прошири својата програма со уште две нови академии: програмирање со примена на вештачка интелигенција и продукт и проектен менаџмент, но постои и надополнување на постоечките програми со модули на примена на вештачка интелигенција, како и алатки кои се побарувани на пазарот. Дополнително, отворени се и уписите за: Web Design и Front-End Development, Graphic Design со Figma и Video Content Creation, Game Design и Production, UI/UX Design, Sales & Business Development, Computer Networks & ITOps, Cyber Security, Software Testing со Playwright и AI, DevOps, Data Science и Digital Marketing.

Со силен фокус на иновација, практична примена и партнерства со индустријата, академијата претставува мост меѓу образованието и професионалниот свет, подготвувајќи ги идните генерации за вистинските предизвици на пазарот.

„Авенга Академи“ (поранешен Сеавус Едукативен и Развоен Центар) е пионер на модерното неформално образование и дел е од глобалната групација „Авенга“.

The post 🎥 „AVENGA ACADEMY“ СО СТРУЧНОСТ И ПОСВЕТЕНОСТ ГИ ИЗДИГНУВА СВОИТЕ СТУДЕНТИ Едукативниот и тренинг центар ја проширува својата програма appeared first on plusinfo.mk.

На 3 јули 2025 година успешно заврши серијата бесплатни обуки по компјутерски вештини за ученици од основните училишта во Скопје, кои беа реализирани од страна на Фондацијата „Ѓорѓи Марјановиќ“ во соработка со Детската ИТ академија Еверест и со 5 скопски општини: Центар, Аеродром, Карпош, Кисела Вода и Бутел, објави Фондацијата Ѓорѓи Марјановиќ.

Овие едномесечни обуки беа наменети за ученици од прво до деветто одделение, а ги посетуваа повеќе од 250 деца. Обуката се одвиваше со физичко присуство во современо опремена компјутерска лабораторија во центарот на Скопје, еднаш неделно по 2 школски часа. По успешното завршување, сите ученици добија сертификати, кои претставуваат признание за нивниот труд и стекнати знаења.

Преку проектно базиран пристап, децата решаваа реални проблеми, добиваа улоги од различни професии и се запознаваа со концептите на критичко размислување, истражување, тимска работа и самодоверба. Во текот на обуката, тие не само што усовршуваа компјутерски вештини, туку и учеа како да ги применат стекнатите знаења во секојдневниот живот.

Целта на оваа иницијатива, покрај развојот на дигитални вештини кај децата, е и хуманитарна – преку овој модел, со поддршка од родителите на вклучените ученици, Фондацијата овозможува и бесплатно школување за деца без родители, згрижени во детски домови или во мали групни домови. Оваа активност се реализира во соработка со Министерството за труд, демографија и млади и со детскиот дом „11 Октомври“ од Скопје.

Ова е уште еден чекор во насока на исполнување на мисијата на Фондацијата Ѓорѓи Марјановиќ – создавање еднакви шанси за сите деца, поддршка на развојот на идните лидери и вложување во пристојна иднина за нашата држава.

Дополнителни информации за програмата и за можностите за следни обуки се достапни на: www.everest.mk

The post НАД 250 СКОПЈАНЧИЊА ЗАВРШИЈА БЕСПЛАТНИ ОБУКИ ЗА КОМПЈУТЕРСКИ ВЕШТИНИ Фондацијата „Ѓорѓи Марјановиќ“ и академијата „Еверест“ школуваат и деца без родители appeared first on plusinfo.mk.

– По успешното лансирање на „A1 Academy“ со првиот модул на тема Дигитален маркетинг, нашата иницијатива за неформално образование ја продолжуваме со предавања на нова атрактивна тема – Бизнис аналитика. Учесниците и овојпат добиваат можност да ја реализираат својата пасија за учење и стекнување дигитални вештини, да слушнат реални бизнис примери и да учат од професионалци кои активно работат во оваа област. Академијата е придонесот на А1 Македонија кон младите и заедницата за реално практикување на дигиталните вештини неопходни за современ и модерен живот. Повторно очекуваме голем одѕив и подготвени сме да ги споделиме знаењата со младите луѓе на кои им е потребно детално познавање од модерните тематики – изјави Елена Димовска, раководителка на одделот за корпоративни комуникации во А1 Македонија.

Сите на возраст од 18 до 25 години кои сакаат да бидат дел од целосно бесплатната „A1 Academy“ и вториот модул – Бизнис аналитика, потребно е да пополнат апликација, достапна на следниов линк. Сите пристигнати апликации ќе бидат детално разработени, а селекцијата ќе биде направена врз основа на мотивациско писмо, желбата и мотивот на кандидатите. Вториот модул започнува на 7 март 2023 година.

По завршување на секој модул од Академијата секој учесник добива сертификат за стекнатото знаење.

Академијата е продолжување на активностите на А1 Македонија во рамките на проектите на компанијата за општествена одговорност и одржливо работење, обединета под мотото „За подобар свет“.

Сите информации за академијата можете да ги најдете на официјалната веб страница на линкот.

The post БЕСПЛАТНА ОБУКА ЗА ДИГИТАЛНИ ВЕШТИНИ Конкурс на А1 Македонија за млади appeared first on plusinfo.mk.

А1 Academy е целосно бесплатна и дизајнирана за млади од 18 до 25 години кои сакаат да стекнат нови знаења во најатрактивните области на денешницата како што се Marketing automation, SEO, Google Ads, Data analytics, Digital entrepreneurship, IoT, неопходни за успешно напредување во нивната кариера.

– А1 Аcademy е придонесот на А1 Македонија кон младите и заедницата за реално практикување на дигиталните вештини неопходни за современ и модерен живот. Ги ставаме на располагање нашата експертиза и практично знаење за сите учесници на Академијата со цел да стекнат доверба и вештини за активно обликување на подобар дигитален свет. Горди сме на оваа иницијатива од која младите луѓе ќе излезат со знаења пренесени од експерти во реалниот сектор со што ќе можат истите да ги применат во реалност веднаш. Ги охрабруваме сите млади на кои им е потребно детално познавање за дигитален маркетинг, бизнис аналитика и дигитално претприемништво, да се пријават и да ја искористат можноста за обликување на својата идна кариера – изјави Елена Димовска, раководителка на одделот за корпоративни комуникации.

Целосниот пакет курсеви кои ги нуди A1 Academy ќе понудат нова перспектива дури и за учесници кои немаат претходно познавање од областа во која се пријавиле. По завршување на секој модул од академијата секој учесник добива сертификат за стекнатото знаење.

Сите млади кои сакаат да бидат дел од A1 Academy и првиот модул – Digital Marketing, да се дообразуваат и да стекнат нови вештини и знаења, потребно е да пополнат апликација, достапна на следниот линк.

Апликацијата ќе биде отворена од 22 септември до 6 октомври, по што сите апликации ќе бидат детално разработени, а селекцијата ќе биде направена врз основа на мотивациско писмо, желбата и мотивот на кандидатите.

Академијата официјално започнува на 18 октомври 2022 со првиот модул за Digital marketing, каде учесниците ќе имаат можност да ги научат основите на дигиталниот маркетинг, SEO, Google Ads, менаџирање на социјални медиуми и Meta Business Manager, менаџирање на е-мејл кампањи како и WordPress. Предавачи на академијата ќе бидат врвни експерти, професионалци во својата област, кои се подготвени своето знаење да го пренесат со примери од практично искуство.

Академијата е продолжување на активностите на А1 Македонија во рамките на проектите на компанијата за општествена одговорност и одржливо работење, обединета под мотото „За подобар свет“.

Сите информации за академијата можете да ги најдете на официјалната веб страница на следниот линк.

The post БЕСПЛАТНА АКАДЕМИЈА ЗА ДИГИТАЛНИ ВЕШТИНИ Нов проект за млади на А1 Македонија appeared first on plusinfo.mk.