Здружението АРНО со големо задоволство го одбележува својот 13-ти роденден,
продолжувајќи ја мисијата за поддршка на општествени иновации, зелен развој и
дигитални вештини на граѓаните.

Како дел од роденденските активности и во рамките на проектот DigiCitizenEdu, АРНО организира бесплатна онлајн работилница насловена „Google Maps за почетници“.

Настанот е закажан за понеделник – 27.07.2026 година, со почеток во 12:00 часот (во
времетраење од 40 минути, до 12:40 часот), а ќе се одржи виртуелно преку
платформата Zoom. Работилницата е наменета за сите граѓани кои сакаат да ја
совладаат секојдневната дигитална ориентација, да научат како полесно да се
снаоѓаат во урбаната средина, да ја пронајдат најблиската аптека или продавница, да
ги разберат тековните информации за сообраќајот и гужвите преку боите на мапата,
како и да прават посложено планирање со додавање попатни точки.

Во врска со оваа симболична одлука за роденденот, основачката и претседателка на
АРНО, Ирина Јаневска, сподели:

– 2026-та година почна тешко за АРНО, во еден момент ќе изгубевме правец, но со многу верба, труд и добри координати остануваме да постоиме на мапата во граѓанскиот сектор. И така, знаејќи колку е важно да се има смер и добар совет, се одлучивме да подариме една бесплатна работилница за користење на Google Maps. На работилницата може да се пријават сите граѓани.
Пријавувањето е отворено, а сите заинтересирани можат да се пријават преку пополнување на пријавата на овој линк https://forms.gle/yw4WVJtwiNns8jVt6.

The post „ГУГЛ МАПС ЗА ПОЧЕТНИЦИ“ Бесплатна работилница по повод 13-тиот роденден на АРНО appeared first on plusinfo.mk.

Начинот на кој децата учат, комуницираат и ја градат својата иднина се менува побрзо од било кога. Технологијата отвора нови можности за знаење и креативност, рече Рози Мицкоска, сопругата на премиерот Христијан Мицкоски, во обраќањето на Глобалниот самит во Белата куќа, во организација на првата дама на Соединетите Американски Држави, Меланија Трамп, фокусиран на улогата на вештачката интелигенција и на образованието.

– Во одговорен и достапен начин во нашата земја, веруваме дека дигиталната писменост мора да започне од најрана возраст. Нашата цел е младите не само да користат технологија, туку и да ја разбираат, да размислуваат критички за неа и да ја користат за решавање на реални проблеми. Клучен чекор во таа насока е програмата за училишта во 21-виот век, спроведена во партнерство со меѓународни организации и приватниот сектор. Денес, 341 основни училишта и речиси 1.900 наставници во нашата земја се дел од оваа иницијатива, обезбедувајќи им на учениците модерни алатки за учење, вклучувајќи над 10.000 „микро-бит“ уреди за програмирање. Преку оваа програма, децата развиваат логичко размислување, креативност и вештини за решавање проблеми кои се есенцијални за нивната иднина – рече Мицкоска.

Сепак, дигиталните вештини мора да одат рака под рака со дигиталната безбедност, додаде таа.

– Затоа го воспоставуваме MK Safnet, првиот национален центар за побезбеден интернет како дел од европската мрежа на побезбедни интернет центри. Овој проект ги обединува институциите, универзитетите, граѓанското општество и приватниот сектор со една заедничка цел: создавање побезбедна онлајн средина за децата. Преку едукативни програми, 24/7 телефонска линија, училишни работилници и поддршка за родители и наставници, MK Safnet им помага на децата да препознаваат ризици на интернет, да ги заштитат своите лични податоци и одговорно да ја користат технологијата – рече Мицкоска.

Како професорка во средно училиште, мојата визија е јасна – технологијата мора да биде алатка која им помага на младите, а не ризик кој ги загрозува.

– Затоа соработката меѓу владите, училиштата, родителите, технолошките компании и меѓународната заедница е есенцијална за изградба на дигитален свет каде секое дете може безбедно да учи и да го достигне својот целосен потенцијал. Дозволете ми да ја изразам мојата искрена благодарност до нашата домаќинка, Првата дама на Соединетите Американски Држави, г-ѓа Меланија Трамп, за оваа важна иницијатива и за тоа што нè собра околу заеднички вредности. Ви благодарам за вашата посветеност – рече таа.

The post 🎥 ДИГИТАЛНАТА ПИСМЕНОСТ МОРА ДА ПОЧНЕ ОД НАЈРАНАТА ВОЗРАСТ Рози Мицкоска се обрати на Глобалниот самит во Белата куќа, организиран од Меланија Трамп appeared first on plusinfo.mk.