Дали машините во иднината ќе просат како и луѓето во време на кризи, се прашуваат корисниците на социјалните мрежи откако снимка стана вирална. Можеби роботите ќе просат за струја, а не за леб…

Spotted in China: a Unitree robot working the sidewalk with a WeChat QR code and an LED sign pleading “desperately need electricity fees.”

Source: China Insider pic.twitter.com/zcJWRNWnRk

— Big Brain AI (@realBigBrainAI) June 15, 2026

The post 📽️ КОГА РОБОТ ЌЕ ПРОСИ ЗА ПАРИ Снимка од Кина ја разбуди дебатата за иднината appeared first on plusinfo.mk.

Владата нема да се откаже од плановите за привлекување инвестиции во дата-центри и покрај критиките што се појавија во јавноста, порача премиерот Христијан Мицкоски.

Тој оцени декамал број поединци се обидуваат на социјалните мрежи да создадат хистерија околу проектите што, според него, треба да донесат нова вредност, нови работни места и технолошки развој.

– Се обидуваме да ја развиваме државата, да создаваме нова вредност и нема да се повлечеме поради малкумина кои создаваат хистерија и мислат дека на тој начин ќе го манипулираат народот – рече Мицкоски.

Премиерот посочи дека дата-центрите се основата врз која се развива вештачката интелигенција и дека светските економии веќе вложуваат огромни средства во овој сектор.

Како пример ја посочи Франција, која во последните години инвестира милијарди евра во вештачка интелигенција и податочни центри, додека САД својот економски раст сè повеќе го темелат токму на современите технологии.

Според Мицкоски, Македонија веќе добила десетици писма со намери од компании заинтересирани за вакви инвестиции, а паралелно се подготвуваат и законски измени што треба да ја регулираат оваа област.

Тој уверува дека критериумите за ваквите проекти ќе бидат строги и усогласени со најдобрите светски практики.

– Ќе застанам зад секој проект, не за еден мегават, не за пет, туку и за сто и повеќе мегавати, кога ќе бидат исполнети сите законски и технички услови – истакна премиерот.

Мицкоски порача дека државата нема да се откаже од современата технолошка економија и дека токму преку вакви инвестиции гледа можност за отворање добро платени работни места и задржување на младите во земјата.

The post БЕЗ ХИСТЕРИЈА, ДАТА-ЦЕНТРИТЕ СЕ ИДНИНАТА Македонија нема да остане настрана од светските текови appeared first on plusinfo.mk.

Денес, на 23 април 2026 година, интернетот слави роденден што засекогаш го промени начинот на кој гледаме, учиме и се забавуваме. Пред точно 21 година, Џавед Карим објави скромно, 19-секундно видео со слонови во зоолошка градина – клипот „Me at the zoo“. Никој тогаш не можеше да претпостави дека токму тие неколку секунди ќе станат темел на една од најмоќните дигитални платформи во историјата – „YouTube“.

Две децении подоцна, светот на видеото изгледа сосема поинаку. Денес, на платформата има над 30 милијарди видеа, бројка што е тешко дури и да се замисли. Ако некој би се обидел да ги изгледа сите, би му биле потребни илјадници животи. Во секоја минута се додаваат околу 500 часа нова содржина, што значи дека интернетот никогаш не престанува да создава, да информира и да забавува.

Но, зад тие бројки стојат и имиња што ја обликуваа културата на цела една генерација. Видеото „Baby Shark Dance“ стана најгледаниот клип во историјата, надминувајќи ги и најголемите музички ѕвезди.

Во меѓувреме, нови „кралеви“ на платформата се појавија – меѓу нив и „MrBeast“, кој со стотици милиони следбеници веќе не е само креатор, туку цела медиумска индустрија. Со околу 478 милиони претплатници, неговото влијание одамна ги надмина рамките на интернет-забава.

„YouTube“ денес не е само место за видеа – тоа е економија сама по себе. Креаторите заработуваат преку реклами, спонзорства и нови алатки што овозможуваат директна продажба на производи преку видеата. Од детски канали како оној на Рајан Каџи до глобални брендови изградени од нула, приказните за успех се бројат во стотици милиони долари. Истовремено, платформата се менува – кратките видеа носат масовна гледаност, но подолгите формати сè уште се оние што носат вистинска заработка и влијание.

Денес, „YouTube“ е многу повеќе од забава. Тој е училница, медиум, пазар и сцена за глобални приказни. Од 19 секунди во зоолошка градина до милијарди прегледи секој ден, оваа платформа стана дигитален ретровизор на човештвото – место каде што светот се гледа, слуша и памети.

The post ОД 19 СЕКУНДИ ДО СВЕТСКА ИМПЕРИЈА „YouTube“ слави 21 година од првото видео appeared first on plusinfo.mk.

Регионалната интеграција на платните системи влегува во нова фаза – земјите од Западен Балкан започнаа процес за воспоставување заеднички систем за инстант плаќања, по модел на Европската централна банка. Новиот систем, наречен „клон на ТИПС“, ќе овозможи парите да се префрлаат сигурно и веднаш, во кое било време – преку ден, но и за викенди и празници. Ова претставува чекор кон создавање единствен платежен простор кој ќе ги поврзе балканските земји со европскиот финансиски екосистем.

Инстант плаќањето овозможува парите да се префрлат од една сметка на друга за само неколку секунди, без разлика дали е викенд, празник или полноќ. Системот што го воведуваат земјите од Западен Балкан е направен по европски модел и ќе овозможи трансакциите меѓу земјите во регионот да се извршуваат веднаш, исто како во земјите на Европската Унија.

Темата е во фокусот на 16. Конференција за плаќањата и пазарната инфраструктура, што на 28 и 29 октомври ќе се одржи во Охрид, во организација на Народната банка и Централната банка на Холандија. Настанот, со мотото „Преповрзување на плаќањата за дигиталната ера“, ќе собере експерти од централни и деловни банки, финтек-компании и меѓународни финансиски институции.

Посебен акцент ќе биде ставен на придобивките од приклучувањето на Северна Македонија кон Единствената област за плаќање во евра – СЕПА, заедно со Албанија, Црна Гора и Молдавија. Гувернерот Трајко Славески ќе дискутира со своите колеги од регионот за тоа како овие нови системи ќе ги олеснат трансакциите за граѓаните и компаниите и ќе го забрзаат патот на регионот кон европскиот пазар.

Банките ќе ги презентираат и првите резултати од почетокот на трансакциите преку СЕПА, кои стартуваа на 7 октомври. Ќе се разгледаат ефектите врз трошоците и конкуренцијата, како и подготвеноста на банкарскиот сектор за дигиталната трансформација што следи.

Конференцијата ќе се одвива на англиски јазик, а јавноста ќе може да ја следи во живо на YouTube-каналот на Народната банка. Според најавите, овие чекори претставуваат значаен исчекор кон модернизација на финансискиот систем и побрзо вклучување на регионот во европскиот пазар.

The post ПАРИТЕ ЌЕ „ЛЕТААТ“ ОД ЕДНА НА ДРУГА СМЕТКА ЗА НЕКОЛКУ СЕКУНДИ Западен Балкан гради „клон“ на европскиот систем за инстант плаќања appeared first on plusinfo.mk.

Според Маџов, за да успеат стартапите не е доволен само државниот Фонд за иновации кој е многу активен изминативе години. Потребно е да се вклучи приватниот сектор со зголемена понуда и да постои еко-баланс со домашните корпорации, бројни домашни и странски инвеститори, но и со државата. Тој ни објасни што е equity финансирање (инвестирање во удели) смарт финансирање, што е crowd-funding, зошто е неопходно да имате одржлив модел, а не само фирма во која некој ангел-инвеститор ќе вбирзга почетни пари.

Стартап Македонија е формирана во 2016 година од лица кои директно биле вклучени во стартап-сцената. Повеќе од една година е активна платформа на која може да се најдат над 150 регистрирани стартапи и над 40 понудувачи на услуги. Се проценува дека бројот на стартап-компании кои развиваат продукти за локален или за странски пазар и реално функционираат кај нас е повеќе од 300.

Што е стартап компанија и како да се препознае?

 – За нас стартап е млада компанија која развива иновативен продукт или услуга, физички или ИТ-продукт, која што внесува иновација и има голем потенцијал за раст (скалира). Скалирање значи неколкукратно зголемување на вредноста на компанијата за краток временски период и оттаму и стартапите се тесно поврзани со ИКТ секторот. Делот на скалирање ни е особено битен бидејќи голем број компании креираат продукт кој има ограничена можност за раст.

Во вашиот манифест пишувате дека сакате Македонија да биде стартап-hub. Како мислите дека тоа ќе се развива во следните 10-15 години и дали е остварливо?

 – Ова потекнува од нашата визија каде сакаме да ја видиме земјата. Скопје пред неполни две години беше на списокот на најперспективни градови за ИТ-решенија од страна на Еmerging Europe и навистина во делот на cost effectiveness се чувствува големиот наплив на ИТ-компании кои ја идентификуваа Македонија да им биде база од која понатаму ќе го шират својот продукт. Затоа, дефинитивно се сложуваме со реториката дека Македонија е една од најодличните локации за развој и тестирање на tech-решенија во регионов, поради пристапот до таленти, cost of living, пристапот до Европа, добра храна и гостопримлив народ што ја прават таа погодна средина. Она што значајно работиме е не само да ги привлечеме туку да останат да растат и заедно со локалната заедница ко-креираат решенија со клиенти низ целиот свет.

Што е тоа што недостасува во нашата стартап средина?

  зголемување на степенот на дигитализација на администрацијата, поголемо вклучување на универзитетите и истражувачите во бизнисот и непречено да се развива пристапот до финансии во сите фази на раст на една компанија. Не можеме со децении да се потпираме дека „имам познат во X, ќе ни среди“. Со зголемената дигитализација се намалува и корупцијата, а со тоа и довербата во процесите.
Во делот за пристап до финансии тоа маргинално го покрива Фондот за иновации, но работиме значајно на пристапот на финансии од страна на комерцијални, односно приватни иницијативи: venture capital фондови, ангел-инвеститори и останати алтернативни извори на финансирање, како и активно вклучување на банките коишто се незаменлив дел од екосистемот.

Кои се инвеститори во овој фонд и може ли да инвестира кој било граѓанин на Македонија?

 – Ваков вид фондови ги обезбедуваат своите средства од извори како што се Европската развојна банка, Светска банка, од европски развојни агенции, фонд на фондови, регионални и локални корпорации, инвестициски и пензиски фондови кои би биле т.н. limited партнери и многу поретко од државни средства и физички лица. Доколку сакаат и физички лица да инвестираат тоа можат директно да го направат како ангел-инвеститори доколку имаат поголем износ на расположливи средства (3.000 евра и повеќе) кои сакаат да ги инвестираат во стартапи и тука може да им помогнеме со приклучување во некои од ангел-мрежите или директно да ги поврземе со стартапи. За оние кои сакаат да почнат со помали износи тука се појавува другата форма на инвестирање, т.н. crowd-funding, практично групно инвестирање преку здружување на многу мали инвеститори кои сакаат да помогнат некоја иновативна идеја да се реализира или постоечки бизнис да порасне. Во светот постојат многу вакви платформи, а кај нас е достапна преку соработката на Македонска и Хрватската берза и естонската crowdfunding платформа founder beam. Ова беше овозможено пред една година и конечно пред извесно време ја отпочнаа првата кампања во стартапот КIMO во која ќе може да инвестира кој било несофистициран инвеститор со износи од 150 евра.

Можете ли да издвоите некои успешни приказни за стартапи во Македонија?

 – Многу е неблагодарно кон компаниите е затоа што кажавме дека работиме со 150 компании, плус повеќе од 30 компании од founders-клубот. Би издвоил некои и од помладите и од постарите компании. На пример, InPlayer e компанија со околу 200 вработени и монетизира од различни спортски настани. Направија бум во време на короната и минатата недела прославија десет години постоење во рамки на ГНП. Со нив работевме 5-6 години за да можат да дојдат каде што се сега. Уште го паметам денот кога беа 10-20 луѓе. Oд поголемите не треба да ги заборавиме EmbedSocial, Microtica, Grouper, Gsix, Brainster, Cognism, Slice и други кои дадоа значаен придонес во изминативе години на локалниот стартап екосистем во своите почетоци

А некоја од ултра-младите компании?

 – Од друга страна имаме многу млади компании и луѓе со нова енергија кои допрва влегуваат во стартап-светот, а веќе со големи успеси. Ја објавивме првата pre-seed инвестиција од 500 милиони евра на еден млад тим кој се вика Howitzer. Дечките имаат 22 години, буквално газат, прават решение кои им е потребно на глобалните маркетери. Тука се и Influencers Club, Konceptiva, UpShift, Fitkit, Aircare Finkup, ги има премногу. Но, најубаво би било нивните приказни тие лично да ги раскажат во медиумите. Моќна беше и приказната на македонско-американскиот стартап Upshift, кој веќе е блиску до нова инвестиција и за многу брзо го дуплираше својот тим.

Значи имаме инвестиции и од пола милион евра за наши компании?

 – Имаме инвестиции во стартапи од 500.000, па и од 20 милиони евра. Но, треба да се знае дека инвестицијата е дадена на претходни успеси и „ветувањето“ кое некој од основачите го дал, а инвеститорот поверувал во неговата приказна. Дали навистина компанијата вреди толку многу и колку ќе постигне, само времето ќе каже. Имаме примери со компании кои стигнале до unicorn статус (компанија вредна една милијарда), а потоа пропаднале бидејќи не било сѐ онака како што го претставувале. Затоа во Македонија сакаме да креираме екосистем и да градиме компании на здрави нозе кои решаваат вистински проблеми.

 Кои се идните планови на Стартап Македонија?

 – Во моментов работиме на Expand Macedonia програмата која им помага на компаниите да излезат на јапонскиот и на германскиот пазар, а ќе следат вакви слични програми за други пазари. Ќе работиме со што помлада популација за да ги поддржиме стартапите во раната фаза и да ја креираме новата генерација на претприемачи. Интересен е и проектот „Корпоративна иновативност“ во којшто седум македонски корпорации Телеком, Тиквеш, НЛБ Банка, Алкалоид, ИТЛабс и слични на нив покажаа интерес да работат со стартапите, да користат нивни решенија, така што сме отворени да бидеме медијатор меѓу старатпите, корпорациите, државата и инвеститорите.

The post МАКЕДОНСКИТЕ СТАРТАПИ ПОЧНУВААТ И СО ПОЛА МИЛИОН ЕВРА Време е да ги задржиме дома appeared first on plusinfo.mk.

Плусинфо зборуваше со Симона Чаминска, национален координатор на Глобалната мрежа на претприемништвото. Македонија е на пат да биде европска жешка точка, или хаб на нови идеи, а патот е полн предизвици. Според Чаминска, не е тајна дека бизнисите секогаш бараат стабилна почва и закони, предвидлива бизнис-клима, но и правично судство кое би можело да ги заштити. Но, тоа не ги предомислува младите од Скопје, Тетово, Гостивар, Дебар, практично од десетина градови да ги прават првите чекори во новата дигитална македонска економија.

Таа ни открива дека сите стартапи имаат свој збор на настанот, а често се зборува за иднината: како ќе изгледаат работните места, каков тогаш ќе биде протокот на средствата, како стартапџиите да се образуваат … и фактот дека сè повеќе жени стануваат и треба да бидат на челните места во компаниите.

Иако имаме извонредни приказни на жени-претприемачи, само третина од бизнисите во земјава се управувани од жени, а таа вели дека тоа може значително да се подобри.

ГНП кај нас се случува повеќе години наназад. Имате амбициозна програма од 45 настани, гости од странство и „пијалак со претприемач“ каде бизнисмените си ги кажуваат маките и своите патешествија. Што го одбележа овогодишниот настан?

Всушност ГНП се случува од 2007 година наваму, прво во организација на ПСМ Фондација, додека во улога на домаќин од 2018 година наваму се јавува Стартап Македонија. Оваа година, како организатори се обидевме да интегрираме и теми од областа на иновациите, футурустички теми, разни технологии и да отстапиме доволно простор на сите партнери од екосистемот да ги промовираат програмите и проектите на кои работат, со цел да се обезбеди поголема размена на информации меѓу посетителите на настаните и самите партнери. Стартап Македонија оваа година посвети внимание на тоа како ќе изгледаат работите (работните позиции) во иднината, па во организација со Македонски Телеком АД Скопје и ИМЕ Програмата поддржана од Швајцарската Агенција за Развој и Соработка организираа настан каде имаше три панел дискусии предводени од Академијата, Неформалните академии и тренинг центри и приватниот сектор за тоа како од нивна перспектива ќе се менуваат работните позиции во иднината, со цел да се доловат некои очекувања и отворат перспективи за присутните за она што би можела да го донесе иднината. Други настани кои беа многу интересни опфатија теми поврзани со социјалното и женското претприемништво, претприемачко образование, промоција на младинско претприемништво и секако пристап до финансии.

Македонија има 60-тина стартапи, односно толку учествуваат на настанот. А сите се од десетина различни градови. Што најмногу им треба на нашите млади бизнисмени: контакти, финансии, меѓусебно вмрежување, поддршка од државата? Како политичката ситуација на Балканот влијае на стартапите?

Најчесто, стартапите и претприемачите кои земаат учество на ваков вид иницијативи и настани, но и сите останати заинтересирани лица, се мотивирани од тоа да остварат што е можно повеќе контакти, да разменат искуства, да запознаат потенцијални инвеститори и дури и да запознаат лица кои подоцна би ги зеле во рамки на своите тимови. Оттука, не постои една и единствена алатка или тип на помош која би им била од корист, туку се работи за комбинација од потребни ресурси зависно од степенот на зрелост на компанијата. Природно, политичката ситуација има влијание врз стартапите од аспект на тоа дека не секогаш може да се планираат покрупни инвестиции во држави каде има несигурна регулаторна клима и претприемачите не се сигурни дали законите кои важат во моментот, ќе важат и во периодот кој непосредно следи, како и имаат сомнежи околу добивањето ефективна и ефикасна судска заштита во случај да е тоа неопходно. Оттука, што постабилна политичка клима, тоа посигурни инвестиции и поохрабрени стартапи за развивање на иновативни решенија.

Малку терминологија за читателите. Што се стартапи, што акселератори, а што мали и средни бизниси?

Стартапи се млади (новоосновани) компании кои за свој производ имаат иновативна идеја или услуга, користат нов или дисруптивен вид технологија и претставуваат високоризични компании за привлекување на инвестиции. Согласно Законот за Иновациска Дејност, акселераторите се субјекти кои даваат инфраструктурна поддршка за забрзување на успешниот раст на старт-ап претпријатијата во нивната рана фаза на развој, преку обезбедување на низа на потребни ресурси и услуги, а пред сè преку вложување и стекнување на сопственост во истите. Мали и средни претпријатија (бизниси) се компании кои согласно Методологијата на Комисијата на ЕУ за класификација на претпријатијата според големината, имаат одреден дел на вработени. Така, малите претпријатија вработуваат до 50 вработени, додека средните до 250 вработени.

Во едно поранешно интервју рековте дека жените, но и сите други треба да бидат инклузивно вклучени во екосистемот за да можеме да функционираме. Имаме ли бројка колку жени и како се вклучени во домашното претприемаштво?

Од исклучителна важност е да се обезбеди целосна интегрираност на жените во бизнис заедницата, за што говорат и успешните политики кои се носат на тоа поле, како што е Националната Платформа за женско претприемништво донесена во Мај годинава во соработка со Владата и Здружението на Бизнис Жени. Претседателката на Здружението на Бизнис Жени г-ѓа Валентина Дисоска, во свое интервју за порталот Иновативност изјави дека генерално состојбата на жените претприемачи е на стаклени нозе бидејќи во услови на здравствена криза, економијата е многу падната, но и дека економската активност на жените е многу падната заради семејните обврски. Според неформални податоци, само околу 30 отсто од претпријатијата во Македонија се во сопственост на жени претприемачки, што секако остава простор за подобрување и дополнително стимулирање на женското претприемништво. Оваа година, програмата на ГНП предвиде два настани за женско претприемништво и тоа споделување на успешни приказни од жени претприемачки во организација на Алумни Асоцијацијата на Школата за млади лидери на Ѓорѓе Иванов и претстојниот настан во петок за дополнителни можности за усовршување на жените во разни области, во организација на Women in Tech Macedonia, Македонија 2025 и Иновативност.

The post ПРЕТПРИЕМАЧИТЕ САКААТ СТАБИЛНА БИЗНИС-КЛИМА Македонските стартапи немаат време за чекање appeared first on plusinfo.mk.