Европската унија од 2027 година планира да воведе дигитален пасош за облеката наменета за нејзиниот пазар. Со него ќе се докажува потеклото на облеката, а податоците за тоа потрошувачите ќе можат да ги видат со скенирање QR кодови или електронски ознаки.

Со скенирање на QR код, потрошувачите ќе можат да проверат дали тврдењата на модната марка за „зелено“ или еколошко потекло на одредено парче облека се точни.

Дигиталните пасоши ќе им кажат на потрошувачите од што е направена облеката, колку енергија, вода и хемикалии се користени за нејзино производство и кој бил вклучен во секоја фаза од нивното производство.

Добавувачите на текстил од Бангладеш, вториот најголем извозник на облека во светот, можеби ќе мора да ја имплементираат почетната верзија на дигитален зелен пасош за облека извезена на европскиот пазар уште во 2027 година, според анализата на Истражувачката служба на Европскиот парламент.

The post НОВИ ПРАВИЛА ЗА ТЕКСТИЛОТ УВЕЗЕН ВО ЕВРОПСКАТА УНИЈА Дигитален пасош ќе кажува сѐ за облеката appeared first on plusinfo.mk.