Аргентинскиот фудбалер Анхел Ди Марија (36) се откажа од трансфер во Росарио откако доби смртни закани.

Ди Марија неодамна се прости од репрезентацијата откако со неа ја освои Копа Америка.

Аргентинецот претходно изјави дека сака да ја заврши кариерата во родниот град откако му истече договорот во португалска Бенфика, но се откажа од враќањето во Росарио поради смртните закани упатени до неговото семејство.

Првите закани биле испратени во март додека беше на подготовки со репрезентацијата во. Тогаш неговата сестра на работа добила кутија во која имало свинска глава со куршум во челото.

„Во кутијата имаше и порака дека следната глава во кутијата ќе биде на мојата ќерка Пиа“, откри Ди Марија. „Тие месеци беа страшни, можевме само да седиме и да плачеме“, додаде тој.

Аргентинските власти ги опишаа заканите што Ди Марија ги добил како обид за демонстрација на моќ од криминалните организации во Росарио, каде што има зголемување на насилството поврзано со дрога и банди.

Поранешниот напаѓач на Реал Мадрид и Манчестер Јунајтед сега е слободен играч откако ја напушти Бенфика и пропадна трансферот во Росарио.

Ди Марија кариерата ја започна во Росарио, потоа играше за Бенфика, Реал, Јунајтед, ПСЖ и Јувентус, а од јули 2023 година повторно го облече дресот на Бенфика.

The post НА СЕСТРА МУ Ѝ ИСПРАТИЛЕ СВИНСКА ГЛАВА СО КУРШУМ ВО ЧЕЛОТО Ди Марија го откажа трансферот во Росарио поради смртни закани appeared first on plusinfo.mk.

Анхел Ди Марија ќе го пропушти натпреварот од Лигата на шампионите против неговиот поранешен клуб ПСЖ.

Аргентинецот се повреди на натпреварот од 1. коло од Серија А против Сасуоло (3:0). На 3 септември тој се врати во стартниот состав на клубот од Торино во мечот со Фиорентина (1:1), но беше заменет веќе на полувремето.

Масимилијано Алегри по натпреварот изјави дека 34-годишниот играч за врска бил заменет од претпазливост, но на крајот не влезе во пријавата за мечот со парижаните.

Играчот од средниот ред Леандро Паредес му се приклучи на Јуве откако летово дојде во Пари Сен Жермен на позајмица.

ПСЖ утре ќе му гостува на Јувентус во првото коло од групната фаза во Лигата на шампионите.

The post ДИ МАРИЈА НЕМА ДА ИГРА ПРОТИВ „СВОЈОТ“ ПСЖ Јувентус ќе смета на Паредес appeared first on plusinfo.mk.

Анхел Ди Марија и Алексис Санчез сакаат да се преселат во Барселона. Според „Diario Sport“, играчите ги понудиле своите услуги на каталонскиот клуб, но нивниот трансфер во Барса во летниот преоден рок е малку веројатен. Чави сака да види квалитетни млади играчи во тимот.

Главен претендент за засилување на десното крило на нападот во случај на заминување на Усман Дембеле од клубот е крилниот напаѓач на Лидс, Рафиња.

Во Барса се оптимисти за неговиот можен трансфер, бидејќи играчот е подготвен на сѐ за да биде во каталонскиот клуб на лето. Ди Марија и Санчез се далеку од првите кандидати на листата на можни новајлии во Барса, но во јули клубот ќе види каква ќе биде ситуацијата.

Ди Марија има понуда од Јувентус, но реши да почека одлука од Барселона. Севиља покажува интерес за Санчез, но Чилеанецот засега не се договорил за ништо со клубот од Андалузија и исто така чека одлука од Барса.

Да потсетиме дека Ди Марија го напушти ПСЖ и сега е во статус на слободен агент.

Договорот на Санчез со Интер е до летото 2023 година. Претходно беше објавено дека италијанскиот клуб ќе се раздели со него. Двајцата играчи веќе играа во шпанското првенство. Санчез играше за Барселона од 2011 до 2014 година, додека Ди Марија играше за Реал Мадрид од 2010 до 2014 година.

The post ДИ МАРИЈА И САНЧЕЗ Ѝ СЕ ДОДВОРУВААТ НА БАРСА Чави сака млади играчи, а не ветерани? appeared first on plusinfo.mk.

Уште тројца играчи на Пари Сен Жермен се заразени со ковид-19, објави францускиот шампион.

Иако ПСЖ не го објави идентитетот на заразените играчи, францускиот „Екип“ наведува дека позитивни резултати имале Маури Икарди, Маркињос и Кејлор Навас.

Пред два дена беше објавено дека има три случаи на заболени во тимот, а истиот весник објави дека Нејмар, Анхел ди Марија и Леандро Паредес се заразени со корнавирус.

ПСЖ го игра натпреварот од второто коло во Лига 1 на 10 септември на гостувањето кај Ленс.

The post Уште тројца играчи на ПСЖ се позитивни на ковид-19 appeared first on plusinfo.mk.

Францускиот шампион ПСЖ денеска пријави три позитивни теста на ковид-19, а иако европскиот вицепрвак се обиде да ги задржи во тајност имињата, угледните француски медиуми веќе ги открија фудбалерите кои имаат коронавирус.

„Лекип“ и уште неколку респектабилни медиумите уште вчера објавија дека Аргентинците Анхел Ди Марија и Леандро Паредес имале прв позитивен тест на ковид-19, а најновото тестирање во листата придодало уште едно големо име.

Нејмар е третиот позитивен случај во редовите на ПСЖ, тим кој беше ослободен од настапи во првите две кола во француската Лига 1 поради учеството во Лигата на шампионите до самиот крај.

– Тројца играчи на ПСЖ се позитивни на тестовите на ковид-19 и веќе се сместени во изолација и се под надзор на соодветен здравствен протокол. Сите останатите играчи и персоналот ќе продолжат редовно да се тестираат во наредните неколку дена – гласи објавата на „светците“.

Со оглед на тоа што ваквата информација пристигнува само десет дена по големото финале во Лигата на шампионите, секако не се исклучува можност за повеќе заразени во редовите на ПСЖ, но и во противничкиот табор на Баерн Минхен.

The post Нејмар и Ди Марија се меѓу тројцата заболени со ковид-19 во редовите на ПСЖ appeared first on plusinfo.mk.