Американскиот претседател Доналд Трамп објави монтирано видео на Truth Social во кое кралот Чарлс е прикажан како рамнодушен кон работник кој се онесвестува пред него. Снимката е дел од триминутна монтажа во која светски лидери се прикажани како ги игнорираат луѓето во неволја или не покажуваат доволно почит, додека Трамп е претставен како „претседател на народот“.

Во делот со Чарлс е искористена снимка од јули 2020 година, кога тој сè уште бил принц од Велс. За време на посетата на дистрибутивен центар на супермаркетот Asda во Бристол, еден од вработените разговара со него, почнува да се ниша и ненадејно паѓа наназад. Во верзијата што ја објави Трамп, снимката е скратена така што изгледа дека Чарлс само ги кренал рацете, а потоа ставил рака во џебот и си заминал.

President Trump has shared an edited video clip of the King and other world leaders in an apparent effort to make them appear uncaring, in contrast to him.

A clip of a supermarket worker fainting in front of Charles six years ago, when he was the Prince of Wales, appears in a… pic.twitter.com/f2oogpUmx1

— The Times and Sunday Times (@thetimes) September 8, 2026

Меѓутоа, целосната снимка покажува дека реакцијата на тогашниот принц била сосема поинаква. Чарлс ја испружи раката во обид да го фати работникот додека паѓа, а потоа остана во близина додека му даваат медицинска помош на работникот. Дури откако било потврдено дека човекот е добро, Чарлс се оддалечил. Работникот набрзо се опоравил и повторно разговарал со него.

Инцидентот се случил на 9 јули 2020 година, во периодот на пандемијата на коронавирусот. Чарлс и Камила тогаш ги посетиле вработените во дистрибутивниот центар за да им се заблагодарат за работата во услови на зголемен притисок врз синџирот на снабдување. Според тогашните извештаи, работниците работеле дополнителни смени, одложувале одмори, а некои дури се вратиле од пензија за да помогнат во одржувањето на снабдувањето со храна.

Од Asda тогаш соопштиле дека работникот бил добро по краткото онесвестување и дека по неколку минути се вратил и продолжил со посетата. Причината за онесвестувањето не била утврдена. Во оригиналните извештаи се наведува и дека работникот подоцна повторно се сретнал со Чарлс, се насмеал и му рекол: „Ви благодарам многу, господине“.

Во истата монтажа на Трамп се појавуваат и други политичари. Францускиот претседател Емануел Макрон е прикажан како минува покрај припадник на обезбедувањето кој се онесвестил, додека поранешните американски претседатели Џо Бајден и Барак Обама се претставени во неповолно светло поради снимки од различни настани. Наспроти нив, Трамп е прикажан како поздравува војници и полицајци, им оддава почит на загинатите и се однесува грижливо кон ветераните.

Објавувањето на снимката е особено интересно бидејќи Трамп неодамна зборуваше позитивно за Чарлс. Минатата недела тој рече дека има „добар однос“ со британскиот крал и го опиша како „храбар“ и „фантастичен човек“. Трамп воедно ги критикуваше принцот Хари и Меган Маркл, велејќи дека покажале големо непочитување кон кралското семејство.

Не е јасно дали Трамп бил свесен дека делот со Чарлс е исечен на начин што ја менува сликата за неговата реакција. Британските медиуми посочуваат дека целосната снимка директно го побива впечатокот што го создава монтираната верзија.

The post 📽️ ТРАМП ОБЈАВИ МОНТИРАНО ВИДЕО СО КРАЛОТ ЧАРЛС Целосната снимка покажува што навистина се случило appeared first on plusinfo.mk.

Министерството за образование и наука не доделило државна стипендија на синот на пратеникот Антонијо Милошоски, изјави денеска министерката за образование и наука Весна Јаневска, одговарајќи на новинарско прашање во врска со гласините дека синот на пратеникот добил државна стипендија од МОН за студирање во странство, на универзитет во Мадрид.

Јаневска, одговарајќи на новинарско прашање за време на настанот за поставување камен-темелник за изградба на нова спортска сала во ООУ „Братство“, рече дека нејзиниот потпис стои на стипендиите за студии на најдоброрангираните, односно шангајски универзитети, но оти меѓу нив не се наоѓа името на Милошоски.

– Не знам што сè се пишува по социјалните мрежи. Мене ми е многу жал да кажам дека на нашите социјални мрежи има многу лажни вести. Јас лично ги потпишувам стипендиите за шангајските универзитети, најдобрите. Името Милошоски, односно презимето Милошоски, не е потпишано. Оттука сметам дека ова е апсолутно лажна вест и злоупотреба на името на пратеникот. Значи, Министерството за образование и наука не доделило стипендија на синот на Антонијо Милошоски – истакна Јаневска.

The post СИНОТ НА АНТОНИЈО МИЛОШОСКИ НЕ ДОБИВА СТИПЕНДИЈА ОД МОН Министерката Јаневска вели дека се шират лажни вести appeared first on plusinfo.mk.

СДСМ и актуелното раководство никако да почнат барем малку да личат како сериозна опозиција, рече денеска пратеникот на ВМРО-ДПМНЕ, Бране Петрушевски.

– Претседателот на СДСМ, Венко Филипче е на Егејот заедно со својот другар Зоран Заев, но влијае на оние кои ги остави тука, односно, им дава насоки за ширење дезинформации. Овој пат дезинформациите и лагите се од огромни размери, односно, создадоа паника кај граѓаните на Скопје. Со последната лага дека водата во Скопје е небезбедна, Филипче и актуелното раководство на СДСМ си поиграа дури и со здравјето на граѓаните – рече Петрушевски.

Надлежните институции веднаш реагираа, ја демантираа веста со факти, а Министерството за внатрешни работи започна истрага кој е креаторот на хаосот и паниката, додаде тој.

Институциите се на потег за расчистување на случајот, порача Петрушевски.

– За разлика од актуелната власт предводена од ВМРО-ДПМНЕ која се грижи за граѓаните од секој аспект, СДСМ на Заев и Филипче очигледно е дека прават само штети. Ширењето лаги и крерањето атмосфера на паника и хаос, како и одењето на ексклузивни одмори се единствена работа која Филипче и актуелното раководство знаат да ја прават и тоа е нивна специјалност. Филипче и СДСМ треба да прекинат со лагите кои во овој случај се и крајно сериозни. Час поскоро Филипче и СДСМ треба да сфатат дека овие нивни обиди за лаги и ширење паника им нанесуваат штета само ним – рече Петрушевски.

The post СДСМ И ФИЛИПЧЕ НИКАКО ДА ЗАЛИЧАТ НА СЕРИОЗНА ОПОЗИЦИЈА Ги бива само за лаги и за скапи летувања appeared first on plusinfo.mk.

Мароканската влада ги обвини дезинформациите на социјалните мрежи и мрежите за трговија со луѓе дека стојат зад масовниот бран мигранти кои последните денови влегоа во шпанската ексклава Сеута.

Според мароканското Министерство за внатрешни работи, лажни информации објавувани на социјалните мрежи, активностите на криумчарските групи и погрешното толкување на одлука на шпански суд ги навеле мигрантите да поверуваат дека можат да влезат во Европа без веднаш да бидат вратени.

Според официјални проценки, меѓу 50.000 и 60.000 мигранти влегле во Сеута од Мароко до петокот, пристигнувајќи во град со околу 85.000 жители за само неколку дена.

Мароканските власти, пак, соопштија дека околу 40.000 лица влегле во Сеута, додека уште 1.135 се обиделе да стигнат до Мелила. Според нив, сите што пристигнале во Мелила веднаш биле вратени.

Во меѓувреме, постојат различни информации и за бројот на жртвите. Мароко соопшти дека загинале 11 лица, додека шпанските власти наведуваат дека најмалку 72 мигранти го загубиле животот при обидот да стигнат до Сеута, пренесе ДПА.

Мароканските власти соопштија дека продолжуваат да соработуваат со Шпанија за проверка на извештаите за дополнителни жртви, како и за утврдување на идентитетот и националноста на загинатите.

The post МАРОКО ДЕМАНТИРАШЕ ВМЕШАНОСТ И ПОСОЧИ ВИНОВНИЦИ Криумчари и дезинформации зад масовниот влез во Сеута appeared first on plusinfo.mk.

Портали поврзани со Бугарија тераат хибридна кампања и шират дезинформации во македонскиот сајбер-простор, вели заменик шефот на македонската дипломатија од Луксембург. Зоран Димитровски обраќајќи се на Советот за европска демократија порача дека Владата презема мерки поради оваа појава.

– Во изминатиот период се соочуваме со засилени и сериозни дезинформациски и хибридни активности кои доаѓаат од структури и медиумски платформи поврзани со нашиот источен сосед и имаат за цел да ја поткопаат довербата во институциите, да го поткопаат нашиот идентитет и да создадат поделби во општеството – нагласи Димитровски и ја потврди подготвеноста на Македонија да се справи со хибридни закани и странски влијанија.

Тој истакна дека манипулациите и странските влијанија во информацискиот простор денес претставуваат една од најсериозните закани за демократската безбедност, со потенцијал да создадат поларизација, да ја нарушат довербата во институциите и да ги поткопаат демократските процеси, особено изборите.

Во своето обраќање, Димитровски ја поздрави иницијативата за воспоставување на Европскиот штит за демократија и Европскиот центар за демократска отпорност, оценувајќи дека тие претставуваат важен чекор во зајакнувањето на демократските институции, заштитата на изборните процеси и справувањето со странското влијание и хибридните закани.

Состанокот во Луксембург беше посветен на иницијативата „Европски штит за демократија”, а беше организиран од Кипарското претседателство со Советот на Европската Унија и Европската комисија.

На дискусијата учествуваа министри од земјите кандидатки и потенцијалните кандидатки за членство во Европската Унија, при што беа разгледани можностите за продлабочување на соработката во рамките на Европскиот штит за демократија, како и придобивките од заедничките активности за зајакнување на демократската отпорност.

Во фокусот на разговорите беа прашањата поврзани со заштитата на интегритетот на информацискиот простор, зајакнувањето на демократските институции, слободните и фер избори, независните медиуми, како и зголемувањето на општествената отпорност и граѓанското учество.

The post ПОРТАЛИ ПОВРЗАНИ СО БУГАРИЈА ВОДАТ КАМПАЊА ПРОТИВ МАКЕДОНСКИОТ ИДЕНТИТЕТ Владата презема мерки против хибридни закани appeared first on plusinfo.mk.

Просто е неверојатно како кај нас сѐ може да се постави наопаку, наглава, дури и најнормалните нешта што инаку функционираат кај сите други – да не речам нормални – кај нас одамна тиштат како здодевна забоболка. Дури и нормалноста на насловот на колумната на Виктор Грозданов дека „Индустријата носи пари, а политикантството ’трачарење’“ кај нас е обратна: „трачарењето“ носи пари а индустријата никој не ја ферма! Очигледно ние не сме ни свесни какви пари „се вртат“ во државава кога толкава полуписмена толпа самонаречени интелектуалци може удобно да живее токму од – „трачарење“.

Само треба да добијат шлагворт, актуелен рефрен, и хорот на трачерите да започне да завива. Еднаш тоа се евроинтеграциите, па „Safe City“ (уште од кога се спомна како можност), па екстрадицијата на пребегон од Будимпешта, па (нормално) Делчев, сега вриежот на границите кон Грција… Ако пак почнете да бележите што ни помина прекуглава во изминативе две години, ќе треба поприлично простор. И нерви.

Но, интересно е како темите само се отвораат, се „пумпаат“, и потоа – штама. Нема завршница зашто биле токму напумпани – на пример онаа со бајатите изјави на земјоделецон од Виена на кои се налепи цела „опозиција“, а веднаш ја „заборавија“ кога нештата ги појасни самиот Вајц.

Впрочем, како прилог кон сето ова го гледам и енормниот наплив на онлајн медиуми, поткасти и др., од коишто најголемиот број служат токму за – „трачарење“. А тоа, трачарењето, во најголем процент се сведува на непријатни, непристојни, неточни или полувистинити… напади врз актуелната власт. Иако останува ноторниот факт дека најголемиот дел од нив – ако не баш сите – зрачат со завист завиткана во светликавата хартија на тенденциите за „високоумно“, а најчесто високопарно и тесноумно (да не речам малоумно!) политичко – поточно политикантско! – мудрување. Или „трачарење“, како сакате.

На пример, и по којзнае кој пат настрвени да го дефамираат „безбеден град“ бидејќи тие од крадење не стигнаа ништо да направат, опозицискана секта сега сака да нѐ убеди дека добивањето лажни пораки за наводни прекршоци како „нова голема измама преку системот што владата го промовираше како ’безбеден’“ е нешто невидено. И, демек, поентираат дека власта не може да ги заштити податоците и системот од надворешни напади и измами. Типично трачарење од група слепци кои не успеаа да го заштитат ни својот премиер од хакерски упад на двајцана украинци кои го направија резил пред светот! Најзаштитените системи во светот, меѓу нив на нато (малите букви се…), на тајни служби, на огромни корпорации и банки… биле пробивани низ такви упади, та сега „безбеден град“ бил некаков страшен исклучок! Примитивни блефери.

Како што впрочем е и користењето на актуелната состојба со почетокот на летните метежи на границите кон туристичките дестинации благодарејќи на „мудрата“ (EES) политика на еу за, како што вели еден „трачер“, „контрола на сопствените граници“! И можеби тоа е навистина (и) тоа – „контрола на сопствените граници“ – но замислете сега и ние да воведеме сличен систем па сите патници од земјите од еу на нашите граници да минуваат низ таков систем на „контрола на сопствените граници“. Можете да претпоставите што би пишувале овие и вакви трачери, како би врескале по власта и со какви имиња би ги нарекувале?

А сепак, зарем тоа не би била некаква форма на доследност кон еу политките и, како што вели трачерот, борба за „европската реалност“ и „владеење на правото“?! А оној од сектана му терцира дека повикот за летување дома е повик за изолација а не е причина системот што им го воведува љубимата еу. Или слепциве навистина ли мислат дека EES е наметнат од Мицковски и Вучиќ?!

За жал, тие и такви зборови, како впрочем и поимањето на демократијата, кај нас (им) служат само за „премерување на дворот“ на другиот. Зашто, на пример, како е можно ниеден, ниту еден од силниве демократи и оние „загрижени“ универзитетски „професори“ стегнати во идеолошкото менгеме на глупоста да не кажат ни збор за начинот на избор на старо-новата ректорка на уким (малите букви, особено после тоа, се реален одраз на академската свест на таа фела таму!)? Во изминативе три децении повеќе од половина универзитет се тркалаше низ највисоките функции во државава продавајќи ни некакво слово за демократијата, ама кај нив дома тие прават избори со некакви математички формули! И не победува оној со најмногу гласови туку со – најмногу поени. Собирани којзнае каде, можеби низ ходниците на факултетите? А после цела држава се чуди зошто ваквите шапшали ги нема на Шангајската листа!

Впрочем, нивната свест за демократија е еднаква како и онаа за автократија, која што ја гледаат само кај другиот, но не и во нивното идеолошко трло. Токму овие заробени трачерски умови ниту еднаш не напишале збор за партиската суроица во рацете на нивниот врховен газда, за власта што тој ја има и дебело ја практикува во сите пори на нивната партија. Меѓу другото, кога веќе говорат за тенденцијата за автократско владеење кај сите други во државава, навистина ли забораваат на султанскиот тип на хиерархија во нивното идеолошко трло, каде „лидеро“ дури именува и разрешува претседатели на општинските организации и претседател на градската организација на Град Скопје? Ама сепак, во интерес на „демократската“ маска, распишуваат отворен повик за самокандидирање за претседатели на општински организации?

Или, како истиот „лидер“ и неговите пулени експерсно разрешуваат членови кои отворено се спротивставуваат на актуелните ступидни и недемократски политики на сектата, но скандалозно молчат за мизерноно „мудрување“ за Делчев на член на нивниот Извршен одбор? Или и тие така мислат?

Па поголема фарса од тоа има ли?! И не ли ги здоболува тој идеолошки јарем околу главата?

The post Заробени до болка умови appeared first on plusinfo.mk.

Репортери без граници (RSF) ја рангираше Македонија на 45. место од 180 земји во Индексот на слободата на медиумите за 2026 година. Лани земјава беше на 42 место.

„Иако новинарите не работат во непријателско опкружување, широко раширените дезинформации и недостигот на професионализам придонесуваат за пад на довербата на општеството во медиумите, што ги изложува независните медиуми на закани и напади. Владини претставници имаат тенденција да имаат лоши и понижувачки ставови кон новинарите“, се наведува во образложението на Репортери без граници.

Дезинформации, плагијати, копирање содржини…

„Иако телевизијата е доминантен извор на информации, онлајн медиумите играат важна улога. Сепак, мора да се направи разлика помеѓу професионалните онлајн редакции кои вработуваат новинари и објавуваат авторска содржина, и поединечните портали кои плагијаторски преземаат и само копираат содржини. Исто така, постои голем јаз помеѓу употребата и довербата: најгледаните ТВ станици – Алсат, Сител, МТВ1, Канал 5 – имаат низок индекс на доверливост“, се наведува во текстот.

Организацијата оценува дека целокупниот амбиент останува поволен за слободата на медиумите, но дека владините агенции не се многу транспарентни, а критичкото новинарство сѐ почесто е цел на напади.

„Поради силна политичка поларизација, медиумите можат да бидат под притисок на властите, политичарите и бизнисмените и на национално и на локално ниво. Двете најголеми партии (на власт и во опозиција) создадоа паралелни медиумски системи врз кои го вршат своето политичко и економско влијание. На јавниот сервис му недостасува уредувачка и финансиска независност“, се наведува во извештајот.

Во однос на правната рамка се вели дека иако Уставот ја гарантира слободата на говорот и ја забранува цензурата, земјата бавно го усогласува медиумското законодавство со стандардите на Европската Унија, во која планира да се зачлени. Стратешките тужби против учеството на јавноста (SLAPPs) служат како инструмент за заплашување и притисок врз независните медиуми. Новиот закон со кој повторно се дозволува националните и локалните власти да се рекламираат во приватните медиуми, предизвика загриженост за можно тргување со влијание.

„Иако одредени видови медиумска концентрација се забранети со закон, уредувачките тимови на некои од главните ТВ канали се изложени на економски притисоци од нивните сопственици. Државното финансирање е ограничено и нетранспарентно, а независните медиуми во голема мера се потпираат на донатори. Странските грантови засновани на проекти придонесуваат само за опстанок, но не и за понатамошен развој. Новинарството е многу несигурна професија. Некои медиуми се подложни на тргување со влијание од страна на маркетинг агенциите“, се наведува во извештајот.

Иако нема јасни ограничувања во социјалното и културното опкружување кои влијаат на слободното новинарство, социјалните медиуми и дигиталната сфера генерално го фаворизираат ширењето на дезинформации и сајбер закани. Во комбинација со ниските професионални стандарди, тие придонесуваат за пад на довербата на јавноста во медиумите и го отвораат патот за напади врз новинарите врз основа на пол, етничка припадност или религија.

„Неколку инциденти го намалија чувството на безбедност кај новинарите, вклучувајќи палење на нивен имот и случаи на полициско вознемирување. Од една страна, назначен е специјален обвинител за случаи на напади врз новинари во главниот град, а се разгледува и отворање на слични канцеларии низ целата земја. Од друга страна, новинарите кои известуваат за работата на обвинителите се соочуваат со значителен притисок“, се додава во извештајот.

Норвешка прва, САД паднаа за 7 места

Норвешка десетта година по ред го задржа првото место на ранг-листата, а ја следат Холандија и Естонија. На дното од листата повторно се наоѓа Еритреја, додека меѓу најлошо рангираните се и Северна Кореја и Кина.

Најголемо подобрување бележи Сирија, напредувајќи од 177 на 141 место по падот на владата на Башар ал-Асад кон крајот на 2024 година и последователните политички промени. Најголем пад пак забележува Нигер, губејќи 37 места и спуштајќи се на 120 позиција.

Сите 19 најдобро рангирани земји се во Европа. Меѓу нив, Германија се наоѓа на 14 место, што е пад од три позиции во однос на претходната година, но сѐ  уште е класифицирана во категоријата „задоволителна“.

„Репортери без граници“ забележува влошување на работната средина за новинарите во Германија, вклучувајќи онлајн навреди, закани, кампањи за клевета и зголемена недоверба.

Соединетите Американски Држави паднаа за седум места и сега се на 64 позиција, при што во извештајот се посочува на насилство врз новинари од страна на полицијата и агентите на имиграциската служба, како и намалување на финансирањето на меѓународни медиуми поддржани од САД.

Од регионот, задоволителна е состојбата во Словенија (36) и Црна Гора (41), Хрватска (53) е во групата со „проблематични“, како и Бугарија (71), Албанија (83) и Грција (86). Како „тешка“ се оценува состојбата во БиХ (90) и Србија (104).

Тешка и многу сериозна состојба во целиот свет

За првпат во историјата на Индексот за слобода на медиумите на „Репортери без граници“, повеќе од половина од земјите во светот сега спаѓаат во категориите „тешка“ или „многу сериозна“ состојба за слободата на медиумите.

Од петте индикатори што се користат за оценување на слободата на медиумите во светски рамки (економскиот, правниот, безбедносниот, политичкиот и социјалниот контекст за новинарството), правниот индикатор забележа најголем пад оваа година, бидејќи новинарството сѐ почесто се ограничува преку закони донесени под изговор на борба против тероризам или заштита на националната безбедност.

Само седум земји се оценети како „добра“ средина за новинарите, а тие заедно опфаќаат само еден процент од светската популација.

The post ДЕЗИНФОРМАЦИИТЕ И НЕДОСТИГОТ НА ПРОФЕСИОНАЛИЗАМ ПРИДОНЕСУВААТ ЗА ПАД НА ДОВЕРБАТА ВО МЕДИУМИТЕ Македонија на 45 место на листата на Репортери без граници appeared first on plusinfo.mk.

Полицијата во Украина соопшти дека во текот на денешниот ден примила повеќе од 1.200 анонимни електронски пораки со закани за поставени бомби во државни и локални институции, училишта, компании и банки низ земјата.

Според првичните информации, властите разгледуваат можност дека станува збор за нова дезинформациска операција поврзана со Русија. Полицијата објави на Телеграм дека досега не се потврдени наводите за поставени експлозивни направи.

И покрај тоа, службите постапуваат по секоја поединечна пријава. На посочените локации се испраќаат пиротехнички тимови, полициски единици со службени кучиња, како и истражни и интервентни екипи за проверка на безбедноста.

Властите апелираат до граѓаните да останат смирени и да ги следат официјалните информации додека проверките продолжуваат.

The post ПОВЕЌЕ ОД 1.200 ЗАКАНИ СО БОМБИ ВО УКРАИНА Полиција проверува стотици локации appeared first on plusinfo.mk.

И покрај демантите и јасните факти, СДСМ и Филипче наместо да се извинат за невистините што ги пласираа во јавноста за наводни мигранти во Македонија, продолжуваат со истата реторика и обвинувања, изјави пратеникот од ВМРО-ДПМНЕ Бране Петрушевски.

– Дури и по реакцијата и демантот од британскиот амбасадор во врска со наводите за мигрантски кампови во Македонија, СДС останува на истите позиции, повторувајќи ги истите тврдења како да очекува дека со нивното постојано повторување тие ќе станат вистина. Во меѓувреме, од СДС се обидуваат да ги убедат граѓаните дека никогаш не зборувале за мигрантски кампови, иако токму тие претходно тврдеа дека Македонија се претвора во голем мигрантски камп и црна точка на Европа. И за ова извинување нема – рече тој.

Петрушевски нагласи дека јавноста повторно е сведок на манипулации и политичка деструкција.

– Очигледно е дека ваквиот пристап не им носи резултати, поради тоа што СДС денес е третопласирана партија со околу 130.000 освоени гласови – додаде тој.

The post НАМЕСТО ДА СЕ ИЗВИНИ ФИЛИПЧЕ ПРОДОЛЖУВА СО ДЕЗИНФОРМАЦИИ ЗА МИГРАНТИТЕ Петрушевски вели дека СДСМ тера со истата реторика appeared first on plusinfo.mk.

На социјалните мрежи масовно се шири видео со тврдење дека холандската олимписка шампионка во брзо лизгање, Јута Лердам, наводно доживеала голем пех со костимот (wardrobe malfunction) на Зимските олимписки игри Милано–Кортина 2026. Објавите, како и Фејсбук постовите со сензационалистички наслови, создаваат впечаток за скандалозен инцидент на мразот, но проверката на фактите покажува дека станува збор за дезинформација.

Според фактчекинг анализа објавена од релевантни медиуми, виралниот клип воопшто не ја прикажува Јута Лердам. Напротив, видеото е погрешно припишано и всушност прикажува друга холандска лизгачка – Сузане Шултинг – која паднала и го оштетила тркачкиот костим на настан од Светскиот куп во 2025 година, а не на Олимписките игри.

Дополнителни проверки потврдуваат дека снимката е од натпревар во Хамар, Норвешка, неколку месеци пред Олимпијадата, кога Шултинг паднала во трка на 500 метри и тогаш дошло до кинење на оделото. Овој стар кадар подоцна бил изваден од контекст и повторно споделуван на интернет како наводен „олимписки инцидент“ поврзан со Лердам.

Клучен факт е дека нема ниту еден кредибилен спортски извештај, олимписки билтен или официјален медиум кој регистрирал било каков „wardrobe malfunction“ кај Лердам на Игрите во Милано–Кортина. Во спротивно, таков инцидент би бил широко документиран од големите спортски медиуми, што не е случај. Фактчекинг текстовите јасно наведуваат дека олимписката шампионка не била вклучена во ваков настан.

Можно е причината за виралните фејк снимки од Лердам на Олимпијадата е тоа што таа беше во центарот на вниманието поради спортски успеси, а не поради скандали. Таа освои златен медал на 1000 метри со олимписки рекорд и беше една од најекспонираните спортистки на Игрите.

The post 📷 ТАЗИ ДУПКА НЕ Е ДУПКА НА КОСТУМОТ НА ЈУТА ЛЕРДАМ Виралното видео за хејтање на олимписката шампионка во скијачко лизгање е фејк appeared first on plusinfo.mk.