На видеото се гледа како деветгодишно девојче со лисици на рацете седи во задниот дел на полицискиот автомобил и се чини дека не ги почитува наредбите на полицијата. Лицето на девојчето е заматено на видеото.

– Ајде. Јас ќе те испрскам со пепер спреј, а не сакам, затоа седни. Ајде, ова е последна шанса, инаку ќе те прснам со пепер-спреј во очите. Ајде, ајде да одиме – вели полицајката.

– Го сакам татко ми – плачеше девојчето, а полицајката рече:
– Одам по него.

Друг службеник кажува на девојчето да застане за момент и да земе длабок здив. Потоа се слуша како вреска:

– Те молам, не! Стоп!. Полицајката потоа прска пепер-спреј во лицето на девојчето.

– Ми влезе во очи! Те молам! – извика девојчето, а полицаецот ја затвори вратата од автомобилот, се оддалечи до возилото и додаде: – Неверојатно.

Според локалниот весник „Демократ и хроника“, полицијата била повикана поради „семејни проблеми“ кои вклучуваат и потенцијални кражби на возила. Тогаш им се обратиле родителите на девојчето, кои рекле дека се плашат малолетничката да се повреди себеси и другите. За девојчето се вели дека побегнала од дома пред да биде лишена од слобода во блиската улица.

Полицијата изјавила дека малолетничката била вознемирена и ги удирала полицајците кога ги видела нејзините родители. Потоа и биле ставени лисици заради нејзината безбедност и по барање на нејзините родители, додава полицијата. Детето не соработувало и одбило да ги стави нозете во автомобилот, а припадниците на полицијата морале да реагираат, соопшти полицијата.

Девојчето потоа било пренесено во болница, а подоцна се вратило кај семејството. Во моментов полицијата го истражува инцидентот.

На прес-конференција, заменик-началникот на полицијата во Рочестер, Андре Андерсон, рече дека девојчето „посочило дека сака да изврши самоубиство и да ја убие нејзината мајка“.

Шефот на полицијата во Рочестер, Синтија Хериот-Саливан рече: – Нема да застанам тука и да кажам дека е во ред да се прска пепер-спреј на деветгодишно дете.

Градоначалничката Лавли Ворен претходно изјави дека е загрижена за инцидентот и ѝ нареди на полицијата да спроведе темелна истрага.

– Тоа не е нешто што секој од нас треба да сака да го оправда. Тоа е нешто што мора да го смениме – додаде таа. Неколку членови на градскиот совет рекоа дека се подеднакво шокирани и лути поради начинот на кој полицијата се однесувала кон малолетничката.

NINE?! How afraid of a handcuffed 9 year old girl were they that they needed to pepper spray her? Having been pepper sprayed I can attest that this incident will change her life. There will be accountability for this. https://t.co/BRomWZxvCE

— Mary Lupien (@marylupienroc) January 30, 2021

– ДЕВЕТ! Колку се плашеле од деветгодишно девојче со лисици, па морале да користат и пепер-спреј? По прскањето, можам да потврдам, нејзиниот живот ќе се промени. Некој ќе биде одговорен за тоа – напиша членот на Градскиот совет Мери Лупен на Твитер.

Демонд Микс, пратеник во сојузната држава Њујорк, објави на Твитер дека полицајците треба да бидат отпуштени поради нивното однесување.

The post Америка во шок по снимката од апсењето на девет годишно девојче! И ставиле лисици и ја прскале со пепер-спреј! (ВИДЕО) appeared first on plusinfo.mk.