Постојат повеќе од 200 форми на вродени срцеви заболувања, некои од нив се благи, додека други се опасни по живот. Секој трет од тие пациенти има потреба од лекување или операција во првите денови од животот.

Во минатото, бебе кое се раѓало со сериозна срцева малформација имало мали шанси за преживување. Во денешно време, прогнозата за луѓето со вродени срцеви заболувања е драстично подобрена поради развојот на медицината и технологијата. Со напредни хируршки техники може да се вратат нормалните функции на срцето и да се обезбеди здрав живот за повеќе од 90% од заболените деца.

Центарот за детски срца Аџибадем е еден од оние кои ги менуваат трендовите во педијатриската нега на срцето. Во Центарот работат некои од најистакнатите специјалисти за детска кардиологија и кардиохирургија во Турција и во регионот. Со кумулативно искуство од повеќе од 15.000 педијатриски срцеви пациенти од целиот свет, тие можат да обезбедат опции за дијагноза и лекување за цел спектар кардиолошки состојби, дури и кај најсложените случаи.

Напредни дијагностички алатки за откривање на срцеви абнормалности

Срцевите заболувања кај децата може да бидат вродени или стекнати подоцна во животот. Вродените срцеви мани се најчестите болести забележани кај доенчињата и најчестиот вид вродени мани. Тие се јавуваат за време на развојот на фетусот во утробата на мајката.

За сериозни абнормалности во работата на срцето може да биде потребна итна интервенција, и затоа раното откривање има клучно значење за преживување. Во Аџибадем се користат напредни технолошки дијагностички алатки за да се утврди точната дијагноза. Електрокардиографија (ЕКГ), рендгенска снимка на граден кош, ехокардиографија, трансезофагеална ехокардиографија (ТЕЕ), снимање на срце со магнетна резонанца (МР) и компјутерска томографија (КТ) се главните дијагностички методи за педијатриски пациенти со срцеви заболувања.

Голем напредок во последниве години е можноста за дијагностицирање на срцеви мани пред раѓањето, благодарение на подобрените технологии за пренатално снимање. Ехокардиографија на фетусот е едноставна, неинвазивна дијагностичка метода слична на ултрасонографија и може да се користи по 16-та гестациска недела од бременоста. Овозможува детален преглед на срцето на бебето додека е во утробата, без никаква штета за мајката или за бебето. Доколку се открие каков било проблем, искусниот медицински тим е добро подготвен со план за лекување дури и пред раѓањето.

Целосен спектар на грижа за детското срце и напредни хируршки опции

Некои срцеви мани кај децата може да се третираат без операција. Катетеризацијата на срце е уште едно поле во развој во последните неколку години. Овозможува решавање на некои структурни срцеви мани преку транскатетерски пристап наместо со традиционална операција. Интервентните процедури ја елиминираат потребата од отворена операција. Стеснетите вени или артерии може да се отворат со балон ангиопластика; отворите меѓу срцевите комори може да се затворат, па дури и пулмоналните залистоци може да се заменат со помош на специјални апарати. Во Аџибадем се изведуваат напредни интервентни процедури од мошне искусни детски кардиолози со високи стапки на успешност. Секогаш кога е можно, тие избираат минимално инвазивни пристапи за намалување на болката, период на закрепнување и престој во болница за малите пациенти.

Кога е потребна операција, се користат најновите техники и технологии. Во Центарот за детски срца Аџибадем рутински се изведуваат сите видови детски кардиохируршки операции, со посебен фокус на сложените операции на вродени и неонатални состојби на срцето. Се применуваат отворени или затворени, како и минимално инвазивни методи во зависност од конкретните случаи на пациентите. Софистицираната технолошка опрема им помага на лекарите да дојдат до најдобри можни резултати. Кај одредени пациенти, срцевите аномалии може да се елиминираат и со роботска хирургија. По операцијата, децата се примаат на Одделението за детска интензивна нега, опремено со најнови достапни системи за следење и грижа од искусни специјалисти и медицински сестри.

Обединети за спасување на срцата

За да биде ефективен, не е доволно да биде само хирург од светска класа. На вистински детски кардиохирург му треба тим од добро обучени професионалци од сите поврзани медицински специјалности.

Општо е познато дека сеопфатните услуги обезбедени од мултидисциплинарни тимови во добро опремени специјализирани институции даваат најдобри резултати за децата со срцеви заболувања. Тимовите за грижа на детските срца од болниците „Аџибадем Бакиркој“ и „Аџибадем Атакент“ во Истанбул вклучуваат искусни лекари по педијатриска кардиологија, детска кардиоваскуларна хирургија, анестезија и интензивна нега, снимање и радиологија на срце, неонатологија и рехабилитација. Сите вложуваат повеќегодишни напори за подобро да ги разберат специфичните физички и емотивни потреби на малите срцеви пациенти.

Лекувајќи повеќе од 600 пациенти од многу земји ширум светот секоја година, вклучително и случаи кои се сметаат премногу сложени за други центри за срце, тие акумулираат големо знаење и искуство. Тоа резултира со стапка на успешност од над 95%, вклучувајќи и сложени случаи.

Повеќе информации на следниот линк https://www.acibadem.mk

The post ГОЛЕМО ИСКУСТВО ВО ЛЕКУВАЊЕ НА ДЕТСКИТЕ СРЦА ВО АЏИБАДЕМ 30 години работа, 15 000 пациенти, повеќе од 95% успешност appeared first on plusinfo.mk.

И Клиничката болница „Аџибадем Систина“ има акредитација на JCI-стандардот која минатата година беше повторно успешно потврдена. Доцент д-р Владимир Чадиковски, шеф на Одделот на детската кардиохирургија, детски кардиохирург, вели дека добивањето на акредитацијата на JCI е потврда на системскиот начин на работа, доказ дека светските стандарди  и безбедноста на пациентот се врвни приоритети на овој оддел, како и на целата клиничка болница.

Процесот на акредитација впрочем не е само денот на контролата туку практично станува збор за неколкумесечни интензивни подготовки, учење и зацврстување и унапредување на воспоставените практики на врвна безбедност на пациентот, безбедно давање лекови, добра комуникација меѓу персоналот и со пациентите, уредна медицинска документација. Тоа се врвни приоритети и уредно се применуваат во детската кардиохирургија каде се работи со особено ранлива категорија пациенти.

– Првпат во историјата на македонската кардиохирурија детската кардиохирургија ќе биде препознаена како акредитиран центар за третман на децата со вродени срцеви мани исполнувајќи ги сите светски стандарди, како што се кадар, инфраструктура, опрема, и тоа со една цел – најдобра здравствена грижа за нашите деца. Поседувањето на овој тип престижна акредитација за секоја болница е знак на препознавање, без оглед во која земја се наоѓа. Тоа е за пациентот, а во нашиот случај за родителот, гаранција дека ќе добие врвна услуга по светски стандарди – вели доц. д-р Чадиковски.

Акредитацијата на JCI заедно со систематскиот пристап на тимот вклучени професионалци ја креира тежината на овој оддел – единствен во земјата и во регионот од ваков тип.

Добивањето на JCI-сертификатот е долг процес кој вклучува длабинска анализа на работењето на болницата, потреба да се исполнат зададени критериуми кои се поврзани со безбедноста на пациентот и квалитетот на медицинската грижа. Во процесот на акредитација несебично бил вклучен сиот персонал на болницата кој ги создава основните постулати на работењето на детската кардиохирургија.

– Клиничката болница „Аџибадем Систина“ единствена во нашата земја нуди згрижување на овие комплексни пациенти, а работиме со мултидисциплинарен пристап. Во лекувањето на пациентите е вклучен голем тим доктори од различни профили – педијатриски кардиохирург, педијатриски специјалисти од сите области, педијатриски анестезиолози, кардиолози, педијатриски радиолози, дополнително поддржан од искусните универзитетски професори од болниците на Аџибадем во Истанбул од областа на педијатриската интервентна кардиологија и кардиохирургија – вели д-р Ведран Стојановиќ, специјалист по педијатрија.

Стандардизацијата се одвиваше виртуелно, што значи дека сите активности се одвивале со видео и аудио технологија преку zoom (зум) платформата.

– Ревизорот преку видеоинтервју со персоналот  и раководството, инспекција на физичката средина, контрола на комплетната документација, медицинските досиеја и досиејата на вработените, допре до секој дел на Одделот за детска кардиохирургија и направи комплетна евалуација на ефективноста на системот на безбедна и квалитетна здравствена заштита. Целокупната документација поврзана со стандардите и очекувањата на новото, седмо издание на JCI-стандардизација беше уредно поставен во директниот контакт на страната на JCI (Joint Commission International) две недели пред потврдениот датум за акредитација – вели Милена Буџаровска, менаџер за квалитет.

Таа додава дека како дополнителен момент, од страна на ЈCI, било побарано да се презентира влијанието на пандемијата со ковид-19 врз работниот процес во Клиничката болница „Аџибадем Систина“ и тоа од секој аспект  – процедурален, менаџерски и како исход. Буџаровска вели дека коментарот на ревизорот бил позитивен и одушевувачки, односно дека се применува детален пристап кон сите фактори на работење со решенија врз основа на добра проценка на предвидени ризици со исход.

Комисијата за стандардизација повторно го додели златниот печат за „Аџибадем Систина“, овој пат за Одделот за детска кардиохирургија за континуирана стандардизација и посветеност кон безбедна и квалитетна здравствена заштита.

The post Историски момент: Детската кардиохирургија на „Аџибадем Систина“ доби акредитација по JCI-стандарди appeared first on plusinfo.mk.