ТАВ Македонија, подружница на ТАВ Аеродроми, членка на групацијата АДП ја предаде својата донација – најсовремена медицинска опрема на ЈЗУ Универзитетска клиника за респираторни заболувања кај децата Козле, на Светскиот ден на детето, 20 ноември.

Целта на оваа донација е да се поддржи персоналот на оваа државна медицинска установа во обезбедувањето модерна дијагностика за младите пациенти, бидејќи секое дете заслужува најдобар можен третман.

Според генералниот директор на ТАВ Македонија, Неџат Курт, оваа донација е дел од долгорочната посветеност на компанијата да биде партнер на општеството и двигател на позитивни промени.

– Денеска не донираме само опрема, туку и поддршка и грижа за најмладите. За ТАВ Македонија, детското здравје е приоритет кој не познава компромис. Веруваме дека секое дете заслужува најдобри услови за лекување, а секое семејство заслужува да знае дека нивните најмили се во сигурни раце. Горд сум што како компанија успеваме да придонесеме за создавање подобра средина за малите пациенти во оваа здравствена установа. ТАВ Македонија ќе продолжи да инвестира таму каде што  е навистина важно, во луѓето, во заедницата и во иднината на нашите деца – изјави Неџат Курт, генерален директор на ТАВ Македонија.

Донацијата од ТАВ Македонија за детската клиника – Козле се состои од ЕКГ апарат, два модерни монитори за пациенти на интензивна нега, три баскети за отстранување на туѓи тела од дишните патишта и лента за трчање за изведување на бронхопровокативни тестови со физички напор.

– Оваа донација претставува значаен придонес во унапредувањето на квалитетот на здравствените услуги кои нашата установа им ги обезбедува на пациентите. Со новата опрема се овозможува попрецизна дијагностика, побрза интервенција и подобри услови за работа на медицинскиот персонал. Вашата поддршка е доказ за општествена одговорност, хуманост и вистинска грижа за здравјето на педијатриските пациенти – посочи проф. д-р Катерина Бошковска, в.д. директор на ЈЗУ Универзитетска клиника за респираторни заболувања кај децата Козле.

Со оваа донација, ТАВ Македонија уште еднаш го потврдува својот статус како компанија која навистина ја живее својата општествена одговорност и која што се грижи за заедницата со срце.

The post ДОНАЦИЈА ОД ТАВ МАКЕДОНИЈА ЗА ДЕТСКАТА КЛИНИКА КОЗЛЕ Новата опрема ќе овозможи попрецизна дијагностика и побрза интервенција appeared first on plusinfo.mk.

14-МЕСЕЧНОТО ДЕВОЈЧЕ ПОЧИНАЛО ОД БРОНХОПНЕВМОНИЈА Објавен е детален извештај за здравствената состојба на бебето

„Стручниот колегиум одговорно тврди дека сите лекари кои биле инволвирани во лекувањето на детето ги презеле и ги реализирале сите расположливи и потребни прегледи и иследувања, дадена е соодветна терапија според медицинските протоколи, не е утврден пропуст во постапувањето и лекувањето на детето, во согласност со целокупната медицинска документација како доказ во клиниката“, се вели во соопштението.

Детската клиника „Козле“, како и целата јавност, го очекува мислењето на Етичката комисија на Лекарската комора на Македонија и потоа ќе преземе понатамошни соодветни чекори.

Реакцијата на Клиниката уследи откако министерот за здравство Арбен Таравари изјави дека Стручниот надзор на Министерството за здравство констатирал сериозни пропусти во работењето на Клиниката за детски болести и на Клиниката за белодробни заболувања „Козле“, поврзани со смртта на едно 14-месечното бебе.

ИМАЛО И ПРЕВИД И ПРОПУСТИ ПОРАДИ КОИ ПОЧИНА 14-МЕСЕЧНОТО БЕБЕ Детската клиника морала да го хоспитализира, во „Козле“ направиле лоша проценка

The post БОЛНИЦАТА „КОЗЛЕ“ ТВРДИ ДЕКА НЕ Е ВИНОВНА ЗА СМРТТА НА 14-МЕСЕЧНОТО БЕБЕ Нема пропусти, постапено е според медицинските протоколи appeared first on plusinfo.mk.

Мајка на три месечно бебе реагира дека ова е нечовечки чин и бара овој проблем да се реши, објави ТВ Алфа.

Во изјава за Алфа вели дека во болницата повеќе се разболуваат, отколку што оздравуваат.

Таа рече дека нема парно греење ниту во болничките соби, ниту во амбулантите.

Дека детската болница „Козле“ има проблем со парното греење потврдија и оттаму, но сепак не сакаа да дадат дополнителни изјави околу настанатиот проблем.

Во разговор за Алфа од менаџментот велат дека проблемот ќе биде надминат и дека сега пуштале греалки за затоплување на просториите.

За проблемот реагира и персоналот, но никој од вработените не сакаше јавно да зборува.

Најголемо е незадоволството има кај докторите, бидејќи во некои оддели немало топла вода за да ги измијат рацете.

Економскиот директор во разговор за Алфа рече дека сепак температурата била поволна и дека наскоро ќе проработел системот за греење во болницата.

The post СМРЗНУВАЧКА ВО ДЕТСКАТА БОЛНИЦА „КОЗЛЕ“ – НЕМА ПАРНО, НЕМА ТОПЛА ВОДА Мајки со бебиња се греат на греалки appeared first on plusinfo.mk.