– Патната поврзаност низ регионот и во Северна Македонија се многу важни. „Бехтел и Енка“ имаат голема историја во испорачувањето на проекти, а особено на сложени. Ја преземавме одговорноста да обезбедиме највисок стандард што е мошне сериозно за овој проект – рече Марк Алисон, генерален директор за нискоградба „Бехтел“ на потпишувањето на договорот во Владата.

За проектот, „Бехтел и Енка“ се номинирани за стратешки партнер од државата. Надзорот ќе го врши ИРД инжинеринг, кој како консултант за финансиски трансакции во име на Владата изминатиот месец ги водеше преговорите со конзорциумот.

Премиерот Димитар Ковачевски истакна дека со потпишувањето на договорот стартува реализацијата на еден од најголемите инфаструктурни проекти во историјата на државата.

– Проектот е од исклучително значење за подигнување на нивото на квалитетот на патната инфраструктура. Преку делниците од коридорите 8 и 10д, Северна Македонија станува уште позначајна регионална и транспортна рута – рече Ковачевски.

Министерот за транспорт Благој Бочварски, пак, порача дека на државава и се потребни нови квалитетни патишта за развој на економијата, побрз транспорт на стока и услуги и за поквалитетен живот на граѓаните.

– За овој проект во Буџетот веќе се предвидени 244 милиони евра за годинава. Очекувам добро менаџирање на процесите, ни претстојат многу предизвици на терен, но очекувам сите да се вложиме максимално и да ги постигнеме зацртаните цели за модерна и квалитетна инфатсруктура – рече Бочварски, посочувајќи оти очекува наскоро да биде означен стартот на градежните работи на терен.

Со договорот се опфатени автопатските делници на Коридорот 8: Требеништа – Струга – Ќафасан (22,5 километри) Гостивар – Букојчани (30,1 километар), Тетово – Гостивар ( над 17 километри) и на делницата Прилеп – Битола (40 километри) од Коридорот 10- д.

Владата вчера го одобри договорот, откако Управниот комитет за овој прокет го усвои Извештајот на ИРД, од преговорите со Бехтел и Енка.

The post МОЖЕ ДА ПОЧНЕ ИЗГРАДБАТА НА КОРИДОРИТЕ 8 И 10-Д Потпишан договорот со „Бехтел и Енка“ во вредност од 1,3 милијарди евра appeared first on plusinfo.mk.

Два дена по масакрот во Црна Гора, Светлана Бориловиќ, мајката на Вук Бориловиќ, жителот на Цетиње кој уби десетмина сограѓани не може да поверува дека нејзиниот син во крвавиот пир убил 10 луѓе, меѓу кои и две деца на своите станари, а на крајот и самиот паднал од куршум.

Во изјава за српски „Телеграф“ скршена од болка, таа посочува дека е подобро е тој повеќе да го нема кога веќе направил злодела.

Несреќната жена во солзи вели дека ништо не навестувало трагедија и дека нејзиниот син е подготвен да убие дури и еден маж, а камоли десетици возрасни сограѓани и две момчиња, негови станари, кои брутално ги застрелал.

– Без душа сум и не знам дали ќе ја преживеам оваа голгота. Како може ова од моето дете да ми се случи, цел град и држава да го зацрнам?! Зошто, синко, постојано се прашувам, а одговорот никогаш нема да го добијам – вели Светлана.

Додава дека Вук не бил проблематичен, дека бил мирен човек кој изгледа „пукнал“ поради малтретирањето на работа.

– Трпеше притисок четири-пет години, а работеше како шеф на обезбедувањето во Националниот парк Ловќен. Ќе признаам, забележав дека е понервозен во последно време, но не правеше проблем. Беше примерен и како татко на семејство и како сосед – вели таа.

Едвај наоѓајќи зборови, Светлана нагласува дека нејзиниот син не бил во конфликт со ниту една од жртвите.

– Нашите станари Мартиновиќ се вселија пред само два месеци. Тој немал никаков конфликт со главата на тоа семејство, Милош. Мојот син не се тепаше со сопругата или со некој од семејството. Имаше хармоничен брак и прекрасни деца. Сите овие луѓе ги уби во момент на нервен слом, па трагедијата и маките сѐ уште поголеми – изјави Бориловиќ.

Монструмот од Цетиње, како што го нарекоа медиумите, масакрот го извршил додека, според некои информации, сопругата и децата биле на море (наводно во Херцег Нови), а никој од поширокото семејство не бил сведок како ја напушта куќата со оружје во своите раце.

– Бев на работа. Ме донесоа дома кога се беше готово и кога и тој беше мртов, дури подоцна дознав што се случило, проклета да бидам. Подобро е да го нема кога го изврши злосторството. Никој не може да знае како е мојата внатрешност со оваа болка, која ме направи несреќна – заклучила Светлана за српски „Телеграф“.

Таа одбила да каже каде биле на одмор сопругата на Вук, Линда и децата пред една недела, бидејќи полицијата во меѓувреме ја известила јавноста дека неговото семејство не е на територијата на Херцег Нови, како што се наведува во првичните информации.

– Нема да зборувам за тоа. Полицијата може да ме испраша и јас ќе им кажам се што знам, но не можам ништо повеќе јавно да кажам – изјавила Светлана.

The post ПОДОБРО ШТО И ТОЈ Е МРТОВ Мајката на монструмот од Цетиње скршена од болка и срам appeared first on plusinfo.mk.

Трите договори за изградба на пруга, прва и втора фаза на Коридор 8 на релацијата Куманово – Бељаковце – Крива Паланка и за реконструкција на пругата од Ногаевци до Неготино на Коридорот 10, денеска ги потпиша директорот на ЈП „Железници на Република Северна Македонија“, Хари Локвенец со компаниите „Штрабак“ и „Ѓулермак“.

Првиот договор во вредност од 4,8 милиони евра, потпишан со фирмата „Штрабак“, предвидува реконструкција на делот од пругата на Коридорот 10 од Ногаевци до Неготино во должина од 31 километри со рок на градба од шест месеци.

Вториот договор во вредност од 40,5 милиони евра, потпишан со фирмата „Штрабак“, е за првата делница на Коридорот 8 кон Бугарија во должина од 31 километар и рок на градба од 24 месеци. На овој дел ќе бидат изградени и три железнички станици во Ново Куманово, Шупљи Камен и Бељаковце, како и шест стојалишта во Лопате, Перо Чичо, Проевце, Клечовце и Довезанце.

Третиот договор е со фирмата „Ѓулермак“ за изградба на втората делница од Коридорот 8 кон Бугарија на делот од Бељковце до Крива Паланка во должина од 34 километри и вредност од 155 милиони евра, а рокот на градба е 36 месеци. И на овој потег ќе бидат изградени две железнички станици во Крива Паланка и Гиновце и три стојалишта во вториот дел на пругата.

Овие проекти се финансирани со кредит од Европската банка за обнова и развој – ЕБОР, но во вториот лот се користи средства од инструментот на ЕУ – Инвестициски фонд за Западен Балкан (ВБИФ), во висина од 68,5 милиони евра.

Како што истакна директорот на „Железници“, Локвенец на денешната прес-конференција во Владата, и за третата делница на Коридорот 8 од Крива Паланка до Деве Баир од ВБИФ е добиена потврда за доделување инвестициски грант во висина од 155 милиони евра.

Заедно со претходно обезбедените 61 милион евра од ИПА 2 програмата за третата делница е добиен грант во вкупна вредност од 216 милиони евра за проектот чија проектна вредност е 405 милиони евра.

The post ЌЕ СЕ ГРАДИ ПРУГАТА КОН БУГАРИЈА Потпишани три договори за Коридор 8 и 10 appeared first on plusinfo.mk.

Да потсетиме, веста за раѓањето на десет бебиња беше раширена низ целиот свет, во која се тврди дека „Ситоле и нејзиниот партнер Тебохо Цотеци биле целосно шокирани откако ултразвукот видел осум бебиња, а по раѓањето изненадувањето било уште поголемо бидејќи тие всушност доби десет“.

– Добивме седум момчиња и три девојчиња, среќен сум, емотивен, не можам многу да зборувам – рече тогаш гордиот татко.

A Mum in South Africa gave birth to ten infants at once, smashing a world record. Gosiame Thamara Sithole, a 37-year-old (mother of twins) gave birth to seven boys and three girls via Caesarean section. From Mali, Halima Cisse gave birth to nine nonuplets last month pic.twitter.com/ve0vu66ICP

— sabasabaupdates (@sabasabaupdates) June 9, 2021

Сепак, сега постои сомневање дека жената воопшто не била бремена, според „Њујорк пост“.

– Медицински преглед покажа дека нема бременост. Исто така, може да се види дека нема лузни што би потврдиле дека има царски рез – изјави извор за локалните медиуми.

Адвокатот на Рефилое Мокоена вели дека Ситоле тврди дека ја чуваат спротивно на нејзината волја во болницата.

– Таа не сакаше да оди во болница на психијатриски преглед затоа што мислеше дека е здрава. Потоа ми нареди да ја следам таму. Тие ми рекоа дека сега е под нивна надлежност и дека адвокатите и тимот психолози била во потрага по нив не им беше дозволено да влезат внатре – рече адвокатот.

Во меѓувреме, дури и наводниот татко на децата, Тебохо Цотеци, се сомневаше во приказната.

– Тој се обиде неколку пати да ја посети и да ги види децата, но не откри каде е и во каква состојба се децата. Семејството заклучи дека нема деца, освен ако не се докаже спротивното, и сакаме да се извиниме за непријатностите – рече семејството на таткото.

Локалните власти исто така рекоа дека нема запис дека такво породување се случило во болница.

Од друга страна, семејството на Жосиаме сè уште тврди дека таа родила, што го сруши рекордот на Халима Сисе од Мали, која роди девет бебиња во мај.

Сепак, Халима Сисе со своите деветти останува рекордер, а неверојатниот случај од Јужна Африка оди во „бизарниот“ дел.

The post Жената која тврдеше дека родила 10 бебиња примена на психијатрија, велат дека воопшто немало бременост! appeared first on plusinfo.mk.

Жосиаме Ситол стана мајка на седум момчиња и три девојчиња кои се родени во болница во главниот град на Јужна Африка – Преторија.

Таа се породила со царски рез, според локалните медиуми, информирани од нејзиниот сопруг Тебохо Цотеци.

– Таа беше седум месеци и седум дена бремена. Среќен сум и возбуден. Жал ми е, не можам да зборувам многу во моментов – изјави тој пред новинарите.

Жосиаме за време на бременоста за медиумите изјави дека е „шокирана и фасцинирана“ од фактот дека носи толку многу бебиња.

Првично се сметаше дека се осум, но тестовите подоцна потврдија дека биле десет бебиња.

Лекарите велат дека случајот е вистинска реткост, бидејќи не е резултат на третман со неплодност.

Бебињата ќе ги поминат следните неколку месеци во инкубатори.

Тие се со недоволна тежина и лекарите ќе се борат за своите животи.

The post СВЕТСКИ РЕКОРД 37-годишна жена роди десет бебиња! appeared first on plusinfo.mk.

Вредноста на увeзената стока, во истиот период, изнесува 6, 92 милијарди долари, што е за 10,8 отсто помалку во споредба со истиот период од претходната година.

Трговскиот дефицит, во перидот јануари – октомври 2020 година, изнесува 1,63 милијарди долари.

Трговската размена по производи покажува дека во извозот е најголемо учеството на катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, деловите на седишта од подгрупата 821.1  и фероникелот.

Во увозот се најмногу застапени платината и легурите на платина, необработени или во прав, нафтените масла и маслата добиени од битуменозни минерали (освен сурови), плоснатоваланите производи од железо или нелегиран челик, неплатинирани или необложени и другите метали од платинската група и нивни легури, необработени или во облик на прав.

Според вкупниот обем на надворешнотрговската размена во периодот јануари – октомрви 2020 година земјата најмногу тргувала со Германија, Велика Британија, Србија, Кина и Грција.

Изразено во денари, вкупната вредност на извозот на стоки во периодот јануари – октомври 2020 година, изнесува 287,0 милијарди денари и бележи пад од 12,8 отсто во однос на истиот период од претходната година. Вредноста на увезената стока, во периодот  јануари – октомври 2020 година, изнесува 376, 5 милијарди денари, што е за 11,5 % помалку во споредба со истиот период од претходната година.

Трговскиот дефицит, во периодот јануари – октомври 2020 година, изнесува 89, 5 милијарди денари.

Покриеноста на увозот со извоз, во перидот јануари – октомври 2020 година, изнесува 76.2 %.

The post Извозот намален за 11,9, а увозот за 10,8 отсто за десет месеци appeared first on plusinfo.mk.

Во Индија продавниците за алкохолни пијалаци се затворени пради карантинските мерки воведени поради новиот коронавирус, па зависниците конзумираат средства за дезинфекција.

Голем број индиски држави, меѓу кои и Андра Прадеш, во одредени места се уше во сила е карантинот поради пораст на новозаболени лица од Ковид-19. Во Андра Прадеш во изминатите месеци деветпати е зголемен бројот на инфицирани, а на ниво на цела Индија – трипати.

Во Индија од почетокот на пандемијата со новиот коронавирус се заразиле над 1,6 милиони луѓе, а починале повеќе од 35.000 лица.

The post Десет мажи починаа во Индија откако испиле дезинфициенс appeared first on plusinfo.mk.

Министерот за здравство Венко Филипче денеска нагласи дека 90 проценти од новодијагностицираните пациенти се асимптоматски носители на коронавирусот, а останатите десет посто имаат сосем лесна симптоматологија.

Тој, на денешната прес-конференција, како пример посочи дека кај членови на едно семејство од десетина тестирани само еден има позитивен тест со сосем лесни симптоми, додека останатите девет се асимптоматски носители.

– Што ни покажаа првичните резултати кога повторно почнаа да доаѓаат случаи во рамките на семејствата околу оние семејни настани околу 24/25 мај и неколку денови претходно дека има еден одреден процент асипмотиматски носители. И заради тоа интензивно ги истестиравме сите примарни контакти на претходно дијагностицираните, околу 15 семејства се тоа во Скопје огромен дел од новодијагностицираните се тука. Но, 90 отсто се асимптоматски, другите имаат сосем лесна симпотамтологија – вели Филипче.

Тој соопшти дека прво морале да го проценат капацитетот на болеста да прерасне во тешка, што, како што вели, не се случува изминативе две недели.

– Значи има податок дека вируленцијата опаѓа, но во исто време знаеме дека не е здравствениот систем во ризик. Затоа се зголемија тестирањата, затоа се тестираа и примарните контакти во семејствата кои немаат апсолутно никакви симптоми. И сега имаме јасна слика – додаде Филипче.

Тој соопшти дека нема ниту еден пациент на респираторна машина.

The post Кај членови на едно семејство од 10 позитивни, само еден е со симптоми appeared first on plusinfo.mk.

Една од најбогатите и највлијателни жени, на друштвените мрежи објави: „Ќе донирам 10 милиони долари за помош на Американците за време на пандемијата во областите каде што израснав и ширум земјата”.

Славната водителка на забавни емисии е родена во Мисисипи, а пораснала во Милвоки и Тенеси. И самата детството го минала, голем дел, во сиромаштија.

Дел од парите ќе оди во новиот американски фонд за храна основан од фирмите Епл, Форд и глумецот Леонардо ди Каприо, што е наменет, пред сѐ – за помош на децата и сиромашните во време на пандемијата.

The post Опра донираше 10 милиони за битката против Ковид-19 appeared first on plusinfo.mk.