– По спроведена сеопфатна истражна постапка, Основното јавно обвинителство за гонење на организиран криминал и корупција поднесе Обвинителен акт против поранешниот претседател на Државната изборна комисија, тројца вработени во ДИК и еден управител на економски оператор. Обвинетите се товарат дека кривичното дело „злоупотреба на службена положба и овластување“ од член 353 став 5 од Кривичниот законик го сториле при две јавни набавки со што го оштетиле Буџетот на Република Северна Македонија за 1.312.409 денари – се вели во соопштението.

Оттаму додаваа дека И.Ќ., А.А. и А.Ш. вработени во ДИК, како членови на Комисијата за јавни набавки, во периодот од февруари до септември 2020 година неизвршувајќи ги своите службени должности при спроведување на постапката за јавна набавка на софтверот за изборите, не го почитувале минималниот законски рок за поднесување понуди, не утврдиле дека економскиот оператор ДУНА ДОО Скопје не ги исполнува условите за учество во постапката и притоа не спровеле правилна постапка за евалуација на доставените понуди, туку понудата ја оцениле како прифатлива и доделиле максимален број на бодови.

– Врз основа на Извештајот од спроведена постапка, првообвинетиот О.Д. како претседател на ДИК без да изврши контрола на постапката за евалуација на понудите, донел одлука за избор на најповолен понудувач. Откако постапката била поништена, првообвинетиот спротивно на мислењето на Бирото за јавни набавки, донел одлука за спроведување на постапка со преговарање без објавување на оглас и притоа по негови насоки биле намалени критериумите за вреднување на економските оператори во делот на квалитет. Покани за поднесување понуди за Набавка на нови и надградба на постојните софтверски решенија во ДИК биле испратени до два економски оператори и во повторената постапка повторно како најповолен понудувач бил избран економскиот оператор ДУНА ДОО со кој првообвинетиот потпишал Договор за јавна набавка. Иако бил должен пред да го потпише Договорот и пред да го имплементира софтверот да обезбеди негово тестирање заради утврдување дали истиот ги исполнува бараните услови, тој не го сторил тоа и дозволил истиот да се пушти во употреба без спроведено тестирањето и без направен квалитативен и квантитативен прием на услугата од Договорот. На ваков начин за економскиот оператор била прибавена корист – право да учествува во постапка за јавна набавка и да склучи договор на износ од 899.999 денари – велат од Обвинителство.

Во постапката за Набавка на телевизори што ќе овозможат приказ на резултати од избори во надворешни услови, изготвувањето на техничката спецификација за јавната набавка било во консултации со учесник во постапката обвинетиот И.В. Покани биле испратени до 5 економски оператори на контакт адреси што не биле регистрирани во Бирото за јавни набавки, а единствениот понудувач бил економскиот оператор ТАРДИС ДООЕЛ Скопје.

– Обвинетиот А.Ш. како претседател на Комисијата за јавни набавки, спротивно на правилата, иако знаел и бил свесен дека обвинетиот И.В. како овластено лице на единствениот понудувач е изготвувач на техничката спецификација, ја евалуирал понудата и во Извештајот за спроведена постапка, без да присуство на членовите на комисијата, дал предлог понудата да биде избрана за најповолна понуда. Обвинетиот О.Д. го прифатил предлогот и донел Одлука за избор на најповолен понудувач за предметната набавка. На ваков начин за економскиот оператор била прибавена корист – право да учествува во постапка за јавна набавка и да склучи договор на износ од 412.410 денари со вклучен ДДВ – стои во соопштението.​

The post ОЈО поднесе обвинение против Деркоски за набавка на софтвер за изборите appeared first on plusinfo.mk.

– Преку денот имавме одлично функционирање на апликацијата на системот за излезеноста на секои два часа и само што почнавме да објавуваме резултати имавме напад, според зборовите на претставникот на провајдерот, од над 25 милиони ИП адреси – вели Дерковски.

Тој вели дека апликацијата за примање на резултати не била нападната затоа што била на локален сервер и таа функционирала нормално и примала резултати од сите избирачки места. Нападнат бил само серверот преку кој требаше јавноста во живо да го следи објавувањето на резултатите.

Како пристапиле до серверот хакерите е одговорот кој што треба да го почекаме од МВР, вели Дерковски. Ние ќе спроведеме наша интерна истрага но секако ќе ги почекаме резултатите од истрагата на МВР, затоа што имаат доволно стручна екипа да ни помогнат и нам.

– Во секој случај одговорност за настанот мора да има, и кај нашите луѓе од секторот кои што ги управуваат системите затоа што пред некое време набавивме опрема за да имаме понова, пософистицирана опрема и ги обезбедивме сите потребни елементи да не ни се случуваат вакви работи. Имавме и обуки коишто ги правевме за заштита од сајбер напади, но се случи. Да почекаме и да не шпекулираме затоа што е сериозна работата  Тоа што се случи со хакерскиот напад во никој случај не ги става во прашање резултатите од изборите – тврди претседателот на ДИК.

The post Дерковски: Серверот беше нападнат од над 25 милиони ИП адреси, одговорност мора да има appeared first on plusinfo.mk.

– Веројатно подносителите си имаат свои причини зошто ги поднеле на тој начин, меѓутоа да поднесете приговор во кој ќе напишете три реченици во кој ќе објасните некоја ситуација за повреда на избирачко право или повреда на постапка за сумирање и утврдување на резултати, а без притоа да приложите било каков доказ, записник од избирачкото место во кој што се гледа дека е ставена забелешка од некој од присутните на гласачкото место, од подносителот а да очекувате дека некој ќе ви прифати приговор, тоа нема да се случи – вели Дерковски.

ДИК отфрли 1.478 приговори од Левица бидејќи не беа потпишани. Дерковски тврди дека не е битен печатот туку потребен е само потпис за да се идентификува подносителот и од тие причини како неуредни согласно Изборниот законик беа отфрлени тие приговори.

– Сите останати 504 или 505 беа со ист текст и реченици кои што беа копирани во сите приговори. Дури во нив имаше 20-тина каде што пишуваше „приговор за избирачко место 0“. Сега како очекувате ДИК да разгледува таков тип на приговори – вели Дерковски.

Во приговорите на Алијанса/ Алтернатива во 61 од нив стои истото име на починат и истиот текст во образложението, вели Дерковски кој оценува дека тоа е несериозно однесување на политичка партија.

– Политичките партии треба сериозно да си ја сфатат работата или во иднина малку повеќе внимание да посветат на оваа постапка за да не им се случуваат вакви работи – вели претседателот на ДИК.

Тој вели дека на минатите претседателски избори имале целосни приговори со приложени засписници и доказен материјал по кои ДИК постапил и отварал гласачки кутии за да ги преброи гласовите во нив, но на овие избори немало ниту еден таков приговор.

The post Дерковски: Левица имаше приговори за избирачко место 0, Алијанса 61 приговор за исто починато лице appeared first on plusinfo.mk.

– Комисијата ќе одлучуца за приговорите, бидејќи тоа е нејзина надлежност. Сепак, јас ќе кажам дека не отстапувам од тоа што вчера го соопштивме како конечни неофицијални резултати – рече Дерковски.

За обвинувањата од ВМРО-ДПМНЕ од каде што бараат повторно броење на гласовите, тој истакна дека сите политички партии ги имаат записниците со резултатите од секое избирачко место, па на тој начин, како што појасни, ги знаат точните бројки.

– Записникот најпрво оди кај член на Избирачкиот одбор, односно кај претставникот на политичката партија, каде што сте бројат и сите го утврдуваат резултатот. На крајот сите го потпишуваат и сите добиваат примерок. Тоа значи дека сите ги имаат тие записници и сите ги знаат бројките – рече Дерковски.

Во врска со хакерскиот напад врз сајтот на ДИК, Дерковски истакна дека нападот се случил во моментот кога почнале да се објавуваат резултатите од избирачките места.

– Цента на нападот беше софтверот кој ги прикажува резултатите, но тоа на никој начин не влијае врз конечните резултати – посочи тој.

The post Дерковски: Не отстапувам од вчерашните резултати appeared first on plusinfo.mk.

– Поради истрагата на МВР, овој сајт нема да го ажурираме, туку изборните податоци ќе ги објавиме на табела – изјави претседателот на ДИК Оливер Дерковски за АЛСАТ.

Од МВР  официјално велат дека во овој момент се води истрага, но не можат да потврдат дали воопшто имало хакерски напад, кој  стои зад него, дали е од Македонија или од странство. Секторот за компјутерски криминал при МВР веќе ги зема податоците од ДИК.

– Секторот за компјутерски криминал и дигитална форензика при Министерството за внатрешни работи ги презема соодветните мерки и активности со цел расчистување на овој случај –  изјави Тони Ангеловски, портпарол на МВР.

The post Дерковски: Поради истрагата на МВР, сајтот на ДИК нема да се ажурира appeared first on plusinfo.mk.

Деркоски како прв човек на ДИК утрово лично вршеше увид на дистрибуцијата на доверливиот материјалот за гласање што ќе се користи на претстојните вонредни парламентарни избори, а е изработен од АД печатница „Киро Дандаро“ – Битола.

– Материјалот ќе биде доставен до сите општински изборни комисии, а тие пак во текот на утрешниот ден материјалот ќе го достават до избирачките одбори. Процесот се одвива непречено и со одлична организација, а тоа значи дека се ќе за заврши во предвидениот рок. Подготовките на ДИК за целиот изборен процес се одвиваат непречено, посебно сме посветени во делот врзан со заштитата на здравјето на граѓаните и ги повикувам граѓаните масовно да излезат на гласање, да не се плашат за своето здравје затоа што ние се погриживме да ги снабдиме сите избирачки одбори со заштитен материјал маски, за да и оние граѓани кои не можат да купат или не носат заштитна маска од кои било причини, сепак да добијат заштитна маска, да гласаат и да го остварат своето право на глас – истакна Деркоски.

Деркоски посочи на мали проблеми поврзани со барањето за изземање на здравствени работници и нивно откажување за учество на гласањето што ќе се спроведе во понеделник, но тие проблеми како што рече се надминуваат и се ќе се одвива според роковникот и уредбата со законска сила.

Во печатницата АД „Киро Дандаро“- Битола изработени се 1.814.263 гласачки ливчиња со висок квалитет и со 20 форми на заштита без никава можност за фалсификат.

– Гарантираме за високата заштита на избирачкиот материјал – кусо изјави директорот на печатницата Драги Милошевски.

На претстојните вонредени парламентарни избори процесот на гласање ќе биде организиран на 3.390 избирачки места, информираа од Државната изборна комисија.

The post Дерковски: Гласачките ливчиња се дистрибуираат, граѓаните безбедно можат да гласаат appeared first on plusinfo.mk.

Ова е пораката од денешната заедничка прес-конференција на министерот за внатрешни работи Наќе Чулев и претседателот на Државната изборна комисија (ДИК), Оливер Деркоски, кои нагласија дека нивната соработка ќе продолжи и ќе се одвива на високо ниво.

Улогата на МВР во изборниот процес е јасна, потенцира Чулев, и тоа е заштита на човековите права и слободи за време на изборниот процес, максимална безбедност на граѓаните, овозможување слободно изразување на правото на глас и отсуство на секаков вид толернација кон сторителите на кривични дела или прекршоци и нивно навремено откривање и спречување да вршат кривични дела или прекршоци насочени кон изборниот процес.

– Изборите треба да поминат во мирна, фер и демократска атмосфера. Ние цврсто сме решени дека кога е регуларноста и закониста на изборниот процес во прашање, воопшто нема дилема и овие избори треба да бидат кристално чисти – истакна министерот Чулев.

Чулев и Деркоски ги промовираа видео и печатените метријали за изборниот процес, со што, како што рекоа, испраќаат порака дека нема простор и толеранција за изборен поткуп и оти МВР соодветно ќе ги санкционира сите активности насочени кон каква било форма на притисок, заплашување и поткуп на граѓаните.

– Евоиопскиот пат на кој се наоѓа нашата држава, интеграцијата на нашата земја во еворпското семејство  е директно условена од регуларноста на овие изборите. Но, од нивната регуларност зависи и  легитимитетот и кредибилитетот на идндта влада. Ниту една цел не е поважна од фактот дека пред се граѓаните заслужуваат мирни безбедни и демократски избори – рече Чулев.

МВР, потенцира тој, ги има ставено на располагање сите капацитети со кои ја гарантира безбедноста на изборите.

Информира дека веќе е формиран Републички изборен штаб со кој раководи директорот на БЈБ , а во фаза се обуките на полициските службеници за соодветно постапување  во соработка со ОБСЕ.

За Деркоски овие јубилејни 10–ти избори се исклучително важни затоа што, како што рече, се клучот за нашиот влез на европската врата.

Тој истакна дека треба да внимаваме на заштита на избирачкото право, но заради kовид–19 треба да внимаваме и на здравјето на изборните органи и на здравјето на граѓаните кои ќе го дадат својот глас.

– Граѓаните да се чувствуаат безбедни и сигурни, да излезат и да гласаат на денот на изборите, затоа што исклучително е важно на овие избори да обезбедиме легитимитет за идната власт, која и да е. треба да победи најдобриот на овие избори, со добра излезност, граѓаните  даодлучат на 15 јули – повика на прес-конференцијата претседателот на ДИК,  Деркоски.

The post Чулев-Деркоски: Од регуларноста на изборите ќе зависи легитимитетот на идната влада appeared first on plusinfo.mk.

За МИА вели дека ниту кажал дека денеска ќе свика седница, ниту, пак, планира да го направи тоа додека не добие решение од претседателот на Собранието.

– Без да го добиеме тоа решение не гледам причина за седница. Тоа е според Изборниот законик. Од денеска сме во редовна состојба во државата и важи Изборниот законик, а не некои уредби што ги донесе Владата за време на вонредната состојба. Четворицата членови на ДИК од СДСМ и БЕСА ми пуштија пред два часа барање за свикување на седница. Согласно деловникот имаат право да побараат, меѓутоа во барањето се повикуваат на уредбите, а според мене и според многумина во државата  и експертска и друга јавност и Уставниот суд уредбите важат само додека трае вонредната состојба. Немам рок за одговор, но ќе им одговорам дали ќе закажам или не седница. Им оставам сами да одлучат како ќе постапуваат, а јас нема да учествувам во незаконити дејствија – изјави Деркоски за МИА.

За да ДИК работи легитимно и легално, нагласи, и треба решение од претседателот на Собрание кое е првиот основен столб во Изборниот законик како се организираат избори.

– Претседателот на Собрението со решение го закажува датумот кога и да е, тоа мене не ме интересира кога ќе биде, битно е  да има решение врз основа на кое ние после тоа планираме рокови и го носиме роковникот за избори. Без тој прв чекор не може да се организираат избори. Вториот основен чекор во Изборниот законик е избирачкиот список без кој, исто така, ако не е заклучен, потврден, прочистен комплетно согласно Методологијата за избирачки список донесена во февруари 2016 година од претходната ДИК не може  да се зборува дека одите на легитимни избори – потенцира Деркоски.

Членот на ДИК Борис Кондарко за МИА потврди дека доставиле барање за одржување седница на ДИК и посочи дека ставот на претседателот на ДИК Деркоски е негово лично толкување на законот.

– Ние во ДИК не сме Уставен суд и мораме да го применуваме законот, а не да судиме дали нешто важи или не важи. Тоа не е наша работа. Тоа е личен став на Деркоски – рече Кондарко за МИА.

Прашан дали може да одржат седница без претседателот Деркоски, Кондарко посочи дека според деловникот не можат, затоа што единствено претседателот свикува  и раководи со седницата.

– Ние дадовме иницијатива да се свика седница со мнозинство членови, а тој е должен да ја свика. Ние не можеме сами да се свикаме во отсуство на претседателот тоа може да го направи само потпретседателот. Член на ДИК не можа да свика ни да раководи со седница, ниту да предложи дневен ред. Претседателот има рок да одговори на иницијативата за свикување на седница зашто има Уредба по која ден по завршување на вонредната состојба ДИК мора да донесе ревидиран роковник за да продолжат изборните дејствија. Рокот произлегува од тоа – потенцира Кондарко.

Прашан за следните чекори што планират да ги преземат четворицата членови  на ДИК кои покренаа иницијатива за свикување седница, Кондарко посочи дека постапиле согласно правата и можностите што им ги дава законот и деловникот.

– Останатото е на претседателот кој ги има овластувањата за негово постапување – нагласи Кондарко.

Засега нема одговор од претседателот на Собранието Џафери дали ќе потпише ново решени за избори. Тој се уште не се изјаснува.

The post Деркоски: Не свикувам седница без решение од Талат Џафери appeared first on plusinfo.mk.

Претседателот на ДИК Оливер Дерковски на денешната седница на комисијата рече дека врз основа на Уредбата и согласно со Изборниот законик, ќе испратат барање до  Министерството за внатрешни работи и до управите за санкции и за водење матични книги за прибирање на потребните податоци.

На новинарско прашање, Дерковски изјави дека согласно Изборниот законик ДИК не го определува датумот за избори. ДИК е, рече, секогаш подготвена за избори за организација на изборите во законски определените рокови. Во моментов, посочи, работат на дислоцирање на избирачки места согласно со насоките на здравствените власти.

– Без разлика кога ќе биде денот на изборите, ние им дадовме на некој начин насока на нашите подрачни единици вработените таму да бараат избирачки места со  поголема квадратура, со отворени прозорци, според насоките од здравствените власти за да може да дислоцираме избирачки места. И има доста голем број којшто дале повратен одговор и каде што вршиме и промена на избирачките места. Значи, таа постапка е во тек и ќе продолжи се додека имаме можност и време да го направиме тоа. Значи, 3.480 избирачки места, од нив имаме некаде околу 700 што се со договори за закуп од приватни лица. Тоа веројатно ќе ни биде поголем проблем бидејќи тие се простории со помала квадратура, но се надевам дека ќе успееме на крајот да обезбедиме доволно добри простории за излегување на процесот – рече претседателот ДИК.

Како Комисија, додаде, ќе направат максимални напори да ги обезбедат потребните услови согласно протоколите од здравствените власти и согласно нивните акти што ќе ги носат понатаму.

– Ќе направиме максимални напори да обезбедиме соодветна заштита на сите кои ќе учествуваат во процесот – изборните органи, членови и заменици на избирачки одбори на општински комисии и се надевам дека ќе успееме во тоа – порача Дерковски.

Членот на Комисијата Наќе Витанов истакна дека согласно Уредбата со законска сила за дополнување на претходната Уредба ДИК денеска ја почнува својата работа во техничкиот дел за организирање и спроведување на изборите, а се однесува на ажурирање на Избирачкиот список.

Согласно Законот, рече Витанов, се доставија документи, односно барања, пред се, до МВР да ни ги достави сите податоци за граѓаните на РСМ согласно член 33 став 6, а тоа е во тој Избирачки список да влезат сите кои имаат важечки лична карта или патна исправа и се со наполнети 18 години до денот на изборите, кога ќе биде тој ден. Побарано е од основните судови да достават податоци за сите лица на кои им е одземена деловната способност до вчерашниот ден. Исто така, од Управата за водење на матични книги да достават податоци за сите лица со наполнети 18 години, а лицата кои починале до вчерашниот ден да се избришат од Избирачкиот список. Од Управата за спроведување на санкции, пак, е побарано да достави список на лица кои се наоѓаат на издржување казна затвор или се во притвор и со тоа, според Витанов, целокупниот Избирачки список ќе биде ажуриран и целосен.

-Оваа постапка оди подолго време и се надеваме дека според законскиот рок – 10 дена пред денот на изборите ќе го изготвиме Избирачкиот список што ќе биде целосен и во него ќе бидат опфатени сите граѓани на РСМ кои полнат 18 години на денот на изборите и кои имаат валидни лични документи и со тој Избирачки список ќе се оди на овие предвремени парламентарни избори – рече Витанов.

The post ДИК со максимални напори ќе обезбеди заштита на сите во изборниот процес, вели Дерковски appeared first on plusinfo.mk.

Тој смета дека изборите треба да ги распише претседателот на Собранието Талат Џафери, но, оти претходно Уставниот суд треба да го поништи претходното решение за избори.

– Џафери треба да ги распише изборите, но, прво треба да се направи ситуација со која претходното решение ќе се стави вон сила. Мислам дека Уставниот суд треба да се произнесе за оваа ситуација и тој е единствено меродавен во оваа ситуација. Мое лично мислење е дека сите други постапки ќе не воведат во нови правни лавиринти кои ќе доведат до несакани пракси сега и во иднина – вели Дерковски во разговор за ТВ Телма.

Тој додава дека за технички подготовки, кампања и ажурирање на Избирачкиот список, потребни се околу 50 дена. Измени, вели, треба да претрпи и Избирачкиот список, кој се уште не е затворен, бидејќи во меѓувреме настанале промени во него.

– Има починати лица, лица кои наполнија 18 години, лица кои примиле државјанство. Има доста промени кои треба да се внесат.  И тој треба да им се даде повторно на увид на сите граѓани – рече Дерковски.

Но, како што потенцира, за да почнат да се преземаат изборни активности, и да се утврдуваат рокови, најпрво треба да се одреди дамумот на изборите, за да може ДИК наназад од тој датум да ги предвиди сите дејства кои треба да се завршат. 

The post Дерковски: ДИК е подготвена за избори, го чекаме датумот appeared first on plusinfo.mk.