Претставниците на земјите-членки на ЕУ и Европскиот парламент рано утринава постигнаа договор за новите правила што им дозволуваат на земјите-членки да ги депортираат барателите на азил во „безбедни трети земји“, јави ДПА.

Спогодбата ќе овозможи испраќање на барател на азил во земја надвор од ЕУ што се смета за безбедна, дури и ако нема претходна врска со неа, на пример кога постои договор или аранжман помеѓу третата земја и државата на ЕУ.

Претходно, од барателите на азил се бараше да имаат тесна врска со таквата земја, како што се семејни врски или претходен продолжен престој таму, потсетува германската агенција.

Барателите на азил можеа да бидат депортирани во земји што никогаш не ги посетиле и со кои немаат семејни, културни или други врски. Меѓутоа, за малолетници без придружба, исклучокот што го бараат земјите на ЕУ останува на сила: врската со земјата во која се депортираат ќе продолжи да биде задолжителен услов.

Спогодбата сè уште мора формално да се усвои пред да стапи на сила, иако ова генерално се смета за формалност бидејќи преговарачите веќе се согласиле за компромис, пренесува ДПА.

Европскиот парламент вчера го отвори патот за преговори со десничарско мнозинство кое гласаше „за“. Поголемиот дел од поддршката дојде од пратениците од десниот центар и од десницата.

Прашањето за барање лична или правна врска со трета земја веќе беше дискутирано минатата година за време на преговорите за реформа на Заедничкиот европски систем за азил (CEAS).

Конечно е одлучено дека врската ќе остане задолжителен услов, но ќе биде предмет на преиспитување по одреден период.

– Илјадници мигранти се дават во Средоземното Море или се злоупотребени од шверцери на луѓе кои заработуваат богатство на нивна сметка. Од клучно значење е да преземеме мерки за да ги запреме факторите на привлекување кои одржуваат нездрав и нехуман систем – рече данскиот министер за имиграција Расмус Стоклунд.

The post КАКО ДА СЕ ДЕПОРТИРААТ БАРАТЕЛИ НА АЗИЛ ВО ТРЕТИ ЗЕМЈИ!? Европските земји усвоија заеднички правилник appeared first on plusinfo.mk.

Министерката за внатрешни работи на Обединетото Кралство од лабуристичката партија, Шабана Махмуд, само неколку месеци по преземањето на функцијата, го претстави најобемниот план за реструктуирање на системот за азил во последните 40 години, а во неговиот центар се и околу 700 албански семејства чии барања за азил се одбиени, објави Топ чанел.

– Има околу 700 албански семејства чии барања за азил се одбиени, но нивното депортирање во моментов не се спроведува од страна на Министерството за внатрешни работи, и покрај тоа што Албанија има златен стандард за соработка со Обединетото Кралство за враќање и е потписничка на Европската конвенција за човекови права. Ќе започнеме консултации за процесот на депортирање на семејствата, вклучително и децата – изјави Махмуд во британскиот парламентот, додека ги презентирала драстичните измени во законот за имиграција.

Според Топ чанел, мерките предизвикале загриженост дури и во самата Лабуристичка партија, која признава дека депортацијата на деца и семејства се смета за „болна и политички деликатна“.

– И покрај тоа што од страна на Обединетото Кралство, Албанија се смета за сигурен партнер во враќањето на граѓаните, нашата земја се врати во центарот на британската дебата за миграцијата – констатира телевизијата.

Последните неколку години на британско тло илегално пристигнале над 20 илјади албански граѓани, главно од северниот дел на земјата.

The post БРИТАНЦИТЕ ЌЕ ДЕПОРТИРААТ 700 АЛБАНСКИ СЕМЕЈСТВА, СОСЕ ДЕЦА Toa ќе биде болна и политички деликатна акција appeared first on plusinfo.mk.

Американскиот претседател Доналд Трамп денеска изјави дека ќе побара воведување царини, визни ограничувања и други мерки кон Колумбија, откако Богота не дозволи слетување на два лета со илегални мигранти депортирани од САД.

Трамп на платформа „Трут сошл“ (Truth Social) објави дека одлуката на колумбискиот претседател Густаво Петро ја „загрозува“ националната безбедност на САД.

Претходно, Петро на Икс објави дека „САД не можат да ги третираат колумбиските мигранти како криминалци“, додавајќи оти Вашингтон треба да смисли протокол што ќе овозможи „достоинствено да се третираат мигрантите“.

The post ТРАМП СЕ ЗАКАНУВА СО ЦАРИНИ И ВИЗНИ ОГРАНИЧУВАЊА Жесток одговор од САД откако Колумбија блокираше летови со депортирани мигранти appeared first on plusinfo.mk.

Германија мора брзо да ги депортира мигрантите кои немаат право на престој, но и да продолжи да ги прифаќа оние кои имаат право на азил и оние со потребните вештини, изјави германскиот канцелар Олаф Шолц во интервју за весникот Дер Шпигел.

– Мораме да ги депортираме во голем обем оние кои немаат право да останат во Германија – рече Шолц.

Тој нагласи дека оние кои немаат услови за азил и немаат шанси да останат мора да си заминат. „Мора да депортираме повеќе и побрзо“, изјави германскиот канцелар.

Шолц рече дека е неопходен „цел пакет мерки“ за ограничување на илегалната миграција, што вклучува подобра заштита на надворешните граници на Европската Унија и построга контрола на границите на Германија со соседните членки на ЕУ.

Канцеларот додаде дека Германија мора да продолжи да прифаќа бегалци кои имаат право на азил поради политички прогон или други легитимни причини, како и да привлекува повеќе мигранти со потребните вештини.

– Но, оние што не припаѓаат на ниту една група не можат да останат со нас – повтори Шолц.

Интервјуто беше објавено додека владејачката коалиција, составена од Социјалдемократската партија (СПД), Зелените и Слободната демократска партија (ФДП), дебатираше за миграциската политика.

The post „ТОА МОРА ДА ГО НАПРАВИМЕ ВО ГОЛЕМ ОБЕМ“ Олаф Шолц бара Германија итно да ги депортира нелегалните мигранти appeared first on plusinfo.mk.

Добрите вести? Бидејќи Македонија и Австралија се речиси 12 часа временска разлика, одлуката можеби ќе ја дочекаме денеска до полноќ по наше време, кога во Мелбурн ќе биде скоро пладне.

Absolute mayhem by Novak Djokovic’s lawyer’s office on Collins Street. A car leaving the office is completely surrounded by people cheering “free Nole” pic.twitter.com/H3mAsEHSdX

— Tumaini Carayol (@tumcarayol) January 10, 2022

Во меѓувреме, Новак е слободен човек, но тензијата не престанува пред неговиот хотел, каде негови фанови, Срби и по некој Македонец протестираат. Јутјуб во живо пренесува што се случува во Мелбурн.

Наводно Новак Ѓоковиќ навистина бил во црно ауди, кое го напуштило седиштето на адвокатската канцеларија, по што избил инцидент меѓу навивачите и полицијата, но навивачите на српскиот тенисер сè уште се на улиците во Мелбурн.

Денеска во 14 часот ќе се обрати и Срѓан Ѓоковиќ, таткото на најдобриот тенисер во светот, кој на прес-конференција ќе објасни што се случувало со Новак претходните денови. Утринава за медиумите, зборуваше и неговиот брат Ѓорѓе.

Wouldn’t be a #Djokovic protest without a kolo, or Serbian circle dance pic.twitter.com/h68RmUwlx5

— Michael Miller (@MikeMillerDC) January 10, 2022

Претседателот на српскиот парламент Ивица Дачиќ изјави дека однесувањето на австралиските власти кон тенисерот Новак Ѓоковиќ, кој помина неколку дена во притвор во Мелбурн поради испрашувањата во врска со медицинското ослободување за влез во таа земја без потврда за вакцинација против коронавирус, е „генерално срамно“ и „политичко малтретирање“, јави дописникот на МИА од Белград.

Protests in Melbourne in front of the office of tennis lawyer Novak Djokovic. People with Serbian flags throw bottles at the police and demand that the athlete be released. The security forces responded by spraying tear gas. pic.twitter.com/7HzI1yMPqz

— Aleksander Onishchuk (@Brave_spirit81) January 10, 2022

Дачиќ, кој е и поранешен министер за надворешни работи, за ТВ Хепи изјави дека „очигледно австралиските власти ќе одлучат да го депортираат“ Ѓоковиќ, кому ќе му биде забранет влез во таа земја на три години доколку му биде укината визата.

– Секоја држава има дискреционо право да одбие некому да влезе во земјата, но речиси никогаш не се работело за познати личности како што сега се прави со Новак Ѓоковиќ. Тоа е нешто што ретко се гледа. Генерално, таа постапка е срамна и мора да има реакција од наша страна – изјави Дачиќ.

Тој оцени и дека „државата има ограничено поле каде може да реагира“.

The post КОНЕЧНАТА ОДЛУКА ЗА ЃОКОВИЌ ОДЛОЖЕНА? Солзавец и судир со полицијата пред адвокатската канцеларија (ВИДЕО) appeared first on plusinfo.mk.

Тој додаде дека во тек се разговори со Министерството за внатрешни работи сите странци да ја напуштат Малта ако го изгубат работното место.

Шембри истакна и дека економијата на Малта нема веднаш да заздрави по завршувањето на епидемијата со коронавирусот.

The post Малта ќе ги депортира странците кои ќе останат без работа appeared first on plusinfo.mk.