Американскиот претседател Доналд Трамп ја повтори својата намера да ја испрати Националната гарда во третиот по големина град во САД за да се справи со илегалните миграции пишувајќи дека го сака мирисот на депортации наутро. Под неговата објава стои шеговита фотомонтажа на која тој е прикажан како полковник Килгор од култниот филм „Апокалипса сега“ покрај градот Чикаго над кој летаат хеликоптери.

„Чикаго наскоро ќе дознае зошто се вика Министерство за војна“, додаде тој на социјалните мрежи.

Шеговитата фотографија меме беше насловена „Chipocalypse Now“ – збор кој ги спојува Чикаго и апокалипсата. Фразата, пак, „го сакам мирисот на депоратции наутро“ е парафраза на „го сакам мирисот на напалм наутро“ од филмот на познатиот режисер Френсис Копола.

Гувернерот на Илиноис, Џеј-Би Прицкер, го обвини Трамп за авторитарни амбиции.

– Претседателот се заканува со војна кон американски град. Тоа не е шега. Тоа не е нормално – изјави Прицкер, додавајќи дека „Илиноис нема да биде заплашен“.

Откако викендов потпиша извршна наредба за преименување на Министерството за одбрана во Министерство за војна, Трамп најави дека Чикаго е следниот град каде што ќе испрати федерални сили. Слични распоредувања веќе направи во Лос Анџелес и Вашингтон. Следни на списокот Трамп ги наведе Балтимор, Њу Орлеанс и Портланд.

Жителите на Чикаго веќе чувствуваат последици. Откажани се дел од прославите по повод Денот на независноста на мексиканската заедница. Организаторите ја објаснија одлуката со „заканата од федерално присуство“. Во некои квартови се делат летоци со упатства за правата на граѓаните при контакти со имиграциски агенти.

Во изјава за „Волстрит Џурнал“, адвокати предупредија дека евентуално користење на воени сили во внатрешни операции може да биде спротивно на законот Posse Comitatus, кој го забранува ангажманот на армијата за контрола на граѓаните.

Според најавите, градот Илиноис ќе поднесе тужба ако Трамп се обиде да ја активира Националната гарда без дозвола од државата.

Додека заканите ескалираат, мемето на Трамп доби стотици илјади прегледи.

The post „ГО САКАМ МИРИСОТ НА ДЕПОРТАЦИИ НАУТРО“ Трамп најави „Чипокалипса“ во Чикаго, ќе ја испрати ли гардата? appeared first on plusinfo.mk.

За шест месеци речиси 10.000 депортации 

Околу 9.500 луѓе биле депортирани од Германија во првите шест месеци од годината, покажуваат податоците на германското федерално Министерство за внатрешни работи, наведени во одговорот на пратеничко прашање од партијата Левица.

Во истиот период минатата година биле забележани 7.861 депортации, според новинската агенција ДПА, која што имала пристап до документот. Во 2023 година, вкупно 16.430 луѓе биле вратени со сила, во споредба со нешто помалку од 13.000 во 2022 година.

Според ДПА, најголемата група на депортирани по националност биле турските државјани (915), потоа Грузијците (839), Македонците (774), Авганистанците (675), Албанците (586) и Сиријците (534). Грузија, Северна Македонија, Австрија, Албанија и Србија се главни дестинации на депортациите.

Македонија на врвот на листата 

Бројот на протерани лица од Германија годинава е значително поголем во споредба со лани. Податоците од јануари до март покажаа дека од Германија биле протерани 4.791 лице, или околу 34% повеќе во споредба со истиот период лани.

Притоа, Северна Македонија е на врвот на листата на депортации. Во првиот квартал од 2024 година од Германија биле протерани 483 граѓани на Северна Македонија. Во текот на целата измината 2023 година биле депортирани 1.177 македонски граѓани. Од протераните 483 македонски граѓани во првиот квартал од 2024 година, 233 биле жени и 227 малолетни лица.

Толериран престој 

Германија во моментов не врши депортации во Сирија и Авганистан. Но, фаталниот напад со нож врз полицаец во Манхајм на крајот на мај ја поттикна владината коалиција да разговара за оваа можност. Пред нешто помалку од една година, канцеларот Шолц повика на депортации „во големи размери“. По терористичкиот напад во петокот во Солинген, повиците за зголемени депортации станаа уште погласни.

Според податоците на германското Министерство за внатрешни работи, околу 82 отсто од овогодинешните депортирани лица заминале со авион, додека третина од сите депортации биле трансфери според таканаречената Даблинска регулатива. Во 164 случаи луѓето биле депортирани во Бугарија, каде што требало да биде префрлен и напаѓачот Солинген, пренесе dpa.

Податоците на министерството, исто така, открија дека до 30 јуни, 226.882 лица во Германија биле обврзани да ја напуштат земјата, бидејќи немаат право на азил. Од нив, околу 182.000 имаат Duldung (толериран престој). Ова значи дека тие не можат да бидат депортирани поради одредени причини, на пример затоа што немаат никакви документи за идентификација или се болни.

Сепак, од вкупно 44.155 лица веднаш се бара да ја напуштат земјата. Според весникот Коректив, тука спаѓаат, особено, луѓе кои привлекоа внимание поради нивната идеолошка поврзаност со терористичките организации.

Повеќе од 14.000 неуспешни депортации 

Според податоците на министерството, во првата половина од оваа година локалната полиција не успеала да предаде на германската федерална полиција повеќе од 14 илјади лица коишто требале да бидат депортирани. Причините за ова вклучуваат откажани летови, отсуство или болест на депортираниот и други организациски причини.

Дополнително, 534 депортации беа прекинати за време или по предавањето на федералната полиција. Меѓу наведените причини за овие прекинати депортации беа авиокомпаниите или пилотите кои одбиваат да ги земат депортираните во авионот, „акти на отпор“, медицински причини или тековни правни постапки.

Кон крајот на февруари стапи на сила Законот за подобрување на репатријацијата. Таа е особено насочена кон заострување и спроведување на правилата за депортација за лица кои се осудени за кривично дело или за кои е докажано дека се членови на криминална организација. Но, исто така, им дава на властите поголеми овластувања над барателите на азил кои не сториле никакви прекршоци, продолжувајќи го времето за кое тие можат да бидат приведени и дозволувајќи им на полицијата да ги пребара нивните сместувачки капацитети и мобилните телефони.

Извор: Дојче Веле

The post МЕЃУ ПРВИТЕ СМЕ НА СПИСОКОТ Дури 774 Македонци биле депортирани од Германија од почетокот на годината! appeared first on plusinfo.mk.

– Минатата година стапката на враќање на лицата кои немаа право на престој беше само 21 процент. Неуспехот да се вратат луѓето го успорува нашиот систем и ја поткопува довербата во него – рече комесарката за внатрешни работи на ЕУ Илва Јохансон.

Таа додаде дека минатата година во земјите на ЕУ биле донесени 340.000 решенија за депортација, но дека во само 60 отсто од случаите европските власти се обиделе да стапат во контакт со матичните земји на мигрантите за да ги вратат.

– За да го заштитиме правото на барање азил, мораме да покажеме дека на соодветен начин постапуваме со оние кои не ги исполнуваат условите да уживаат меѓународна заштита. Ни треба миграција, но таа мора да се одвива легално и уредно – рече таа.

Пристигнувањето на повеќе од милион мигранти во 2015 година, главно оние кои бегаа од војната во Сирија или Ирак, предизвика една од најголемите политички кризи во ЕУ.

Јохансон рече дека агенцијата за гранична и крајбрежна стража на ЕУ е „опремена“ да организира летови за депортација и ги повика државите на ЕУ да го искористат тоа.

The post ТИЕ ШТО НЕ ДОБИЛЕ АЗИЛ МОРА ДА СЕ ПРОТЕРААТ! Брисел бара земјите членки поагилно да ги депортираат илегалните мигранти appeared first on plusinfo.mk.

Највисокото судско тело со пет наспроти четири гласа гласаше за продолжување на мерката наречена „Наслов 42″, која според податоците од 2020 година е применета во околу 2,5 милиони случаи.

Администрацијата на поранешниот претседател Доналд Трамп, во март 2020 ја активираше мерката за да може моментално да бидат депортирани мигрантите без документи, уапсени на копнените граници, вклучително и потенцијалните баратели на азил.

Самата мерка е итна и не дозволува правен лек. Предвидени се ретки исклучоци, за одредени националности како Украинците поради инвазијата на Русија во нивната земја или за малолетници без придружба.

Активистите за човекови права и експерти сметаат дека тоа е кршење на меѓународното право. За нив, сегашниот систем само ги охрабрува мигрантите тајно да ја преминуваат границата и да преземаат зголемени ризици минувајќи ја границата преку пустини или реки.

Независно, укинувањето на мерката беше оспорено од 19 американски сојузни држави кои стравуваа од прилив на мигранти на границата со Мексико.

Врховниот суд сега ја задржа мерката на неодредено време, со што ги урна надежите на претставниците на емигрантите кои очекуваа нејзино укинување.

Мерката ќе остане на сила се додека Врховниот суд не одлучи за меритумот на случајот. Аргументите на обете страни ќе бидат сослушани во февруари 2023 година по што напролет ќе биде објавена конечната одлука.

Одлуката на Врховниот суд веднаш беше поздравена во републиканскиот табор. „Тоа ќе спречи луѓето кои живеат на границата да потонат во тотален хаос”, рече избраниот функционер во Тексас, Тони Гонзалес.

– Длабоко сме разочарани за сите очајни баратели на азил, кои ќе продолжат да страдаат по „Насловот 42″, но ќе продолжиме да се бориме за на крајот да ја укинеме мерката – рече Ли Гелернт, адвокат во Американската унија за граѓански слободи. 

The post ИТНИТЕ ДЕПОРАТАЦИИ НА МИГРАНТИ ЌЕ ПРОДОЛЖАТ Врховниот суд на САД ја продолжи мерката воведена од Трамп appeared first on plusinfo.mk.

Германија, Италија, Швајцарија, блискоисточните земји, САД, Австралија, Нов Зеланд, но и Хрватска, Црна Гора, Србија и Грција се земји каде што македонските државјани најчесто одат да работат. Дел од нив се обидуваат и да останат засекогаш во овие земји.

Меѓутоа, најпосакувана за живеење е Германија каде што голем број наши сограѓани кои нашле работа се обидуваат да влезат во цензусот за добивање право на населување. Дел од нив, ова право се обидуваат да го добијат и преку барање азил.

Приказните обично завршуваат добро, но дел од нив имаат и лош крај, па нашинците мораат да се вратат назад. Само од Германија во првата половина од годинава се протерани 454 македонски државјани кои на најразличен начин се обидувале да останат да работат и да живеат таму.

Но протерувања има и од други земји. Според податоците на Министерството за внатрешни работи, во првата половина од годинава во земјава присилно се вратени 600 луѓе. Лани биле депортирани околу 500 македонски државјани.

– Најголемиот број лица се депортирани од германските градови Коесфелд, а помал број од градовите Карлсруе, Минхен, Хамбург, Хале, Касел, Триер, Берлин и други – велат од МВР.

Освен од Германија, додаваат од МВР, согласно горенаведената Спогодба, во значително помал број депортација на македонски државјани се врши и од Австрија, Белгија, Италија, Грција и од други земји.

Причините за нивното присилно враќање се различни но најчеста е нелегалниот престој.

– Македонските државјани кои се депортираат од Германија се наши државјани со нелегален престој во Германија и согласно Спогодбата помеѓу РСМ и Европската заедница за преземање на лица со кои престојуваат без дозвола (Сл. весник бр. 141 од 22.11.2007 г.) истите се депортираат во РСМ. Имено, согласно претходно утврдена процедура германските власти се обраќаат до македонското МВР каде се вршат потребните проверки за лицата – појаснуваат од МВР.

И од агенциите за вработување во странство велат дека во земјите како Германија каде што вработените имаат права кои кога ќе се стекнат тешко се губат, не е лесно и без оправдана причина да се депортира. Според нив, во овој случај, станува збор за азиланти или работници кои таму се вработиле на црно и имаат поминат рок на дозволите за престој.

Зоран Кочоски од Агенцијата Коузон вели дека Германија веќе најавила одредени измени во аплицирањето за работни визи поради економската состојба и ветувањето дека ќе го регулира престојот на бегалците од Украина.

– Во овој период, иако уште се бараат работници од одделни струки во Германија, се најавува намалување на потребата од работна сила, но кога тоа ќе случи не се знае. Овие депортации за кои се информира деновиве најверојатно се за лица кои бараат азил од кои Германија сака да се ослободи, за да ги намали социјалните трошоци, но и како резултат на големиот прилив на бегалци од Украина. Планираниот цензус од 70.000 до 120.000 лица со право на населување во Германија е веќе надминат. Таму има прилив на 4 до 4,5 милиони бегалци од Украина, а 300.000, според мои информации, веќе се изјасниле дека сакаат трајно да се доселат во Германија. Тоа, како што реков, го надминува дозволениот раб и земјата ќе треба да се ослободи од други доселеници кои незаконски живеат таму или бараат азил. Верувам дека една од причините за овие депортации е токму тоа. Но можеби и во Германија е дојдено времето кога државата треба да се прочисти од сите оние кои незаконски живеат таму, односно без право на престој и да почне да ги спроведува законите – вели Кочоски.

Тој додава дека и покрај ваквата состојба работодавците од Германија уште бараат одделни струки на работници.

– Германија веќе најави некои измени во визната политика и добивањето работни визи. Сè уште нема официјални измени но сигурно ќе се случат наскоро. Повеќе причини има за ваквото однесување на оваа земја, но покрај бегалците и економската криза и стравот од рецесија ја тера владата да води политика која ќе биде приспособена на актуелните состојби. Инаку од оваа земја тешко се депортираат работници кои ги поминале сите процедури за добивање работа и престој – додава тој.

Од агенциите за посредување при вработување во странство велат дека иако најголемиот дел од земјите од ЕУ имаат слично законодавство, секој има свои специфики во однос на доселувањето и добивањето работни визи. Дел од нив, поради големата потреба од работници замижуваат пред големиот број работници на црно, но сега кризата најверојатно ги тера да им се вратат на законите.

– Примерот со Германија го покажува тоа. Можеби и во Германија е дојдено времето кога државата треба да се прочисти од сите оние кои незаконски живеат таму, односно без право на престој и да почне да ги спроведува законите. Најавите за промени во однос на укинување на лотаријата за визи и слично сѐ повеќе говорат за ова – вели Кочоски.

Со оглед на кризата со енергенси и намалување на производството, велат нашите соговорници, во одделни земји поради штедење и затворање на производни процеси, можно е голем број од работниците кои се заминати да работат на црно да бидат откриени и вратени дома.

The post УКРАИНСКИТЕ БЕГАЛЦИ ГИ ИСТИСНАА БАЛКАНЦИТЕ ОД ГЕРМАНИЈА Први на удар тие без легален престој appeared first on plusinfo.mk.

Спред податоците на германското МНР во првата половина од годинава најмногу депортации се направени кон Северна Македонија вкупно 454.

Втора најчеста дестинација за депортациите била Албанија со вкупно 402, а следуваат Грузија и Турција.

Податоците беа откриени на барање на пратеничката група на Левицата во германскиот Бундестаг, која забележува дека германските покраини трошат многу пари за организирање летови за депортации.

За половина година властите депортирале вкупно 35 лица од Германија во единаесет „мини чартер летови“ во првата половина на 2022 година. Вкупно 167 полицајци дежурале за обезбедување на депортациите. Трошоците за овие летови ја чинеле државата вкупно 580.000 евра.

-Коалицискиот договор меѓу СПД, Зелените и Либералите кои ја сочинуваат германската влада, предвидува „офанзива за депортација со цел поконзистентно да се спроведе обврската за напуштање на земјата“ – соопшти германското МВР на барање на тамошните медиуми.

The post НЕСЛАВЕН МАКЕДОНСКИ РЕКОРД На списокот за депортации од Германија најмногу имиња на македонски државјани appeared first on plusinfo.mk.