Општина Тетово информираше дека на вонредна седница преку видео конференциска врска е донесена одлука на Советот, понеделник, 1 декември 2025 година, да биде ден на жалост, поради смртта на пејачот Шпат Касапи. Денот на жалост е прогласен на територијата на Општина Тетово.

– Шпат Касапи даде значаен придонес во развојот на културата и музиката во општина Тетово, во Република Северна Македонија и на албанската музичка сцена. Во денот на жалост се препорачува на јавните установи, правните лица и граѓаните да се воздржат од организирање на свечености, забавни и музички настани – се наведува во одлуката на Советот на Опптина Тетово.

Пејачот Шпат Касапи почина на 26 ноември на 40-годишна возраст. Беше погребан во недела 30 ноември на гробиштата на Исламската верска заедница во Тетово.

The post ДЕН НА ЖАЛОСТ ВО ТЕТОВО ПОРАДИ СМРТТА НА ШПАТ КАСАПИ Пејачот дал значаен придонес во развојот на културата и музиката appeared first on plusinfo.mk.

Кога огнот го зафати Домот за пензионери во Тузла, Алма Тадиќ влетала без двоумење. Единствената мисла ѝ била дека мора да ја спаси мајка си, јавува Н1 пренесувајќи го свероштвото на Алма.

Мирисот на чадот, паниката и крикот на старите луѓе ја следеле во трчањето низ темните ходници. „

– Морав да ја најдам мајка ми – раскажала Алма со глас што трепери.

Кога конечно ја прегрнала мајка си, вели дека почувствувала дека времето застанало. Ја покрила со ќебе, ѝ дала вода и останала со неа до 2 часот по полноќ. Сликата на изгорениот простор и вознемирените луѓе околу неа останале во нејзините мисли како жив кошмар.

Зад оваа херојска ноќ се крие и друга, прашањето за лошите услови во Домот за стари лица. Според жителите на Тузла, во зградата со години не се инвестирало.

Footage shows heavy damage to a home for the elderly in the town of Tuzla in northern Bosnia after an overnight fire. The death toll rose to at least 11 and about 30 people were injured https://t.co/fSnu23xnVb pic.twitter.com/pJN23k3EQp

— Reuters (@Reuters) November 5, 2025

– Запоставено е, жално е. Мајка ми е тука 3 години и ништо не се променило – изјавила Алма.

Таа додала дека цените за престој во домот се високи, до 1.600 марки на горните катови, а условите катастрофални.

Регионалните медиуми објавија и дека во јавноста постои дилема зошто најранливите граѓани во домот биле сместени на горните катови.

Пожарот кој изби на седмиот кат од домот во Тузла одзеде 11 жртви, додека повеќе од 3 лица се повредени.

Градоначалникот најави истрага и одговорност.

Денеска во Федерацијата Босна и Херцеговина и во Црна Гора е Ден на жалост во чест на жртвите од пожарот во дом за стари лица во Тузла, јавуваат локалните медиуми.

The post ХЕРОИНА ОД ТУЗЛА ЈА ИЗНЕЛА МАЈКА СИ ОД ПЕКОЛОТ „Тука 3 години ништо не се променило“ appeared first on plusinfo.mk.

Претседателот на Бугарија Румен Радев изрази сочувство до роднините и пријателите на загинатите во пожарот во Кочани. Тој и бугарската потпретседатека Илијана Јотов се потпишаа во книгата на жалост во македонската амбасада во Софија.

– Бугарија и Северна Македонија тагуваат за младите загинати во пожарот во Кочани. Општа е нашата болка за загубата на невини животи и нашата надеж за брзо закрепнување на повредените – рече тој.

Радев рече дека Бугарија може да прими уште 10 пациенти на лекување во бугарските болници и дека нивниот медицински тим и воениот авион „Спартан“ се подготвени во секој момент да ги транспортираат повредените.

– Бугарија е подготвена и ќе продолжи да помага за сè што е потребно. Во моментов чекаме македонската страна да одлучи дали има потреба од преземање на уште 10 жртви од трагедијата. Екипите се во готовност, ќе пружиме помош – рече Радев.

Тој им се заблагодари на бугарските медицински тимови и воениот персонал за брзата реакција и професионалноста во транспортот на повредените и пружањето на специјализирана медицинска помош.

– Оваа трагедија покажа дека луѓето од двете страни на границата можат да се потпрат еден на друг не само во деновите на судењето, туку и за нашата заедничка европска иднина – рече Радев.

Денеска е Бугарија е Ден на национална жалост во спомен на загинатите во пожарот во дискотеката „Пулс“ во Кочани.

Животот го загубија 59 лица, над 155 се повредени.

The post БУГАРИЈА МОЖЕ ДА ПРИМИ УШТЕ 10 ПАЦИЕНТИ ОД КОЧАНИ Претседателот Радев се потпиша во книгата на жалост appeared first on plusinfo.mk.

Во земјава и денеска е ден на жалост за настраданите во несреќата во Кочани. За време на седумдневната жалост што ја прогласи Владата, знамињата се на половина копје, откажани се сите музички, забавни активности и настаните во установите од областа на културата, а прилагодена е и програмата на медиумите.

Отворени се книги на жалост во Собранието, во МНР и во македонските амбасади низ светот.

Во знак на сочувство за настраданите во пожарот во Кочани во кој животот го загубија 59 млади лица, а повеќе 150 се повредени и хоспитализирани, денеска ден на жалост прогласија Србија, Бугарија, Босна и Херцеговина, а вчера и Црна Гора.

Српската Влада, на предлог на претседателот Александар Вучиќ, го прогласи 18 март за ден на жалост. Во Србија на лекување  се испратени и дел од поврeдените во Кочани. Нив вчера ги посети претседателот Вучиќ, кој кажа дека во здравствените установи во Србија ќе бидат згрижени вкупно 29 повредени лица.

И бугарската Влада на вонредна седница донесе одлука денеска да биде ден на жалост во знак на солидарност со Северна Македонија. Премиерот Росен Жељазков изрази сочувство до семејствата на загинатите и надеж за успешно закрепнување на повредените. Тој информира дека во моментов во Бугарија се лекуваат 14 македонски државјани во болници во Софија, Пловдив и Варна. Искажа подготвеност за прием и на други повредени доколку има потреба.

Жељазков додаде дека трагедијата ги надминува секојдневните политички и општествени разлики.

– Во вакви тешки моменти, човечките чувства и солидарност доаѓаат до израз. Верувам дека нашите народи ќе ги остават настрана дневните предизвици и ќе бидат единствени во овој ден – изјави вчера премиерот на Бугарија.

Ден на жалост денеска е и во Федерацијата Босна и Херцеговина, а во текот на вчерашниот ден и во Црна Гора.

The post РЕГИОНОТ СОЧУВСТВУВА СО СЕМЕЈСТВАТА НА НАСТРАДАНИТЕ ВО КОЧАНИ Ден на жалост во Србија, Бугарија и во Босна и Херцеговина appeared first on plusinfo.mk.

Најмалку 59 млади лица загинаа, а 155 македонски и странски државјани беа повредени во голем пожар во преполниот ноќен клуб во Кочани, во Северна Македонија, на 16 март откако се запали таванот на клубот и падна врз присутните за време на концертот на групата ДНК.

Од повредените 84 пациенти се лекуваат во домашните болници, а 51 пациент се лекува во странство.

Северна Македонија официјално го активира Механизмот за цивилна заштита на ЕУ, првично барајќи итна евакуација на 15 пациенти со тешки изгореници. Како одговор, девет европски земји – Хрватска, Грција, Романија, Словенија, Шведска, Литванија, Унгарија, Луксембург и Норвешка – веднаш понудија помош преку овој механизам.

За несреќата се осомничени 23 лица, 11 лица се во притвор. Истрагата се уште е во тек.

На 16 март, по несреќата, Владата на Северна Македонија прогласи седумдневна жалост во целата земја, а досега утрешниот 18 март за ден на жалост го прогласија и владите на Србија, Црна Гора и Бугарија.

The post БОСНА И ХЕРЦЕГОВИНА ТАГУВА ЗАЕДНО СО НАС Прогласен е Ден на жалост поради трагедијата во Кочани appeared first on plusinfo.mk.

Бугарскиот премиер изрази сочувство до семејствата на жртвите.

– Во вакви моменти најважно е да се покаже навремена емпатија и солидарност. Бугарија е подготвена да прифати уште пациенти – рече Жељазков.

The post БУГАРИЈА ГО ПРОГЛАСУВА ВТОРНИК ЗА ДЕН НА ЖАЛОСТ Софија е подготвена да прифати уште повредени од пожарот во Кочани appeared first on plusinfo.mk.

По повод трагедијата во Северна Македонија, во која загинаа 59 лица, а над 150 се повредени, понеделник, 17 март, во Црна Гора е прогласен за Ден на жалост.

„Со голема тага ја примивме веста за трагичниот настан во Кочани, Северна Македонија. Владата на Црна Гора е подготвена да застане покрај пријателскиот народ на Северна Македонија на сите неопходни начини во ова тешко време и со ова ја информира јавноста дека понеделник, 17 март, во Црна Гора ќе биде Ден на жалост. Изразуваме длабоко сочувство до семејствата на жртвите, а на повредените им посакуваме брзо закрепнување. Нашите мисли и молитви се со Северна Македонија“, напиша црногорскиот премиер Милојко Спајиќ на Икс.

The post ЦРНА ГОРА ГО ПРОГЛАСИ ПОНЕДЕЛНИК ЗА ДЕН НА ЖАЛОСТ Подгорица спремна да му помогне на Скопје appeared first on plusinfo.mk.

Српската влада на утрешната седница, на предлог на претседателот на Србија, Александар Вучиќ, ќе го прогласи вторник, 18 март за Ден на жалост во Србија поради трагедијата во Северна Македонија, соопшти денеска Канцеларијата за соработка со медиумите на Владата.

– Тоа е најмалку што можеме да направиме во овој момент – изјави српскиот министер за труд, вработување, ветерани и социјала Немања Старовиќ.

The post ВТОРНИК, ДЕН НА ЖАЛОСТ ВО СРБИЈА ЗА ТРАГЕДИЈАТА ВО КОЧАНИ Српската влада утре ќе донесе одлука appeared first on plusinfo.mk.

Таа е во стабилна состојба, дише со помош на апарати, соопштија лекарите.

– Наставничката е во стабилна, сè уште дише со помош на механичка вентилација. Денеска ќе имаме дополнителна дијагностика во нејзиниот третман – одговориле за хрватските медиуми од загребската клиничка болница „Свети дух“.

Од Министерството за здравство на Хрватска изјавија дека се хоспитализирани три деца и тие се во стабилна состојба.

Во нападот со нож е убиено 7-годишно дете.

Утрото по трагедијата пред основното училиште владее тишина и тага. Полицијата ја заврши истрагата, така што улицата до училиштето е слободна за поминување.  Училиштето сè уште е оградено со полициска лента, а го обезбедуваат десетина полицајци.

Во Хрватска денеска е ден на жалост.

Напаѓачот има 21 година. Тој е уапсен.

The post НАПАДНАТАТА НАСТАВНИЧКА Е ПРОБОДЕНА СО НОЖ 31 ПАТ! Грозоморни детали од стравичниот напад во училиштето во Загреб appeared first on plusinfo.mk.

Како што информират од Општина Велес, на Денот на жалост, знамињата во Општина Велес ќе бидат истакнати на половина копје, сите културни и спортски манифестации закажани за утре, се одложуваат.

Угостителските објекти кои се на територијата на Општина Велес ќе емитуваат сериозна музика.

ТРОЈЦА ЗАГИНАТИ ПРИ ПРЕВРТУВАЊЕ НА ПАТНИЧКО КОМБЕ! Во страшната несреќа кај Катланово се повредени 5 лица кои завршиле во болница

The post ЗНАМИЊАТА НА ПОЛОВИНА КОПЈЕ, ТИШИНА ВО КАФЕАНИТЕ Ден на жалост во Велес поради тројцата загинати во сообраќајка appeared first on plusinfo.mk.