ВМРО-ДПМНЕ на сите македонски граѓани им го честита празникот 23 Октомври, Денот на македонската револуционерна борба.

„Денот на македонската револуционерна борба е важен ден од македонската историја, кој нè потсетува дека слободата не била ниту лесно стекната, ниту подарена. 23 октомври далечната 1893 година е потсетник за првата семакедонска организација, кога основачите со визија, идеали и со револуционерни идеи зачекорија по патот на слободата и македонската државност“, соопшти ВМРО-ДПМНЕ.

Ова е ден кога со гордост се сеќаваме на храброста, пожртвуваноста и истрајноста на македонските револуционери, се додава, затоа што без нивната прогресивност и силна желба за слобода и правда, незамислив е континуитетот на борбата и вековниот идеал на Македонците за слободна и независна македонска држава.

„Ние сега слободно живееме во демократска Македонија која ни ја оставија нашите предци, а наша обврска и аманет е со почитување и учење на минатото да ја градиме иднината на просперитетна и развиена држава. Да си подадеме рака сите, како што направиле нашите предци, и заеднички да направиме од Македонија подобро место за живеење каде што новите генерации ќе ја градат иднината. Нека ние е честит и вековит 23 Октомври, Денот на македонската револуционерна борба“, соопшти ВМРО-ДПМНЕ.

The post ДА СИ ПОДАДЕМЕ РАКА КАКО ПРЕДЦИТЕ, ЗАЕДНИЧКИ ДА ИЗГРАДИМЕ ПОДОБРА МАКЕДОНИЈА Честитка за 23 Октомври од ВМРО-ДПМНЕ appeared first on plusinfo.mk.

Кулминација на дејноста на ВМОРО е организирањето на Илинденското востание во 1903 година во Македонија.

Основите на Организацијата се поставени на 5 ноември 1893 година (23 октомври – според стариот календар) во куќата на книжарот Иван Хаџи Николов во Солун. На основачкиот состанок присуствуваат: Д-р Христо Татарчев – лекар, родум од Ресен, Даме Груев – учител, родум од с. Смилево – Битолско, Петар Поп Арсов – учител, родум од с. Богомила – Велешко, Иван Хаџи Николов – книжар во Солун, родум од Кукуш, Антон Димитров – учител, родум од с. Ајватово – Солунско и Христо Батанџиев – учител, родум од с. Гуменџа, Ениџе Вардарско.

Основачите почнуваат да ги шират овие револуционерни идеи меѓу прогресивната младина во Солунската бугарска машка гимназија.

Набргу, учениците во гимназијата создаваат кружоци, конспиративни групи и други материјали. По завршувањето одат по своите родни места и таму почнуваат да агитираат.

Младите студенти и нивните професори стануваат стожерот, односно движечката сила на македонската револуција. Емисарите вршат обиколки по селата во Македонија и Одринска Тракија и формираат месни комитети.

Откако на овој начин се формирала структурата на организацијата, се започнало со процесот на создавање вооружени чети и почнале набавки на оружје по илегални канали од Бугарија и Грција.

По повод Денот на македонската револуционерна борба, во Музејот на македонската борба ќе се одржи Свечена академија под слоганот „Завет кој обврзува” на која што свое обраќање ќе има претседателот на Владата, Христијан Мицкоски.

Владина делегација во 11 часот ќе положи свежо цвеќе пред Споменикот на основачите на ВМРО кој се наоѓа во Жена-парк Скопје, исто како и собраниската делегација составена од потпретседателот, Антонијо Милошоски и пратеничката Емилија Ангелова.

Државната награда „23 Октомври“ ќе биде, исто така, доделена денеска во Кристалната сала на Собранието на Република Северна Македонија во 12 часот.

Добитник на наградата „23 Октомври“ годинава е поетот Славе Димоски, за долгогодишни остварувања во областа на науката, културата, образованието, заштитата на државните интереси и промоција на државните приоритети, вредности и културно-историското наследство од јавен интерес на Република Северна Македонија.

The post ВО СОЛУН БЕА УДРЕНИ ТЕМЕЛИТЕ НА РЕВОЛУЦИОНЕРНАТА БОРБА Македонија го одбележува 23 октомври appeared first on plusinfo.mk.

„Идејата-водилка на основачите на Македонската револуционерна организација, коишто пред 131 година визионерски зачекорија по трнливиот пат кон политичка автономија, еволуираше и се доградуваше низ годините. Резултатот е самостојна македонска држава исправена пред нови предизвици.

Прославувајќи го Денот на македонската револуционерна борба, да се потсетиме на сите знајни и незнајни херои и на нивните идеали, убедувања и жртви. Денес, кога го живееме нивниот сон, да не заборавиме дека државноста е тешко стекната, дека не ни е подарена и треба да се брани со демократски инструменти, наместо со оружје, како некогаш.

Затоа, да се грижиме за татковината и да си ја чуваме, оти друга немаме! Да се почитуваме еден со друг, оти без нас сите, нема македонска држава. Да им ја оставиме на потомците, како што нам ни ја оставија, македонските револуционери“, вели претседателката во својата честитка.

The post ДРЖАВНОСТА ТРЕБА ДА СЕ БРАНИ СО ДЕМОКРАТСКИ ИНСТРУМЕНТИ Сиљановска Давкова го честиташе 23 октомври appeared first on plusinfo.mk.

Владина делегација во 11:00 часот ќе положи свежо цвеќе пред Споменикот на основачите на ВМРО кој се наоѓа во Жена-парк Скопје.

Со овој празник се оддава должна почит за сите жртви и напори кои се дадени во борбата за самостојност и организираното делување во насока стекнување на независност, слобода и удирање на темели на сопствена македонска држава.

Воедно на овој ден во 1893 година е формирана Македонската револуционерна организација која претставува главната сила во организираниот отпор насочен за ослободување.

Овој празник претставува завет на многу генерации кој обврзува за достојно, суштествено и активно делување во изградба на современа, силна и просперитетна држава.

The post ЗАВЕТ КОЈ ОБВРЗУВА Утре е неработен ден, ќе се одбележи Денот на македонската револуционерна борба appeared first on plusinfo.mk.

„Ве известуваме дека „по повод одбележувањето на „23 Октомври – Ден на македонската револуционерна борба”, владина делегација составена од Роберт Алаѓозоски, национален координатор за интеркултурализам, едно општество, развој на културата и меѓуресорска соработка и Драган Василевски, советникот за одбрана на претседателот на Владата на Република Северна Македонија, на ден 23.10.2023 годинa (понеделник) од 11:00 часот ќе положи свежо цвеќе на споменикот на Гоце Делчев во Градскиот парк, Скопје“ – се вели во соопштението од Владата. 

Во владиното соопштение нема известување како другите високи функционери на Владата, вклучувајќи го премиерот Димитар Ковачевски, ќе оддадат почит по повод Денот на македонската револуционерна борба. Таква информација, засега, нема ниту од кабинетот на претседателот Стево Пендаровски.

Празникот 23 Октомври се празнува по повод основањето на Македонската револуционерна организација во Солун. Имено, на 23 октомври 1893 година во куќата на солунскиот книжар Иван Хаџи Николов во Солун се состанале шестмина млади револуционери за да ги поставаат основите на тоа што подоцна ќе стане симбол и знаме на борбите на Македонците за слобода. Основоположниците биле: Христо Татарчев, Даме Груев, Петар Поп Арсов, Иван Хаџи Николов, Антон Димитров и Христо Батанџиев. Тие основале конспиративна група, нарекувајќи ја Македонски револуционерен комитет.

Организацијата се борела за ослободување на Македонија со сопствени сили, без помош од надвор. Формирањето на МРО значело почеток на организираното македонско револуционерно движење кое преку Илинденското востание во 1903 година и Крушевската република, а потоа и преку НОБ во Втората светска војна резултираше со создавање современа, самостојна македонска држава. Овој датум се поврзува со организираната борба на македонскиот народ и народите кои живееле во Македонија за формирање независна држава. Во политичка смисла, борбата за автономија значела формирање самостојна држава и затоа 23 октомври симболизира континуитет на македонската борба за независност.

Денот на македонската револуционерна борба како државен празник се празнува од 2007 година кога беше донесен и изгласан новиот Закон за државни празници. СДСМ тогаш се спротистави на прославувањето на овој ден, нарекувајќи го „партиски роденден на ВМРО-ДПМНЕ“. Но, бидејќи законот никогаш не беше изменет, празникот се празнува, тој ден е неработтен, но Владата, како што гледаме, го празнува неволно, со „низок интензитет“ и се обудува да го деградира испраќајќи пониски функционери да положат цвеќе на еден од доајените на македонската револуционерна борба, Гоце Делчев.

The post ВЛАДАТА ГО ОМАЛОВАЖУВА ДЕНОТ НА МАКЕДОНСКАТА РЕВОЛУЦИОНЕРНА БОРБА На споменикот на Гоце Делчев ќе положи цвеќе „координатор за интеркултурализам“ appeared first on plusinfo.mk.

Како што информира Министерството за труд и социјална политика, овој ден е неработен согласно Законот за празниците на РМ („Службен весник на РМ„ бр.21/98 и 18/07).

МТСП на сите граѓани им го честита празникот.

The post ПОНЕДЕЛНИК НЕРАБОТЕН ДЕН Се празнува Денот на македонската револуционерна борба appeared first on plusinfo.mk.

Поради тоа што празникот годинава паѓа во недела, понеделник, 24 октомври, ќе биде неработен ден за сите граѓани на Македонија.

The post ПОНЕДЕЛНИК НЕРАБОТЕН ДЕН Два дена ќе се празнува Денот на македонската револуционерна борба appeared first on plusinfo.mk.