ЛЕВИЦА И АПАСИЕВ СЕ ДЕМАСКИРАНИ ЗА „ПОДРУМОТ“ Во дуќанот отворил кафуле член на раководството на партијата

плусинфо — Fri, 25 Apr 2025 12:48:01 +0000

Се размотува клопчето околу деловниот простор од над 400 квадратни метри на Левица во центарот на Скопје, вистината целосно излегува на виделина, рече денеска Валентин Манасиевски, член на ЦК на ВМРО-ДПМНЕ.

– Тезите дека Левица купила подрум воопшто не се точни и претставува манипулирање на членството на таа партија, но и граѓаните воопшто. На фотографиите кои ги видовме од деловниот објект, јасно се гледа дека не е само подрум во прашање, туку и високо приземје Интересно е што во овој објект на Левица пред нецели два месеца е отворена фирма и кафе бар, а сопственик на кафе-барот е член на Централниот комитет на Левица, Зоран Ивановски. Тој истовремено е и член на УО на ЈП „Водовод и канализација“ – рече Манасиевски.

Тој покажа извадок од тековна состојба од Централниот регистар, од кој се гледа дека адресата на фирмата на Ивановски е во дуќанот на Левица.

– Ивановски може да се види често и во друштво на Димитар Апасиев. Толку од скромноста и левичарството на Апасиев и Левица, од левичари до могули со кафе-барови преку ноќ. И Апасиев и Левица се демаскирани – истакна Манасиевски од ЦК на ВМРО-ДПМНЕ.

The post ЛЕВИЦА И АПАСИЕВ СЕ ДЕМАСКИРАНИ ЗА „ПОДРУМОТ“ Во дуќанот отворил кафуле член на раководството на партијата appeared first on plusinfo.mk.

НОВ ДЕЛОВЕН ПРОСТОР НА „ТИКВЕШ“ ВО КАВАДАРЦИ Позициониран во централниот дел на винарницата, објектот нуди уникатен и инспиративен работен амбиент

плусинфо — Wed, 19 Jul 2023 11:37:14 +0000

Винарската визба „Тиквеш“, лидер на винскиот пазар во земјава, продолжува со својата стратегија за континуирани инвестиции во одржлив развој и имплементација на ESG стандардите. Во рамките на овој процес кој се одвива во сите сегменти од работењето на компанијата, „Тиквеш“ ги отвори новите деловни простории во Кавадарци.
Деловниот простор во Кавадарци е уникатен по својата функционалност и архитектонски изглед, но и според постулатите за одржливост кои се вградени во овој објект. Во текот на изградбата се користени еколошки и одржливи материјали и во целост се имплементирани принципите за енергетска ефикасност кои обезбедуваат заштеда на енергија. Дизајнот на просторот овозможува пространост и удобност, како и максимално користење на дневната светлина, со што се штеди енергија. Покрај тоа, инсталираниот централен систем за климатизација и вентилација е базиран на обновлива енергија, односно голем дел од енергијата што ја користи е од фотонапонска централа.
Вкупната инвестиција во изградбата на деловниот простор во Кавадарци изнесува над еден милион евра. Покрај висококвалитетната градба и задоволувањето на највисоките стандарди за изградба на ваков тип на објекти, новиот деловен простор е позициониран во централниот дел на винарницата и нуди уникатен и инспиративен работен амбиент, прилагоден на специфичните потреби на работењето на винарницата. Внатрешното уредување е адаптирано на потребите на вработените особено во поглед на нивното здравје и благосостојба. Користен е ергономски ентериер и предвидени се простории за пауза и одмор и други видови на простории за вработените.

„Континуиран напредок и имплементација на највисоките стандарди е наша долгорочна заложба и во таа насока инвестираме подеднакво во сите сегменти од нашето работење. Веруваме дека новиот деловен простор ќе овозможи подобри услови за работа, поголема благосостојба на нашите вработени и поголема продуктивност. Нашите луѓе се основа за нашиот успех, а развојот и грижата за вработените е еден од врвните приоритети на компанијата“, велат од „Тиквеш“.

Новиот деловен простор на „Тиквеш“ во Кавадарци има мултифункционален карактер, а покрај другите работни единици има и две конференциски сали и простор за настани и презентации.
Имплементацијата на ESG стандардите, како дел од стратегијата за одржливост на винарската визба „Тиквеш“, е процес во кој целокупното работење на „Тиквеш“ се унапредува во однос на трите параметри: животна средина, општествен придонес и корпоративно управување (ESG).

The post НОВ ДЕЛОВЕН ПРОСТОР НА „ТИКВЕШ“ ВО КАВАДАРЦИ Позициониран во централниот дел на винарницата, објектот нуди уникатен и инспиративен работен амбиент appeared first on plusinfo.mk.

деловен објект Archives - plusinfo.mk

ЛЕВИЦА И АПАСИЕВ СЕ ДЕМАСКИРАНИ ЗА „ПОДРУМОТ“ Во дуќанот отворил кафуле член на раководството на партијата

НОВ ДЕЛОВЕН ПРОСТОР НА „ТИКВЕШ“ ВО КАВАДАРЦИ Позициониран во централниот дел на винарницата, објектот нуди уникатен и инспиративен работен амбиент