Министерката за енергетика, рударство и минерални суровини, Сања Божиновска, учествуваше на панелот “Engineering the Infrastructure of Energy Security” во рамки на „Delphi Economic Forum“, каде заедно со високи владини претставници и лидери од енергетскиот сектор се дискутираше за иднината на енергетската безбедност во регионот.

Во своето обраќање, министерката Божиновска нагласи дека земјата влегува во нова фаза на енергетско позиционирање:

– Денес, ние свесно се позиционираме како регионален енергетски јазол што ги поврзува пазарите, изворите и партнерите.

Таа ја претстави стратегијата базирана на три клучни столба:

– Интерконекторот со Грција, како директен пристап до алтернативни извори на гас и LNG терминали

– Соработката со Србија, која отвора северен коридор и овозможува двонасочен проток

– Партнерството со САД преку ЛНГ иницијативата, со што се зајакнува енергетската независност

Божиновска вели дека енергетската политика без инфраструктура останува само декларација.

– Со изградбата на овие коридори ја амалуваме ранливоста, создаваме поконкурентни цени и се позиционираме како транзитна земја што додава вредност.

Министерката потенцираше дека новата улога на земјата не е само транзитна, туку стабилизирачка за поширокиот регион:

– Не сакаме да бидеме периферен пазар – туку сигурен партнер во европската енергетска мрежа.

Во однос на енергетската транзиција, Божиновска истакна дека пристапот на државата е прагматичен и насочен кон сигурност:

– Нема енергетска транзиција без сигурност – и нема сигурност без диверзификација. Географијата сама по себе не е предност ако не се претвори во политика. Нашата цел е да станеме фактор на стабилност на регионалниот пазар на електрична енергија.

Со зајакнувањето на јужните и северните енергетски коридори, Северна Македонија се позиционира како активен учесник во стабилизирањето на енергетските текови во регионот.

Клучната порака која Божиновска ја испрати од Делфи е јасна:

– Градиме енергетски систем кој е диверзифициран, поврзан и стратешки релевантен – со улога што ќе го дефинира нашето место во Европа во децениите што следат.

The post НЕ ПЕРИФЕРЕН ПАЗАР, ТУКУ СИГУРЕН ПАРТНЕР НА ЕУ Македонија се позиционира како регионален енергетски јазол appeared first on plusinfo.mk.

Премиерот Димитар Ковачевски заедно со министерот за финансии Фатмир Бесими на маргините на Економскиот форум Делфи во Грција, се сретнаа со поранешниот британски премиер Тони Блер, со кој разговарале за актуелната состојба во светот и предизвиците со кои се соочуваат државите како резултат на воената агресија на Русија врз Украина, енергетската криза и мерките кои се преземаат за стабилност во снабдување со енергенси и спречување на ценовните шокови.

Во таа насока, како што соопшти владината прес-служба, биле презентирани и можностите на Институтот за глобални промени со кој раководи Блер, во насока на поддршка за технолошки развој на земјите кои имаат амбиции да бидат конкурентни за да бидат во чекор со технолошките напредните земји како начин за совладување на актуелните предизвици.

Ковачевски и Блер дискутирале и за важноста од економскиот развој на земјите од Западен Балкан, како и за иницијативата „Отворен Балкан“ која е од голема важност за напредокот на земјите иницијатори. Било заклучено дека забрзана дигитализација и технолошки напредок се многу важни за остварување на целите на иницијативата.

Претседателот на Владата Ковачевски и поранешниот британски премиер Блер изразиле задоволство од одличните билатерални односи меѓу Република Северна Македонија и Обединетото Кралство за кои изразија уверување дека имаат потенцијал да бидат продлабочени.

The post ПРЕМИЕРОТ СЕ ВИДЕ СО ТОНИ БЛЕР „Отворен Балкан“ е од голема важност за напредокот appeared first on plusinfo.mk.

На денешното отворање на форумот, ќе се обрати претседателката на Грција Катерина Сакеларопулу, заедно со нејзините колешки- претседателките на Естонија и Словачка, како и потпретседателот на ЕК и поглаварот на Грчката православна црква.

Во Атина е и премиерот на Шпанија Педро Санчез, кој ќе учествува на дискусија со грчкиот премиер Кирјакос Мицотакис, а ќе остварат и билатерална средба.

Економскиот форум е под покровителство на грчката претседателка, традиционално се одржува во градот Делфи, но оваа година поради ковид-19 ќе биде во палатата „Запио“ во Атина, а ќе се следи онлајн.

Предвидено е учесниците, на над 300 сесии да дискутираат на десет различни теми како што се геополитиката и меѓународната безбедност, светската економија, иднината на Европа, здравството, климатските промени, општеството, образованието, културата итн.

Согласно официјалната агенда, на панел дискусии ќе учествуваат претседателот на Владата Зоран Заев, заменик-претседателот на Владата задолжен за европски прашања Никола Димитров и министерот за животна средина и просторно планирање Насер Нуредини.

Учеството на премиерот е закажано за во четврток кога ќе дискутира со уредникот на „Катимерини“ Атанасиос Елис, а како што вчера соопштија од Влада, Заев во Атина ќе пристигне заедно со вицепремиерот за економски прашања Фатмир Битиќи, со вицепремиерот за европски прашања Никола Димитров и со министерот за економија Крешник Бектеши.

Премиерот ќе се сретне со неговиот грчки колега Кирјакос Мицотакис, а на маргините на форумот ќе има одделни средби со лидерот на СИРИЗА Алексис Ципрас, со поранешниот премиер на Велика Британија Тони Блер, како и со други политички претставници од меѓународната сцена и со претставници на компании и стопански комори.

Вицепремиерот Никола Димитров, исто така во четврток заедно со шефот на кипарската дипломатија Никос Христодулидис, со алтернативниот министер за надворешни работи на Грција Милтијадис Варвициотис и со универзитетски професори ќе дискутираат за дипломатијата на малите држави, додека пак еден ден подоцна, во петок, Димитров ќе учествува на панел дискусија заедно со ЕУ комесарот за проширување Оливер Вархеји на тема „ЕУ и Западен Балкан: исполнување на долгоочекуваното ветување“.

Министерот за животна средина и просторно планирање Насер Нуредини, извршниот потпретседател на ЕК Франс Тимерман и министерот за енергија и животна средина на Грција Костас Скрекас, на панел дискусија, утре ќе говорат за „Европскиот зелен договор“.

Оваа година, голем дел од форумот ќе биде посветен на јубилејните 200 години од грчката револуција.

Економскиот форум Делфи е независна и непрофитна организација со меѓународен карактер, каде секоја година се среќаваат престижни личности од економијата, политиката и академската заедница.

Целта на Форумот е да претстави реална рамка на цели и активности, да се бараат политики за справување со глобалните предизвици и да се најдат соодветни решенија за сложените и меѓусебно зависни прашања со кои се соочува Грција, Југоисточна Европа и Источниот Медитеран.

На прес конференција пред 20 дена кога беше презентирана програмата и беа соопштени детали, претседателот на Делфи економскиот форум Симеон Цомокос, откри дека планирано е да организираат настан во Скопје на крајот на јуни

The post Почнува Делфи економскиот форум во Атина appeared first on plusinfo.mk.