Таткото Перо, мајката Виолета и братот Даниел, како и самата министерка за енергетика Сања Божиновска, се носители на бугарски пасош, тврди агенцијата БГНЕС, повикувајќи се на извори од Министерството за правда.

„Во јуни годинава стана јасно дека таа води фирма во Хрватска со бугарски пасош. Проверка на колегите од Радио Слободна Европа покажа дека т.н. експертка за енергија продавала и хулахопки“, се тврди во написот.

Наводите за бугарско државјанство на Божиновска предизвикаа реакции во македонската јавност. Божиновска на Фејсбук напиша дека е родена во Скопје и дека „е Македонка и секогаш ќе биде Македонка и тоа никој ниту може, ниту смее да ѝ го оспори“.

Објавен е и документ кој покажува дека Божиновска лани на 14 јуни побарала  побарала отпуст од бугарско државјанство.

Уште пред да стане, министерка Божиновска рече дека во нејзината официјална биографија е јасно наведено дека е македонска државјанка и дека поседува и чешко државјанство.

На новинарско прашање, минатата недела министерката кусо одговори дека ќе се консултира со адвокат дали да го објави документот со кој ќе потврди дека веќе не е бугарска државјанка.

Во написот БГНЕС потстетува дека поднесувањето барање за ослободување од бугарско државјанство не води до автоматско завршување на постапката, а дека тоа се прави преку посебен декрет и важи и за сегашните бугарски државјани родени во странство и за Бугарите кои се родени на територијата на денешна Бугарија.

„За конкретното лице (Божиновска) до денес не е издаден указ за ослободување од државјанство. Издавањето на таков указ се врши по темелна проверка за секаков вид на обврски на барателот. Потврдата, вклучително и данокот и имотот, се однесува на сите земји каде што престојувало лицето. Надлежните институции проверуваат и можни кривични постапки“, се вели во текстот.

БГНЕС потсетува дека доколку на Божиновска ѝ треба правна или друга помош, може да се обрати до бугарската амбасада во Скопје, која е должна да ѝ пружи помош.

The post МИНИСТЕРКЕ, ТЕШКО СЕ ЗЕМА БУГАРСКО ГРАЖДАНСТВО, А УШТЕ ПОТЕШКО СЕ ОТКАЖУВА Уште три члена на семејството на Сања Божиновска имаат бугарско државјанство appeared first on plusinfo.mk.

Претседателската извршна наредба стапи на сила вчера и се однесува на платениците, доброволците и сите вклучени во т.н. „специјалната воена операција“  во Украина, пишува SkyNews.

Ова може да се смета како потег за приближување до Кремљ на нестабилните трупи на Вагнер, од кои многумина се вознемирени откако се дозна дека нивниот лидер Евгениј Пригожин, наводно, загинал во авионска несреќа.

Некои видеа на социјалните мрежи покажуваат како војниците на Вагнер се заколнуваат на одмазда на претседателот Путин по смртта на шефот Вагнер.

The post УЛТИМАТУМ ЗА ПРИПАДНИЦИТЕ НА ВАГНЕР Путин потпиша декрет со кој се бара платениците да бидат верни на Русија appeared first on plusinfo.mk.

Претседателскиот декрет од 22 април за распуштање на Парламентот, предвидува пратениците првата седница да ја одржи на 1 јуни, меѓутоа, како што пишуваат медиумите во Грција, со оглед на тоа што формалните процедури се одвиваат со забрзан ритам, се очекува да биде издаден нов декрет или да се измени постоечкиот за првата седница да се свика четири дена порано.

Според државната телевизија ЕРТ пратениците ќе положат свечена заклетва в недела попладне, в понеделник ќе се изберат претседателот и замениците, а истиот ден ќе биде издаден и новиот претседателски декрет за распуштање на Парламентот и распишување избори на 25 јуни.

Потоа ќе следи и формирање службена Влада која ќе има една и единствена обврска, да ја одведе земјата на избори.

На позицијата премиер во службената Влада ќе дојде еден од претседателите на трите врховни судови, а веројатно тоа ќе биде претседателот на Ревизорскиот суд Јоанис Салмас.

Во Грција во тек е формалната процедура на доделување мандати на претседателите на првите три партии, а досега лидерите на Нова демократија и СИРИЗА ги вратија поради неможноста да формираат Влада.

Попладнево мандатот оди во рацете на претседателот на ПАСОК- Движење на промена, партијата која го освои третото место на парламентарните избори во неделата, но и овој обид ќе биде неуспешен.

The post ЌЕ ДАДАТ ЗАКЛЕТВА, ПА ОСТАВКА В недела новиот грчки парламент ќе се состане, а в понеделник ќе се распушти appeared first on plusinfo.mk.

Во декретот се наведува дека регрутирањето треба да се изврши од 1 април до 15 јули 2023 година за руски државјани на возраст од 18 до 27 години кои не се во резервниот состав и подлежат на регрутација за воена служба.

Со декретот се пропишува и отпуштање од воена служба на војниците на кои воениот рок им истекол.

Во есента 2022 година на служење воен рок биле повикани 120.000 лица, а минатата пролет 134.500.

Сите мажи во Русија треба да поминат една година воена служба на возраст од 18 до 27 години, или еквивалентна обука додека студираат.

Во просек, во последните години, околу 130.000 луѓе се поканети во секоја од пролетните и есенските кампањи.

The post ПУТИН ПОТПИША ДЕКРЕТ ЗА ПРОЛЕТНА РЕГРУТАЦИЈА Во војска треба да се јават млади од 18 до 27 години appeared first on plusinfo.mk.

Указот, во кој беше вклучена и компонента на Молдавија, ја содржеше руската надворешна политика пред 11 години, која претпоставуваше поблиски односи меѓу Москва и Европската унија и САД.

Наредбата за поништување на документот од 2012 година беше објавена на веб-страницата на Кремљ и се вели дека одлуката е донесена за „да се обезбедат руските национални интереси во врска со длабоките промени што се случуваат во меѓународните односи“.

Тоа е дел од серијата антизападни потези кои Путин ги најави вчера.

Молдавскиот претседател Александру Фленчеа на заедничката контролна комисија во безбедносната зона околу Придњестровје, рече дека откажувањето не значи дека Путин го напушта поимот молдавски суверенитет.

– Уредбата е политички документ што го спроведува концептот на надворешната политика на Русија. Молдавија и Русија имаат фундаментален политички договор што предвидува взаемно почитување на територијалниот интегритет на нашите земји – изјави Фленчеа.

Кремљ објави дека односите на Русија со Молдавија, која минатата недела избра нов прозападен премиер кој вети дека ќе бара влез во ЕУ, се многу тензични. Тој ја обвини Молдавија дека спроведува антируска агенда.

The post ДАЛИ МОЛДАВИЈА ЌЕ БИДЕ КОЛАТЕРАЛНА ШТЕТА ОД СУДИРОТ МОСКВА – ЗАПАД? Путин го укина декретот за нејзиниот суверенитет од 2012 година appeared first on plusinfo.mk.

Папата Франциск го распушти целото раководство на „Каритас Интернационалс” (CI), светската добротворна организација на Римокатоличката црква, по обвинувањата за малтретирање и понижување на вработените.

Меѓу отпуштените раководители на организацијата е и кардиналот Луис Антонио Тагле, кого многумина го сметаат за кандидат за иден папа и кој номинално беше претседател на Каритас, но не беше вклучен во секојдневните операции.

Британските медиуми јавуваат дека одлуката за распуштање на раководството на Каритас беше објавена со папски декрет, објавен од прес-службата на Ватикан.

Во посебно соопштение од Одделот за развој на Ватикан, што го надгледува работењето на Каритас, се наведува дека по супервизијата извршена од надворешен менаџмент и тим од психолошки експерти, откриени се слабости и лоши практики во менаџментот на компанијата.

– Не се појавија докази за финансиско лошо управување или сексуално несоодветно однесување, но беа забележани некои други прашања – се наведува во соопштението.

Според нив, забележани се неправилности во управувањето со човечките ресурси, како и непочитување на процедурите, што сериозно го нарушило тимскиот дух и моралот на персоналот.

Тие додаваат дека иако финансиските прашања се добро решени, нормите и процедурите за управување мора да се подобрат.

Сегашни и поранешни вработени сведочеа за случаи на вербална злоупотреба, фаворизирање и општо лошо управување со човечките ресурси, што довело до заминување на голем број вработени.

Каритас има седиште во Ватикан и обединува 162 католички организации за помош, развој и социјални услуги што работат во повеќе од 200 земји.

The post ПАПАТА ГО СМЕНИ МЕНАЏМЕНТОТ НА КАРИТАС Обвиненија за малтретирање и понижување на вработените appeared first on plusinfo.mk.

Првиот премиер на претседателството на Владимир Путин верува дека неговиот декрет за мобилизирање на руското население полека ќе доведе до негово соборување. Михаил Касјанов за британски Њузвик изјави дека протестите ширум земјата ќе се забрзаат во наредните месеци бидејќи декретот на Путин ќе го оттуѓи него од оние кои досега го поддржуваа.

Од почетокот на окупацијата на Украина на 24 февруари, Кремљ постојано го уверуваше руското население дека на руските сили ќе им требаат само професионални трупи за да надвладеат. Но, сега конфликтот кој Русите го следат од дома на нивните телевизори доби ново темпо.

– Неговата одлука значи дека дури и оние луѓе кои беа неутрални или го поддржуваа Путин, генерално, ќе почнат да го преиспитуваат својот став поради фактот што сега се обврзани да одат во војна што претходно ја гледаа – изјави Касјанов.

– Војната веќе не ги погодува само оние во професионалната армија од сиромашни семејства, туку сега ги допира сите – додава тој.

Касјанов предвидува дека до декември Путин ќе мора да се соочи со притисокот од луѓето кои не се согласуваат со влијанието од западните санкции и кои не се согласуваат дека ќе има уште придобвки во натамошната војна со Украина.

Иако не очекува оние од потесното опкружување на Путин веднаш да се побунат, Касјанов рече дека „нема да ги спроведат неговите упатства на апсолутен начин“.

– Неговите упатства нема да бидат спроведени од неговите агенции. Веќе е јасно дека луѓето се уморни од неговото водство – вели Касјанов.

– Тоа ќе започне постепено, минимизирајќи го неговиот авторитет. Додека во врска со неговото соборување, не можам да кажам колку долго ќе потрае – објаснува тој.

Касјанов (64) беше премиер на Русија од 2000 до 2004 година, за време на првиот мандат на Путин.

– Путин ги поддржа сите реформи што ги иницираше мојот кабинет – вели Касјанов.

– Тогаш ја доведовме Русија до економски раст. По моето заминување тој целосно се промени – открива некогашниот премиер.

The post ГОВОРОТ НА ПУТИН ЌЕ БИДЕ НЕГОВИОТ КРАЈ Поранешен руски премиер вели дека зимава притисокот ќе стане неиздржлив appeared first on plusinfo.mk.

Наредбата стапува во сила од денеска, јави Би-Би-Си.

Потегот доаѓа откога санкциите од западните земји ја осакатија руската економија и ја намалија вредноста на рубљата.

Русите  нема да можат  да плаќаат и со  Американ Експерс бидејќи таа се приклучи на растечката листа на големи финансиски институции кои ги прекинуваат врските со Русија поради нејзината инвазија врз Украина.

– Од почетокот на оваа криза се придржувавме кон американските и меѓународните санкции, што резултираше со прекин на односите со банкарските партнери во Русија и ќе продолжиме да се придржуваме до сите релевантни закони како што се развива ситуацијата – рече шефот на Американ Експрес Стивен Скуери.

The post РУСИТЕ НИ СО КЕШ ОД 10.000 ДОЛАРИ НЕ МОЖАТ НАДВОР Путиновиот декрет важи од денеска appeared first on plusinfo.mk.

Рускиот претседател Владимир Путин потпиша указ со кој се повикуваат руските резервисти на воена обука во 2022 година, објавија руските медиуми.

– Во 2022 година ги повикуваме сите граѓани на Руската Федерација кои се во резервен состав да поминат воена обука во Вооружените сили на Руската Федерација, службите за државна безбедност и федералните безбедносни служби – се наведува во декретот потпишан од Путин.

Истовремено, на Кабинетот на министри и на извршните органи на руските региони им беше наложено да обезбедат спроведување на мерките поврзани со поканата на граѓаните во кампови за обука.

The post ПУТИН ПОТПИША ДЕКРЕТ Резервниот состав повикани на воена обука appeared first on plusinfo.mk.

– Американците имаат еден израз: Нема бесплатен ручек. Три децении по ред, од моментот кога балканските национализми добија демократски легитимитет, националистите имаат бесплатен ручек. Имено, од првите денови на независноста на југословенските републики демократијата им даде демократски легитимитет на националистите. Новото сега, е што со декретот на американскиот претседател Џо Бајден на националистите во Македонија, па и на Балканот, им се ускратува привилегијата на тој бесплатен ручек. Уште пред две децении, чинам Викторија Нуланд, сега трет човек во американскиот Стејт дапартмент, им забележа на македонските политичари дека ја злоупотребуваат Америка. Дека спијат мирно под заштита на Америка која бдее над мирот на Балканот, за кога ќе се разбудат да почнат беспоштедно да ја критикуваат. Не обзирајќи се на ова нефер, но и бедно поведение на македонски политичари и интелектуалци, Америка продолжи да инвестира во мирот на Балканот, ширејќи и стабилизирајќи ја евроатлантската зона на демократски држави. Инвестираа во Охридскиот договор кој ја прекина војната во Македонија и ја постави државата на колосекот на мир и просперитет преку рамноправност на етничките заедници. Инвестираа и во Преспанскиот договор кој ја извлече Македонија од изолација и ја седна на масата на НАТО сојузот, давајќи ѝ на државата безбедносна осигурителна полиса. Очигледно оцениле дека овие инвестиции се загрозени денес и дека треба да се бранат и со активна американска политика. Зашто, старата пракса на нашите националисти – да уживаат во мирот и да ги негираат алатките кои доведоа до тој мир (Охридскиот и Преспанскиот договор), продолжува. Имам впечаток како незадоволството со решенијата од Охрид и Преспа да расте како што расте економската и ковид-кризата – објаснува Малески.

Тој додава дека декретот на Бајден би можел да ја испразни македонската политичка сцена, па дури и да ја лиши земјата од најголемата опозициска партија.

– Тоа беа непопуларни решенија спротивни на волјата на мнозинството Македонци донесени под надворешен притисок. Но, тие решенија ја спасија земјата. Без нив земјата беспомошно се лизгаше кон катастрофа. За жал, тоа не може лесно да му се докаже на обичниот гласач кој само знае за она што се случило. Денес, нападот врз Преспа доаѓа од сите страни: од опозицијата, од МАНУ, од универзитетите, од обичниот човек, од дежурни ТВ говорници… Денес, на ваквиот развој на настаните Америка одговара со закана. Теоретски гледано, декретот на Бајден би можел да ја испразни македонската политичка сцена, па дури и да ја лиши земјата од најголемата опозициска партија. Имено, индивидуи и организации кои работат против овие два договори можат да бидат санкционирани со забрана за влез во САД и со замрзнување на нивниот имот таму. Такви поединци, разбирливо, не можат да ја водат државата. Ова е притисок врз Македонија, велат нашите националисти. Ние само ја изразуваме волјата на мнозинството Македонци. Точно. Но, притисок е второто име на меѓународната политика, како и улогата на моќта во неа: да натераш некого да стори нешто што не би го сторил без принуда – вели Малески.

The post Малески: Декретот на Бајден може да ни ја испразни политичката сцена appeared first on plusinfo.mk.