Кога Јасмин Лоренс и Ерик Марфи пред неколку месеци објавија дека ќе станат родители, веројатно никој немаше ни да забележи ако не беа нивните презимиња. Јавноста тогаш полуде од среќа затоа што – доаѓа внукот или внуката на Еди Марфи и Мартин Лоренс. Шегите за духовитоста на дете чии дедовци се двајца легендарни комичари никогаш не престанаа.

Сега знаеме дека двајцата комичари добија – внука. Ќерката на Лоренс, Јасмин, се породи во април, а дедото Еди ја откри веста за време на ексклузивно интервју за E! News.

– Тие штотуку добија девојче. Ја добија пред две недели, или пред една недела. Да, Ари Скај – рече Марфи за време на интервјуто.

Гордите родители Ерик и Јасмин Марфи сè уште не ја потврдија веста, а кога во февруари објавија дека очекуваат дете, објавата содржеше фотографија од двојката и трудничкиот стомак на Јасмин, со натпис: „Ти благодарам, Исусе, за најголемиот подарок“.

Што се однесува до преслаткото име дадено на малата потенцијална комичарка, Ари Скај, еве што значи тоа.

Ари е име од хебрејско потекло, а според некои, значи „лав Божји“. Често може да биде и прекар, а можните форми вклучуваат Ариел, Арија, Арја, Аријана. Скај е шкотско име, неутрално по пол и значи „остров на облаци“ или едноставно – небо.

Еди Мерфи има уште две внучиња покрај бебето Ари Скај, а бебе очекува и неговата ќерка Брија Марфи. Бебето Ари е првото внуче на Мартин Лоренс.

The post ЛЕГЕНДАРНИТЕ КОМИЧАРИ ДОБИЈА ВНУКА Еди Марфи и Мартин Лоренс станаа дедовци на малата Ари Скај appeared first on plusinfo.mk.

Мартин Лоренс и Еди Марфи наскоро ќе добијат внуче. Имено, деновиве беше објавено дека ќерката на Лоренс, Џасмин Лоренс (30) и најстариот син на Марфи, Ерик Марфи (37), го очекуваат своето прво дете.

Го најдовме видеото во кое, во јули минатата година, Еди Марфи, одговарајќи на прашања за венчавката на неговиот син со ќерката на неговиот долгогодишен пријател и соработник, прогнозира дека сигурно луѓето ќе очекуваат еден ден нивното внуче да биде многу смешно, но дека тоа веројатно ќе биде сериозно дете.

The post 🎥 ДОЛГОГОДИШНИТЕ СОРАБОТНИЦИ И ПРИЈАТЕЛИ ЌЕ ДОБИЈАТ ЗАЕДНИЧКО ВНУЧЕ Синот на Еди Марфи и ќерката на Мартин Лоренс го очекуваат своето прво дете appeared first on plusinfo.mk.

Убавиот Самобор во Хрватска, воведува посебна мерка за поддршка на семејствата – паричен надоместок за бабите и дедовците кои се грижат за своите внуци од предучилишна возраст.

Оваа иницијатива наречена „Баба-дедо сервис“ ќе им овозможи на постарите членови на семејството да им помагаат на своите деца кои работат, а за тоа ќе добиваат и месечен надоместок од 360 евра.

Кој има право на поддршка?
За да се квалификуваат за овој надомест, бабата или дедото мора да живеат во Самобор и да бидат пензионирани и медицински способни да се грижат за детето.

Исто така, услов е детето што се згрижува да има најмалку една година и да не е запишано во градинка или центар за згрижување поради немање место.

Дополнително, барем еден од родителите мора да има пријавено престој во Самобор најмалку една година пред поднесување на барањето, а треба да е и вработен или редовен студент.

Прочитајте повеќе на „Мајка и дете“.

The post ХРВАТСКИ ГРАД ЌЕ ИМ ПЛАЌА НАДОМЕСТ НА БАБИТЕ И ДЕДОВЦИТЕ Колку ќе плаќа Самобор за чување на внуците? appeared first on plusinfo.mk.

Раѓањето на внучето е еден од најважните моменти во животот на секои баба и дедо.

Природно е тие да се возбудени и желни да се вклучат во грижата и воспитувањето затоа што сметаат дека имаат драгоцено искуство што би можеле да го пренесат.

Меѓутоа, понекогаш се случува новите родители да не сакаат бабите и дедовците премногу да се мешаат во нивното воспитување. Оваа ситуација често води до фрустрации и конфликти.

Многу баби и дедовци се соочуваат со прашањето: „Што згрешив? Само сакав да помогнам, а моите деца ми се лутат“.

Но, вистината е дека дури и најдобрите намери можат да доведат до несогласувања ако не се добро комуницирани. Новата генерација родители често имаат свои идеи за родителството, кои може да се разликуваат од методите што ги користат бабите и дедовците.

За да избегнете недоразбирања и за да обезбедите добар однос со вашите внуци, важно е да разберете неколку клучни совети.

Прочитајте повеќе на порталот „Мајка и дете“.

The post КАДЕ ГРЕШАТ БАБИТЕ И ДЕДОВЦИТЕ? Не солете памет, ако никој не сака да го чуе вашиот совет! appeared first on plusinfo.mk.

Во првите денови од војната илјадници млади избегаа од Киев и од Украина, но за 57-годишната Људмила Менук насоката е спротивна, кон воените центри, каде да се регистрираат како волонтер, пишува Блумберг. Таа има и лична причина, пред неколку години нејзиниот син загина борејќи се со Русите.

Има многу Украинци на возраст од Менук кои волонтираат на фронтот. И сите имаат иста мотивација, да не дозволат ниеден млад човек да загине на фронтот.

– Ако добро ги извршувам задачите, ќе можам да го спасам животот на една млада Украинка – вели Људмила, која има внуци.

Некои од Украинците кои се пријавиле како доброволци се бореле во Авганистан како дел од советската армија. Велат дека кога влегле во центрите немало комисии да ги испитуваат. Очекувањата беа за брз крај на војната.

52-годишниот Виталиј е еден од тие ветерани. Неговата сопруга беше против тој да оди на фронтот.

– Не сакам Русите да ве убијат откако толку напорно работевме за да имаме мирна старост – вели тој. Меѓутоа, сопругата на Виталиј починала додека тој се борел на фронтот.

Лекарите го советувале да избегнува стрес, но Виталиј не мирува од почетокот на војната.

Чувствата кај постарите Украинци се во спротивност со оние кај младите Украинци. Претседателот Володимир Зеленски инсистира на повеќе оружје, но не кажува ниту збор за потребата од повеќе луѓе во армијата, пишува и Блумберг. Агенцијата забележува дека повеќето војници што ги гледа на фронтот се всушност од генерацијата на Зеленски – на возраст меѓу 43 и 45 години. За ова придонесуваат многу фактори, до неодамна во законската регулатива беше запишана заштитата на младите, која не дозволуваше мобилизирање на лица помлади од 27 години, а дополнително имаше многу исклучоци, на пример, за студенти, без разлика кое високото образование го имаат. Најголем дел од младите не служеле војска и немаат никакви вештини.

Сега возраста е намалена на 25 години, но младите се кријат, а од очекуваните 4,5 милиони да се пријават во воените центри, само половина се одзваа на повиците. Украинскиот претседател до неодамна се противеше на намалувањето на старосната граница за регрутирање со образложение дека младите ќе треба да ја обноват економијата на Украина.

Меѓутоа, војската коментира дека им требаат младите, војната има нови методи и контролата на беспилотните летала, на пример, не им се даваат на постарите луѓе.

Просечната возраст во украинската армија е очекувана и врз основа на демографската ситуација во Украина во 80-тите години на минатиот век во Украина имаше породилен бум поврзан со еден од добрите периоди во развојот на СССР – носена „перестројка“ ветувања за промени. Но, по распадот на системот, во земјата се почувствува несигурност, што доведе до нагло намалување на наталитетот. Некои од Украинците избегаа од земјата пред две години со своите возрасни деца, а сега, повеќе од две години подоцна, тешко дека некои од нив ќе се вратат, иако веќе наполнија 18 години и можат да се пријават како волонтери.

Сепак, нивните баби и дедовци се борат, дури и со нивните хронични болести. Људмила, на пример, има проблеми со слухот и намален вид. Таа моментално се опоравува откако беше ранета на фронтот, но ја продолжува својата работа за армијата, нудејќи психолошка помош на војската. Други имаат проблеми со срцето, а речиси сите со хронични состојби се влошуваат бидејќи нема постојана медицинска нега и резерви на лекови на првите борбени редови.

Ова не само што значи влошување на состојбата за војниците, туку и сè подолга војна бидејќи на постарите лица им недостасува сила да ги водат борбите, велат аналитичарите.

Во Русија, се чини дека го немаат истиот проблем, ветувајќи огромни плати на волонтерите кои ќе се пријават да се борат во Украина, пренесува Блумберг. Толку многу што многу економски сектори се натпреваруваат со војската за работници. И во повеќето случаи, дури и позициите што беа примамливи до неодамна (на пример, во Гаспром) остануваат непополнети.

The post УКРАИНСКИТЕ БАБИ И ДЕДОВЦИ ПРВИ СЕ ПРИЈАВИЈА НА ФРОНТОТ Доброволно земаа пушка в раце за да ги спасат младите од војната appeared first on plusinfo.mk.

Има нешто неверојатно посебно во врската помеѓу бабите и дедовците и нивните внуци, а тоа е многу подлабоко од дружењето и чувањето деца. Многу студии покажуваат дека децата имаат корист од нивниот однос со бабите и дедовците.

Често се вели дека бабите и дедовците можеби се повеќе склони да ги разгалат децата, но сета таа дополнителна љубов не ги прави слаби, туку токму спротивното – ги прави посилни. Според порталот Motherly, постојат пет причини зошто силната врска со бабите и дедовците е позитивна за нашето малечко.

Повеќе за ова прочитајте на порталот „Мајка и дете“.

The post КОЈ РАСТЕЛ СО БАБА И ДЕДО, ТОЈ ЗНАЕ Науката вели дека растењето деца во близина на бабите и дедовците има пет големи предности appeared first on plusinfo.mk.

Брутално истепана со стап до смрт од нејзиниот дедо и чичковци била 17-годишната Неха Пасван од областа Утар Прадеш во Индија, само затоа што сакала да носи фармерки. Случајот е еден од повеќето кои се најдоа на насловните страни во Индија и кажува во колку небезбедна и патријархална средина живеат жените во овој дел од светот, пишува Би-Би-Си.

– Таа држеше религиски пост кој трае цел ден. Вечерта, облече фармерки и ги изврши своите ритуали. Кога нејзините баби и дедовци ѝ се спротивставија поради нејзината облека, Неха им возврати дека фармерки се направени за луѓето да ги носат и дека ќе ги носи – рече нејзината потресена мајка.

Тогаш таа исчезнала, а мајка ѝ ги замолила роднините да одат и да ја побараат. Но, тие не можеле да ја пронајдат цела ноќ. Дури следното утро, се расчуло дека тело на девојче виси од мостот на реката Гандак што тече низ регионот. Кога отишле да испитаат, откриле дека телото е на Неха.

Кој ја убил Неха? Полицијата покренала обвинeнија за убиство и за уништување на докази против 10 лица, меѓу кои бабите и дедовците на Неха, чичковците и тетките, братучедите, но и возачот на автомобилот. Обвинетите допрва треба да даваат каква било изјава во јавноста.

Неха Пасван е ќерка на градежен работник, а таа самата сакала да стане полицајка. Но, сега нејзините соништа никогаш нема да бидат исполнети, вели мајка ѝ. Нејзините снаи ѝ вршеле притисок да го напушти локалното училиште и да носи само индиска традиционална облека.

Дури 20 жени во просек се убивани во Индија секој ден затоа што не донеле доволно мираз на својата свадба. Неконтролираната состојба со семејното насилство е алармантна. Мали девојчиња се убивани и затоа што нивните родители претпочитале машко дете.

– Владата вели дека безбедноста на девојките е приоритет и најавува големи шеми за нивна благосостојба, но ништо не се случува на теренот – вели г-ѓа Шивхаре, активистка за родови права.

Минатиот месец, 20-годишна девојка од областа Мадја Прадеш беше тепана од нејзиниот татко и тројцата братучеди затоа што сакала да избега од куќата во кој била насилно омажена. Недела дена пред инцидентот, две девојчиња биле безмилосно претепани од членовите на нивното семејство затоа што разговарале по телефон со братучед маж во соседната област Дар.

The post Девојка во Индија претепана до смрт оти сакала да носи фармерки appeared first on plusinfo.mk.