Со полни раце подароци и во придружба на градскиот татко на Скопје Дедо Мраз денеска ги израдува децата на плоштадот „Македонија“ во центарот на Скопје.

„Новогодишната бајка започна. Денеска со насмевки, радост и многу изненадувања, се дружевме со најмладите и заедно ја почувствувавме вистинската празнична магија. Дедо Мраз пристигна со полни раце подароци и внесе топлина и радост во срцата на сите дечиња. Ви благодарам што бевте дел од оваа прекрасна приказна и што заедно создаваме моменти кои ќе се паметат. Празничната забава продолжува секој ден – напиша градоначалникот на Скопје Орце Ѓорѓиевски на својот профил на Фејсбук, објавувајќи повеќе фотографии.

Фото: Фејсбук профил на Орце Ѓорѓиевски

The post 📷 ВО ЦЕНТАРОТ НА СКОПЈЕ ЗАПОЧНА НОВОГОДИШНАТА БАЈКА Дедо Мраз ги израдува најмладите на плоштадот „Македонија“ appeared first on plusinfo.mk.

Во рамките на Министерството за одбрана на Република Македонија се одржа свечен и празничен настан кој внесе радост и насмевки кај најмладите. Дедо Мраз пристигна со хеликоптер, носејќи новогодишни пакетчиња за децата на вработените во Министерството за одбрана и припадниците на Армијата.

За настанот информираше министерот за одбрана Владо Мисајловски, кој на социјалната мрежа Фејсбук сподели дека детската возбуда и искрените насмевки ја исполниле празничната атмосфера и го создале вистинскиот дух на новогодишните празници, оставајќи трајни убави спомени.

Во пресрет на Новата година, традиционално, министерот Мисајловски, заедно со Претседателката на Македонија Гордана Сиљановска-Давкова, и началникот на Генералштабот на Армијата генерал-мајор Сашко Лафчиски оствариле видеоконференциска врска со македонските мировници кои во моментов извршуваат задачи во меѓународни мисии и операции во Либан, Латвија, Романија, Бугарија, Косово, Босна и Херцеговина и Германија.

На видеоконференцијата, на која присуствувале и членови на семејствата на мировниците, биле упатени пораки на поддршка, благодарност и признание, со јасна определба дека државата и понатаму ќе се грижи за нив и за нивните најблиски.

Во рамки на денешната активност, претседателката Сиљановска-Давкова, министерот Мисајловски и генералот Лафчиски им поделија новогодишни пакетчиња на децата на мировниците.

Настанот беше заокружен со традиционалната поделба на новогодишни пакетчиња од страна на армискиот Дедо Мраз, кој пристигна со армискиот хеликоптер Ми-8/17 од Воздухопловниот ВИНГ, што внесе празнична атмосфера и радост кај најмладите.

На денешната активност, покрај семејствата на мировниците присуствуваа командантите на прво-потчинетите команди и единици и претставници од Генералштабот на Армијата и Министерството за одбрана.

The post РАДОСТ ЗА ДЕЦАТА НА ПРИПАДНИЦИТЕ НА АРМИЈАТА Дедо Мраз се спушти со хеликоптер appeared first on plusinfo.mk.

Дедо Мраз ја вози својата санка влечена од ирваси преку покривите низ целиот свет, доставувајќи подароци на милиони деца во магичен божиќен ритуал за кој северноамериканските претставници за воздушна одбрана велат дека почнале да го следат пред 70 години.

Сепак, и покрај својата посветеност на традицијата што датира од ерата на Студената војна во 1955 година, Северноамериканската команда за воздухопловна одбрана, или NORAD, има ограничени разузнавачки информации за тоа каде ќе оди Дедо Мраз.

Дедо Мраз не е должен да поднесе план за лет. Значи, единственото нешто што NORAD го знае со сигурност однапред е дека веселиот стар елф во црвениот костум полетува секој Бадник од својата база на Северниот Пол.

– NORAD го следи Дедо Мраз, но само Дедо Мраз ја знае неговата рута, што значи дека не можеме да предвидиме каде или кога ќе пристигне во вашата куќа – изјавил висок функционер на NORAD во соопштение.

НОРАД, заедничка американско-канадска воена команда со седиште во воздухопловната база Питерсон во Колорадо Спрингс, Колорадо, обезбедува слики и новости за патувањето на Дедо Мраз низ светот веќе седум децении, покрај својата примарна мисија за следење на воздушната одбрана и издавање предупредувања за воздухопловството и поморството.

Традицијата на следење на Дедо Мраз потекнува од печатна грешка во весник од Колорадо Спрингс од 1955 година, во кој е наведен телефонски број на продавница каде што децата можат да се јават и да разговараат со Дедо Мраз. Бројот тогаш бил во сопственост на Континенталната команда за воздушна одбрана.

Офицерот кој ги примал повиците на децата ги уверил дека Дедо Мраз е во воздух и дека ќе им доставува подароци на добрите девојчиња и момчиња – барем на оние кои веруваат во него – со неговата санка влечена од ирваси.

Според нивната веб-страница, НОРАД го детектира полетувањето на Дедо Мраз со својата поларна радарска мрежа, а потоа го следи неговото патување со истите сателити што се користат за предупредување за можни лансирања на ракети насочени кон Северна Америка.

Штом главниот ирвас на Дедо Мраз, Рудолф, го вклучи својот светло црвен нос, воениот персонал може да ја одреди неговата локација користејќи ги инфрацрвените сензори на сателитот.

Можете да го следите и вие, со тоа што во Македонија местото за испорака на подароците е – Велес, односно, Велес е означен со линк кој води до информации за градот на Википедија.

Рутата на летање на Дедо Мраз можете да ја следите на www.noradsanta.org.

The post САКАТЕ ДА ГО СЛЕДИТЕ ПАТУВАЊЕТО НА ДЕДО МРАЗ? Следете ја рутата преку линкот на Северноамериканската команда за воздухопловна одбрана appeared first on plusinfo.mk.

Со празнично расположение, препознатлив хумор и доза политика, Доналд Трамп дел од Бадник го помина одговарајќи на телефонски повици од деца и семејства од сите краеви на САД, вклучувајќи се во традиционалната божиќна активност на Северноамериканската команда за воздушна одбрана – НОРАД, која со децении го „следи“ патувањето на Дедо Мраз низ светот.

Заедно со сопругата Меланија, од нивниот имот Мар-а-Лаго, Трамп разговараше со најмладите Американци кои со возбуда прашуваа каде се наоѓа Дедо Мраз, дали ќе стигне навреме и што ќе донесе под елката.

„Го следиме низ целиот свет“

Едно 10-годишно дете од Оклахома праша како точно се следи Дедо Мраз, а Трамп одговори во свој стил.

– Го следиме низ целиот свет. Сакавме да бидеме сигурни дека не е инфилтриран, но откривме дека Дедо Мраз е добар. Тој ве сака. Ја сака и Оклахома, исто како и јас. Оклахома беше многу добра кон мене на изборите – му порача Трамп, додавајќи со насмевка: „Никогаш не ја напуштај Оклахома“.

President Trump Participates in NORAD Santa Calls https://t.co/nvqYlCkEQK

— The White House (@WhiteHouse) December 24, 2025

Детски желби и претседателски коментари

Децата без двоумење ги споделуваа своите желби – од куќичка за кукли, преку „Kindle“, до флипер. На едно четиригодишно девојче кое посака куќа за кукли, Трамп ѝ порача дека „веројатно ќе ја добие“, додавајќи кон мајката: „Мислам дека можеме да го организираме тоа“.

Флиперот го инспирираше да ја спомне песната „Pinball Wizard“ од Елтон Џон, додека за детето што побара „Kindle“ рече дека мора да има „висок коефициент на интелигенција“.

– Ни требаат повеќе луѓе со висок коефициент на интелигенција во оваа земја – прокоментира Трамп.

Јаглен под елката и колачиња за Дедо Мраз

Осумгодишно дете од Канзас се загрижило дека може да добие јаглен за Божиќ, на што Трамп возврати со прашањето: „Мислиш чист, убав јаглен?“

На друго прашање – дали Дедо Мраз би се налутил ако не добие млеко и колачиња, одговорот беше јасен.

– Јас би ги оставил. Мислам дека Дедо Мраз има сериозен апетит – рече Трамп, опишувајќи го како „малку херувимски и малку потежок“.

President Trump answers questions from children and parents during NORAD’s Santa Tracker calls.

QUESTION: “How come Santa has a tracker on him?”

TRUMP: “Well we track Santa all over the world. We want to make sure Santa is being good. Santa is a very good person. We want to… pic.twitter.com/EegmQWEq0V

— Fox News (@FoxNews) December 24, 2025

Традиција стара речиси 70 години

НОРАД ја одржува оваа божиќна традиција уште од 1955 година, а низ годините во неа учествувале и други американски претседатели. Трамп веќе има историја на контроверзни моменти – од прашањето дали децата „сè уште веруваат во Дедо Мраз“ во 2018 година, до познатата фраза „Let’s go Brandon“ во разговор со Џо Бајден во 2021 година.

Оваа година, разговорите траеле околу 20 минути, по што Трамп се јавил и на припадници на американските вооружени сили кои за време на празниците се на должност.

Од Дедо Мраз – до политика

Кратко потоа, на социјалната мрежа „Truth Social“, Трамп објави божиќна порака со остар политички тон, во која ја нападна „радикалната левица“ и ги истакна, како што рече, позитивните економски показатели.

Сепак, самиот призна дека за време на разговорите со децата, економијата и политиката не биле тема.

– Не мислам дека децата се особено заинтересирани за тоа – напиша Трамп.

The post 📽️ „ГО СЛЕДИМЕ ДЕДО МРАЗ, ДА НЕ НИ ВЛЕЗЕ ЛОШ ВО САД“ Трамп и Меланија за Бандик ги слушаа желбите на дечињата по телефон appeared first on plusinfo.mk.

Времето што сите деца го сакаат полека се приближува, а тоа е времето на новогодишните празници, посебен период за децата, кој носи со себе и некаква своја магија. Атмосферата тогаш значително се менува. Ќе забележите дека градот е многу поосветлен од вообичаеното, поукрасен, а репертоарот во продавниците, на некој начин, станува побогат со производи со многу повеќе шеќер во нив и бои и изгледи кои се едноставно неодоливи за сите, особено за децата.

Сè зрачи со позитивна енергија на бавно збогување со тековната година и дочекот на Новата, во која ќе си ветиме дека ќе постигнеме некои нови победи и промени во споредба со претходната.

И, секако, ништо од ова не би било можно без Дедо Мраз.

Дедо Мраз е неопходен дел од новогодишната атмосфера, особено за децата. Тој е тој мистичен чичко кој им носи на добрите деца подароци што ги сакале во претходната година и поради ова, децата се способни да ја променат својата автентичност и однесување, пишува Владимир Пауновиќ, социјален работник од српскиот Центар за исчезнати и злоупотребувани деца.

Повеќе за ова прочитајте ТУКА.

The post НЕМА ДА СЕДАМ ВО СКУТОТ НА ДЕДО МРАЗ! Што учи детето кога возрасните го убедуваат да седне во скут на личност што не ја познава? appeared first on plusinfo.mk.

Екипата на планинската спасувачка служба (ГСС) Нови Град Сараево денеска имала несекојдневна интервенција во една сараевска градинка. Имено, утринава екипата на ГСС добила повик од градинката „Анекс“. Маж маскиран во Дедо Мраз кој требало да им доставува пакетчиња на децата од оваа образовна институција заглавил на покривот.

Според нив, поради густата магла тој ја изгубил ориентацијата.

– Нашите спасувачи пристигнаа брзо и внимателно го спуштија на безбедно, додека децата со ентузијазам ја следеа акцијата низ прозорците – велат од ГСС Нови Град Сараево.

Тие додадоа дека Дедо Мраз им се заблагодарил за помошта и навреме ги поделил пакетчињата, носејќи насмевки на лицата на сите присутни.

– Уште една незаборавна интервенција – велат тие.

Иако не е посочено, се претпоставува дека се работи за претстава за деца во изведба на екипата на ГСС Нови Град Сараево.

The post ДЕДО МРАЗ СЕ ЗАГЛАВИЛ НА ПОКРИВ НА ДЕТСКА ГРАДИНКА ВО САРАЕВО Го спасувале обучени планински спасувачи appeared first on plusinfo.mk.

Градоначалникот на Општина Центар Горан Герасимовски, денеска заедно со Дедо Мраз и 100 дечиња од градинката „Корчагин” направија прошетка низ новата градинка „Пролет” чијашто изградба е комплетно завршена.

Герасимовски, потенцираше дека е исполнета големата желба на најмалите и родителите од населбите Пролет и Маџир Маало.

– Заедно со Дедо Мраз и дечињата, направивме прошетка низ новата градинка Пролет, чијашто изградба е завршена и направен е технички прием. Ме радува задоволството на дечињата кога првпат влегоа во просториите. Денеска е посебен момент за Општина Центар и за сите жители – празничен подарок кој ќе донесе топлина и грижа за најмалите. Градинката „Пролет” е изградена по највисоки стандарди за престој на дечињата и вработените. Оваа градинка е прва во населбата Пролет и прва градинка по 50 години – рече Герасимовски.

The post „ПРОЛЕТ“ ДОБИ НОВА ГРАДИНКА Герасимовски со Дедо Мраз и со 100 дечиња беа првите посетители appeared first on plusinfo.mk.

Стотици учесници облечени како Дедо Мраз ќе трчаат два километри низ градот.

Како што соопштуваат организаторите „Прв до врв“, на настанот ќе има награди за најбрзите учесници, лотарија со новогодишни желби, новогодишни пакетчиња за децата под 10 години, музичка програма, фитнес загревање и свечена церемонија за победниците.

The post ПОЧНУВА ДЕДОМРАЗОВСКАТА ТРКА ВО СКОПЈЕ Стартот е на плоштадот „Македонија“ appeared first on plusinfo.mk.

Во присуство на стотина членови на семејствата на мировниците, претседателката Сиљановска-Давкова истакна дека е горда на припадниците на Армијата кои се во миротворни мисии, но дека е уште погорда на нивните семејства и дечиња.

– Навистина, многу му благодарам на министерот за одбрана, бидејќи ова што се случува овде нè спојува со нивните родители и мислам дека нема да има погорди од нив на своите татковци во мисиите – рече претседателката.

Сиљановска-Давкова им порача на мировниците да ја завршат работата професионално и дисциплинирано и да се вратат здрави и живи.

– Бидете во постојан контакт со нас и со вашите семејства и бидете сигурни дека во ваше отсуство ние ќе се грижиме за нив. Нашите мисли се со вас. Она што го правите навистина е за огромен респект. Од срце ви посакувам најубава 2025 година, вам, на вашите дечиња, на вашите семејства – рече претседателката.

Началникот на Генералштабот, генералот Лафчиски порача дека на овој традиционален настан семејствата на мировниците имаат можност да видат како Армијата се грижи за своите мировници.

Преку видео конференциската врска говореа и претставниците на македонската Армија кои извршуваат задачи во мисијата на НАТО на Косово, КФОР, ЕУ операцијата во Босна и Херцеговина, АЛТЕА, мисијата на ООН во Либан, УНИФИЛ и мултинационалните сили на НАТО во Бугарија и Романија.

По неформалното дружење на семејствата на мировниците со претседателката Сиљановска-Давкова, министерот Мисајловски и генералот Лафчиски, на децата им беа поделени новогодишни пакетчиња.

Предновогодишната активност беше заокружена со традиционалното пристигнување на Дедо Мраз со хеликоптер и поделба на пакетчиња на децата на припадниците на Армијата и вработените во Министерството за одбрана.

The post 📷 „ГОРДИ СМЕ НА НАШАТА АРМИЈА“ Сиљановска-Давкова, Мисајловски и Лафчиски предновогодишно со македонските мировници и нивните семејства appeared first on plusinfo.mk.

Еден од најпознатите спортисти во светот, Кристијано Роналдо, се искапи во мал базен со ледена вода во Финска. Португалецот издржа една минута на -20 степени, а можеби за тоа му помогна фактот што долго време користи криотерапија за да се регенерира по напорните тренинзи. Роналдо не успеа да го убеди својот син да влезе во водата.

„Чувствуваш како те обзема студот,“ напиша Роналдо во описот на видеото.

Фудбалерот е во Лапонија заедно со своето семејство во посета на Дедо Мраз.

• НАЈДОБРИОТ ФУДБАЛЕР ВО СВЕТОТ ГО ПОСЕТИ ДЕДО МРАЗ Роналдо ги одведе децата во Лапонија

Капењето во ледена вода е дел од ритуалите на рускиот претседател Владимир Путин. Рускиот лидер се капи за Водици, а тоа го направи во 2018 и во 2021 година, а според наводите на Кремљ и во 2023 година.

It’s just a little cold

Watch my complete family trip video: https://t.co/hUJ1n3v0h1 pic.twitter.com/5yOUzeVvEb

— Cristiano Ronaldo (@Cristiano) December 24, 2024

The post 📽 РОНАЛДО КАКО ПУТИН ВО ЛЕДЕНА ВОДА Најдобриот фудбалер на светот се искапи во Лапонија appeared first on plusinfo.mk.