Редно е македонската јавност да слушне објаснувања, а веројатно и извинувања, од актерите на една многу грда приказна од нашата понова политичка историја, за која до скоро се шепотеше со половина уста, но сега веќе се зборува отворено и јавно. Во едно цивилизирано и демократско општество, какво што Македонија сака да биде, ваквите скандали мора да завршуваат со преземање морална, политичка, а кога е тоа неопходно и – законска одговорност.

Станува збор за тајната средба кај претседателот Стево Пендаровски, одржана во март 2023 година, на која шефот на државата, тогашниот премиер Димитар Ковачевски, Али Ахмети, Артан Груби, Бујар Османи и Бојан Маричиќ договарале како да го вратат осудениот и избеган поранешен премиер Никола Груевски од Унгарија во Македонија. Во својата последна објава, неделникот „Фокус“ ги именува и двајцата моќни западни амбасадори кои биле на средбата – американската амбасадорка Анџела Агелер и тогашниот амбасадор на Европската унија, Дејвид Гир.

Кога молкот зборуваше посилно од штурите изјави…

Јас за оваа средба прв пат пишував на 16 мај 2023 година:

„Наводно, кон крајот на април, за време на прославите на деновите на НАТО, на една средба ‘од нога’ меѓу луѓе од државниот врв, на претседателот Стево Пендаровски му било предложено да размисли за можноста Никола Груевски и некои други лица да бидат ‘амнестирани’, што би ‘помогнало’ во обезбедувањето на потребните гласови од пратеничката група на ВМРО-ДПМНЕ за изгласување на уставните измени“.

Во тој текст не ги соопштив имињата на другите присутни на средбата (одржана сепак во март, а не во април 2023 година), бидејќи немав потврда. Но, интересно е дека тогаш побарав и веднаш добив изјава од Груевски, кој рече:

„Немам информации за некакви притисоци било кому, ниту од некого сум барал такво нешто. Не се подготвувам за враќање во Македонија, од причина што политичкиот прогон на власта сѐ уште трае со ист интензитет како пред околу шест години. Никој не барал од мене да ослабнам нечии позиции за било кое прашање, ниту би прифатил некој да води таков тип на дискусија со мене“.

НИКОЈ НЕ БАРАЛ ОД ГРУЕВСКИ ДА ГО СКРШИ ОТПОРОТ НА ВМРО-ДПМНЕ ПРОТИВ УСТАВНИТЕ ИЗМЕНИ „Не би прифатил некој да води таков тип дискусија со мене“, вели поранешниот премиер

Освен партијата ДУИ, сите други лица инволвирани во оваа средба и во поширокиот план за враќање на Груевски во Македонија, тогаш ја одмолчаа оваа информација. Јас се повикав на неименувани извори, кои тврдеа дека Пендаровски енергично ја одбил таквата можност.

Втор пат за оваа средба пишував во напис во Плусинфо за битката на Зоран Заев со раководството на СДСМ. Написот беше објавен на 7 ноември 2023 година и во него, меѓу другото, се вели:

„Реакцијата на Заев несомнено значително ја ‘поскапела’ операцијата за враќање на Никола Груевски во земјата. Особено што таа доаѓа после еден сериозен гаф на првата неформална средба на која лидерот на ДУИ, Али Ахмети, пред претседателот Стево Пендаровски, пред премиерот Ковачевски и пред други лица и ја промовирал својата иницијатива за амнестија на Груевски и за негово враќање во земјата. Се зборува дека деталите од таа средба, на која присуствувале и двајца влијателни амбасадори на земји од Запад, протекле во политичките кулоари на еден несекојдневен и скандалозен начин. За своите сознанија за тој гаф, Плусинфо ќе ја извести јавноста кога ќе ги потврди деталите“.

„БЕРЕТЕ УМ, ЌЕ МУ КАЖАМ НА НАРОДОТ ШТО ПРАВИТЕ!“ Плусинфо ексклузивно открива детали за разговорите на Заев со Ковачевски и со Зечевиќ за планот за враќање на Груевски

„Фокус“ ги откри имињата на двајцата западни амбасадори

Капак на ова стави неделникот „Фокус“, во статија, во која, меѓу другото, се вели:

„На оваа средба, одржана лани во март, присуствувале Стево Пендаровски, Димитар Ковачевски, Али Ахмети, Бојан Маричиќ, Артан Груби, Бујар Османи, Анџела Агелер и Дејвид Гир. Притоа, Ахмети посочил дека Груевски може да се врати на два начина – преку помилување од претседателот или преку судовите. Всушност, ова бил најсензитивниот дел на средбата, кој бил пробиен од страна на рамковно вработен административец. Додека траеле ‘тајните’ разговори, ова лице влегло во кабина на преведувач, успеало да го сними разговорот со телефон и на крајот снимката му ја предава на Блерим Беџети, кој тогаш е дел од ‘огнената група’ во ДУИ. На тој начин, содржината од аудио-снимката, претходно симната на хартија, завршува во раце на Христијан Мицкоски, бидејќи во тоа време ‘огнените’ се во конфликт со Груби, Османи, па и со Ахмети. Откако Пендаровски одбива да го помилува Груевски, а Ковачевски на средба со Ентони Блинкен во САД вели дека без нивна помош не може да се истуркаат уставните измени, од амбасадата на САД излегува нон-пејпер, кој, меѓу другото, предвидува активирање делови од поранешното раководство на ВМРО-ДПМНЕ. Иако не бил конкретно споменат, очигледно се алудирало на Груевски, поради кој практично се донесени измените на Кривичниот законик, со цел да се охрабри да почне да дејствува уште од Будимпешта. Меѓутоа, тој барал целосно чиста ситуација за да може да се врати во земјава, по што ДУИ почнува да ја турка амнестијата на Ѓорге Иванов преку Врховниот суд. Сепак, интегративците прават лоша проценка дека ќе придобијат доволен број врховни судии, па целата работа почнува да се компликува и да излегува од контрола и на крајот операцијата пропаѓа, а своја улога и придонес за тоа имале и Зоран Заев и Виктор Орбан…“

Присутните на средбата да дозволат да го видиме транскриптот

Што можеме да заклучиме од сите овие написи? Најмалку пет работи:

Прво, познати се имињата на сите учесници на средбата на која се разговарало за можното помилување или амнестија на Груевски и за неговото враќање во земјата. Никој од спомнатите досега не демантирал дека бил на средбата.

Второ, јавно се соопштени имињата на двајцата моќни западни амбасадори – Анџела Агелер и Дејвид Гир – кои биле на средбата.

Трето, поголем дел од актерите молчат за тоа што било кажано на средбата и за поширокиот план за враќање на Груевски во земјата. Ако не се огласат, јавноста молкот ќе го прифати како потврда на шпекулациите.

Четврто, неспорно е дека постоела скандалозна идеја за враќање на Груевски во земјата, со цел да се поткопаат позициите на ВМРО-ДПМНЕ, не само заради уставните измени, туку и поради очекуваниот триумф на Христијан Мицкоски на претстојните избори.

И петто, постојат снимка и транскрипт од оваа средба.

Како да се затвори скандалот?

Ова го очекувам од домашните актери на скандалот:

Прво, предлагам сите присутни на средбата со посебни изјави да одобрат снимката и транскриптот јавно да се објават. Јавниот интерес во овој случај е неспорен.

Второ, очекувам тогашниот претседател Пендаровски, како домаќин на средбата, значи во ролјата која носела посебна одговорност, јавно и детално да објасни за што се разговарало, да го потврди списокот на присутните и да соопшти која била неговата позиција.

Трето, очекувам тогашниот премиер Димитар Ковачевски да објасни која била неговата позиција на таа средба и дали е вистина тврдењето дека од Блинкен барал американска помош за да се протуркаат уставните промени.

Посебни прашања за амбасадорите Агелер и Гир

Посебни прашања имам и за актуелната американска амбасадорка на САД Анџела Агелер и за тогашниот амбасадор на ЕУ, Дејвид Гир:

Прво, би сакал објаснување врз основа на кои делови од Виенската конвенција за дипломатски односи, клучен документ за дипломатското право, амбасадорите Агелер и Гир биле присутни и учествувале на средба на која се договарала една таква скандалозна операција поврзана со внатрешните политички односи во Македонија.

Второ, би сакал амбасадорката Агелер и амбасадорот Гир јавно да соопштат какви биле нивните ставови за идејата за амнестија или за помилување на Груевски заради негово враќање во Македонија.

И трето, би сакал да слушнам коментар, посебно од амбасадорката Агелер – во која нормална демократска земја, членка на НАТО и кандидатка за членство во Европската унија, е дозволено локални политичари, заедно со водечки амбасадори, да разговараат за спроведување на своевиден политички пуч, заради промена на Уставот и заради слабеење на опозицијата?

Јавноста има право да знае!

Нека биде транспарентно!

The post До кога ќе молчат Пендаровски, Ковачевски, Агелер и Гир за средбата на која се договарало враќање на Груевски во земјата? appeared first on plusinfo.mk.

Во интервју за Слободна Европа, Гир вели дека во Брисел нема волја зе менување на Преговарачката рамка. За него е апсурд да има само партиски функционери, а да нема компетенција и меритократија.

– Ја поздравуваме посветеноста на Владата да напредува на патот кон ЕУ, и веќе видовме добар напредок, не само во некои дискусии што ги имавме за реформската агенда, која мислам дека напредуваше многу позитивно, дури и во краткиот период откако е Владата – истакнува евроамбасадорот.

Во однос на уставните амандмани, тој посочува дека веќе имаме решение на маса.

– Се сеќавате уште во јули 2022 година многу внимателно ги следев преговорите што се водеа приближно помеѓу есента 2020 година и тој договор што беше постигнат на 22 јули не беше лесен процес, или за која било страна, беа направени компромиси. И како резултат на тоа, мислам дека веројатно е склучен најдобриот договор што можеше да се направи во тоа време? Дали оваа Влада би можела да постигне подобар договор? Јас лично многу се сомневам во тоа. Се разбира, тоа е прашање меѓу двете влади, но многу се сомневам дека тоа може да се постигне. И не гледам апетит во Брисел за повторно разгледување на Преговарачката рамка, која е основа на преговорите. Како што велам, има решение на маса. Би било добро сега да напредуваме кон тоа решение – рече Гир.

Евроамбасадорот Гир во интервјуто вели дека договорите за заеми меѓу членките на ЕУ и со други земји се вообичаени, но, нема детали за унгарскиот заем.

– Не можам да коментирам за конкретни детали на заемот бидејќи не сум го видел, а не сум ни сигурен дека сѐ уште е целосно склучен, така што тоа е посебна работа. Но, да, има примери на земји-членки кои даваат заеми влада на влада, заеми на трети земји, концесиски заеми директно на буџетот. Тоа е практика која постои во рамките на Европската Унија – додава Гир.

The post ВО БРИСЕЛ НЕМА ВОЛЈА ЗА МЕНУВАЊЕ НА ПРЕГОВАРАЧКАТА РАМКА Решението е на маса, порача евроамбасадорот Гир appeared first on plusinfo.mk.

Откако дел од амбасадорите изразија забелешки за најавата за распуштање на Судскиот совет и на Советот на јавни обвинители, Мицкоски вчера изјави дека станало пракса амбасадорите да се мешаат во внатрешните работи во државата и ако имаат подобри решенија да ги понудат.

Гир рече дека премиерот покренал важни прашања во однос на потребата за реформа на владеењето на правото.

– Ова е од суштинско значење за европскиот пат на земјата, и ние ќе продолжиме да се ангажираме со премиерот и со Владата за да ги разгледаме најдобрите начини да се оди напред. Се надеваме на конструктивен дијалог, делиме исти цели, да ја донесеме земјата во ЕУ колку што е можно побрзо – истакна Гир на НАТО работниот појадок во Клубот на пратеници во организација на министерот за надворешни работи и надворешна трговија Тимчо Муцунски.

Гир го поздрави фактот дека новата влада продолжува да го гради она што го започнала претходната Влада – поддршка за НАТО, продолжување на усогласување со заедничката надворешна и безбедносна политика на ЕУ и континуираната поддршка за Украина.

На сличен став со Гир е и германската амбасадорка Петра Дрекслер, која коментирајќи ја изјавата на Мицкоски, рече дека ќе го продолжат дијалогот со новата Влада.

– Ќе го продолжиме дијалогот со новата Влада и верувам дека тоа ќе се вреднува од двете страни. Имаме размена на прашања во областа на владеењето на правото, што е дел од процесот за пристапување во ЕУ, Кластерот Темели е многу важен и се надеваме дека ќе го продолжиме дијалогот со Владата – нагласи Дрекслер.

The post АМБАСАДОРИТЕ НЕ МУ СЕ НАЛУТИЈА НА МИЦКОСКИ, ЌЕ СОРАБОТУВААТ Се надеваат на конструктивен дијалог за судските реформи appeared first on plusinfo.mk.

– Го имаме Извештајот на Оценската мисија, кој, како што се сеќавате, е од минатата година. Содржи 40 препораки. И има уште многу други документи. Од скрининг-процесот, Извештајот за напредокот, значи има богатство достапни материјали кои покажуваат како да се оди напред. Со нетрпение очекуваме да разговараме за ова во детали – нагласува Гир.

Додава дека ќе мора да разговараат со Владата за тоа што значи најавата за распуштање на Судскиот совет и Советот на јавни обвинители.

– Се разбира, постои искушението да се пристапи со она што јас го нарекувам „правен нихилизам“, со други зборови да избришете сè и да почнете од почеток. И тоа е атрактивно и можеби привидно изгледа атрактивно. Но, искуствата покажуваат дека тоа не е најефективниот начин. За Судскиот совет, јасно е што треба да се прави. Ги имаме препораките. Затоа, нашиот совет е да се продолжи, да се има дискусии, да се разговара со сите засегнати страни заедно. Да се надогради она што веќе е постигнато – вели Гир.

Потсетува дека Судскиот совет веќе има усвоено акциски план за спроведување на 17 препораки од Извештајот на Оценската мисија, кои се дел од нивните надлежности.

Вчера премиерот Христијан Мицкоски, коментирајќи го ставот на ЕУ и САД пренесен преку нивните претставници во земјава, ги повика да понудат решение.

– Некако стана пракса амбасадорите да се мешаат во внатрешните работи во државата. Во ред, и да е така, 600.000 граѓани гласаа за оваа коалиција. Очигледно тоа за нив не значи ништо и за политиките на оваа Влада. Истовремено тие велат дека е катастрофална состојбата со владеењето на правото, во нивните извештаи велат дека цути криминалот и корупцијата, довербата во Судскиот совет и во Советот на јавни обвинители е на два-три проценти кај граѓаните – рече Мицкоски во изјава за медиумите дадена во Гевгелија.

Вчера и претседателката на државата Гордана Сиљановска-Давкова на гостување во Канал 5 телевизија рече дека овие две тела од судството „во моментов како да не постојат“ и потребни се сериозни законски измени.

– Сериозни се критиките. Два-три проценти углед значи како да не постоите. Да беа доблесни, да беа етички ќе си поднесеа оставки по тие скандали што се случуваа. Моите забелешки се, и во Венецијанска сме разговарале, дали едно тело или две тела, ама едно е најважно, не треба тие да се бават само со избор и разрешување на судии и јавни обвинители, туку треба претпоставки да создаваат за независно судство. Како ќе создаваат ако не работат – изјави Сиљановска Давкова во гостувањето на „Само интервју“.

The post НЕ СЕЧИ, ТУКУ ЛЕПИ Таква е препораката на Гир за реформи во Судскиот совет и во Советот на јавни обвинители appeared first on plusinfo.mk.

Министерот за европски прашања, Орхан Муртезани, вчера, по средбата со евроамбасадорот Дејвид Гир, во изјава за медиумите рече дека имал „многу успешна средба со амбасадорот на европската делегација Ричард Гир“. Тој го објави гафот го објави на својот профил на Фејсбук и направи шега на своја сметка.

Самиот тој за време на изјавата не забележа дека направил гаф, а го исправи некој од новинарите, по што Муртезани го изговори вистинското име на евроамбасадор Дејвид Гир.

Евроамбасадорот се насмеа.

ЕВЕ КАКО ДЕЈВИД ГИР СТАНА РИЧАРД ГИР! Министерот Муртезани го прекрсти евроамбасадорот

The post ТОА СЕ СЛУЧУВА КОГА СТЕ ФАН НА РИЧАРД ГИР Муртезани направи шега на своја сметка appeared first on plusinfo.mk.

Тој во изјава за медиуми рече дека денеска имале прва и многу успешна средба со амбасадорот на Европската делегација Ричард Гир но новинарите веднаш го поправија дека е Дејвид Гир.

Во продолжение погледнете го видеото.

Инаку, Гир и новиот министер разговараа за евроинтеграцијата на државата, при што амбасадорот повтори дека нема можност да се репреговара за Преговарачката рамка.

– Секогаш сум бил многу јасен за овој договор што беше постигнат во јули 2022 година што резултираше со отворање на пристапните преговори и скрининг процесот. Не гледам можност за промена на преговарачката рамка и таа позиција не е променета по изборите – изјави евроамбасадорот Дејвид Гир.

Средбата со Муртезани, Гир ја оцени како „добар старт“, посочувајќи дека имал детален разговор за реформската агенда која е дел од планот на ЕУ за раст на Западен Балкан, за досегашната работа на скининг процесот и како да се продолжи врз тоа што е постигнато.

– Очекуваме блиска, регуларна и успешна работна врска со министерот и Министерството – изјави Гир.

Во однос на пораката што се праќа со намалувањето од вицепремиерско на министерско место за европски прашања според Гир, важно е тоа што процесот на евроинтеграција останува високо на политичката агенда.

– Ова е тоа што Владата го вели. Ќе ја оценуваме Владата врз основа на тоа што го прави. Ако сака да продолжи напред на евроинтегративниот пат ние ќе бидеме цврсти и посветени партнери – изјави Гир.

Прашан за планот на Питер Ванхојте за евроинтегративниот пат на земјава, Гир рече дека не е сигурен дека постои таков план, посочувајќи дека Ванхојте работи на проект, финансиран од Белгија, за градење на добрососедски односи во Северна Македонија и соседите.

– Но, надвор од тоа ние во ЕУ не сме поврзани со таа конкретна иницијатива – нагласи Гир.

Министерот за европски прашања Орхан Муртезани посочи дека секоја помош во процесот на зачленување кон ЕУ е добредојдена, вклучителчно и помошта на Питер Ванхојте, но дека тој како новоназначен министер нема видено никаков конкретен план, за да може да даде коментар.

The post 📽️ ЕВЕ КАКО ДЕЈВИД ГИР СТАНА РИЧАРД ГИР! Министерот Муртезани го прекрсти евроамбасадорот appeared first on plusinfo.mk.

Претседателката Гордана Сиљановска Давкова денеска го прими шефот на делегацијата на Европската Унија, амбасадорот Дејвид Гир.

Претседателката Сиљановска Давкова истакна дека и покрај високото ниво на подготвеност на македонската администрација и насобраното искуство, напредокот во исполнувањето на критериумите трпи поради политички околности и потези за кои се одговорни и одредени земји – членки на ЕУ.

Во тој контекст, таа посочи на потребата од враќање на вербата во мериторен процес на интеграција, со фокус на исполнување на копенхашките критериуми.

Претседателката Сиљановска Давкова посочи на потребата за напредок во процесот кон членство во Европската Унија, како стратешка цел на државата и определба на мнозинството од македонските граѓани.

Нашата иднина, според претседателката Сиљановска Давкова, несомнено е во Европската Унија, а местото на нашата држава е на иста маса со европските земји со кои нѐ обединуваат историски, културни и морални традиции и вредности.

Претседателката посочи на нејзината подготвеност да придонесе во градењето единство за прашања од национален и државен интерес и да придонесе кон обезбедувањето на политички и општествен консензус по однос на реформската агенда и усвојувањето на закони за кои е предвидено европско знаменце, со цел да се избегне неговата злоупотреба, што беше нотирано и од самата ЕУ во изминатиот период.

На средбата претседателката Сиљановска Давкова се заблагодари за упатените честитки од челниците на Европската Унија по повод нејзиното стапување на функцијата и изрази подготвеност за целосна соработка со делегацијата на Европската Унија во Скопје во однос на пристапниот процес на државата, истакнувајќи ја значајноста на делегацијата како своевиден координатор на активностите на ЕУ во земјава.

The post НАПРЕДОКОТ КОН ЕУ НИ ТРПИ И ПОРАДИ ПОТЕЗИ НА НЕЈЗИНИ ЧЛЕНКИ Сиљановска Давкова му посочи на Гир на одредени политички околности appeared first on plusinfo.mk.

– Мисијата на ОБСЕ/ОДИХР веќе го издаде прелиминарниот извештај од Првиот круг на изборите. Изборите се одвиваа во генерално мирна и демократска атмосфера и навистина се надеваме дека во вториот круг на претседателските избори, тие исто така и во кампањата за парламентарните избори тие ќе се надградат во овој позитивен замаец што ќе овозможи целиот процес да заврши со позитивни пораки и со позитивно чувство – изјави евроамбасадорот Дејвид Гир, кој денеска присуствуваше на одбележувањето на Европската недела на имунизација во Градски парк.

The post ПРВИОТ КРУГ МИНА ГЕНЕРАЛНО МИРНО И ДЕМОКРАТСКИ Еве што очекува евроамбасадорот Гир на 8 мај appeared first on plusinfo.mk.

– Она што го привлече вниманието и нашата загриженост беа измените на Кривичниот законик. Во тоа време бевме загрижени дека ова ќе доведе до повеќе неказнивост, тука беше и злоупотребата на европското знаменце, но главната загриженост беше дека ова би можело да доведе до поголеми можности за неказнивост. И она што го гледаме случај по случај со текот на времето е зголемена неказнивост, и сега увидовме дека постои празнина во еден дел од законот што приоритетно треба да се затвори – вели Гир, одговарајќи на прашањето за проблемот со корупцијата со кој се соочува земјава, што беше нотирано и во последниот извештај на Европската комисија.

Корупцијата, наведува евроамбасадорот, го поткопува економскиот потенцијал на државата, ги поткопува иновациите, претставува еден од оние фактори што ги тера луѓето да ја напуштат земјата и секако претставува извор на нееднаквост и неправда.

– Затоа е многу загрижувачки што ноемврискиот извештај на Европската комисија кажува дека нема напредок во борбата против корупцијата. Нашето очекување е ова да биде една од главните области каде треба властите да бидат активни, борбата против корупцијата – истакна Гир, кој напомена дека има и светли примери, како работата на Државната комисија за спречување на корупција и на Државниот завод за ревизија, но додаде дека во борбата против корупцијата треба да се вклучат сите општествени чинители.

The post ЗГОЛЕМЕНА Е НЕКАЗНИВОСТА СО ИЗМЕНИТЕ НА КРИВИЧНИОТ ЗАКОНИК Гир видел дупка во законот што го овозможува тоа appeared first on plusinfo.mk.

„На денешната прес-конференција евроамбасадорот Гир потенцираше дека во контекст на Собранието извештајот забележува прекумерна и некогаш несоодветна употреба на забрзаните процедури, повикувајќи на основното начело дека ЕУ знаменцето треба да се користи кога е директно поврзано со усвојување на закони чија главна цел е да се усогласат со ЕУ нормите и стандардите, а не да се скрати дебатата за важни прашања. Длабоко сме загрижени што и покрај апелите од Европската Унија да не се врши злоупотреба на европско знаменце за скратување на дискусија при носење важни закони праксата во нашата држава продолжува и тоа за предлог-законот за игри на среќа кој ќе ѝ нанесе непоправливи штети на нашата земја. Слична беше препораката и во Извештајот на Европската Комисија за Северна Македонија за 2022 година каде се истакнува дека потребно е правилно планирање и консултации за да се ограничи употребата на скратени постапки за да се овозможи ефективна контрола и разгледување на законодавството“, но властите во нашата земја за жал остануваат глуви на препораките кои не се во нивна корист“, наведува АСОМ во соопштението.

Иако ЕУ во Извештајот за напредокот на Македонија објавен во 2021 година, посочено е таму, забележа дека „суштинските закони се носат по скратени процедури и со знамето на ЕУ што го скратува рокот за дебата“, државата упорно продолжува да го турка предлог-законот за игри на среќа кој ќе остави катастрофални последици за целото општество со тоа што повеќе од 10.000 директно вработени и 54.000 индиректно поврзани граѓани со индустријата ќе останат без приход и работа, а државниот буџет без повеќе од 280 милиони евра.

„Посочуваме и дека евроамбасадорот Гир на почетокот на годината кога АСОМ се обрати за поддршка од ЕУ, јасно апелираше дека европското знаменце треба да се употребува само кога се во прашање закони што се поврзани со европските норми и стандарди, но не и да се користи за да се избегне јавната дебата при носењето на важни закони. Нашата Асоцијација во повеќе наврати истакна дека Законот за игрите на среќа и забавните игри не подлежи на обврска за усогласување со донесена ЕУ Директива. Членките на Европската Унија немаат усогласено и донесено Директива која е правно обврзувачка за членките на Унијата и која истовремено ќе преставува обврска за пристапните членки на ЕУ да ја транспонираат таа директива во сопственото законодавство. Бараме Владата да ја послуша јасната порака која доаѓа од Европската Комисија и да престане со деструктивни чекори да ја уништува иднината на државата. Како Асоцијација бараме и итно повлекување на предлог-законот за игри на среќа кој насилно се турка со европско знаменце“, се вели во соопштението на АСОМ.

The post ИТНО ПОВЛЕКУВАЊЕ НА ПРЕДЛОГ-ЗАКОНОТ ЗА ИГРИ НА СРЕЌА Евроамбасадорот Гир ја потврди злоупотребата на европското знаменце, реагира АСОМ appeared first on plusinfo.mk.