Поранешната англиска фудбалска ѕвезда Дејвид Бекам предизвика бројни реакции на социјалните мрежи откако објави фотографија од својата мајка Сандра Бекам во друштво на најдобриот српски тенисер Новак Ѓоковиќ.

Фотографијата е направена на Вимблдон, каде што Бекам и неговата мајка присуствуваа на мечевите од најпрестижниот тениски турнир во светот.

Во објавата, Бекам откри колку средбата со Ѓоковиќ значела за неговата мајка.

„Никогаш не сум ја видел мајка ми толку среќна“, напиша Бекам покрај фотографијата, која за кратко време привлече илјадници реакции и коментари.

 

View this post on Instagram

 

A post shared by David Beckham (@davidbeckham)

На фотографијата Сандра Бекам е насмеана и видно расположена додека позира со српскиот тениски ас, а многумина во коментарите оценија дека станува збор за една од најубавите сцени од овогодинешниот Вимблдон.

Објавата дополнително го потврди огромниот углед што Ѓоковиќ го ужива меѓу спортските легенди и нивните семејства, а фановите истакнаа дека ваквите моменти ја покажуваат човечката страна на големите шампиони.

Фотографијата брзо се прошири низ социјалните мрежи и спортските портали, каде што беше поздравена како уште една симпатична приказна од Вимблдон.

The post 📷 МАЈКАТА НА БЕКАМ НЕ ГО КРИЕШЕ ВООДУШЕВУВАЊЕТО Фотографијата со Ѓоковиќ стана хит на интернет appeared first on plusinfo.mk.

Деновиве Бруклин Бекам предизвика бура од реакции во јавноста поради реклама за платформата за достава DoorDash, во која изгледа како да се потсмева поради семејната кавга со неговите родители.

Најстариот син на Дејвид и Викторија Бекам деновиве беше погоден од бран онлајн реакции од коментатори згрозени од рекламата во која тој имплицира дека го гледа Светското првенство дома за да избегне да се гледа со своето семејство и ги подарува „своите“ билети.

Само неколку дена по ова, неговиот татко Дејвид Бекам (51) го одбележа Денот на татковците со емотивна објава на социјалните мрежи, во која му испрати јасна порака за љубов, и покрај семејниот раскол што трае повеќе од една година.

Поранешниот фудбалер сподели серија семејни фотографии, вклучувајќи стара фотографија од него како позира со Бруклин кога сè уште бил дете, како и фотографија заедно со сите четири негови деца. Тој напиша со објавата:

– Да бидам татко е мојата најважна работа. Ве сакам сите и ти благодарам, мама Викторија, што ни го подари ова прекрасно семејство. Среќен Ден на татковците на сите татковци низ целиот свет.

 

View this post on Instagram

 

A post shared by David Beckham (@davidbeckham)

Ова е втора година по ред како Дејвид го поминува Денот на татковците без својот најстар син, со кого наводно не разговарал повеќе од 12 месеци.

Во својата објава за Денот на татковците, и Викторија Бекам сподели фотографија од посреќните времиња, на која се прикажани Дејвид, Бруклин, Ромео, Круз и Харпер заедно.

– Дејвид, ти навистина си најдобриот татко. Твоето најголемо достигнување отсекогаш биле нашите прекрасни деца и многу те сакаме. Среќен Ден на татковците – напиша модната дизајнерка.

Иако Бруклин јавно не му го честиташе Денот на татковците на својот татко, Дејвид доби пораки за поддршка од своите синови Ромео и Круз, кои споделија нивни заеднички фотографии од детството.

 

View this post on Instagram

 

A post shared by Victoria Beckham (@victoriabeckham)

Сепак, според странските медиуми, членовите на семејството Бекам не биле воодушевени од рекламата на Бруклин. Извор близок до семејството рекол дека веруваат дека Бруклин истовремено тврди дека сака приватност и мир, а во исто време профитира од јавниот интерес за семејниот конфликт.

Рекламната кампања предизвика бројни негативни реакции на социјалните мрежи. Бруклин, кој пред неколку месеци, заедно со сопругата Никола Пелц, ја истакна својата желба за приватност, се најде на мета на критики од дел од јавноста кои го обвинија дека ги искористува семејните несогласувања за лична промоција.

Според американските медиуми, тој наводно добил најмалку милион долари, или околу 753.000 фунти, за соработката со DoorDash.

Дополнителна контроверзност е предизвикана и поради обемната изјава на Бруклин која ја објави на почетокот од годината во која го обвини своето семејство дека ја цени јавната промоција и деловните соработки повеќе од нивните меѓусебни односи.

И покрај сè, се чини дека Дејвид и Викторија Бекам продолжуваат јавно да покажуваат дека Бруклин останува важен дел од нивното семејство. Нивните најави за Денот на татковците од многумина беа протолкувани како обид да се подаде рака за помирување со надеж дека семејните односи ќе се подобрат со текот на времето.

The post ДЕЈВИД БЕКАМ ГО ПРЕКИНА МОЛКОТ Поранешниот фудбалер му испрати на отуѓениот син порака што никој не ја очекуваше appeared first on plusinfo.mk.

Австралискиот стратег со македонско потекло, Питер Чкламовски, е назначен за нов менаџер на англискиот клуб Салфорд Сити, тим во кој сопственици се легендите на Манчестер Јунајтед предводени од Дејвид Бекам и Гери Невил.

Чкламовски, кој е роден во Австралија, но има македонски корени, пристигнува во Салфорд по ангажманот како селектор на Малезија, а зад себе има богато искуство и во јапонскиот и австралискиот фудбал. Во кариерата работеше и како близок соработник на познатиот тренер Анге Постекоглу.

Салфорд Сити настапува во англиската Лига Два, а клубот во последните години привлече големо внимание поради сопственичката структура во која се поранешните ѕвезди на Манчестер Јунајтед – Дејвид Бекам, Гери Невил, Пол Сколс, Рајан Гигс, Ники Бат и Фил Невил.

По потпишувањето на договорот, 47-годишниот Чкламовски порача дека пред него стои голем предизвик.

– Тука сум затоа што добив можност да направам нешто посебно. Сопствениците имаат високи амбиции, а клубот има големи цели и тоа целосно се совпаѓа со мојот начин на размислување – изјави Чкламовски.

Тој најави дека неговиот тим ќе игра офанзивен и атрактивен фудбал.

– Сакаме да изградиме менталитет во кој ќе се бориме за секоја топка со страст, дисциплина и посветеност. Ќе бидеме храбри, ќе ја бараме топката, ќе напаѓаме и ќе постигнуваме голови. Сакам навивачите да скокаат од своите седишта и да уживаат во фудбалот што ќе го играме – истакна новиот тренер.

 

View this post on Instagram

 

A post shared by Salford City FC (@salfordcityfc)

Поддршка за изборот на Чкламовски даде и легендарниот Пол Сколс, кој е главен фудбалски советник во клубот.

– Питер носи стил на игра каков што сакаме да гледаме – возбудлив и напаѓачки фудбал. Но, не станува збор само за постигнување голови. Тој е опседнат и со дефанзивната дисциплина. Сака неговите тимови да бидат немилосрдни и да имаат јасен идентитет, а токму тоа сакаме да го донесеме во Салфорд – рече Сколс.

 

View this post on Instagram

 

A post shared by Salford City FC (@salfordcityfc)

Доаѓањето на Чкламовски се смета за важен чекор во амбициозниот проект на Салфорд Сити, клуб кој по преземањето од Бекам и останатите легенди на Манчестер Јунајтед има јасна цел – напредок кон повисоките рангови на англискиот фудбал.

The post 📽️ КЛУБОТ НА БЕКАМ МУ ЈА ДОВЕРИ КЛУПАТА НА МАКЕДОНЕЦ Чкламовски најави офанзивен фудбал и големи амбиции appeared first on plusinfo.mk.

Минатата недела, Дејвид Бекам доби своја ѕвезда на Булеварот на славните во Холивуд, а меѓу присутните на церемонијата имаше многу славни личности кои се блиски пријатели со Бекамови. Меѓу нив, и нивниот близок пријател, холивудската ѕвезда Том Круз кој седеше до Викторија.

Меѓутоа, деновиве на социјалните мрежи се појави видео кое за многумина кои го коментираат е очигледен доказ за флертот помеѓу актерот и Викторија.

Имено, на видеото кое има над 16 милиони прегледи, се гледа како додека Дејвид го држи својот говор, Том нежно ја допира за рамото, а таа му се насмевнува и му ја фаќа дланката. Потоа Том ѝја бакнува, а Викторија му упатува поглед за кој многумина коментираа дека на секој маж му е јасно што значи.

Every man knows what look Victoria Beckham just gave Tom Cruise pic.twitter.com/1u0F75GSkY

— USA NEWS (@usanewshq) June 13, 2026

Во описот на една од објавите на видеото кое вирално се споделува на Твитер, пишува:

– Секој маж го знае погледот што Викторија Бекам му го упати на Том Круз.

Во коментари на објавата, некои пишуваат дека се уверени дека меѓу Том и Викторија има нешто – ако не сега, тогаш во минатото.

– Ако Дејвид така фати некоја жена за рака, ќе треба да спие надвор; Зошто би ја фатил за рака и би ја бакнал така? Јас не го правам ова со моите пријателки; Не знам што се случува, но не ми изгледа во ред; Ова не е поглед, ова е цела порака.

Некои коментираат и дека за миг се гледа изразот на синот на Бекамови кој седи до Том и наводно не делува среќно за флертот.

Сепак, други инсистираат дека Том е само многу добар пријател на Бекамови и дека сите гласини за флерт се бесмислени.

– Престанете. Том држеше говор на церемонијата на Дејвид. Бекамови го крстија син им Круз во чест на нивното пријателство со Том; Зошто сите зборуваат за ова? Зарем не се блиски семејни пријатели?

Бекамови и Том Круз навистина се пријатели со децении, а почнале да се дружат во средината на 2000-тите, кога Дејвид и Викторија се преселија во Лос Анџелес.

Извор близок до Том, пак, вели дека тој сега се надевал дека Дејвид и Викторија ќе му помогнат да најде нова љубов.

– Периодов Том минува повеќе време во Америка, но ја сака Англија. Вљубен е во секој детаљ од нивната култура, па сака да си најде англиска дама.

Изворот додава дека актерот бил подготвен за љубов по раскинувањето со Ана де Армас и иако имал неколку кратки врски, сепак не ја нашол вистинската и сега се потпира на Дејвид да му најде нова љубов, а и Викторија помага.

Според изворот, Том имал и „строги критериуми“: Идеалната девојка треба да потекнува од добро семејство и да биде во доцните 20-ти или раните 30-ти години.

На Том му е важна и поврзаноста со кралското семејство бидејќи сега е посветен на зацврстување на пријателството со принцот Вилијам и принцезата Кејт“.

И во минатото имало ситуации кога Дејвид му помагал на Том да најде љубов, па наводно актерот бил пресреќен што повторно се во иста положба.

– Том е пресреќен што уште го има истиот пријател, а подготвен е и да инвестира во некои од неговите бизниси. Но, главниот приоритет е да ја најдат вистинската за него.

The post 🎥 ДЕЈВИД БЕКАМ ДРЖИ ГОВОР, ТОМ КРУЗ ФЛЕРТУВА СО ЖЕНА МУ Сите го коментираат погледот што му го упати Викторија на актерот appeared first on plusinfo.mk.

Спектакуларно беше отворањето на настапот на репрезентацијата на САД на Светското првенство 2026, откако домаќинот убедливо го совлада Парагвај со 4-1 пред преполниот стадион „Софи“ во Лос Анџелес.

Настанот не беше само спортски натпревар, туку и вистински спектакл кој ги собра најголемите имиња од светот на шоу-бизнисот, филмот и музиката, претворајќи го стадионот во глобална сцена на гламур и спорт.

На трибините, предводени од Том Круз и Дејвид Бекам, беа забележани бројни светски познати личности, меѓу кои Џорџ Лукас, Бред Пит, Хали Бери, Софија Вергара, Роб Лоу, Овен Вилсон, Винс Вон и Џејми Фокс.

Paris Hilton at the FIFA World Cup Opening Ceremony? That’s hot. pic.twitter.com/Dcs0NOkoqD

— E! News (@enews) June 13, 2026

Особено внимание привлече појавувањето на Парис Хилтон и Миа Калифа, кои со својот изглед и присуство буквално го „украдоа шоуто“ и станаа една од главните теми на вечерта.

Пред почетокот на натпреварот, публиката ја поздрави и актерот Џејсон Судекис, ѕвездата на серијата „Тед Ласо“ и официјален амбасадор на Мундијалот, кој доби громогласни овации.

Confirmed:

Tom Cruise is a patriot. pic.twitter.com/nlkIKOD6DU

— Dr Manhattva (@Manhattva) June 13, 2026

Музичкиот дел од церемонијата го одбележа настапот на Кејти Пери, која во впечатлив сребрен костим испрати пораки за единство и глобална поврзаност. На сцената настапија и Фјучр, Тајла, Лиса, Анита и Рема.

Посебен впечаток остави изведбата на песната „Game Time“, проследена со кореографија со златни фудбалски топки, која ја крена атмосферата на стадионот на највисоко ниво.

The post 📽️ 📷 ПАРИС ХИЛТОН И МИА КАЛИФА ГО ЗАПАЛИЈА СТАДИОНОТ Победа на САД, но шоуто го украдоа Бекам, Том Круз… appeared first on plusinfo.mk.

Во последните години, Дејвид Бекам сè повеќе време поминува подалеку од фудбалските терени, а пронајде и нова страст во градинарството. Поранешниот англиски фудбалер неодамна на Инстаграм ја покажа својата импресивна градина со зеленчук во својот луксузен дом во Котсволдс вреден околу 12 милиони фунти, каде што одгледува разни култури и се грижи за кокошките.

Во видео што го сподели со своите следбеници, Бекам гордо покажа леи полни со зелена салата, пченка шеќерец и јагоди. Носејќи ја својата препознатлива капа, тој ја обиколуваше градината и откри дека е особено задоволен од напредокот на пченката и од изгледот на зелената салата.

– Не можев, а да не забележам колку добро изгледа зелената салата, а пченката добро расте. Сè изгледа навистина одлично – рече тој.

Бекам беше особено задоволен од јагодите и кога проба неколку призна дека нивниот вкус го враќа во детството и го потсетува на неговите баба и дедо.

 

View this post on Instagram

 

A post shared by David Beckham (@davidbeckham)

Љубовта кон градинарството го донесе дури и кај кралот Чарлс III. Како амбасадор на Фондацијата на кралот, Бекам учествуваше во создавањето посебна градина за престижниот саем за цвеќиња во Челзи оваа година, каде што работеше со кралот на последните детали од проектот. Во таа пригода, тој нагласи дека сака да ја охрабри помладата генерација да поминува повеќе време во природа и да ги открие шармовите на градинарството.

 

View this post on Instagram

 

A post shared by David Beckham (@davidbeckham)

Неговото семејство многу добро знае колку му се допаѓа неговото ново хоби, па Викторија Бекам и децата му подарија шест кокошки за неговиот 51-ви роденден. Викторија објави видео на социјалните мрежи во кое Дејвид отвора подароци и ентузијастички ги запознава своите нови пердувести миленици пред да ги смести во кокошарник на имотот.

 

View this post on Instagram

 

A post shared by David Beckham (@davidbeckham)

Додека ужива во животот на село, Бекам добива уште едно големо признание.

 

View this post on Instagram

 

A post shared by David Beckham (@davidbeckham)

Оваа недела беше потврдено дека ќе добие ѕвезда на Холивудската патека на славните на 12 јуни. Ќе му се придружи неговата сопруга Викторија, која ќе биде еден од говорниците, а меѓу гостите ќе биде и нивниот долгогодишен пријател Том Круз.

The post 🎥 ОД ФУДБАЛСКА ЛЕГЕНДА ДО СТРАСТВЕН ФАРМЕР Бекам се пофали со родот и со кокошките appeared first on plusinfo.mk.

Поранешниот англиски фудбалер Дејвид Бекам стана првиот британски спортски милијардер, објави денеска „Сандеј Тајмс“ во најновата листа со најбогати луѓе во Велика Британија за 2026 година.

Заедничкото богатство на Дејвид Бекам и неговата сопруга Викторија Бекам се проценува на 1,185 милијарда фунти.

Поранешниот капитен на англиската фудбалска репрезентација денес е косопственик на Интер Мајами, кој се смета за највредна франшиза во американската МЛС лига, со проценета вредност од 1,45 милијарда долари.
Бекам, кој беше прогласен за витез минатата година, исто така, има големи примања и како амбасадор за брендовите „Адидас“ и „Хуго Бос“.

Голем дел од богатството на Викторија Бекам доаѓа од модната компанија што ја изгради по нејзината светска слава со групата „Спајс грлс“.

The post ДЕЈВИД БЕКАМ Е ПРВИОТ БРИТАНСКИ МИЛИЈАРДЕР ОД СПОРТОТ На 1,185 милијарда фунти се проценува заедничкото богатство со сопругата Викторија appeared first on plusinfo.mk.

51-годишната модна дизајнерка Викторија Бекам, објави на својот Инстаграм стори провокативна фотографија со својот сопруг, поранешниот фудбалер Дејвид (50).

На фотографијата – селфи направено преку  прозорецот, Викторија привлече внимание во елегантен црн костим за капење додека позира покрај Дејвид кој е без маица.

Во описот на објавата, таа напиша: „Среќна недела. Бакнежи од Мајами“.

Објавата доаѓа откако нивниот син Круз потврди дека Викторија повеќе нема тетоважи, пренесува „Дејли мејл“.

Поранешната Спајс Грлс, која стана модна дизајнерка, претходно имаше шест тетоважи по телото, вклучувајќи и хебрејска поема на грбот.

За време на Q&A сесија на Инстаграм, нејзиниот син Круз одговорил на прашање дали мајка му има тетоважи: „Не, веќе не.“

Меѓу другите тетоважи на Викторија, биле и иницијалите на Дејвид и датуми важни за нивниот брак на зглобот. Меѓу нив биле и зборовите „Заедно, засекогаш, вечно“, како и датумот на обновување на брачните завети.

На долниот дел од грбот имала пет ѕвезди што ги симболизирале неа, Дејвид и нивните три сина, а не е познато дали подоцна додала уште една за ќерката Харпер.

За отстранувањето на тетоважите Викторија зборувала уште во 2022 година, објаснувајќи дека со текот на времето престанале да ѝ се допаѓаат и дека сакала поедноставен изглед.

Ласерското отстранување на тетоважи користи зраци од обоена светлина за да го разгради мастилото на ситни фрагменти, кои потоа можат да се апсорбираат во крвотокот и да се излачуваат преку црниот дроб и дигестивниот систем. Приватните клиники наплаќаат околу 150 фунти по сесија за мала тетоважа и до 800 фунти за поголема.

Обично се потребни осум до 10 сесии за големи тетоважи.

Постапката може да предизвика привремена непријатност, создавање меури и црвенило, а тетоважата речиси никогаш не исчезнува целосно. Бројките покажуваат дека речиси една петтина од Британците имаат барем една тетоважа.

Иако Викторија ги отстранила своите тетоважи, нејзиниот сопруг сè уште се гордее со десетици по целото тело, а нејзините синови сега исто така носат многу тетоважи.

The post ПИШИ БРИШИ Викторија Бекам објави фотографија во костим за капење и без ниту една тетоважа appeared first on plusinfo.mk.

Lenovo денеска објави глобално партнерство со Дејвид Бекам, обединувајќи една од најпрепознатливите културни личности во светот и една од водечките технолошки компании.

Соработката се надоврзува на растечката улога на Lenovo во глобалниот фудбал, вклучително и нејзината позиција како официјален технолошки партнер на FIFA World Cup 2026 и FIFA Women’s World Cup 2027. Ова прво партнерство од ваков вид ќе го вклучи Дејвид Бекам во активностите на Lenovo поврзани со AI-решенија насочени кон спортот, кои го трансформираат фудбалот за клубовите, играчите, судиите и навивачите, особено во подобрување на перформансите на тимовите, создавање подобро искуство за фановите, поефикасни операции и отворање нови извори на приходи преку иновации базирани на вештачка интелигенција.

Како човек што управува со сопствени бизниси, Бекам носи перспектива што оди многу подалеку од теренот. Без разлика дали станува збор за професионалец кој го води својот ден од еден уред, мал бизнис кој се обидува да постигне повеќе со помалку ресурси или компанија што го преосмислува начинот на работа на цели тимови, Бекам ќе помогне да се оживее клучната идеја на оваа соработка: дека вистинската технологија, потпомогната од AI, може да му помогне на секого да функционира на највисоко ниво.

Дејвид Бекам ќе се појави и во претстојната глобална маркетинг кампања на Lenovo, која ќе стартува во мај, еден месец пред почетокот на FIFA World Cup 2026.

– Lenovo е глобален лидер со докажани резултати на најголемите светски сцени. Гордост е да соработувам со Lenovo за Светското првенство и пошироко. Фудбалот секогаш ќе биде дефиниран од талент, инстинкт, напорна работа и незаборавни моменти што ја прават играта посебна. Сега, вештачката интелигенција и податоците ни помагаат подлабоко да го разбереме спортот обликувајќи како играчите и тренерите се подготвуваат и како навивачите се поврзуваат со играта. Со нетрпение очекувам да научам повеќе за најсовремените решенија на Lenovo, кои отвораат нови идеи и го прошируваат пристапот до фудбалот – изјави Бекам за партнерството.

– Дејвид не е само глобална фигура во фудбалот, бизнисот и културата, туку и личност која ја разбира моќта на иновациите да го трансформираат светот. Тоа го прави совршен партнер за да покажеме како Smarter AI може да овозможи подобар живот и поефикасна работа за сите – изјави извршниот директор и претседател на Lenovo, Yuanqing Yang.

Со ова партнерство, Lenovo дополнително ја зацврстува својата позиција како двигател на иновации во спортот и во технологијата, носејќи нова вредност за сите учесници во фудбалската индустрија. Оваа соработка претставува уште еден чекор кон иднина во која технологијата и спортот се сè повеќе испреплетени, создавајќи подобри искуства и можности за сите.

Официјален дистрибутер на Lenovo во Македонија за лаптопи, таблети, смартфони, десктоп компјутери и сервери е АИТОНИКС АД. Компанија со докажана експертиза и 25-годишно искуство во дистрибуцијата на ИТ производи и изработката на софтверски решенија.

За повеќе информации во врска со Lenovo уредите, контактирајте го продажниот тим во АИТОНИКС на 02 329 83 38 или на email адреса sales@aitonix.group.

The post LENOVO И БЕКАМ ЈА РЕДЕФИНИРААТ ИГРАТА Фудбалерот носи перспектива што оди многу подалеку од теренот appeared first on plusinfo.mk.

Шест недели откако Бруклин ја сподели својата шокантна изјава со која ги прекинува сите врски со неговото семејство, неговите родители Викторија и Дејвид Бекам му понудија јавно „маслиново гранче“ со објави на Инстаграм со кои го одбележаа неговиот 27-ми роденден.

Споделувајќи фотографии од детството на Бруклин и тагирајќи ја својата сопруга Викторија, Дејвид го искористи својот прекар од детството за негоиот најстар син, Бастер и му напиша: „27 денес. Среќен роденден, Баст. Те сакаме x“.

Неколку Минути подоцна, Викторија ја сподели истата фотографија и напиша „среќен роденден Бруклин, те сакаме толку многу“, пред да објави фотографија од себе со својот најстар син.

Бруклин, кој сега живее во Соединетите Држави со својата сопруга актерка Никола Пелц, неодамна ја истакна својата желба да се дистанцира од своето семејство во изјава на Инстаграм од шест страници исполнета со морничави обвинувања.

Обраќајќи им се на следбениците на социјалните мрежи во јануари, тој тврдеше дека неговите родители се обиделе да го саботираат неговиот брак и отсекогаш го ставале јавното брендирање пред семејните односи.

Бруклин и неговата сопруга го пропуштија 50-тиот роденден на Дејвид минатиот мај, а беа забележително отсутни и во замокот Виндзор за долгоочекуваната инвеститура на поранешниот фудбалер на 4 ноември, а отсуствуваа и од други важни семејни настани.

Браќата на Бруклин, Ромео и Круз, досега молчеа на социјалните мрежи за роденденот на нивниот брат и сестра. Сепак, сестрата на Викторија, Луиз Адамс, објави слатка фотографија од нејзината ќерка Либи со бебето Бруклин.

Ова не е првото маслиново гранче на Инстаграм на Дејвид. На новогодишната ноќ, во уште еден обид да го реши нивното тековно отуѓување, тој вклучи фотографија од тинејџерот Бруклин во својот преглед на семејни фотографии. Тој напиша на сликата: „Ве сакам сите толку многу“.

Меѓу другите фотографии што ги сподели беше пензионираниот фудбалер со синовите Ромео, Круз и ќерката Харпер, додека на последната слика се прикажани сопругата Викторија и сите четири нивни деца, со опис: „Ти си мојот живот“.

Објавата веднаш ја сподели сопругата Викторија (51), која ја придружи сликата од Сер Дејвид и Бруклин со стикер срце. Прославите за роденденот на Бруклин доаѓаат само две недели откако семејството Бекам го прослави роденденот на неговиот помлад брат Круз, кој уживаше во неколку забави за да го одбележи својот 21-ви роденден.

Дејвид и Викторија првпат му приредија на својот најмлад син раскошна забава во „Мејн“ во Мејфер минатиот месец, пред големиот ден на Круз на 20 февруари.

Целиот клан Бекам – освен Бруклин – се појавија за пригодата, вклучувајќи ги братот и сестрата Ромео (23) и Харпер (14); бабите и дедовците по мајка Тони и Џеки; тетката Џоан и бабата по татко, Сандра.

The post ДЕЈВИД И ВИКТОРИЈА БЕКАМ МУ ГО ЧЕСТИТАА РОДЕНДЕНОТ НА БРУКЛИН „Среќен роденден Баст, те сакаме многу“ appeared first on plusinfo.mk.