Баба и дедо ги загубија животите во обид да ги спасат своите две внучиња, на 8 и 11 години, кои исто така се удавиле во реката Струма во близина на селото Пастух, во Бугарија.

Несреќата се случил во петок попладне кога три деца, на возраст од 6, 8 и 11 години, биле на пикник со своите баба и дедо во близина на реката. Две од момчињата влегле во водата, но биле однесени од силната струја. Возрасните се обиделе да ги спасат, но и тие биле однесени од реката.

Трите тела биле извлечени веднаш, но телото на второто дете беше пронајдено дури вчера по спасувачка операција што траеше повеќе од 24 часа. Со ова, бројот на жртви во трагедијата се искачи на четири, објави Нова ТВ.

Момчето го пронајдоа двајца нуркачи од Ќустендил, кои учествуваа во спасувачката операција. Телото е пронајдено во близина на местото каде што претходно беа пронајдени другите жртви од трагичниот инцидент и треба да биде предадено за обдукција.

Шестогодишниот братучед на децата останал на брегот и успеал да побара помош. Според информациите, тој истрчал до блискиот пат и ги запрел автомобилите што минувале за да сигнализира што се случува.

За случајот е известено и Окружното обвинителство на Ќустендил, под чие водство продолжуваат процедуралните и истражните дејствија за разјаснување на сите околности околу трагедијата.

The post ДРАМА НА РЕКАТА СТРУМА ВО БУГАРИЈА Се обиделе да ги спасат внучињата, но и тие се удавиле! appeared first on plusinfo.mk.

70-годишен турист од Македонија за малку ќе се удавел додека се капел во морето во Неи Пори, Грција, објавуваат грчки медиуми.

Мажот загубил свест додека бил во водата, а за среќа, спасувачот брзо го забележал и го извлекол онесвестениот маж од морето.

Не морало да се врши реанимација, бидејќи човекот се вратил во живот со помош на кислородот што му го дале спасувачите, како што може да се види и од фотографијата објавена од protothema.gr.

– Тој пливал во морето во Неи Пори и изгубил свест во водата. Сепак, брзо го забележал спасувачот кој втрчал во морето и го извлекол. Му дал кислород и тој се вратил во живот без потреба од реанимација. Брзата помош пристигнала и човекот бил пренесен во болница, од каде што бил отпуштен по два дена – изјави Адонис Киурцидис, надзорник на спасувачите.

Туристот дошол кај кулата на спасувачот кој му го спасил животот и срдечно му се заблагодарил.

The post МАКЕДОНЕЦ СПАСЕН ОД ДАВЕЊЕ ВО ПОСЛЕДЕН МОМЕНТ ВО ГРЦИЈА Изгубил свест додека бил во водата, спасувачот брзо го забележал appeared first on plusinfo.mk.

Во реката Вардар на подрачјето на скопски Карпош вчера бил извлечен 83-годишен маж кој се давел во водата, по што со брза интервенција на очевидец и медицинските служби бил спасен и пренесен во болница.

Како што соопшти полицијата, на 12.06.2026 година во 07:40 часот во СВР Скопје било пријавено дека околу 07:00 часот од реката Вардар бил извлечен машко лице кое се давело.

Станува збор за лицето Д.И. (83) од Скопје, кое, според првичните информации, имало здравствени проблеми.

По укажаната прва помош на самото место од екипа на Итна медицинска помош – Скопје, тој бил пренесен во Градската општа болница „8 Септември“ во Скопје, каде ќе се врши понатамошно лекување.

Извршен бил увид од увидна екипа од СВР Скопје.

The post ГРАЃАНИН СПАСИЛ ДАВЕНИК ВО ВАРДАР Скопјанец паднал во реката, извлечен во последен миг appeared first on plusinfo.mk.

Додека надлежните органи истражуваат дали во Кумановско има сериски убиец, 85-годишната Росанка од кумановското село Челопек за телевизијата Сител сведочеше како била нападната и давена од непознато лице во нејзиниот дом.

Според нејзиниот син станува збор токму за 25-годишниот Т.Б., кој е осомничен за убиството на М.С. (78) од истото село, а за кој органите истражуваат дали е во поврзано и со други убиства во кумановско.

Нападот врз жената се случил минатиот понеделник околу 14 часот. Непознато лице влегло во куќата и без да каже збор почнало да ја дави.

– Ми фрли ќебе преку глава. Си велам, кој е овој, не збори ништо, само почна да ме удира. Прво ме фати за гуша, силно, за да не можам да викам. Ме удираше по глава, и ме давеше долго – раскажува Росанка за Сител, истовремено покажувајќи ги повредите на лицето.

Според нејзиното сведоштво, во одреден момент се слушнале некакви звуци надвор, по што му паднал телефонот, тој престанал да ја дави и избегал.

– Дојдов малку до здив и си велам, Боже, која е оваа будала? 85 години имам, што сака од мене – рече жената.

Нападот врз Росанка се случил неколку дена пред во истото село да биде пронајдено телото на убиена 78-годишна жена со иницијали М.С. За убиството е осомничен 25 годишник од селото Драгоманце во општина Старо Нагоричане. Таа живееала сама во куќа покрај главниот пат во селото, но за истрагата сѐ уште е нејасно кога точно 25 годишникот го извршил чинот. Според обвинителството, настанот се случил во перидот од 27 јанури до 12 февруари. Токму, во тој временски интервал, на помалку од 500 метри, нападната била и другата жена, Росана.

Според соседите, истиот ден лицето било забележано во близина на нивниот дом, а подоцна и во близина на куќата во која е пронајдена мртва 78 годишната жена.

Од обвинителството се сомневаат дека 25 годишниот е можен сторител и на други убиства, па се проверуваат причини за смртта и на други жени од Старо Нагоричане. Направена е ексхумација на жена од околу 40 години која била почината пред околу еден месец. Обдукцијата е завршена во институтот за судска медицина, а се чекаат резултатите од ДНК анализата кои треба да откријат дали и таа жена била жртва на 25 годишникот.

Траги од осомничениот 25 годишник биле барани и кај постарата жена која го преживеала нападот. Извештајот од обдукцијата ќе се споредува со резултатите од ексхумираната жена, како и со трагите пронајдени во домот на починатата. Сите овие докази треба да откријат дали зад решетки е ставен сериски убиец.

– Осомничениот веднаш е лишен од слобода и од страна на јавниот обвинител му е определен притвор. Наредено е и психијатриско вештачење од страна на тим форензички психијатри од Институтот за психијатрија во Скопје – изјавија од Обвинителството.

25-ГОДИШНИК ЛИШЕН ОД СЛОБОДА ПО БРУТАЛНО УБИСТВО ВО ЧЕЛОПЕК Истражителите проверуваат врска со други слични случаи во кумановско

The post 🎥 ДАЛИ ВО КУМАНОВСКО ОПЕРИРАЛ СЕРИСКИ УБИЕЦ? Потресно сведоштво на 85-годишна жена, ѝ завиткал ќебе на глава и ја давел! appeared first on plusinfo.mk.

Телото на 27-годишната С.А. од Дебар вчера беше пронајдено во водите на Дебарското Езеро.

Според информациите од ОВР Дебар, телото било пронајдено на околу 2 метра од брегот на Дебарското Езеро, во близина на пумпната станица. Случајот бил пријавен како најдено тело во езерските води.

На терен веднаш излегле полициски службеници и јавен обвинител, кој издал наредба да се изврши увид и да се спроведе дополнителна истрага. Лекар од Општата болница во Дебар ја констатирал смртта, а при прегледот не биле забележани видливи траги од насилство.

Од ОВР Дебар информираат дека сите околности околу случајот се предмет на понатамошна истрага, а јавноста ќе биде известена по добивањето на обдукцискиот наод.

The post НАЈДЕНО ТЕЛО НА 27-ГОДИШНА ДЕВОЈКА ВО ДЕБАРСКО ЕЗЕРО Нема траги од насилство appeared first on plusinfo.mk.

Постар господин од Скопје, кој бил на одмор со сопругата во Олимпик Бич, денес речиси ќе се удавел во морето. Млад човек од Србија, кој во тој момент бил на плажа, скокнал во водата и го извлекол несреќниот човек на брегот.

Имено, оваа информација е објавена на Фејсбук страницата „Грчка инфо“.

– Двојката влегла во водата држејќи се за раце. Сопругата знаела да плива, додека сопругот не знаел да плива. Тие се оддалечиле околу 50 метри од брегот, каде што водата им била до половината, кога се слушнал крик и повик за помош. Девојката која била во нивна близина почнала да повикува помош. Во тој момент, еден млад човек од Србија, кој бил на плажа, скокнал од својата лежалка и без размислување се стрчал кон водата да помогне. Успеал да го извлече човекот од водата и да го изнесе на брегот – се наведува во објава на оваа страница.

За среќа, меѓу присутните на плажата имало и девојка, докторка по професија, која веднаш започнала со реанимација.

– По некое време, човекот почнал да покажува знаци на живот – ги помрднувал рацете и нозете. Набрзо пристигнала брза помош и го пренела во болница, а благодарение на брзата реакција на присутните и навремената помош, човекот бил спасен –

Итното укажување прва помош од страна на спасувачите се покажа како одлучувачко во спречувањето на најлошото. Постариот маж, откако му била укажана прва помош, бил однесен во општата болница во Катерини за понатамошни прегледи и превентивни причини, пренесува odelalis.gr.

The post ДРАМА НА ПЛАЖА ВО ГРЦИЈА, СКОПЈАНЕЦ СПАСЕН ОД ДАВЕЊЕ Херој од Србија го извлекол Македонецот во последен момент appeared first on plusinfo.mk.

Црногорската војска синоќа од морето кај вливот на реката Бојана, кај Улцињ, извлекла двајца странски државјани, од кои едниот е хрватскиот скијач Ивица Костелиќ, потврдија за медиумите од црногорската влада, објави Спорт ало.

Потврдено е дека Костелиќ и уште еден странски државјанин биле спасени „во сложени околности“, со употреба на патролни чамци за брза интервенција на Морнарицата на Војската на Црна Гора и со хеликоптерска поддршка од воздух.

Според пишувањата на медиумите, Костелиќ и уште едно лице биле на кајак, но силен јужен ветар и бранови, високи над 3 метри, ги превртеле и ги одвлекле од брегот.

Како што дознава „Вијести“, двајцата спасени се добро, но превентивно се предадени на екипа на Брза помош која ги чекала во пристаништето Бар, каде околу 22.45 часот пристигнал патролниот брод.

The post ЦРНОГОРСКАТА ВОЈСКА ГО СПАСИ ИВИЦА КОСТЕЛИЌ ОД РАЗБЕСНЕТИТЕ БРАНОВИ НА МОРЕТО Познатиот скијач за малку ќе се удавел appeared first on plusinfo.mk.

Полицијата во Босна и Херцеговина трага по Емир Селимовиќ, кој е осомничен дека синоќа во Калесија ги убил сопругата и 13-годишниот син. Обвинителството на кантонот Тузла (ТК) го објави грозоморното двојно убиство во Калесија, од кое е потврдено дека смртта на 37-годишната Инела Селимовиќ и на нејзиниот 13-годишен син била предизвикана од задушување, а наредена е обдукција, објави порталот Кликс.

Не се знае дали Селимовиќ, по кого трага полицијата, е вооружен.

– Синоќа полициски службеници од Управата за внатрешни работи на кантон Тузла, ПС Калесија, по пријава и со одобрение од кантоналниот обвинител и од судијата на Општинскиот суд, насилно влегле во стан во Калесија каде што пронашле безживотни тела на жена и на дете. Секторот на Полициската управа на Министерството за внатрешни работи на Тузланскиот кантон презема понатамошни активности – изјави портпаролката на Министерството за внатрешни работи на кантонот Тузла, Аднана Спречиќ.

Дежурниот обвинител и истражителите од Секторот за криминалистичка полиција на Министерството за внатрешни работи на Кантонот Тузла синоќа извршија увид на местото на злосторството во семеен стан во Калесија каде што беа пронајдени двете безживотни тела, на 37-годишна жена и на нејзиниот тринаесетгодишен син.

„Човекот, осомничен за двојно убиство, во моментов е во бегство и по него се трага“, се вели во соопштението на Обвинителството.

ХОРОР ВО БОСНА И ХЕРЦЕГОВИНА Маж си ги убил 13-годишниот син и поранешната сопруга

The post НОВИ ДЕТАЛИ ОД ГРОЗОМОРНОТО УБИСТВО ВО БИХ Убиецот ги задавил поранешната сопруга и својот син appeared first on plusinfo.mk.

„Полициски службеници од ОВР Гевгелија се на местото на настанот. Запознаен е јавен обвинител од Основното јавно обвинителство Велес, а повикани се нуркачки екипи за пронаоѓање на лицето“, информираа од СВР Струмица.

Засега не се соопштува идентитетот на удавениот, а повеќе детали од полицијата најавуваат за подоцна.

The post ПЛИВАЛ НЕКОЛКУ МЕТРИ, ПА ГО СНЕМАЛО Маж се удави во Дојранско Езеро, повикани нуркачки екипи да го пронајдат appeared first on plusinfo.mk.

Невидено невреме ноќеска, а потоа и утрово, го зафати Белград. Драмата по улиците не стивнува, луѓето трчаат да ги спасат своите станови, куќи и возила. Драматична сцена е снимена и на Петлово Брдо, а работник на  „Градска чистота“ направи јуначки потег, објави српски Мондо.

На снимка објавена на социјалните мрежи, се забележува жена која се обидува да најде решетка, за време на поплавата, за да истече огромното количество вода, но наводно почнува да се дави, а работникот од „Градска чистота“ истрча да ја спаси.

– Оди таму брат, трчај, брат, жената се дави – му вели момче од камионот на колегата.

Работникот бргу стигнува до жената и ја спасува.

 

View this post on Instagram

 

A post shared by 192.RS (@192_rs)

ЌЕ СЕ СЛУЧИ ЛИ ОВА ВЕЧЕРВА КАЈ НАС? Невремето од Белград се спушта кон Македонија

The post 📽 ТРЧАЈ, БРАТ, СПАСИ ЈА! Жена почна да се дави во поплавата во Белград? appeared first on plusinfo.mk.