Едногласно е изразена желбата заедничкото празнување на Велигден следната година за источното и западното христијанство да не биде едноставно една среќна случајност, туку почеток на воспоставување заеднички датум за неговото годишно празнување, пишува во соопштението од Вселенската патријаршија по одржаниот Синодот на јерархијата на вселенскиот престол, јави дописничката на МИА од Атина.

Во 2025 година Христовото воскресение е на ист ден, на 20 април и за православните и за католиците, а Вселенската патријаршија одново ја покрена идејата за празнување на Велигден на ист ден и во иднина.

Вселенскиот патријарх Вартоломеј за време на неговиот говор на крајот на тридневниот Синод, потсетил дека на крајот од мај следната година ќе се одржи официјалната прослава на 1700-годишнината од свикувањето на Првиот вселенски Собор со учество на поглаварот на Римокатоличката црква папата Франциск.

The post ВЕЛИГДЕН ЌЕ ГО ПРАЗНУВАМЕ НА ИСТ ДЕН? Католиците и православните да добијат заеднички датум, предлага Цариград appeared first on plusinfo.mk.

Добривоје Антонијевиќ (88) од свилајнското село Роќевац во Србија останал да живее сам. Сам се грижи за домаќинството, одгледува животни, сам го одржува дворот, сам обработува 4 хектари земја…

Добривоје е уреден и вреден домаќин кој сака сѐ да планира. Тој дури и самиот го испланирал својот крај, па во 2019 година си поставил надгробна плоча со прецизен датум на неговата смрт. Добривоје предвидел дека ќе живее точно 95 години и ќе се упокои на својот роденден, а дотогаш вредно со го одржува сопствениот гроб.

The post 🎥 КОЈ ЌЕ ГО ВИДИ, СЕ КРСТИ! Србин „на живот“ си подигнал споменик со точен датум на смртта appeared first on plusinfo.mk.

– Неофицијално јас знам дека тој датум ќе биде и официјален датум. Како и да е, ќе треба деновиве мнозинството да заземе став, а после и со опозицијата, а верувам дека тој ќе биде датумот за двата изборни циклуса – рече Лога на новинарско прашање дали 8 мај ќе биде датум за изборите.

И вицепремиерот и министерот за политички систем и односи меѓу заедниците, Артан Груби, вели дека во мај има простор за одржување на редовните избори.

– Мислам дека сите политички партии се согласни изборите да се одржат заедно и да не бидат предвремени, затоа што во мај има простор да се одржат, согласно нашето законодавство, редовни избори, заеднички значи, и претседателски и парламентарни, и се надевам дека во рок од неколку дена ќе се донесе заедничка одлука за да се одржат тие избори – рече Груби.

Вицепремиерот за економски прашања Фатмир Битиќи, пак, вели дека СДСМ остануваат на позицијата конечно после многу години да има редовни парламентарни избори.

– Ние сѐ уште како Социјал демократски сојуз остануваме дека треба да има редовни парламентарни избори, конечно еднаш, после низа години, во нашата држава да има редовни парламентарни избори, се друго е работа на дискусија – рече Битиќи, кој со Лога и Груби учествуваа на Свечената академија по повод 115-годишнината на Битолскиот конгрес и Деновите на Албанската азбука, што ја организираше Владата.

Во однос на прашањето дали ќе има заеднички листи помеѓу ДУИ, АА и СДСМ, сите тројца велат дека се отворени за такво нешто и оти се водат разговори за тоа.

– Европскиот фронт значи е отворен за сите политички партии што го поддржуваат европскиот пат на државата, дали е во заедничко настапување или е во заеднички листи е работа на договор. Немаме ниту партиски, ниту коалициски или пак меѓупартиски договор се уште за заеднички листи, но сите опции се отворени – изјави Битиќи околу тоа прашање.

Во однос на прашањето кој ќе биде следниот премиер на последните дена, Груби повторно потврди дека тој нема да биде и оти тоа ќе биде некој друг предложен од страна на Али Ахмети и ДУИ.

На прашањето дали АА ќе излезе од коалиција доколку нема уставни измени, Лога рече дека треба да се даде надеж на тие измени до крај и оти Алијанса ќе биде до крај за да успеат уставните измени.

The post ДВА ИЗБОРНИ ЦИКЛУСИ НА 8 МАЈ Министерот Лога е убеден дека тоа е датумот иако сѐ уште нема потврда appeared first on plusinfo.mk.

Ова го изјави денеска претседателот на државата, Стево Пендаровски, во одговор на новинарско прашање во врска со очекувањата од Самитот на лидерите на Европската Унија за Западен Балкан што ќе се одржи во декември.

Пендаровски, кој се обрати на Годишниот самит на Глобалниот парламент на градоначалници 2023 на тема „Моќни, ангажирани и хумани градови: Обезбедување демократија и развој за идните генерации“, смета дека условот не се исполнува, а овој месец завршува скринингот, и, како што истакна, тоа беше главниот предуслов да продолжи земјава со втората конференција.

Прашан дали смета дека власта и опозицијата ќе се договорат околу датумот на изборите и дали споредно него претседателските и парламентарните избори ќе бидат заедно или одвоено, претседателот Пендаровски изрази мислење дека ставовите на власта и на опозицијата се приближуваат и оти можно е наскоро да се договорат за одржување на изборите во ист временски период.

– Мислам дека ставовите на власта и на опозицијата се приближуваат и веројатно наредните денови ќе имаме и официјална објава дека е постигнат договор за одржување на парламентарните и на претседателските избори во ист временски период, изјави претседателот Пендаровски.

На прашањето за наводното „подгревање“ на меѓуетнички тензии со крстот на Шапка, Сопот итн., Пендаровски рече дека меѓуетничките тензии може да се поткреваат само ако политичките актери на идните избори имаат интерес да ги поткреваат тие тензии за добивање политички поени.

– Тоа е апсолутно непотребна авантура за кој било во Македонија, бидејќи знаеме како сме поминувале во минатото кога сме имале меѓуетнички тензии и меѓуетнички конфликти. Сакам сето тоа, сите тие обиди од која било страна да доаѓаат да ги сместам во тој контекст; предизборието, пар месеци пред избори ако бидат на пролет и опасен начин да дојдете до политички рејтинг и политички поени кои инаку не би ги добиле – рече Пендаровски.

Додаде дека тоа е крајно опасно и дека нема да биде дестабилизирана државата, меѓутоа можат да се влошат меѓуетничките односи меѓу етничките заедници во земјава и тоа е, како што рече, последната работа која ни треба покрај сите проблеми.

Според него, ниту една политичка тензија во рамки на меѓуетничките односи не може да ја дестабилизира земјава, со причина што рамка која функционира веќе 22 години во тој дел, но, како што рече, лошо е како политичка пракса и како обиди на поединци или политички субјекти на тоа да ќаруваат поени.

За неговото кандидирање за втор мандат на идните претседателски избори, Пендаровски рече дека премногу е рано да каже нешто околу тоа и дека за тоа ќе размислува после Нова година.

The post ПОДГРЕВАЊЕ МЕЃУЕТНИЧКИ ТЕНЗИИ Е ОПАСЕН НАЧИН ЗА ЗГОЛЕМУВАЊЕ НА РЕЈТИНГОТ Пендаровски вели дека тоа е последната работа која сега ни треба appeared first on plusinfo.mk.

Тој во обраќањето на настанот по повод  23 Октомври, Денот на Македонската револуционерна борба и јубилејот 130 години ВМРО, порача дека „обновата ќе дојде, а промените ќе бидат онолку силни, колку што ќе биде силна поддршката“.

Како што оцени Мицксоки, „оваа Влада, преку одбегнување да се договори датум за избори, оди кон свесно предизвикување уставна и политичка криза“.

-Срамота е што преку медиуми се договараме и лиферуваме датуми за редовни избори. Разбирам кога велат дека Ковачевски никој не го слуша во Владата, зашто ниту министрите, вицепремиерите и кај него во партија му имаат почит. Затоа е оддаден на шетање по светот и компаниите. Но, мора да се договори датум за редовни избори. Ќе доживеат жесток пораз и тежок дебакл од народот. Народот треба масовно, во огромен број да им ја прати пораката на овие избори – нема играње со народот. Народот е посилен од секоја тесна клика и елита која си игра со судбината и ја одзема иднината. Доаѓаат промени. Заветот на Организацијата и поинаквите цели кои мора да ги оствариме се да ја кренема Македонија на здрави нозе – истакна Мицкоски.

Тој рече и дека не сака да биде предмет на уцени при создавањето на идната влада.

-Затоа, го замолувам секој граѓанин да се вклучи и да излезе на следните избори масовно. Важно е гласот на секој човек да има важност. Лошите политичари се на власт, зашто тие ја користат неодлучноста на оние кои не гласаат. Воедно, народот треба да биде свесен за данајските игри на оние во опозицијата стимулирани од власта да глумат патриоти и да го ситнат отпорот против оваа власт. Нив ќе ги препознаете што имаат по некоја критика за власта, колку за да помислите дека се опозиционери ама за се друго и по професија и норма се критичари на опозицијата. Со часови навредуваат, плукаат, анализираат луѓе од опозицијата. Неприродно се занимаваат со ВМРО-ДПМНЕ кога ја имаме најнеспособната власт. Тие треба кај народот да внесат сомнеж за опозицијата и со секој нејзин потег и да ве одвратат од гласање. Мојата порака е не им верувајте, внимавајте. Одговорот на ова треба да биде да не пропадне вашиот глас за тие опозиционери и опозиција на опозицијата, туку масовно да се поддржи единствената сила способна и подготвена за промени ВМРО-ДПМНЕ и коалицијата што ќе ја предводи ВМРО-ДПМНЕ – порача Мицкоски. 

The post НАЈДОБРО Е ДВОЈНИТЕ ИЗБОРИ ДА БИДАТ МЕЃУ ДВАТА ВЕРСКИ ПРАЗНИКА Мицкоски го повика Ковачевски да одбере ден appeared first on plusinfo.mk.

– Датумот на изборите е предмет на дискусија меѓу сите политички партии, а не само на две политички партии. И Изборниот законик и одржувањето на изборите се прави согласно со закон и Устав, согласно со мандати. Оваа година имаме карактеристични избори бидејќи имаме и претседателски и парламентарни избори – рече Ковачевски.

Премиерот не одговори дали изборите би можеле да бидат на 8 мај, како што предлага опозицијата. Рече дека средби меѓу партиите треба да има и дека на нив треба да има општ договор меѓу работните групи на политичките партии, кои треба да разговараат за деталите за изборите.

– Сега зборуваме за детали за изборите. Прашањето за предвремени избори веќе не е на маса – рече Ковачевски, одговарајќи на новинарски прашања по посетата на компанијата за производство на сокови „Вива“.

Кога ќе бидат договорени деталите, како што рече, јавноста ќе биде информирана.

– Кога ќе биде договорено кога ќе бидат изборите, бидејќи имаме претседателски избори кои треба да се случат во одреден датум и имаме парламентарни избори кои имаат свои рокови кога треба да се одржат, тогаш ќе биде информирана и јавноста. Дотогаш сѐ е на ниво на желби, на ниво на шпекулации, а јас никогаш не шпекулирам ни на ниво на желба, ни на ниво на шпекулација – рече Ковачевски.

Премиерот изрази задоволство од работната група која работеше на измените на Изборниот законик согласно препораките на ОБСЕ/ОДИХР, но забележа дека во неа не учествувала ВМРО-ДПМНЕ со свои претставници.

The post ДАТУМОТ ЗА ИЗБОРИ ЌЕ ГО ОДРЕДАТ СИТЕ ПАРТИИ, А НЕ САМО ДВЕ Работните групи ќе ги договорат деталите, порача Ковачевски appeared first on plusinfo.mk.

– И во минатото сме имале таква пракса. Така беше на последните избори 15 јули 2020 година. Затоа велиме дека 8 мај е повторно можен термин кога би се случил вториот круг претседателски заедно со парламентарните. Би имало 72 часа за рокови за жалби, за одлуки и да се фати рокот од 12 мај да може новиот претседател да биде веќе инаугуриран, рече Мицкоски, одговарајќи на новинарски прашања денеска во Гевгелија.

Тој повика на консензус, бидејќи, како што посочи, таква била праксата и порано, односно со консензус на сите политички фактори да се носи одлука околу датумот и времето на одржување на изборите.

– Уставот е јасен, дека мандатот на актуелниот пратенички состав важи до изборот на нов, но не повеќе од четири години. Имајќи предвид дека 4 август 2020 година е формиран Парламентот и од тогаш почнува да важи мандатот на актуелниот пратенички состав, значи дека ние на 3 август мора да имаме нов пратенички состав – рече Мицкоски.

Лидерот на ВМРО-ДПМНЕ додаде дека не смее да се дозволи државата да влезе во уставна криза, иако според него веќе е влезена во таква криза, бидејќи Државната изборна комисија (ДИК) од седум има шест члена, односно согласно законот, треба да има четроица претставници на власта и тројца од опозицијата, но сега има четворица од власта и двајца на опозицијата.

– Ако во најскоро време не се номинира претставник на опозицијата, можно е овој процес од самиот почеток да биде предизвикан пред институциите во Македонија. Затоа велам дека веќе сме со едната нога во политичка и уставна криза. А од друга страна, немаме јасни датуми и рокови иако според Уставот и законите јасни се датумите и роковите – изјави Мицкоски.

The post НАЈДОБАР ДАТУМ ЗА ДВОЈНИ ИЗБОРИ Е 8 МАЈ, ПОСЛЕ ВЕЛИГДЕН Мицкоски со конкретен предлог за денот на изборите appeared first on plusinfo.mk.

Оваа ме потсети на едно писмо со желба: Македонија – една изборна единица, што македонската демократија му го имаше испратено на Дедо Мраз пред три години. А по вчерашниот министерски настап, се потсетив и на бројните ветувања на СДСМ на оваа тема. Уште во предизборната кампања во 2016 година и ветуваа на јавноста и на своите помали партнери – дајте да победиме, а во првата година од мандатот ќе го промениме изборниот модел. И победија. Еве ја завршуваат шестата година од владеењето, ама поместување на ова поле нема. Ветуваа и излажаа. Како и за многу други работи.

Ама еве пак дадоа нов датум – најкасно шест месеци пред изборите. Така објасни министерот. Плус се обрати до ВМРО-ДПМНЕ за консензус. Но, за Македонија конечно да ја почувствува вистинската изборна демократија и составот на Собранието да биде реален одраз на желбата на гласачите, министерот не треба да се обраќа до нив, оти опозициската партија уште лани позитивно одговори на иницијативата на помалите партии. Адресата на која министерот треба да побара концензус се владеачките СДСМ и ДУИ. Тие ја кочат работата. ДУИ од страв дека, со новиот изборен модел, ќе изгуби еден до два пратеника, а СДСМ од страв дека ќе ја изгуби власта и можноста да ги држи во скутот малите партии.

Како долгогодишен поборник на оваа идеја, многупати пишував на темава. Лесно е остварлива. Треба само волја од поголемите партии и пред се свесност дека нов изборен модел е за доброто на Македонија. Можат ли да се надминат себеси и своите стравови и барем еднаш да направат нешто добро за земјата?

Истовремено, со промената на изборниот модел, потребно е конечно да се прочисти и избирачкиот список. Дури ако е треба и преку активна регистрација на гласачите на секои четири години. Да не се случува небулоза во Македонија да има повеќе гласачи од жители.

Со промената на моделот, треба да се намали и бројот на пратениците, а секоја партија и група граѓани која ќе учествува на изборите мора да ја потврди сериозноста и со кандидирањето на листата да обезбеди поддршка од минимум 1.000 потписи.

Многу е важно и да се оневозможи предизборно коалицирање, за да се види вистинската сила на партите, а дузина „човек-партии“ кои со години се шлепаат во македонската политика да заминат во историјата.

Во историјата треба да заминат и „вечните“ политичари, чиј единствен квалитет им е лактањето до лидерот, кои, не само што ништо не дадоа за државата, туку со години ја цицаат. Тоа ќе се овозможи преку отворените листи. На тој начин и ќе се запази регионалната застапеност во Собранието, каде што ќе добиеме јаки личности, квалитетни пратеници, што народот ќе ги избере, а не како досега, на првите пет места на секоја листа да бидат фаци блиски до партискиот претседател.

Со новиот изборен модел, ќе се реши и проблемот со излезноста. Оти се повеќе народот не е заинтересиран да гласа кога однапред знае дека пратениците пак ќе се поделат меѓу поголемите партии, а многу гласови и идеи на граѓаните ќе останат пред портите на законодавниот дом, затоа што имаме изборен модел што форсира успех само на најголемите.

Затоа, адресата на која треба да се обрати министерот е кај двете владејачки партии. А за министерското писмо да стигне побрзо, за да има време следните избори да бидат по ново, треба да се погрижат и помалите партии, кои се дел од власта. Тие треба да го дигнат гласот на најјако, а не како досега да се задоволат со улога на статисти и глодачи на остатоци од коски.

Македонската демократија бара од сите парламентарни партии да овозможат секој глас да има еднаква важност. Тоа може само со една изборна единица и отворени листи.

Работата по ова треба да почне веднаш, во спротивно ќе имаме јасен сигнал од власта дека само купува време. А тогаш е веќе јасно дека друг сигнал е потребен до власта од помалите партии – треба веднаш да има предвремени избори.

The post Македонија – една изборна единица, пак доби нов датум од власта appeared first on plusinfo.mk.

Единицата е првиот број, тој значи нов почеток. Но, во нумерологијата значи и среќа и има голема моќ. Денешниот датум 11/11 во ’22 година би требало да го искористите до максимум, советуваат астролозите. Единаесетката е можност да стапите во контакт со вашето „повисоко јас“. Често се случува и да видиме 11:11 на часовникот.

11 ноември е време да се поврзете со вашето духовно царство и шанса да ја истражите таа врата кон непознатото. Како што напиша Мери Хајкел Хант за „Kindred Spirit“ , 11 ноември ја нуди „идејата за праг што може да се надмине, овозможувајќи влез во друга димензија, нова земја, место со ветување за нови почетоци.

Затоа, почнете да размислувате на големо, поставете конкретни цели и запрашајте се што сакате и зошто го сакате тоа.

И покрај астролошките настани на ретроградниот Марс, ретроградниот Меркур и спојот меѓу Јупитер и Плутон кои сите се случуваат оваа недела, моќта на 11 ноември ќе го надмине целото космичко лудило и ќе ви даде шанса да направите последен чекор кон позитивен раст.

На денешен ден е роден Фјодор Достоевски. Бил исто така потпишан мирот во Првата светска војна, па 11 ноември се слави и како ден за паметење на жртвите и загинатите војници.

Во математиката 11-ката има одлични способности, на пример ако се квадрира само се додава двојка, станува 121, на куб станува 1331, на четврта 14641, според Паскаловиот триаголник…Во таротот кој има 22 карти тие можат да се поделат на два по 11, а ако истите карти ги подредиме во Кабалистичко дрво на животот, заедно со 11 врски меѓу нив се добиваат 33 – како бројот на масонските чекори до просветлување, како бројот на пршлени во човечкото тело, возраста на која загинал Исус Христос и други слични поврзувања.

Старите Египќани ги базирале сите свои градби на пропорција 5 према 6, во нивната единица кјубит. И тие знаеле за 11-ката. Комбинацијата на петка и шестка се јавува и во природата, кај органските молекули кои често се со петоаголна или шестогална форма, а често овие форми се наоѓаат врзани еднододруго.

Според оние нумеролози на кои им е битна деветката и се водат од правилата на Енеаграмот, сите „цагер“ датуми 11:11, 22:22 до оние со деветка, на пример, 09:09, имаат свое значење, како дел од патот на архетипскиот херој низ повеќе фази од животот. Деветката е врвната фаза, затоа што по 9-ката сите други броеви, 10, 11, 12 се повторуваат со истите девет цифри.

The post 11/11 Е ДАТУМ ЗА СРЕЌА И НОВИ ПОЧЕТОЦИ Еве го значењето на единиците во нумерологијата appeared first on plusinfo.mk.

„Украинците се плашат од овој датум“, пишува Јутарни Лист. Тоа е датумот кога на изборите за долниот дом на Конгресот во САД, Републиканската партија би можела да ги освои мнозинството места и едноставно да ја сопре воената помош за Украина. Последните изјави на републиканскиот лидер во Претставничкиот дом сугерираат дека во американската партија не само што за прв пат има Путинисти, туку дека тие би ја сопреле помошта за да не предизвикаат нова војна во Европа.

Украинските власти и набљудувачите со седиште во САД велат дека помошта веројатно нема значително да се намали, без оглед на исходот од претстојните избори. Украинскиот министер за одбрана, Олексеј Резников, смета дека помошта нема да биде задржана. Таков впечаток му оставиле и претходните средби со американски претставници, на кои имало и демократи и републиканци.

– Многу сигнали укажуваа дека без разлика кој ќе биде на власт, двопартиската поддршка за Украина ќе продолжи. Верувам во тоа – изјави Резников.

Џон Хербст, кој беше американски амбасадор во Киев помеѓу 2003 и 2006 година, рече дека Мекарти може да е виновен за заземање политичка став во корист на неговата партија.

– Нема сомнеж дека на популистичката, Трампова страна на партијата, постои скептицизам во однос на помошта за Украина. Дури и мало непријателство кон Украина и одредена почит кон Путиновата Русија – рече Хербст.

Она за што аналитичарите се согласуваат е дека честа практика на средните „мид терм“ избори во САД е опозициската партија да ја преземе контролата над долниот дом на Конгресот.

Во меѓувреме, во Европа расте загриженоста за иднината на војната.

– Ако Америка се повлече, Путин би можел да ја извлече победата од челуста на поразот – изјави британскиот пратеник Тобијас Елвуд , член на парламентарната комисија за одбрана.

Тој додаде дека има добри шанси по изборите да се зајакне популистичкото крило на Републиканската партија во Конгресот, но дали овој притисок ќе доведе до намалување на финансирањето е сѐ уште отворено прашање.

Се чини дека сите овие мрачни прогнози не го предомислија Зеленски во својот говор да вели дека Украина ќе напредува велејќи дека „ракетите на непријателот на нашето небо се помалку пострашни од слушањето на химната на непријателот на нашата земја“.

– Знаеме дека ноќта е најтемна пред зори. Знаеме дека сите напаѓачи бегаат од нашата земја на ист начин – изјави тој.

Во деновите кои доаѓаат и Украинците и Русите се спремаат за битката за Херсон која може да одлучувачка во војната, токму како „најтемната ноќ“.

The post ЗЕЛЕНСКИ ГО ПРОСЛАВИ ДЕНЕШНИОТ ДЕН, СЕ ПЛАШИ ОД 8 НОЕМВРИ? Оружјето од САД може да секне, „ноќта е најтемна пред да се раздени“ appeared first on plusinfo.mk.