„Со дарување крв од страна на вработените, Видеолотарија Касинос Австрија во соработка со Институтот за трансфузиона медицина од Скопје и Црвениот крст, уште еднаш успешно ја реализираше и најновата крводарителна акција, со што повторно ја докажа својата хуманост на дело. Оваа е трета крводарителна акција за оваа година. Првата беше реализирана во јануари, а втората во јули. Својата хуманост како дарители во овој случај ја покажаа половина од вработените во нашата компанија“, велат од Видеолотарија.

Оттаму велат дека акцијата е веќе убава хумана традиција, која ја практикуваат како колектив, додека голем дел од нивните вработени практикуваат и индивидуално да поддржуваат вакви хумани активности.

„На овој начин, Видеолотарија дава придонес во спасувањето човечки животи и во промовирање и поттикнување на доброволното дарување крв“, истакнуваат од компанијата.

Само како потсетување, крводарителството е доброволен чин и индивидуален одраз на хуманост и на солидарност. Крводарител може да биде секое лице на возраст од 18 до 65 години,  со добра општа здравствена состојба. Според критериумите за крводарување, мажите може да даруваат крв на секои 3, а жените на секои 4 месеци. Едно крводарување може да спаси 3 до 4 човечки животи.

The post БИДИ ХУМАН, СПАСИ ЖИВОТ Видеолотарија ја реализираше традиционалната крводарителска акција, годинава по трет пат appeared first on plusinfo.mk.

И оваа година хуманиот однос спрема секој човек и спрема заедницата го покажа со нова крводарителска акција на вработените во компанијата, реализирана по повод одбележувањето на 14 јуни – Светскиот ден на крводарителството.

Во крводарителската акција „Дарувај крв – спаси живот“, која се одржа во Центарот за едукација и за обуки на „Алкалоид“, во соработка со Црвениот крст и со Институтот за трансфузиона медицина, 150 вработени го искажаа својот хуман гест на доброволно дарување крв.

– Меѓу крводарителите во голем број беа вработените кои имаат повеќебројни дарувања и кои ја продолжуваат долгата традиција на дарување крв во компанијата, но во голем број беа и алкалоидовците од помладата генерација кои за првпат даруваа крв. Тоа е уште еден доказ дека нашиот највреден ресурс, нашите вработени, секогаш и во сѐ помасовен број се подготвени да ги покажат своите хуманост и солидарност на дело – велат од компанијата.

Со организирањето крводарителски акции компанијата уште еднаш ги истакна својата заложба за хумано однесување и посветеноста за унапредување на корпоративната култура и на општествената одговорност, а во сето тоа поддржана од ентузијазмот за хуманост на своите вработени. Токму тие се и најголемите амбасадори на сето она за што се залага „Алкалоид“ и се вистински пример за посветени вработени и за општествено одговорни луѓе, додаваат од „Алкалоид“.

The post 150 ВРАБОТЕНИ ВО АЛКАЛОИД ДАРУВАА КРВ Крводарителска акција по повод Светскиот ден на крводарителство appeared first on plusinfo.mk.

GivingTuesday – Дарежлив вторник е создаден во 2012 година како едноставна идеја: ден кој ги поттикнува луѓето да прават добро. Оттогаш, тоа прерасна во глобално движење во кое се вклучени повеќе од 85 земји од целиот свет и кое инспирира стотици милиони луѓе на овој ден да даруваат, да соработуваат и да го слават добродетелството.

– На овој ден би сакале да сплотиме што поголем број организации, активисти и граѓани од нашата земја кои ќе се вклучат со промовирање на своите мисии и активности, ќе донираат, волонтираат, ќе споделуваат добрина и љубезност. Сите заинтересирани граѓани можат да ни се придружат, да ширме добрина и да го прославиме Giving Tuesday – Дарежлив вторник заедно – велат организаторите.

The post ПРАВИ ДОБРО ДА ТИ СЕ ВРАТИ СО ДОБРО Дарежлив вторник денеска во Паркот на франкофонијата appeared first on plusinfo.mk.

За да се заштитат мајката и новороденчето од влијанието на злите сили, во минатото им се дарувале разни заштитни амајлии со магична содржина, а лукот и црвениот конец се сметале за најдобро средство за заштита. И денес во некои помали средини е задржан обичајот да му се врзува црвен конец на мало бебе или да му се стави мала црвена бројаница на рачето, против уроци и магии.

Повеќе за ова на порталот „МАЈКА И ДЕТЕ“.

The post БАБА ЌЕ ТИ КУПИ БИТКОИН ВНУЧКО! Нови адети за старите обичаи appeared first on plusinfo.mk.

Вакцинираните против ковид-19 и да имаат голема количина антитела не можат да даруваат крвна плазма за третман на пациенти кои се хоспитализирани поради компликации од вирусот. Донори можат да бидат само лица кои ја прележале болеста и по природен пат се стекнале со имунитет, вели за „Сител“, директорот на Институтот за трансфузиона медицина.

– Спрема препораките ковалесцентна плазма може да биде онаа плазма од донори кои ја прележале ковид-19 болеста, меѓутоа со последните измени поради вакцинацијата повеќето од тие лица и се вакцинирани и таа плазма се категоризира како ковцалесцентна плазма. Меѓутоа стекнат имунитет со вакцинација не може да се категоризира како ковалесцентна плазма заради тоа што се уште нема јасни препораки односно истражителни критериуми во нејзиниот ефект во третманот на тие пациенти – изјави за „Сител“ д-р Садула Усеини, директор на Институтот за трансфузиона медицина.

Досега крвна плазма дарувале околу 1.800 граѓани кои прележале коронавирус.

– На Институтот за трансфузиона медицина досега обезбедени се 1.830 единици на ковалесцентна плазма, а во ковид центрите испорачани се 1.690 единици. Пациентите кои биле хоспитализирани поради ковид-19 и биле третирани со ковалесцентна плазма смеат да даруваат крв после 6 месеци – додаде д-р Усеини.

Директорот на Трансфузија вели дека во моментот располагаат со 140 резервни единици на ковалесцентна плазма од сите крвни групи. И во зависност од побарувањата од болниците и Клиниките ги повикуваат пријавените кои ги исполнувале сите услови. Според досегашните искуства плазмата се користи во третманот на пациенти со ковид-19 со лесна и средно тешка клиничка слика доколку дојде до нагло влошување на состојбата.

The post Дали вакцинираните може да даруваат крвна плазма? appeared first on plusinfo.mk.

– Преку даруваната конвалесцентна плазма, антителата на оздравените пациенти се користат во сузбивање на болеста кај друго лице со ковид-19. Лицето дарител на конвалесцентна плазма треба да има документиран лабораториски доказ дека било болно од ковид-19, да има два негативни теста во рок од 24 часа, да биде минимум 21 ден без симптоми, по што се прави дополнителен тест (трет) за да се потврди дека нема присуство на вирус. Исто така, согласно протоколите ќе биде земен и примерок за одредување концентрација и/или титар на неутрализирачки антитела Anti-SARS-CoV-2. Да им помогнеме на лицата кои во моментов се борат со коронавирусот – да донираме ковалесцентна крвна плазма – апелира Институтот за трансфузиона медицина до сите оздравени пациенти кои имале ковид-19.

Сите оздравени пациенти кои ги исполнуваат условите за дарители, може да се јават за детални информации и закажување во Институтот за трансфузиона медицина, да ја покажат својата хуманост и да помогнат во лекувањето на другите заболени со ковид-19. Формулар за донор на COVID-19 ковалесцентна плазма: http://itm.org.mk/%d0%b4%d0%b0-%d0%b3%d0%be-%d0%bf%d0%be%d0%b1%d0%b5%d0%b4%d0%b8%d0%bc%d0%b5-covid-19-%d0%b4%d0%b0%d1%80%d1%83%d0%b2%d0%b0%d1%98-%d0%bf%d0%bb%d0%b0%d0%b7%d0%bc%d0%b0-%d1%81%d0%bf%d0%b0%d1%81%d0%b8/

The post Над 100 пациенти третирани со конвалесцентна плазма, оздравените да даруваат appeared first on plusinfo.mk.

За пријавување, како што посочува, треба да се пополни електронскиот формулар на веб-страницата на Институтот за трансфузиона медицина: https://bit.ly/30ufhA4

– Славица и Мирјана се двете ќерки на најстарата излекувана пациентка од ковид-19, кои исто така беа позитивни и оздравеа од овој вирус. Тие минатата недела даруваа конвалесцентна плазма која ќе се користи како лек и надеж за потешките пациенти заболени од коронавирусот. Од сѐ срце им се заблагодарувам за хуманоста. Да бидеме хумани и да им помогнеме на заболените од ковид-19 побрзо да оздрават, напиша Филипче.

The post Излекуваните од ковид-19 да се пријават за дарување плазма  appeared first on plusinfo.mk.