Две деветки во напад. Сигурна победа!, напиша денеска кандидатот на ВМРО-ДПМНЕ за градоначалник на Скопје, Орце Ѓорѓиевски на својата страница на Фејсбук, каде објави заедничка фотографија со македонската фудбалска егенда, Дарко Панчев.

Најдоброто допрва доаѓа, додаде Ѓорѓиевски.

The post „ДВЕ ДЕВЕТКИ ВО НАПАД, СИГУРНА ПОБЕДА“ Дарко Панчев го поддржа Орце Ѓорѓиевски за градоначалник на Скопје appeared first on plusinfo.mk.

До оваа идеја дошол поранешниот македонски репрезентативец, Дарко Панчев.

– Последниот ден од викендот се слушнав со Пикси (Драган Стојковиќ), кој има безброј обожаватели во Скопје и низ цела Македонија, и предложив да се организира натпревар меѓу репрезентациите. Веднаш ме поддржа, а идејата наиде на едногласна согласност од раководството на Српската федерација. Ви благодарам. Срцето ми се кине, ова е нешто каде што целиот регион мора да се обедини, за сите да покажеме дека сме луѓе, и сме, луѓе сме! Неизмерна почит за гестот, за подадената рака, милион пати: благодарам. Во чест на оние кои… Тешко ми е, ве молам разберете дека прекинувам. Јас сум скршен – истакна Панчев.

Панчев го контактирал и Звездан Терзиќ, генералниот директор на Црвена звезда, притоа споменувајќи го и хуманитарниот карактер на средбата, гостувањето на поранешниот европски и светски шампион во Скопје.

– Останува само да се одреди датум, Црвена ѕвезда ќе се договори со Вардар. Директорот Терзиќ го спомена 16 април, благодарам, што друго да кажам. Во име на Кочани, Скопје и на цела Македонија, ви благодариме за грижата, за тоа што се прави за повредените, за нивниот транспорт и лекување во Србија, благодарение на братскиот народ – заклучил Дарко Панчев за Спорт клуб.

The post ЦРВЕНА ЅВЕЗДА ЌЕ ИГРА ПРОТИВ ВАРДАР ВО СКОПЈЕ Натпревар во чест на настраданите во Кочани appeared first on plusinfo.mk.

– По дваесет години откако организирано и злонамерно ме прикажуваат како Дарко, ваков, онаков, никаков, предавник, северџан, уништувач на Вардар, сега се осмелија, се дрзнаа пред ‘Комитите’ да ме прогласат за крадец, криминалец, апаш и преварант – да ме поистоветат со себе си. Замислете, мое кривично дело затоа што ТИЕ имаат долг кон мене од четири милиони денари!? – пишува во писмото до медиумите Дарко Панчев.

Тој оценува дека во ек на најжестоките декларации дека конечно е дојдено времето за бескомпромисна борба против криминалот и корупцијата, некакви мерит системи и така натаму, во Вардар се носат кадровски решенија кои се сосема котрадикторни на сите тие најави.

– За мене лично немаше логика. Освен можеби, што би било многу интелегентно, ликовите да се избрани заради нивната компетентост – широки, практични и докажани знаења од областа на криминалот – вели Панчев.

Панчев во писмото повикува, „за да не го срамотиме името на нашиот ФК Вардар, кој толку многу сите го сакаме“, вели тој, ги повикувам институциите веднаш да влезат во клубот и да ги прочешлаат книгите“.

– Нема да биде едноставно, не е тајна дека дека има многу Вардари, бришења на Вардари. Многу и чести промени на раководства, Собранија и други такви мајстории. Верувам, сигурен сум дека во нив има и квалитетни луѓе, специјалисти на кои ако им се даде слобода и поддршка, својата работа ќе ја завршат како што треба. Нема да ги наведувам кои се тие надлежни институции. Претпоставувам дека ќе наидат на секаков вид, висок и низок организиран криминал – пишува Дарко Панчев во своето писмо до медиумите.

Панчев вели дека во еден момент бил во дилема дали да поднесе тужба.

– Брзо ја отфрлив таа идеја. Не заради недоверба во судството, напротив се откажав од идејата затоа што ќе одев на нивниот терен. Тој простор, ходници, судници е нивниот мегдан, таму се вешти, маестрални се како јагулите во Дрим. Непобедливи. Таму би ме здробиле, би ме победиле со троцифрен резултат. Праксата во овие дваесет години го покажала и докажала тоа, затоа се определив за претходно посоченото решение – посочува Панчев.

Тој препознава „пеколно опасни индиции дека на Вардар уште еднаш му се подготвува нешто гадно. Можеби конечниот удар или ѕвоното на последниот фајронт.

– Зошто секогаш кога најавувале на големи ѕвона нови богати инвеститори, милионери, милијардери, спасители како тие самите, Вардар брзо пропаѓал и само го зголемувал својот долг на и онака блокираната сметка од пред дваесет и пет години – истакнува Панчев во своето обраќање до спортската и целата друга јавност.

The post ПАНЧЕВ ОДГОВОРИ НА ОБВИНУВАЊАТА ОД ФК ВАРДАР Легендата упати повик до институциите да го фатат крадецот во клубот appeared first on plusinfo.mk.

Крањ и Словенија засекогаш ќе останат запишани длабоко во аналите на македонскиот фудбал како почеток на фудбалскиот сон да имаме своја репрезентација која беше предводена од легендарниот Андон Дончевски.

На 13. октомври 1993 година репрезентацијата предводена од првиот македонски селектор Андон Дончевски во Словенија го одигра првиот официјален натпревар, признаен ФИФА и УЕФА, и победи со 1-4.

Стрелец на првиот репрезентативен гол за независна Македонија беше Зоран Бошковски – Чоко, а на асистенција на Дарко Панчев, уште во 3. минута од стрелбата. Потоа погодија од пенал и Панчев и Јаневски, а четвртиот гол со убав шут од далечина го постигна Драган Канатларовски.

МАКЕДОНИЈА: Зоран Мицевски, Кире Грозданов (63′ Неџмедин Мемеди), Зоран Јованоски, Љупчо Марковски, Драган Канатларовски, Чедомир Јаневски, Илија Најдоски, Зоран Бошковски (86′ Ванчо Мицевски), Бобан Бабунски (12′ Горан Георгиевски, 73′ Сашо Милошевски), Тони Мицевски, Дарко Панчев.

The post 📽️ ДЕН ШТО ЌЕ ГО ПАМЕТИ ФУДБАЛСКА МАКЕДОНИЈА Во 1993 година триумфиравме против Словенија appeared first on plusinfo.mk.

На денешен ден пред 33 годинa Црвена Звезда го направи најголемиот успех во југословенскиот клупски фудбал, откако славеше победа во финалето на Купот на европските шампиони одиграно во Бари против францускиот гигант Олимпик Марсеј.

29 мај 1991 година скоро секој фан на Црвена Звезда уште долго ќе го памети, а тогаш не постоеше Македонец кој не беше горд на Илија Најдоски и Дарко Панчев кои беа дел од таа феноменална генерација на Звезда предводена од Љупко Петровиќ.

Оваа звездена генерација во тоа време беше страв и трепет во фудбалска Европа, играше екстра-офанзивен фудбал, во нападот го имаше Панчев, кој беше гол-убиец, а на историското финале во Бари од првата минута истрчаа: Стојановиќ, Југовиќ, Маровиќ, Шабанаџовиќ, Бјелодедиќ, Најдоски, Просинечки, Михајловиќ, Панчев, Савичевиќ и Биниќ.

По 120 минути игра голови немаше па победникот мораше да се реши по изведувањето на пеналите, а таму одлучувачкиот пенал го погоди токму нашиот Панчев за огромна радост на целата нација.

Овој историски гол на нашиот напаѓач легендарниот коментатор на „РТС“, Милојко Пантиќ го доживеа со зборовите: „Дарко, Дарко, Даркооо, „Златната копачка“ на Црвена Звезда денес го позлати нашиот црвено-бел тим“.

The post 📽️ „ЦРВЕНА ЗВЕЗДА Е ЕВРОПСКИ ПРВАК“ Панчев и Најдоски пред 33 години го кренаа најголемиот европски пехар appeared first on plusinfo.mk.

За својот статус во фудбалот, Панчев вели дека не би имал ништо против повторно да има активно учество, но само ако постои „добар финансиски момент“

– Не преферирам да работам само за да работам. Фудбалот денес е многу зависен од парите. Па, ако има финансиски добар момент да се изгради добар тим, тогаш можам да размислам да се вклучам некаде за да помогнам да се изгради добра екипа – вели Панчев.

Од парите зависи и перспективата на како на клупшскиот, така и на репрезентативниот фудбал, нагласува Дарко Панчев.

– Клупскиот фудбал нема баш многу голема перспектива. И во Северна Македонија и во целиот регион. На прсти можете да ги изброите тимовите кои ќе постигнат некаков успех или ќе влезат во групната фаза на натпреварувањето на УЕФА. Секаде падна квалитетот, но пак велам, фудбалот зависи од пари. Не можете да купите добри играчи, бидејќи тие чинат многу, а треба да се натпреварувате со најдобрите, што е многу тешко. Не знам колку време ќе треба за се да биде на подобро ниво – истакнува Панчев.

Славниот голгетер вели дека во модерниот фудбал сѐ повеќе се става акцент на физичката и брзината, додека „уметници“ и вистински голгетери има се помалку и дека тоа не му се допаѓа.

– За жал, голгетери има сѐпомалку, не само во регионот, туку и во Европа. Добрите голгетери може да ги изброите на прсти. Од регионот Митровиќ, Влаховиќ, од Хрватска Петковиќ, Џеко веќе е при крај… Овде во Македонија, Бојан Мијовски покажува сѐ подобар напредок. Можеби еден ден ќе стане еден од подобрите европски стрелци. Има 5-6 од нив што се таму неколку години. Тоа е тоа. Не знам зошто, фудбалот се промени во таа смисла. Има се помалку креативни луѓе, голгетери. Тоа не е добро за фудбалот, фудбалот се игра за голови и добри шанси, многу удари кон голот. Во тој сегмент се менува и не ми се допаѓа – наведува Панчев.

Тој забележува и дека некогаш повеќе сака наместо европски, да гледа некој регионален натпревар.

– Следам фудбал овие денови и да бидам искрен повеќе следам регионален отколку европски. Таму сум роден, таму пораснав и го поминав најголемиот дел од кариерата. Мене ми е интересно за гледање без разлика што квалитетот е паднат – истакнува Панчев.

The post „НЕ САКАМ ДА РАБОТАМ САМО ЗА ДА РАБОТАМ“ Дарко Панчев би се вратил во фудбалот само ако има добар финансиски момент appeared first on plusinfo.mk.

The post 📷 ДАРКО ПАНЧЕВ ЌЕ ГЛАСА ВО СРБИЈА?! Името на легендарниот фудбалер на српскиот избирачки список  ја збуни јавноста appeared first on plusinfo.mk.

Универзитетoт Скопје, главен покровител на документарниот филм, ги собра најголемите балкански фудбалски ѕвезди на едно место.

Во скопскиот хотел „Александар Палас“, на  свечената промоција на „Патот на кобра до ѕвездите“, присуствуваа 600 гости од Македонија и од регионот, спортисти, академици, бизнисмени, политичари, уредници на медиуми и истакнати јавни личности.

„Голема благодарност до сите спортски легенди што вечерва дојдоа во Скопје, до колегите од Вардар, им благодарам на ректорот Миленковски и на Универзитетот Скопје што помогнаа фимот да им го оставиме во историјата на идните генерации“, рече пред присутните Дарко Панчев.

Документарецот, кој во септември како серијал ќе се прикажува на „Спорт клуб”, зборува за животот и кариерата на Дарко Панчев, од неговото раѓање во Кисела Вода, па сѐ до неговите најголеми успеси и светската круна со Црвена звезда.

„Тука сме за Дарко, не само поради тоа што е ѕвезда, што растевме заедно на истата улица Пушкинова во скопската Кисела Вода, туку затоа што Дарко го даде срцето за татковината! За татковината ако треба и се гине! Горд сум и благодарен на големиот одѕив и масовното присуство на овој свечен чин!“, порача ректорот на Универзитетот Скопје, проф. д-р Аце Миленковски.

Панчев од Бошко Ѓуровски доби дрес од Црвена звезда, а претседателот на ФФМ, Муамет Сејдини, му додели дрес од македонската репрезентација. На промоцијата беа присутни и архиепископот на МПЦ г.г. Стефан, првиот човек на МОК Васил Тупурковски, селекторот Благоја Милевски, како и фудбалските легенди Методија Спасовски, Васил Рингов, Илија Најдоски, Кочо Димитровски, Вујадин Станојковиќ, Ѓоре Јовановски, Томче Трајановски, Драган Стојковиќ, Дејан Савичевиќ, Стеван Стојановиќ, Слободан Маровиќ.

The post ПАТОТ НА КОБРА ДО ЅВЕЗДИТЕ Дарко Панчев блесна и на филмското платно appeared first on plusinfo.mk.

– Филмот е производ на нешто што си направил. Без тоа, не може да се направи филм. Во која било дејност вие може да бидете и да имате среќа да направите огромно богатство. Но, ако немате од аспект на тоа што да се покаже во филмот, не може да го направите филмот. Така да, гледајќи од таа гледна точка, секако дека е на некој начин круна на кариерата – одговори Панчев на прашање дали тоа претставува круна на неговата кариера.

Тој откри дека се работи и на автобиографска книга, што треба да излезе за неколку месеци.

– Таа може да биде интересна за некој друг, кој можеби ќе направи игран филм. Нормално, не со мене, туку со прави глумци – додаде Панчев.

Радован Максимовиќ, директор на „Спорт нетворк“ и регионален претставник на „Спорт клуб“, појасни дека планирано е целиот серијал да биде готов до средината на јули и да почне емитувањето од есен.

– Значи, во септември да почне емитувањето, кога сите ќе се вратат од годишни одмори. Ќе се емитува само серијалот, филмот го направивме исклучиво за промоција во Скопје – нагласи Максимовиќ.

Александар Станковиќ од „Спорт нетворк“ кажа дека се снимало на неколку локации во Скопје.

– Почнувајќи од старата населба на Дарко, местото каде што е роден и пораснат, Кисела Вода. Снимавме на националниот стадион „Тоше Проески“, во националниот театар, во центарот на Скопје, на универзитетот… во Белград исто така на повеќе локации, потоа во Загреб, во Сараево, Подгорица, Букурешт – откри Станковиќ.

За продуктот со наслов „Патот на Кобра до ѕвездите“ на прес-конференцијата во Универзитет Скопје, зборуваа и ректорот, професор доктор Аце Миленковски, како и директорот на Спортско радио, Тони Митев.

Филмот ќе се емитува во понеделник во хотелот „Александар Палас“.

The post НЕ СУМ БРЕД ПИТ, АМА СЕ СНАЈДОВ ВО СНИМАЊЕТО Снимен е документарен филм за Дарко Панчев appeared first on plusinfo.mk.

Македонската фудбалска легенда играше заедно со Михајловиќ во најубавите времиња на Црвена Звезда кога овој тим стана европски шампион, па сосема очекувано Панчев беше скршен од болка поради загубата на пријателот.

– Немојте да се лутите, никогаш не сум бегал од разговор. Не знам, не можам… Ме погоди, ова е катастрофа. Што да ви кажам? Едноставно, немам енергија да зборувам за тоа. Жал ми е што нѐ напушти, во друга прилика – изјавил Панчев за српски „Блиц“.

Синиша почина на 53-годишна возраст, односно ја загуби битката со леукемијата.

The post КАТАСТРОФА, НЕМАМ СИЛА ДА ЗБОРУВАМ! Панчев скршен од болка поради смртта на Михајловиќ appeared first on plusinfo.mk.