По промена на судечкиот совет, во Основниот кривичен суд Скопје денеска повторно започна судењето за злоупотреба на спортските ваучери, за што се обвинети 12 лица, меѓу кои поранешните директори на Агенцијата за млади и спорт, Дарко Каевски и Наумче Мојсовски. Сите 12 обвинети на денешното рочиште изјавија дека не се чувствуваат виновни.

Промената на судечкиот совет следува откако судијката Џенета Бегтовиќ беше избрана за член на Судскиот совет. Наместо неа, процесот ќе го води судијката Фросина Стојаноска.

Обвинети за „злоупотреба на службената положба“ и за „несовесно работење“ се поранешните директори на Агенцијата за млади и спорт, Дарко Каевски и Наумче Мојсовски и претседателот на Македонски олимписки комитет, Даниел Димевски, како и Огнен Стојановски, Ѓорѓи Тасев, Наташа Смилевска, Бејтула Емини, Дриљон Леши, Мијази Елмазов, Иван Миновски, Даниел Каров и Сашо Поповски. Тие се обвинети дека ја оштетиле државата околу 5 милиони евра при распределба на парите наменети за федерациите, клубовите и спортистите кои добиваа ваучери.

Дел од одбраната на денешното рочиште поднесе прочистена листа на докази, а дел побараа да добијат препис од материјалните докази на Обвинителството.

– Со цел да може да подготвиме одбрана, потребно ни е да ни дадете препис од сите писмени докази наведени во листата на докази од страната на Обвинителството, особено извештајот и анализат на Државниот завод за ревизија и двете известувања на УЈП. Без ова не сме во состојба да поставиме прашање на нашиот технички поддржувач, а со тоа реално и врз основа на закон да ја подготвиме нашата одбрана – посочија адвокатите.

Адвокатот Петре Шилегов, бранител на Каевски, побара од Судот да ја прекине постапката или Обвинителство да го повлече предлогот, поради измените во Законот за спорт.

– По поднесувањето на овој обвинителен предлог и по отпочнувањето на постапката на 12.8.2024 година, Собранието донесе измени и дополнувања на Законот за спорт, при што го укина членот 14г, кој што претставува правен основ за да зборуваме за каква било злоупотреба – рече тој.

Во врска на барањето за препис од доказите, Обвинителка Лидија Раичевиќ се произнесе дека тие предлози се апсолвирани на првичната расправа, односно, дека доказите се доставени, на што дел од одбраната посочија дека биле вклучени во процесот непосредно пред расправата и ги немаат.

– Предлозите од колегите претставуваат пример дека е дојдено време да се ослободиме од лошите тактики на поднесување на предлози кои се апсолвирани на главните расправи, пред да се смени судечкиот совет, Тогаш најголемиот дел од бранителите побараа препис од доказите и запознавање со содржината на истите и тоа е сторено – рече Раичевиќ.

За предлогот на адвокатот Шилегов за прекин на постапката, таа рече дека не е ништо друго, туку показател дека се трошело време и се вложиле сериозни амбиции и максимум напор постапката да престане.

– Овде се работи за цитиран член кој што претставува опис за пропуст од друг закон, друга материја, која што во развојот и еволуцијата на материјата која што го третира тој закон може да претрпи не само нумерички, туку организациони, идеолошки, стратешки начини на постапување, финансирање. Н0, тоа не значи дека тоа е декриминализација на делото, затоа што она што е тежиштето на ова кривично дело е дејствието на извршување, а бланкетната норма која што важела во време на извршување на кривичното дело е ориентир по кој што се препознаваат елементите на истото – образложи таа.

Раичевиќ посочи дека освен предлогот на нови докази, сѐ останато треба да се одбие и постапката да продолжи.

За Шилегов ова образложение е несоодветно, а суштината за кривичните дела „злоупотреба на службената положба“ и „несовесно работење“ кои им се ставаат на товар на обвинетите, е дека во правната теорија се дела кои што не можат да егзистираат сами од себе.

– Тие не дефинираат конкретно инкриминирано поведение, туку ги даваат основите на описот, што сѐ може да биде инкриминирано дејствие, но, притоа, инкриминарноста ја бараат во прекршување на други членови од позитивното материјално право – рече тој.

Судот одлучи да се произнесе за ова на следната главна расправа, на 14 март 2025 година.

The post ПОЧНА ОД ПОЧЕТОК СУДЕЊЕТО ЗА ДАРКО КАЕВСКИ, НАУМЧЕ МОЈСОВСКИ И ЗА УШТЕ 10 ЛИЦА Се изјаснија невини за проневера на 5 милиони евра appeared first on plusinfo.mk.

Судењето за случајот со спортските ваучери на Агенцијата за млади и спорт е одложено за 9 јули, откако на првото рочиште денеска не се појави првообвинетиот Дарко Каевски.

Како што информираше неговиот адвокат, Петре Шилегов, Каевски е на домашно лекување по оперативен зафат на тетивата.

Во случајот, освен Каевски, обвинети се и директорот на АМС, Наумче Мојсовски и претседателот на Македонски олимписки комитет, Даниел Димевски, потоа Огнен Стојановски, Ѓорѓи Тасев, Наташа Смилевска, Бејтула Емини, Дриљон Леши, Мијази Елмазов, Иван Миновски, Даниел Каров и Сашо Поповски.

Според информациите од Јавното обвинителство, постапувајќи по поднесената иницијатива од Државната комисија за спречување на корупцијата (ДКСК), надлежниот јавен обвинител поднел обвинителен предлог против 12 луѓе за кривични дела „злоупотреба на службена положба“ и за „несовесно работење“.

Судењето го води судијката Џенета Бегтовиќ, а застапник на обвинението е обвинителката Лидија Раичевиќ.

The post КАЕВСКИ ЈА ОПЕРИРАЛ НОГАТА Судењето за случајот со спортските ваучери на АМС се одложи appeared first on plusinfo.mk.

Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ во соопштение до јавноста.

„Дарко Каевски како директор на Агенцијата за млади и спорт заобиколувајќи ги законските процедури извршил распределба на пари преку така наречените ваучери до клубови и федерации, кои одредена фирма ги реализирала под услов дел од парите да ги добие назад преку даночно ослободување.

Каевски е фатен на дело и веќе на сите им е јасно зошто излегуваше и ширеше лаги и манипулации во јавноста. Тоа се кадрите на СДСМ, како Дарко Каевски, вмешани во криминал и корупција, се наведува во партиското соопштение“, порачуваат од ВМРО-ДПМНЕ и додаваат:

„Време е Македонија да се ослободи од криминалците како Каевски. Време е да ја вратиме Македонија на народот. Македонија повторно твоја!“

The post „КАЕВСКИ ОД ГОЛТАР СТАНА МИЛИОНЕР СО ПРОНЕВЕРИ ВО АМС“ Фатен е на дело, велат од ВМРО-ДПМНЕ appeared first on plusinfo.mk.

Неофицијално, Ковачевски го прифатил барањето на незадоволниот портпарол на СДСМ, Каевски и на неговото место број 7 во ИЕ1 ќе биде Горан Трајковски, сегашен директор на пазарниот инспекторат.

Според ТВ 24 денешните седници на Централениот и на Извршниот одбор на СДСМ на кои се разгледуваа предложените листи по изборни единици од страна на претседателот на партијата Димитар Ковачевски, се одвивале во тензична атмосфера со бројни реакции од незадоволните членови.

Претходно Клан ТВ објави дека Дарко Каевски и Оливер Спасовски, ја напуштиле седницата на којашто се разговарало за пратеничките листи на СДСМ за изборите на 8 мај, но набрзо потоа Каевски на социјалните мрежи објави дека бил присутен на седницата.

По информацијата дека и потпретседателот на СДСМ, Стефан Богоев ја напуштил седницата на Централениот и на Извршниот одбор на СДСМ, Богоев потврди дека бил присутен и нагласи дека гласал за листите иако не бил на нив.

The post 📷 НЕЗАДОВОЛЕН ОД СЕДМАТА ПОЗИЦИЈА Каевски побарал да биде тргнат од пратеничката листа на СДСМ appeared first on plusinfo.mk.

– Мицкоски и ДПМНЕ можат веднаш да станат дел од Влада во која нема да учествува ДУИ, а потоа и да се организираат предвремени избори. Сѐ  што треба ДПМНЕ и Мицкоски да направат е да се вклучат во процесот и да дадат поддршка за уставните измени. Во спротивно, ќе покажат дека се несериозни и неодговорни пред сопствениот народ и пред иднината на државата – рече Каевски.

The post „ЕВЕ ВИ И ОСТАВКИ И ИЗБОРИ, САМО ГЛАСАЈТЕ“ Од СДСМ му рекоа на Мицкоски дека ги исполниле условите за уставни измени appeared first on plusinfo.mk.

„Во услови кога ДУИ и СДСМ започнаа постапка за уставни промени, со цел Бугарите да бидат внесени во Уставот на Македонија, Движењето за промени на Кирил Петков (наводниот демократ), тргна по патот на Каракачанов, предлагајќи бугарскиот Парламент да донесе декларација со која Илинденското востание ќе го прогласи за бугарско. Оваа декларација покажува дека уставните промени нема да го отворат европскиот пат за Македонија, туку ќе се искористат за поагресивна антимакедонска кампања, негирање на македонскиот народ, јазик, историја и култура. Македонската дипломатија предводена од ДУИ, ги загрозува нашите национални и државни интереси, поради што се неопходни коренити кадровски промени. И покрај очигледните анационални активности, криминалот, блокада на институциите, огромно незадоволство на граѓаните, СДСМ не трепнува, за сѐ ги обвинува тие што пред седум години биле на власт, но не им сметаше со дел од нив да прават бизнис коалиции. Сакаме јавно да соопштиме дека без реципроцитет, уставни промени нема да има. Само со признавање на правото на здружување на Македонците во Бугарија, можно е да очекуваме промени на подобро. СДСМ треба да ги преспита своите ставови, дали ќе оди на предвремени избори или и натаму ќе го одржува ДУИ на власт“, се вели во реакцијата на Демократски Сојуз.

Портпаролот на СДСМ, Дарко Каевски, пак, на денешната прес-конференција најави дека СДСМ во вторник ќе предложи Резолуција за Илинден во македонското Собрание.

– Илинден е еден од најсветлите празници во македонската историја. Светилник на нашата борба за посебност и независност и тоа не може да го смени и одземе декларација на која било партија во или вон Македонија. Илинден е дел од секој Македонец и од целиот македонски народ, на 2 август ќе го прославиме со полно срце и гордост како 120 години до сега – рече Каевски во одговор на новинартско прашање на денешната партиска прес-конференција.

„ИЛИНДЕНСКОТО ВОСТАНИЕ Е БУГАРСКО“ Партијата на Кирил Петков поднесе декларација во бугарскиот Парламент

The post ДЕМОКРАТСКИ СОЈУЗ ОБВИНУВА ДЕКА БУГАРИЈА ГО БУГАРИЗИРА ИЛИНДЕН Партијата на Ковачевски ќе предложи Резолуција во македонското Собрание appeared first on plusinfo.mk.

Ова на прес-конференција го изјави пратеникот и портпарол на СДСМ, Дарко Каевски. Тој рече дека за време на посетата на претседателот на СДСМ и премиер Димитар Ковачевски и на средбите со високите државни претставници на Соединетите држави, земјава добила силна поддршка од нашиот најважен и најголем сојузник САД.

„Сето тоа е потврда за успешните државнички политики на СДСМ и претседателот Ковачевски и мотив плус, соработката со стратешкиот партнер САД, дополнително да се интензивира. Исклучително важна за нас е пораката дека САД силно ќе ја поддржат европската иднина на земјава, реформите и чекорите  за полноправно членство во ЕУ“, рече Каевски.

The post САД НÈ ПОДДРЖУВААТ, А МИЦКОСКИ И АПАСИЕВ НÈ КОЧАТ Како СДСМ гледа на борбата за европска иднина appeared first on plusinfo.mk.

Деконструкцијата подразбира дека смената на министри е поради нивно антиевропско делување. Што тоа, според Ковачевски, сработил Тупанчевски спротивно на интегративните процеси, или можеби Сали во здравството, или Нуредини во екологијата, па не може да е дел од „европскиот фронт“? Ковачевски мора да објасни дали тие сменетите се кочничари кон „единствениот пат на државата“?

Тоа мора јасно да се каже, па само пред еден месец заедно на трибини ја славеа успешноста на владата. Не секој може да следи три рала вечерни ТВ вести за да го фати вистински пазар на Ковачевски со Ахмети. Оној истиот „Пазар 3“ на Тупанчевски којшто се надоврзува на изјавата на Црвенковска при оставката од Судскиот совет поради „судско-бизнис притисоци“.

Ковачевски мора да каже дали меѓу досегашните министри – оние истераните или доброволно заменетите – се и оние тројца функционери коишто Славица Грковска никогаш не ги именуваше, а ги обвини за криминогеност? Ако се прави реконструкција, не може да не се знае дали и во новиот состав на „фронтот“ остануваат лукративно-криминогени министри? Грковска е заменик-премиер, па зборот треба да ѝ тежи. Ама, деконтрукцијата го покажува токму спротивното, молк пред барањата на партиските раководства.

Уште подлабока е деконструкцијата на поединечната трговија со пратеници, спротивно на флоскулите дека немало „желбите и мотивите“ или „имиња и презимиња“. Пратеникот Зејд ќе поддржел да биде на „фронтот“ откако му било ветено меѓународен процес за судски одлуки. Едно е што Зејд со тоа директно праќа порака дека нема вистински правен/судски систем во Македонија, најстрашно е што со него се согласува и премиерот, и иако некои веќе се и повторени процеси, му ветил исполнување на „желбата и мотивот“ на „името и презимето“.

Со здравје да си го носат „фронтот“ и скринингот со ваков договор.

Ковачевски мора да деконструира што пазар е направен и со Лучи од Алтернатива, па и да ја објасни улогата на Стево Пендаровски во собирањето собраниски гласови, за што Александар Николоски од ВМРО-ДПМНЕ јавно праша на ТВ за телефонските јавувања?

Ковачевски сето ова мора да го објасни, бидејќи бројките на окрупнувањето не се баш за „фронт“.  Напротив, само се потврдува деконструкцијата за подреденоста под Ахмети и зафатот поради внатрешните проблеми во ДУИ. Ковачевски влета во партиската пресметка во ДУИ за спас на Артан Груби и Бујар Османи. Дали и како ова ќе му се врати на СДС, очекувам наскоро да сведочи јавноста.

Тоа е причината за оние комични пењавења на пратениците од СДС за спас на Груби и на Бујар. Немам сомнеж дека зад сите од СДС што излегуваат на говорница има опашки од услуги и долг кон ДУИ. На пример жолчноста на Мартин Костовски, откако Османи и Груби му ја вработија сопругата во МНР.

До крајот на реконструкцијата можеби и за Дарко Каевски Ахмети ќе стане Тито, наместо Заев. Има време и верувам дека Дарко тоа го може!

Полесно би му било тоа, отколку да зборува дека заради нивните партиски пазари половина Македонија остана без плата, ФЗОМ е хакиран, се изрезилија на меѓународниот пазар на пари, „затворените прашања“ останаа отворени, а којзнае уште колку исписници од училиштата се пишуваат заради трајно иселување.

The post Деконструкција на реконструкцијата appeared first on plusinfo.mk.

Тој е истиот директор, кадар на СДСМ, кој го потпиша 27-милионскиот договор за набавка на гориво, без да биде предвиден вообичаениот рабат и со тоа е оштетено претпријатието за 1,5 милиони евра. Доколку не беа тендерите на Ковачевски и Арсовска, сега ќе имаше и повеќе автобуси кои би сообраќале, тврди партијата.

„Лицемерно е Каевски, кој е милионер на свои триесетина години, а до сега бил само државен функционер, 7 години во СДСМ да не го отвори прашањето со загадениот воздух.

Додека Каевски ги печалел милионите, народот се гушел и се уште се гуши. Доволно е да се погледне анкетниот лист на Каевски со над 4 милиони на сметка и стан од над 60 м2 и на секој ќе му биде јасно дека тој додека бил функционер работел само за себе“, се вели во соопштението на ВМРО-ДПМНЕ.

Каевски денеска ја повика ВМРО-ДПМНЕ да ги прифати мерките што ги предложи СДСМ против аерозагадувањето и да се одржи вонредна седница на Советот на Град Скопје.

The post МИЛИОНЕРОТ КАЕВСКИ ПЕЧАЛЕЛ ДОДЕКА НАРОДОТ СЕ ГУШИ Остра реакција на ВМРО-ДПМНЕ на апелот на портпаролот на СДСМ appeared first on plusinfo.mk.

Видеото на социјалната мрежа Фејсбук го објави новинарот на Алфа, Матеја Петровски, каде што граѓаните го искажаа своето незадоволство.

Во продолжение ви пренесуваме дел од коментарите:

„За тоа ли ве плаќаме? Земате плата за да си играте тетрис на работа?“

„Тежок е животот на пратенците, еве видовме“

„Го помина нивото на играта или му требаат врски?“

The post „СРАМОТА, ЗА ТОА ЛИ ВЕ ПЛАЌАМЕ?“ Пратеникот Каевски си играше игрици за време на Собраниска комисија (ВИДЕО) appeared first on plusinfo.mk.