Дарио Ивановски Archives - plusinfo.mk

🎥 ДАРИО ИВАНОВСКИ ГО ОСВОИ ВТОРОТО МЕСТО НА МАРАТОНОТ ВО БЕЛГРАД Ја заврши трката за 2 часа 9 минути и 35 секунди

плусинфо — Sun, 19 Apr 2026 09:26:01 +0000

Најдобриот македонски атлетичар Дарио Ивановски оствари одличен резултат на маратонот во Белград, каде утрово го освои второто место.

Ивановски трката ја заврши со време од 2:09:35, заостанувајќи 25 секунди зад победникот Гада Гемсиса Гудета. Гада од Етиопија победи со време од 2:09:11, додека трет заврши Кениецот Јохан Ерота (2:09:55).

View this post on Instagram

A post shared by Trcam jas, trcaj i ti (@trcam_jas_trcaj_i_ti_)

Остварувањето на Ивановски беше за помалку од една секунда поспоро од националниот рекорд што го постави во февруари 2024 година, кога ја истрча маратонската патека во време од 2:08:26.

Вториот македонски натпреварувач Мартин Трајановски го освои 20 место на маратонот во Белград со време од 2:45:44.

На женската маратонска трка победи Ден Алему Дади од Етиопија со време од 2:30:22 часа.

На 39. Белградски маратон настапија повеќе од 2.000 маратонци од над 70 земји.

The post 🎥 ДАРИО ИВАНОВСКИ ГО ОСВОИ ВТОРОТО МЕСТО НА МАРАТОНОТ ВО БЕЛГРАД Ја заврши трката за 2 часа 9 минути и 35 секунди appeared first on plusinfo.mk.

АТЛЕТИЧАРОТ ДАРИО ИВАНОВСКИ ЗАВРШИ НА 58 МЕСТО ВО ТОКИО Златниот медал го освои Алфонс Феликс Симбу од Танзанија

МИА — Mon, 15 Sep 2025 11:42:13 +0000

Најдобриот македонски атлетичар Дарио Ивановски го освои 58. место на Светското првенство во атлетика кое се одржува во Токио, Јапонија.

Ивановски патеката ја помина со време два часа, 26 минути и 31 секунда.

На Мундијалскиот маратон учествуваа 90 маратонци од кои 66 поминаа низ целта.

Златниот медал го освои Алфонс Феликс Симбу од Танзанија (2:09.48 часа), среброто е за Аманал Петрос од Германија (2:09.48), додека бронзениот медал му припадна на Илиас Ауани од Италија (2:09:53).

The post АТЛЕТИЧАРОТ ДАРИО ИВАНОВСКИ ЗАВРШИ НА 58 МЕСТО ВО ТОКИО Златниот медал го освои Алфонс Феликс Симбу од Танзанија appeared first on plusinfo.mk.

ДАРИО И АДРИЈАНА ЌЕ ЈА ПРЕТСТАВУВААТ МАКЕДОНИЈА Нашите маратонци стартуваат на светскиот атлетски самит

плусинфо — Fri, 12 Sep 2025 16:14:39 +0000

Светското првенство во атлетика во Токио стартува утре и ќе трае до 21 септември, а Македонија ќе биде претставена со двајца атлетичари на најпрестижниот светски атлетски самит.

Македонските претставници ќе се натпреваруваат на маратонските трки. Во женската трка, која ќе се одржи на 14 септември, ќе настапи Адријана Поп-Арсова Рашиќ, додека во машката маратонска трка ќе се појави Дарио Ивановски, олимписки атлетичар и македонски рекордер во маратон.

Стартот на двете трки е закажан за раните утрински часови по локално време во Токио – 7:30 часот. Според македонското време, трките ќе почнат околу 00:30 часот, што значи дека љубителите на атлетика ќе можат да ги следат натпреварите во текот на ноќта.

The post ДАРИО И АДРИЈАНА ЌЕ ЈА ПРЕТСТАВУВААТ МАКЕДОНИЈА Нашите маратонци стартуваат на светскиот атлетски самит appeared first on plusinfo.mk.

13.400 МАРАТОНЦИ В НЕДЕЛА ЌЕ ТРЧААТ ПО СКОПСКИТЕ УЛИЦИ Рекорден број учесници од 55 земји на јубилејниот 20. Виз Ер маратон

плусинфо — Thu, 03 Oct 2024 10:56:58 +0000

За јубилејниот 20. Виз Ер Скопски маратон пријавени се рекордни 13.400 учесници од 55 земји. Ова на денешната прес-конференција го соопшти Кире Синадиновски, директор на маратонот.

– Срушен е бројот на учесници од 2019 година кога имавме 12.450 натпреварувачи. Големо зголемување бележиме од минатата година кога имаше 11.000 учесници. Интересот е огромен и од домашните и од странските тркачи – додаде Синадиновски.

Најмасовниот спортски настан во Македонија годинава е поддржан од министерството за спорт.

– Како ресорен министер можам да кажам дека од денес па натаму, барем додека јас сум министер, овој маратон ќе ја има поддршката затоа што негуваме исти вредности, вредности по кои сакаме да се водиме ние во министерството и да бидеме пример во општеството. Верувам дека маратонот ќе биде успешен како и претходните – рече министерот за спорт, Борко Ристовски.

Виз Ер Скопски маратон 2024 ќе се одржи в недела со почеток во 8 часот. Предвидени се маратон, полумаратон, штафетен маратон и трка на 5 километри.

Стартните пакети натпреварувачите ќе можат да ги подигнат утре и в сабота.

Од македонските маратонци своето учество го пријави и Дарио Ивановски, најдобриот наш маратонец кој успеа да закрепне од повредата здобиена на Олимпијадата во Париз.

The post 13.400 МАРАТОНЦИ В НЕДЕЛА ЌЕ ТРЧААТ ПО СКОПСКИТЕ УЛИЦИ Рекорден број учесници од 55 земји на јубилејниот 20. Виз Ер маратон appeared first on plusinfo.mk.

ГО ОСТВАРИ СОНОТ, ГО РАЗВИОРИ МАКЕДОНСКОТО ЗНАМЕ Ивановски го истрча олимпискиот маратон на 69 позиција

плусинфо — Sat, 10 Aug 2024 09:23:45 +0000

Дарио Ивановски го оствари својот сон и стана првиот македонски олимпиец кој завршил една маратонска трка, откако денеска успеа да пристигне на финишот во Версај и да го развиори македонското знаме.

Дарио истрча за време од 2:28.15. и стигна на целта како 69-ти .

Најдобриот атлетичар од нашата земја  и покрај сите проблеми кои ги имаше пред трката, успеа да смогне сили и да стигне на финишот.
Ивановски ,според информациите од македонскиот табор, имал стомачни проблеми и тоа беше евидентно за време на секое мерење на пет километри, па на крајот оствари време кое е 20 минути послабо од неговиот личен рекорд, кој всушност е и национален рекорд.
Дарио истрча за време од 2:08.26 часа на маратонот во Севилја оваа година.
Првото место го освои Тамират Тола од Етиопија кој го освои златниот медал, додека среброто и бронзата им припадна на Абди Башир од Белгија и Бенсон Кипруто од Кенија.
Победникот Тола ја заврши трката со време 2:06:26, што всушност е и нов олимписки рекорд.

The post ГО ОСТВАРИ СОНОТ, ГО РАЗВИОРИ МАКЕДОНСКОТО ЗНАМЕ Ивановски го истрча олимпискиот маратон на 69 позиција appeared first on plusinfo.mk.

САКАМ ЦЕЛА МАКЕДОНИЈА ДА УЖИВА СО МЕНЕ НА МАРАТОНОТ Дарио Ивановски очекува утре да го истрча својот најдобар резултат

плусинфо — Fri, 09 Aug 2024 12:21:43 +0000

Македонскиот олимпиец Дарио Ивановски утре наутро ќе трча маратон низ улиците на Париз.

– Целиот мој живот се подготвувам за овој настан. Овие три недели одлично ја темпирам формата. Може да кажам дека мојата форма се зголеми и енергијата е прекрасна со сите спортисти околу мене. Се чувствувам подготвено за утрешниот маратон. Очекувам да бидам во првата половина и да истрчам најдобра трка. Сакам цела Македонија да ужива со мене на олимписката трка – изјави Дарио.

Трката почнува утре во 8 часот наутро.

Дарио Ивановски постави нов македонски рекорд од 2 часа 8 минути и 25 секунди на маратонот во Севилја, Шпанија, во февруари годинава.

The post САКАМ ЦЕЛА МАКЕДОНИЈА ДА УЖИВА СО МЕНЕ НА МАРАТОНОТ Дарио Ивановски очекува утре да го истрча својот најдобар резултат appeared first on plusinfo.mk.

MAKEДОНЦИТЕ СПРЕМНИ ДА ГО „ОСВОЈАТ“ РИМ Атлетичарите Ивановски и Трајковски ќе настапат на Европското првенство

МИА — Tue, 04 Jun 2024 09:02:20 +0000

Дарио Ивановски и Андреас Трајковски ќе бидат македонските претставници на Европското атлетско првенство на отворено кое од 7 до 12 јуни ќе се одржи во Рим, соопшти Атлетската федерација на Македонија (АФМ).

Ивановски ќе настапи во дисциплината полумаратон, со претходно остварена норма на маратонот во Севиља со време од 2:08:26, додека, пак, Трајковски ќе настапи во неговата дисциплина скок во далечина, со обезбедена норма преку ранкинг системот.

Прв на програмата ќе настапи Трајковски кој ќе се појави во квалификациите закажани за 7 јуни со почеток во 12:55 часот.

Полумаратонската трка на која ќе настапи Ивановски е на програмата на 9 јуни со почеток во 9 часот.

The post MAKEДОНЦИТЕ СПРЕМНИ ДА ГО „ОСВОЈАТ“ РИМ Атлетичарите Ивановски и Трајковски ќе настапат на Европското првенство appeared first on plusinfo.mk.

ДАРИО ИВАНОВСКИ ПОБЕДИ НА „ОХРИД ТРЧАТ“ Македонскиот атлетичар убедливо најбрзо ги мина охридските улици

плусинфо — Sun, 02 Jun 2024 14:32:03 +0000

Македонскиот атлетичар Дарио Ивановски победи на главната трка на 21 километар на 8. издание на Атлетскиот викенд „Охрид трчаТ“ што се одржа денеска низ улиците на Охрид.

Дарио полумаратонот го истрча за 1:10:01 часа, пред бугарските атлетичари , второпласираниот Михаил Валковски (1:14:00) односно третопласираниот Николај Николов (1:15:44).

Победникот Ивановски покрај парична награда од 300 евра од Општина Охрид доби ваучер за десетдневни подготовки во Охрид пред настапот на Европското првенство и Олимпијадата што ќе се одржат ова лето.

Најдобар резултат во женска конкуренција во трката на 21 километар оствари Милјана Ристиќ со резултат 1:30:01 часа. Јована Шубатлија од Србија заврши втора (1:30:40ч.), а трета финишираше Фросина Михајловска (1:31:35ч).

Во трката на пет километри победи Мирослав Спасов од Бугарија со време 18:11 минути, пред домашните тркачи Александар Арсов (19: 16 минути.) и Ријат Шеипи (19:32).

Во женска конкуренција на пет километри најбрза беше Емили Иваноска со време 24:25 минути, пред сонародничката Дарија Крстевска (24:28) и Весела Панчева од Бугарија (25:21).

Во штафетната трка на 21 километар најбрза беше екипата „Делта“ од Скопје со време 1:15:55 часа, пред АК „Аеродром“ (1:33:08 часа) и Стребениотес од Грција (1:34:02).

Наградите на најдобрите атлетичари им ги врачија претседателката Гордана Сиљановска Давкова и градоначалникот на Охрид, Кирил Пецаков.

На „Охрид трчаТ“ оваа година учество зедоа рекордни 2.200 натпреварувачи од 31 земја. За организацијата и безбедноста на настанот кој мина во одлична атмосфера се погрижија 500 волонтери и припадници на полицијата.

The post ДАРИО ИВАНОВСКИ ПОБЕДИ НА „ОХРИД ТРЧАТ“ Македонскиот атлетичар убедливо најбрзо ги мина охридските улици appeared first on plusinfo.mk.

Поп Арсова и Ивановски победници на „HalkEco Скопје Трча 10 КМ“

плусинфо — Sun, 13 Jun 2021 12:54:20 +0000

Адријана Поп Арсова и Дарио Ивановски се победници на денешната трка „HalkEco Скопје Трча 10 км “, на која учествуваа околу 1000 тркачи.

Ивановски патекатаa ја истрча со време 29:58 минути. Второто место му припадна на Леонид Вандевски, со време од 32:55, а третото на Атанас Анчевски, со време на трчање од 33:19.

Во женска конкуренција, најбрзата, Поп Арсова оствари време 35:07 минути, второто место го зеде Биљана Кираџиева со 38:40 минути, на третото место заврши Милјана Ристиќ со 39:58 минути.

Трката започна и заврши на булевар Илинден, пред фонтаната Лотос, а патеката по која се трчаше беше по булеварот Илинден и дел од булеварот Партизански Одреди.

– Горди сме, што по една година пауза, успеавме да ја организираме оваа прекрасна градска трка и покрај сите препораки и мерки, кои моравме да ги почитуваме, сè со цел да ги заштитиме нашите учесници, но и да се заштитиме самите себеси. Скопје Трча 10 км, како трка која се одржува од 2017 година, успева да ги сплоти најдобрите тркачи и љубители на спортот. Сите натпреварувачи кои учествуваа на овогодишната трка се спортисти во одлична форма, кои вежбаат со месеци – изјави Гордана Николовска од Сојуз на спортови на Скопје.

Трката беше организирана според безбедносни протоколи и препораки утврдени од Владата и Комисијата за заразни болести, со цел заштита на учесниците и организаторите.

The post Поп Арсова и Ивановски победници на „HalkEco Скопје Трча 10 КМ“ appeared first on plusinfo.mk.