Министерката за финансии Гордана Димитриеска Кочоска смета дека не треба да се зголемува данокот од 5% за купување нов стан.

Според неа, не е потребно дополнително оптоварување на граѓаните.

– Сѐ уште анализираме, па ќе излеземе со конечна одлука. Сметам дека не ни треба дополнително оптоварување на граѓаните. Буџетот е таков каков што е, собирањето на приходите е во добра насока, сѐ е како што си било планирано. Многу се внимава на расходната страна. Сметам дека во моментот не е потребно дополнително да се оптоваруваат младите лица кои купуваат станови самостојно или заедно со брачниот партнер – рече Димитриеска Кочоска, која пред два дена гостуваше на телевизија Сител во „Тема на денот“.

Министерката додаде дека Владата ќе излезе со мерки против високата инфлација.

– Владата во овој период подготвува некои мерки, ќе излеземе со некои предлози, но повторно тие би биле на краток рок. Нам ни треба решение коешто ќе биде подолгорочно – додаде Димитриеска Кочоска.

The post ДАЛИ ДАНОКОТ ЗА НОВ СТАН ЌЕ ОСТАНЕ 5%? Министерката за финансии смета дека не е потребен нов товар за граѓаните appeared first on plusinfo.mk.