Колумбиската пејачка Шакира ја доби конечната правна битка со даночните власти во Шпанија кои ќе мора да ѝ вратат повеќе од 60 милиони евра, колку што изнесуваа наметнатиот данок и паричните пенали, кои според мислењето на судот, биле незаконски утврдени.

Административниот совет на Националниот суд на Шпанија пресуди во корист на колумбиската пејачка и ја поништи постапката врз чија основа таа мораше да плати речиси 55 милиони евра на име данок и пенали, а сега таа сума ќе мора да ѝ биде вратена со камата, пренесува „Паис“.

Шакира, во соопштението што го објави нејзиниот тим, ја поздрави оваа своја победа и уште еднаш ги критикуваше даночните власти.

– Никогаш немало никакво затајување, а ниту самата даночна управа никогаш не можеше да го докаже спротивното, едноставно затоа што тоа не беше вистина – наведе таа.

Пејачката додаде дека, и покрај тоа, речиси цела деценија била третирана како виновник, а секој чекор во тој процес бил искривуван и преувеличуван, при што нејзиното име и имиџ биле користени да се испрати заканувачка порака до другите даночни обврзници.

– По повеќе од осум години брутално јавно омаловажување кое го трпев, оркестрирани кампањи со цел уништување на мојата репутација и безброј непроспиени ноќи кои ми го загрозија здравјето како и моето семејство, Националниот суд конечно ги исправи работите – порача Шакира.

Судот заклучи дека, спротивно од проценката на шпанската Даночна управа, Шакира не била даночен обврзник во Шпанија во текот на 2011 година, и дека поради тоа не требало во таа земја да плати ниту данок на доход ниту на богатство.

Даночната управа претходно ја принуди пејачката да плати значителни суми и ѝ одреди големи пенали поради тоа што во Шпанија не го пријавила својот доход. Аргументот на Управата беше дека Шакира во Шпанија била во „романтична врска“ со фудбалерот на Барселона, Жерард Пике, и дека центарот на нејзиното работење бил во таа земја. Даночната управа, сепак, не можеше да докаже дека пејачката престојувала во земјата подолго од 183 дена годишно, колку што според законот е потребно за некој да биде сметан за даночен обврзник.

Таа поднесе жалба на пеналите што ѝ беа изречени, а сега шпанскиот суд пресуди во нејзина корист, заклучувајќи дека даночните мерки што ѝ беа изречени се „незаконски“.

Оваа нејзина правна победа, меѓутоа, не го менува исходот на кривичната постапка против неа, во чии рамки даночната измама е докажана, потсетува весникот. Овој случај се однесува на периодот меѓу 2012 и 2014 година, а Шакира прифати тригодишна затворска казна, која не ја отслужи, како и парични пенали од 7,3 милиони евра.

Откако постигна договор со обвинителството, пејачката призна дека во наведениот период била даночен обврзник во Шпанија, но сепак избегнала да плати данок.

The post ШАКИРА ОСЛОБОДЕНА ОД ОБВИНЕНИЕТО ЗА ДАНОЧНА ИЗМАМА Шпанскиот суд ѝ наложи на Даночната управа да ѝ врати на пејачката над 60 милиони евра appeared first on plusinfo.mk.

Италијанските даночни власти започнаа истрага против возачите и тимовите на Формула 1 поради сомневање за даночна евазија на приходи остварени од натпреварување на италијански трки, објави „RacingNews365“.

Италијанските власти имаат намера да ја проверат усогласеноста со даночните закони за претходните години и веќе испратиле писма до возачите барајќи да поднесат даночни пријави за сезоната 2025.

Се забележува дека истрагата е поттикната од недоследна примена на законот, кој бара од странските спортисти кои се натпреваруваат во земјата да плаќаат данок на приходи остварени таму. Доколку износот на неплатениот данок надмине 50.000 евра, тоа може да се класифицира како кривично дело и носи голема казна.

Формула 1 одржува два Гран При настани годишно во Италија – во Монца и во Имола.

The post Ф1 ВОЗАЧИТЕ ПОД ИСТРАГА ВО ИТАЛИЈА Приходите од Монца и од Имола под „лупа“, се бара даночно затајување appeared first on plusinfo.mk.

Неофицијално уапсени се повеќе од 10 лица во големата полициска акција попладнево во која се бараат докази за големо даночно затајување. Според Нетпрес, меѓу уапсените има вработени во Управата за јавни приходи.

Повеќе македонски медиуми ја пренесоа веста.

4news објави дека, наводно, меѓу уапсените се и поранешни пратенички на СДСМ, сопственик на бензински пумпи и сопруга на познат доктор.

Според информации на ТВ Сител, меѓу приведените се и сопственици на фирми. Осомничените, наводно, одобрувале поврат на ДДВ за фирмите на кои поврат не им следувал. За возврат, неофицијално, фирмите потоа на осомничените им испорачувале и до 20% од добиената сума.

На шпекулациите дека во уапсените се повеќе познати лица од јавноста, пратенички, конзули и газди од ОЈО ГОКК соопштија:

„Да не се шират дезинформации, нема звучни имиња, особено не конзули, пратеници и амбасадори. Да заврши акцијата и ќе има официјални и издржани информации“.

Се чека официјално соопштение од надлежните институции во врска со наводите.

СЕ ПРИБИРААТ ДОКАЗИ ЗА ГОЛЕМО ДАНОЧНО ЗАТАЈУВАЊЕ Претреси се во тек на повеќе места низ државата

The post ВРАБОТЕНИ ВО УЈП МЕЃУ УАПСЕНИТЕ ЗА ДАНОЧНО ЗАТАЈУВАЊЕ? Неофицијално, приведени се повеќе од 10 лица appeared first on plusinfo.mk.

Со лажно претставување и фалсификување документи тројца скопјани измамиле фирма од Белорусија и со затајување данок го оштетиле Буџет за 9.512.881 денари, односно за околу 585.000 евра.

Управата за финансиска полиција поднесе кривична пријава против три физички и две правни лица од Скопје за измама, фалсификување или уништување деловни книги, даночна измама и даночно затајување.

Пријавите се поднесени против И.Ѓ. во својство на сопственик и управител на правниот субјект Друштво за издавачка дејност, трговија и услуги Зденка-кабли ВЛ ДООЕЛ Скопје, против Р.Ѓ., против Д.Н.Е. во својство на сопственик и управител на правниот субјект Друштво за градежништво Градежник монт татра ДООЕЛ Скопје.

За двете наведени фирми се поднесени кривични пријави за даночно затајување.

– Првопријавениот И. Ѓ. во својство на сопственик и управител на Зденка-кабли ВЛ ДООЕЛ Скопје и второпријавениот Р. Ѓ. со цел да стекнат противправна имотна корист за себе, за четвртопријавениот правен субјект Зденка-кабли ВЛ ДООЕЛ Скопје и за петтопријавениот правен субјект Градежник монт татра ДООЕЛ Скопје, од септември 2021 година до јуни 2022 година го довеле во заблуда Друштвото со ограничена одговорност „Здружение за производство Енергокомплект“ од Република Белорусија, да склучи Договор за испорака на стока во вредност до 2.000.000 евра.

Првопријавениот лажно се претставил преку мејл комуникација како управител на Градежник монт татра ДООЕЛ под измислено име Б. Ј.. Заедно со второпријавениот Р. Ѓ. составиле и употребиле повеќе документи со невистинита содржина со што заеднички ја довеле и држеле во заблуда фирмата од Белорусија.

„Тие ја претставиле фирмата Градежник монт татра дека е солвентена и сериозна. Здружението од Белорусија им испорачувало производи – кабел и жица сѐ до крајот на јули 2022 година кога пријавените лица прекинале секаков контакт и не ја платиле испорачаната стока“, соопшти Управата за финансиска полиција.

Со ваквите дејствија, првопријавениот И.Ѓ. и второпријавениот Р.Ѓ. се стекнале со противправна имотна корист за себе и за двете фирми, при што ѝ нанеле штета на белоруската фирма од 747.249 евра.

Третопријавениот за дел од увезената стока во вкупен износ со ДДВ од 35.891.852 денари, во име на фирмата Градежник монт татра изготвил фиктивни излезни фактури со кои му помогнал и му овозможил на првопријавениот И. Ѓ. да ги искористи и евидентира како влезни во фирмата  Зденка-кабли ВЛ ДООЕЛ.

Тој до Управата за јавни приходи поднел Даночни пријави за данок на додадена вредност за период од 01.01.2022 до 30.09.2022 година со невистинита содржина, со што неосновано искажал право на поврат на ДДВ во вкупен износ од 5.475.061 денари, на кој начин го оштетил Буџетот, a со тоа првопријавениот го сторил кривичното дело „даночна измама“.

Првопријавениот И. Ѓ. залихата на трговската стока во вкупен износ од 862.615 денари во фирмата Зденка-кабли ВЛ, возило БМВ вредно 2.500.000 денари, како и трговска стока набавена со компензации во вредност од 2.988.502 денари, ги присвоил за себе и не ги евидентирал како кусок во во фирмата. За нив не уплатил Данок на додадена вредност по даночна стапка од 18 отсто во износ од 1.143.201 денари, Данок на добивка по даночна стапка од 10 отсто во износ од 635.112 денари и Данок на личен доход по пресметковна стапка од 11,11 отсто во вкупен износ од 705.608 денари, односно го оштетил Буџетот за вкупен износ од 2.483.921 денари a со тоа го сторил кривичното дело „даночно затајување“.

Третопријавениот, дел од набавената стока од белоруската фирма во износ од 15.538.990 денари без ДДВ, која според документација од Царинската управа е извезена од фирмата Градежник монт татра во фирмата Обоени метали Бор од Србија, не ја евидентирал продажбата во сметководствената евиденција и не уплатил Данок на добивка по даночна стапка од 10 отсто во износ од 1.553.899 денари за кој износ го оштетил Буџетот a со тоа го сторил кривичното дело „даночно затајување“.

The post ТРОЈЦА СКОПЈАНИ ИЗМАМИЛЕ ФИРМА ОД БЕЛОРУСИЈА ЗА ОКОЛУ 750.000 ЕВРА Со затајување данок го оштетиле македонскиот буџет за околу 585.000 евра appeared first on plusinfo.mk.

Како што информираат од Управата за финансиска полиција, К.Х. во периодот од 2019 до 2024 година свесно и со намера ја присвоил акумулираната добивка од 25.174.878 денари, намалувајќи ја основната главнина на фирмата и избегнувајќи пресметка и плаќање на законските давачки.

„Осомничениот не извршил отпис на застарени побарувања од купувачи во износ од 13.973.029 денари, а дополнително присвоил текстилни производи вредни 9.959.394 денари, без да ги евидентира во сметководствената евиденција како кусок. Со тоа, избегнал плаќање на данок на добивка и ДДВ во значителни суми“, информираат од Финансиската полиција.

Од Управата додаваат дека пријавениот пет години не поднел завршни сметки до Управата за јавни приходи (УЈП) и Централниот регистар, што дополнително ја прикрило незаконската активност.

„Со ова, пријавениот избегнал пресметка и уплата на данок на добивка во износ од 2.094.156 денари, како и данок од неотпишаните побарувања во висина од 1.397.303 денари. Дополнително, за неевидентираниот кусок на производи, не платил данок на додадена вредност од 1.792.691 денари и данок на добивка од 872.079 денари. Вкупно, Буџетот на Република Северна Македонија е оштетен за 6.156.229 денари“, нагласуваат од Финансиската полиција.

Случајот е предаден на Основното јавно обвинителство во Струмица, кое треба да одлучи за следните правни чекори.

The post ПРИСВОИЛ НАД 25 МИЛИОНИ ДЕНАРИ И ЗАТАИЛ ДАНОК ОД 6 МИЛИОНИ Бизнисмен од Василево не пријавувал добивка пет години appeared first on plusinfo.mk.

Како што информира денеска Министерството за финансии, Димитриеска-Кочоска истакнала дека поддршката е потребна за сите земји.

– Даночното затајување е насекаде присутно, дури и во развиените земји, затоа поддршката е потребна на сите, не само на земјите како мојата. Кога се зборува за даночно затајување не е важно само законодавството што ќе се усвои, туку многу поважна е волјата на Владата да успее во борбата со него – рече министерката Димитриеска-Кочоска.

Наведуваќи дека земјава е членка на ОЕЦД од 2011 година и дека тоа што сѐ уште има висок процент на економска даночна евазија, корупција, сива економија, криминал, значи дека се прави нешто погрешно.

– Овие пет месеци по преземаање на функцијата ги искористив за да ги анализирам работите и забележав дека сѐ започнува со политичката волја и даночната администрација. Како пример во 2022 година до нашата даночна администрација имало 24 барања за размена на податоци, а од наша страна само пет. Тоа го покажува интересот на нашата администрација за ова прашање. Затоа приоритет на новата Влада е да се бори со корупцијата и криминалот што претставуа еднинствениот начин како да ги зголемиме приходите во нашиот буџет. Имаме рамни и многу ниски даночни стапки и огромна сива економија и врз основа на тоа одлучивме дека е време да се работи на намалување на сивата економија. Во таа насока, а со цел ефикасно собирање на приходите потребно е да разменуваме информации и користење на сите капацитети што ни се на располагање – истакна министерката Димитриеска-Кочоска.

Според неа, даночната и царинската администрација се фокусирани на собирање на приходите и борбата со даночното затајување.

Димитриеска-Кочоска смета дека размената на информации е многу важна и дека таа треба да се одвива автоматски, а не по барање, особено имајќи го предвид воведувањето на глобалниот минимален данок.

Министерката учествуваше на панел-дискусија посветена на напредокот на имплементација на стандардите за автоматска размена на информации.

The post ИМАМЕ ОГРОМНА СИВА ЕКОНОМИЈА, ВРЕМЕ Е ДА ЈА НАМАЛИМЕ Министерката за финансии ќе ги исправа работите со силна волја appeared first on plusinfo.mk.

ЈО информира дека обвинетите се службени лица во УЈП кои во периодот кога ги извршиле делата биле главни генерални инспектори или вршители на должност, нивни заменици, управници на регионалните дирекции, началници на даночни инспекторати и раководители на одделенијата за регистрација и утврдување на даноци во регионалните дирекции, како и членови на телата за одобрување на ДДВ побарувања при регионалните дирекции, самостоен даночен советник за анализа на ризик и инспектор за даночни обврзници.

„И покрај поднесениот обвинителен акт за предметот познат како „Синџир“, предметниот обвинител во ОЈОГОКК продолжи со постапување. Постапката е како резултат на индициите што произлегоа од доказите што обвинителството ги достави до судот со поднесување на обвинителниот акт во предметот „Синџир“. Врз основа на дополнително обезбедениот доказен материјал денеска до Основниот кривичен суд Скопје обвинителството поднесе обвинителен предлог против 15 лица вработени во Генералниот даночен инспекторат на УЈП и Регионалните дирекции на УЈП во Скопје, Битола и Прилеп. На сите обвинети им се става на товар дека сториле продолжено кривично дело – Злоупотреба на службената положба и овластување од член 353 став 4 во врска со став 1 и членот 45 од Кривичниот закон“, соопшти Јавното обвинителство.

Според дејствијата содржани во диспозитивот на предлогот, се додава во соопштението, обвинетите во периодот од 1.1.2019 до 31.12.2021 година како службени лица во УЈП , искористувајќи ист траен однос и исти прилики, не ја извршиле својата службена положба и овластување со намера да прибават за друг значителна имотна корист или на друг да му нанесат значителна имотна штета. Притоа, постапиле спротивно на одредбите од Законот за даночна постапка, Законот за управата за јавни приходи, Правилникот за систематизација на работни места во Министерството за финансии – Управа за јавни приходи, Процедурата за надворешна контрола, Упатството за одобрување и враќање на даночно побарување за ДДВ и Правилникот за внатрешна организација на УЈО.

„Така, во зависност од нивните службени овластувања не ја организирале и координирале работата на Генералниот даночен инспекторат со функциите на Регионалните даночни инспекторати во Скопје, Прилеп и Битола, за дел од даночните обврзници не извршиле соодветно рангирање според степенот на ризичност и самостојно не издале налози за контроли, не изготвиле предлог-листи на даночни обврзници за вршење надворешна контрола, иако дел од обврзниците според степенот на ризик припаѓале во ризични даночни обврзници каде задолжително било потребно да се извршуваат надворешни контроли. Така, за дел од кривично одговорните правни лица опфатени во предметот „Синџир“, кои како даночни обврзници поднесувале задолжителни даночни пријави и годишни завршни сметки во Регионалните дирекции Прилеп, Битола и Скопје, по основ на непресметан и неплатен данок прибавиле значителна имотна корист во износ од 167.918.419 денари предизвикувајќи штета на УЈП во вкупен износ од 206.456.437 денари (3,3 милиони евра)“ соопшти Обвинителството.

Заедно со Обвинителниот предлог, се додава, имајќи ги предвид околностите сврзани за личноста на обвинетите, околностите под кои е сторено делото, особено имајќи предвид дека обвинетите се службени лица кои во вршење на својата служба го имаат сторено кривичното дело и дека може да бидат недостапни на органите на прогонот и на тој начин да го оневозможат непреченото водење на постапката, предметниот обвинител поднесе и посебен предлог со кој предлага судот спрема обвинетите да определи мерки на претпазливост.

„Воедно, укажувајќи дека во Специјализирано судско одделение за судење на кривични дела од областа на организиран криминал и корупција при Основниот кривичен суд Скопје веќе се постапува по предмет оформен по обвинителен акт на ОЈОГОКК од 22.1.2024 година против физички и правни лица обвинети за кривични дела злосторничко здружување, даночно затајување и перење пари и други приноси од казниво, предметниот обвинител достави и посебен предлог да се спроведе единствена постапка и поднесениот обвинителен предлог да биде споен во веќе оформениот предмет. Како образложение на предлогот Обвинителството укажа дека постои меѓусебна врска помеѓу извршените кривични дела сторени од страна на обвинетите наведени во обвинителниот предлог и кривичните дела сторени од страна на обвинетите наведени во поднесениот обвинителен акт, како и дел од доказите кои веќе се доставени со претходно поднесениот обвинителен акт“, соопшти ЈО.

Во случајот „Синџир“ се обвинети триесетина физички и правни лица. Во јули годинава дел од обвинетите кои признаа вина во „Синџир“ добија затворски казни и една условна казна затвор. Првообвинетиот Сашо Вучков доби две и пол години казна затвор, неговиот татко две години казна затвор и 1.000 евра казна, мајката на првообвинетиот доби година и единаесет месеци затворска казна и уште 1.000 евра казна. Останатите двајца обвинети кои признаа вина, добија по две години затвор и по 1.000 евра казна, а еден обвинет доби условна казна затвор. За шест фирми чии застапници, исто така признаа вина судот изрече парични казни и забрани за учество во јавни повици и концесии. За останатите 11 обвинети кои не признаа вина постапката продолжи.

Со шестмина осомничени и шест кривично одговорни правни лица биле постигнати спогодби, со кои во државниот буџет се  вратени речиси 1.000.000 евра.

Истражната постапка против 26 сопственици и управители на 28 правни лица беше започната на 30 октомври 2023 година. Во меѓувреме, истрагата беше проширена за уште две лица.

Според обвинителниот акт обвинетите во својство на сопственици и управители на правни субјекти во периодот од 1.1.2019 година до 31.12.2021 година во име и за сметка на кривично одговорните правни лица во нивна сопственост и управување, не пресметале и не платиле данок и поктај законската обврска да се плати.

„На овој начин, со намера за себе да се стекнат со противправна имотна корист, осомничените предизвикале штета на Буџетот на Р.С. Македонија во вкупен износ од 490.808.618,00 денари или 7.980.627 евра. Паричните средства што ги прибавиле со казниви дела во вкупен износ од 40.046.815 денари ги пуштиле во оптег, ги примиле и извршиле пренос на истите, по што ги подигнале во готово“ соопшти тогаш ЈО.

The post ВО СЛУЧАЈОТ „СИНЏИР“ ПАДНАА И ДАНОЧНИ ИНСПЕКТОРИ, УПРАВИТЕЛИ И НАЧАЛНИЦИ Обвиненија против 15 вработени во УЈП appeared first on plusinfo.mk.

Производството на торти и колачи во домашни услови, изработката на накит, поставувањето кафемати, како и онлајн шопингот ќе се оданочуваат паушално, најави директорката на Управата за јавни приходи Елена Петрова во интервју за порталот Република.

Пред да се воведе данокот, Петрова вели дека ќе се оди со информирање на даночните обврзници.

– За овие дејности има законски начин на оданочување, односно т.н. паушално оданочување на дејности од времен карактер. Но, очигледно затаиле некои механизми штом има толку многу неоданочени даночни обврзници. Прво ќе се оди кон информирање на даночните обврзници и нивните обврски. Паушалот ќе биде различен, ќе се прават пресметки, во зависност од местото каде што се врши дејноста, бројот на часови, односно сразмерно на приходите што може да се остварат од вршењето на дејноста – вели Петрова.

Таа најавува дека ќе оданочуваат и сите што продаваат производи преку Фејсбук и Инстаграм.

– Сега сивата економија од пазарите и улиците се префрли на интернет и оваа област бара засилен фокус на УЈП преку информирање кои се нивните законски обврски а потоа и контроли. Како едно среднорочно решение за онлајн трговијата е планирано во рамките на системот за е-фактура да бидат приклучени сите тие продавачи преку законска обврска. Документите што ќе се издаваат за еден таков реализиран промет да бидат фискализирани, што значи дека пред да бидат издадени на купувачот да поминат низ системот на УЈП – вели Петрова.

Овие активности на УЈП, според Петрова, се дел од најавената борба со даночните затајувања и криминалните даночни измами.

– Надлежните служби во УЈП ми обезбедија податоци кои покажуваат дека повеќе од 2.500 даночни обврзници немаат поднесени даночни пријави за ДДВ за првите 5 месеци од годината. Имаме повеќе од 800 даночни обврзници кои не поднеле даночни биланси за 2023 година. За секој месец од почетокот на годината има над 5.000 работодавачи кои не поднеле месечна пресметка за интегрирана наплата. Тоа значи дека во тие случаи данокот (ДДВ, данок на добивка, данок на личен доход за плата) и придонесите не се пресметани, не се пријавени и не се платени. Друга индикација дека има данок или приходи што се губат и не влегуваат во државниот трезор ни покажува и самата структура на прометите што се прикажани во ДДВ пријавите. Ако ги сумираме податоците од сите ДДВ пријави и ги гледаме како една збирна пријава на ниво на цела држава, повеќе години наназад во таа вкупна пријава речиси секој месец имаме вишок ДДВ за враќање/поврат, наместо ДДВ долг за плаќање. Тоа се нарекува негативен даночен ефект. Да го појасниме ова поедноставно. Во ДДВ пријавите во првиот дел се искажува реализираниот промет и ДДВ што се должи за тој промет, а во вториот дел се искажува влезниот промет, набавките за кои е платен ДДВ. Разликата меѓу ДДВ што се должи и платениот ДДВ за влезниот промет на крајот на месецот или кварталот е или разлика за доплата/долг, или повеќе платен ДДВ за поврат. Значи, повеќе години наназад, во сите региони и на ниво на цела држава, збирната даночна пријава покажува дека завршуваме со вишок ДДВ за поврат. Вишок ДДВ за поврат вообичаено имаат компаниите кои извезуваат, компаниите кои се во инвестиции и сл. Но ако е ваква вкупната состојба на ниво на држава, тоа изгледа како нашата економија, нашето стопанство да не создава додадена вредност за оданочување – вели таа.

Петрова вели дека оваа состојба е сериозна индикација на која треба да се посвети значајно внимание, индикација и прашање дали прометот и данокот во ДДВ пријавите се пријавени точно и целосно, или имаме помалку пресметан, непријавен и неплатен ДДВ и помалку собрани даночни приходи во државниот трезор.

– Оваа информација особено треба да се земе во контекст на случувањата во блиското минато кога имаше злоупотреби и измами со ДДВ повратот и оштетување на буџетот. Едноставно вкрстување на податоци во даночните биланси покажа дека има една група даночни обврзници кои во минатите години искористиле даночни олеснувања повеќе отколку што можеле и со тоа платиле помалку данок на добивка – вели директорката на УЈП.

Покрај ова една од шемите за неплаќање на даночните обврски е и преку злоупотреби во регулативата и процесите за регистрирање и дерегистрирање на компании и сл.

– Очигледно е дека постојат „дупки“ каде што се губат даночните приходи заради различни состојби кои претставуваат даночно избегнување и затајување преку непријавување или прикривање на приходи и промет, погрешно и извртено толкување и примена на регулативата, користење на празнини во регулативата и сл. Затоа најавив силна борба против сите вакви форми на даночно избегнување и даночни измами. УЈП мора да обезбеди рамноправни услови во кои чесните даночни обврзници нема да го носат товарот на полнење на државниот трезор за сметка на другите кои не го плаќаат својот данок. Оваа борба ќе вклучи различни мерки за зајакнување на програмата за даночната контрола, наплатата на заостанатите долгови и санкциите,  сѐ до одговорност и казни за секој поединец што презема дејства со кои ги оштетува народните пари заради противправно стекнување лична имотна корист – вели Петрова.

The post ЌЕ СЕ ОДАНОЧИ ПРОДАЖБАТА ПРЕКУ ФЕЈСБУК И ИНСТАГРАМ Сивата економија е преселена на интернет – се продава сѐ и сешто, не се плаќа ниту денар данок appeared first on plusinfo.mk.

Единицата за економски и компјутерски криминал при СВР Скопје поднесе кривична пријава против скопјанецот Р.Т.(48), поради постоење основи на сомнение за сторено кривично дело „даночно затајување”.

Како што информираат од МВР, пријавениот во периодот од 2018, 2019, 2020 и 2021 година, за секоја година поединечно, реализираните приливи на парични средства не ги пријавил како личен доход и не поднел задолжителна Годишна даночна пријава до Управата за јавни приходи како даночен орган.

– На тој начин тој избегнал да плати данок на личен доход од 10 отсто за реализираните приливи за 2018 година во вкупен износ од 34.470 евра, за 2019 година во вкупен износ од 68.976 евра, во 2020 година 925.850 денари и 104.100 евра и за 2021 година во износ од 71.000 евра. Со ваквото дејствие пријавениот го оштетил Буџетот на Република Северна Македонија за вкупен износ од 1.728.465 денари, а за себе во истиот износ прибавил противправна имотна корист – се наведува во соопштението од МВР.

The post СКОПЈАНЕЦ НЕ ПЛАТИЛ ДАНОК ОД СКОРО 2 МИЛИОНИ ДЕНАРИ Четири години избегнувал да плаќа, МВР му поднесе кривична appeared first on plusinfo.mk.

Како што се навдува во соопштението од ЈОРМ, во периодот од 01.01.2015 до 31.12.2017 година осомничените како сопственици, управители и овластени лица на сметките и деловните активности на правни лица,  како и тројца вработени одговорни лица во експозитура Тетово на една деловна банка, со умисла извршиле две временски поврзани дејствија што преставуваат повеќекратно остварување на исто дело. Тие искористувајќи исти прилики, со намера да одбегнат плаќање данок на додадена вредност, данок на добивка и персонален данок на доход на кои биле обврзани со Закон, дале лажни податоци за своите приходи со што влијаеле на утврдување на износот на даночните обврски.

Петмина осомничени се лишени од слобода и за нив надлежниот јавен обвинител до судијата на претходна постапка од Основниот кривичен суд Скопје достави предлози за определување мерки на претпазливост – забрана за напуштање на живеалиште/престојувалиште, обврска повремено да се јавуваат кај надлежен орган, како и привремено одземање патна и друга исправа за преминување на државната граница и забрана за издавање нова.

Со поднесената кривична пријава беа опфатени уште седум физички и 15 правни лица. За нив надлежен јавен обвинител отвори претходна постапка и тоа за физичките лица за кривично дело – Даночно затајување од член 279 став 1, а за правните лица за истото кривично дело согласно став 3 од Кривичниот законик.​

The post Истрага за даночно затајување кај 13 лица, петмина приведени appeared first on plusinfo.mk.