Управата за јавни приходи (УЈП) почна засилени контроли на компаниите од градежниот сектор кој е идентификуван како многу ризичен, особено во контекст на актуелните пазарни трендови, зголемената побарувачка за недвижности и зачестеното плаќање во готово.

Се проверува продажба на објекти по истекот на пет години од нивната изградба; договорите со нереално ниска продажна вредност; непријавени вработувања и ангажмани;  разликите меѓу реалниот обем на изградба и пријавените приходи од продажба; издавањето фактури без прибелешки во јавните книги како и неправилна примена на механизмот за пренос на даночна обврска (reverse charge).

-Целта на овие контроли е откривање и санкционирање на даночни неправилности, заштита на буџетските приходи и обезбедување фер услови за сите учесници на пазарот – велат од УЈП и апелираат градежните компании и инвеститори да ги преиспитаат своите финансиски и даночни политики.

Од Управата информираат дека во изминатиот период, со цел подигнување на даночната свест и поттикнување доброволна усогласеност, се реализирани едукативни средби и појаснување на одредбите од даночните закони и усогласено работење на компаниите од градежен сектор според регулативите

– Преку овој пристап, Управата за јавни приходи има за цел да се поттикне одговорно однесување на даночните обврзници од градежниот сектор и да се создадат услови за доброволна усогласеност, што е во интерес и на обврзниците и на јавните финансии – велат од УЈП.

Оттаму потсетуваат дека согласно важечките законски прописи, првиот промет на станови во рок од пет години по изградбата подлежи на оданочување со повластена стапка на ДДВ од 5%. По истекот на пет години, прометот е ослободен од ДДВ, но без право на одбивка на влезниот данок, што подразбира обврска за корекција кај обврзниците кои претходно го одбиле истиот.

Управата за јавни приходи достави 318 персонализирани известувања до таргетирани даночни обврзници од градежниот сектор, со кои  ги повика  да извршат корекција на одбивката на влезниот данок на додадена вредност (ДДВ)  во вакви случаи.

The post ДАНОЧНИТЕ ИНСПЕКТОРИ ВЛЕГУВААТ ВО ГРАДЕЖНИТЕ КОМПАНИИ Под лупа продажбата во готово, реалната вредност на објектите и пријавените приходи appeared first on plusinfo.mk.

Управата за јавни приходи (УЈП) минатата недела спроведе вкупно 214 теренски контроли за фискализација во повеќе градови.

Со корнторлата, како што информира УЈП, биле  опфатени ресторани, кафе барови, шанкови на плажа, слаткарници, колонијали, продавници за облека и накит, хотел, автопревозници, паркинзи и други трговски објекти за продажба на мало.

Од 214 контролирани субјекти, кај 30,8%, односно кај 66 од контролираните се утврдени неправилности согласно Законот за регистрирање на готовински промет.

За утврдените неправилности донесени се 66 прекршочни санкции – глоби, кои ќе бидат одмерени согласно големината на субјектот. За четири, односно три субјекти од Охрид и еден од Струга, поради повторено неиздавање фискални сметки во рок од две години, изречена е мерка за привремена забрана за вршење дејност (запечатување).

УЈП информира дека во  Скопје биле извршени 14 контроли и при истите утврдени се 4 неправилности, во Струга, Охрид и Битола имало 126 контроли, а утврдени се 29 неправилности од кои 11 неправилности во Струга и 18 во Охрид додека во Прилеп имало 7 контроли, a утврдени се 3 неправилности. Вкупно 32 контроли имало во Тетово,и Гостивар а утврдени се 14 неправилности од коо 13 во Тетово и една во Гостивар.

Во Штип, Неготино, Демир Капија, Кавадарци Велес и Куманово биле извршени 35 контроли. Во овие контроли биле  утврдени  16 неправилности, по една неправилност во Неготино и Кавадарци, 2 во Демир Капија, 3 во Штип, 4 во Велес и 5 неправилности во Куманово.

Управата за јавни приходи најави и дела согласно Закон за регистрирање на готовински плаќања, ќе врши вкрстени проверки со цел да ја провери веродостојноста на искажаните приходи кај даночните обврзници.

-Издавањето фискални сметки и користењето мобилни фискални апарати не претставуваат само законска обврска – туку и клучен чекор кон правично, транспарентно и одговорно деловно опкружување – велат од УЈП.

УЈП апелира сите даночни обврзници да постапуваат совесно и согласно законските прописи, со цел да придонесат кон зајакнување на даночната усогласеност и унапредување на даночната дисциплина во државата.

The post ТРГОВЦИ И УГОСТИТЕЛИ НЕ ИЗДАВААТ ФИСКАЛНИ СМЕТКИ Даночните инспектори казнија 66 фирми, а ќе се проверува и колку приходи затаиле appeared first on plusinfo.mk.