– Кога ќе се всади еден страв, конкретно за вакцината против морбили, тоа некако се прошири и на сите други вакцини. Едноставно, луѓето не веруваат дека и другите вакцини се добри. На сето тоа се додава и хроничната недоверба на народот во системот, во институциите, едноставно не веруваат дека државата навистина се грижи за здравјето на граѓаните – рече професорот.

Даниловски вината за ова ја гледа и во докторите од примарното здравство.

– Дел од матичните лекари не само што индолентно се однесуваат и функцинораат на ниво на ‘желботека’, дури и активно ги одвраќаат граѓаните од вакцинирање – вели тој.

Според него, иако календарски сме во 21. век, со паметот сме некаде во 18. век поради што се враќаат болести, како големата кашлица, за кои постојат вакцини.

– Последните 30 години ние произведуваме лоши генерации, неуки, игнорантни, генерации кои како што стасуваат стануваат родители и треба да ги воспитуваат своите деца и да им всадат квалитени вредности. Се случува триесетина година да имаме нефункционална клетка во општеството, а тоа е семејството. Школството ни е на ниски гранки, учениците не се учат да бидат егоисти и да го почитуваат јавниот интерес. Се изгуби чувството за заедништво. Во меѓувреме се создаде плодна почва за теории на заговор и тоа да не може да се искорени – вели професор Даниловски.

The post И МАТИЧНИ ЛЕКАРИ ОДВРАЌААТ ПАЦИЕНТИ ОД ВАКЦИНА Даниловски најголема вина наоѓа во родителите appeared first on plusinfo.mk.

Тој апелира до ризичните категории на граѓани да се вакцинираат.

Според него, новиот сој на ковид-19 ќе ја полни статистиката додека не прегори.

– Пикот ќе настапи во следниве седум дена, а веќе во септември се очекува бројките да стивнат. Нов бран се очекува во зима – вели професорот Даниловски.

The post ПИКОТ ЌЕ БИДЕ ВО СЛЕДНИТЕ 7 ДЕНА Даниловски вели не се потребни рестрикции appeared first on plusinfo.mk.

„Едно нешто ме чуди. Како е возможен ваков дијаметрално различен став? Професорот Даниловски до само пред некој ден, како „угледен“ експерт, беше пожелен и поканет член во Комисијата за заразни болести или во тимот на советници, но наеднаш, преку ноќ се обвинува како доктор „кој не е спремен да се справи со реалноста“ и дава „несериозни изјави опасни за општеството“!? Не сум бил спремен да се справам со реалноста!? Јас – токму затоа што ја согледувам реалноста – со име и презиме (а не затскриен и покриен зад било какво тело, комисија, колективитет, партија), две години – волонтерски – се трудам да помогнам да се оптимизира курсот на мерките против пандемијава! Не носи ли тоа неспоредливо поголема одговорност?“, пишува Даниловски.

Професорот вели дека нема апетити и амбиции ниту за кариера, ниту за лична промоција и оти само се обидува да помогне безусловно.

„Нема експерт во епидемиологијата што може да противречи на ноторниот факт дека не е испочитуван член 27, став 1 на Законот за здравствена заштита, кој гласи: „Член 27: (1) Здравствената дејност во здравствените установи од страна на здравствените работници и здравствените соработници задолжително се врши согласно со стручни упатства за медицина заснована на докази кои согласно со современата светска медицинска практика, ги пропишува министерот за здравство.“ (1) Зошто? Затоа што такво упатство не постои во форма на подзаконски акт! Тоа е видливо од самиот сајт на Министерството за здравство, во делот „Инфектологија“, каде што се гледа дека не постои Упатство за ковид-19!

(2) Оттаму, секое тврдење дека протокол (упатство) постои, можеби се однесува само на некаков интерен протокол, кој не ги обврзува здравствените установи да го применуваат! Клиниката за инфективни болести направила протокол? Во ред! Се почитува ли тој протокол од страна на сите здравствени установи во државата? Не! Зошто? Затоа што немаат сила на законска обврска! И нешто многу важно… Има ли протокол за третман на ковид-19 од страна на матичните доктори? Нема!(Нека кажат матичните доктори имаат ли протокол!) Значи, неопходно е да се изготви протокол и за амбулантски третман на болни од КОВИД-19!“, пишува Даниловски.

Тој вели дека за да се почитуваат тие протоколи, треба да се подигнат на ниво на законска обврска!

„Министре, направете ги подзаконски акти! Имате ингеренции за тоа. Членот 27, став 1 на Законот за здравствена заштита е недвосмислен!“, му порача Даниловски на Сали.

The post ДАНИЛОВСКИ ГО ПРАША МИНИСТЕРОТ Зошто ме викаше во Комисијата ако не се справувам со реалноста? appeared first on plusinfo.mk.

– Фигуративно кажано … сè нека се затвори, ама училиштата да останат отворени! И тоа без маски за децата! Зошто? Зашто, децата се нашата иднина! Ама, деца здрави, образувани. Не деца со нарушена психа, деца затупавени, деца збеснати, деца полудиви, деца идни психо-социопати, доволно беше две години што издржаа. Веќе не смееме тоа да го дозволиме. Неприфатливо е децата да не одат на училиште, со образложение да ги заштитат постарите членови во семејството! Сега веќе имаме вакцини на располагање – вели Даниловски.

Тој истакнува дека не треба да се дозволи децата да бидат жртви за возрасните, туку дека треба спротивно да биде.

– Возрасните што имаат ученици дома нека се заштитат како знаат и умеат! Нека се вакцинираат со три дози. Наставниците, исто така! За нив маските да останат задолжителни! Со делта ова немаше да биде прифатливо. Ќе беше неодговорно. Но, потребна е и еластичност во приодот. Ваквиот тип на „ново нормално“ веројатно ќе потрае неколку години. Додека, постепено, сите делови на планетата не достигнат високо ниво на имунитет – некој порано, некој подоцна … Дури тогаш, пандемијата ќе биде завршена во вистинска смисла на зборот – оценува професорот.

The post БЕЗ МАСКИ ВО ШКОЛО, ТРЕТА ДОЗА ЗА ПОСТАРИТЕ Даниловски вели децата да не бидат жртви на возрасните, туку обратно appeared first on plusinfo.mk.

– Вирусот не сака да го убие домаќинот, туку тој да го распрснува со заразување на други. Крајот на април ќе биде крајот на пандемијата, а ќе се вакцинираат само ризичните групи – кажа епидемиологот Даниловски.

The post КРАЈОТ НА КОРОНАТА ЌЕ БИДЕ НА КРАЈОТ НА АПРИЛ? Даниловски со оптимистички вести за пандемијата (ВИДЕО) appeared first on plusinfo.mk.

Рече дека најновите пресметки на природно имунизирано население со прележување на ковид-19  или пак со примање вакцина е некаде околу 70 проценти.

– Мерките никој не ги почитува тргнувајќи од политичарите и од позицијата и опозицијата, па се до поединците. Видовме што се случуваше на митинзите – кажа проф. д-р Драган Даниловски.

The post ДАНИЛОВСКИ ВО МИТИНЗИТЕ ГО ГЛЕДА РАСТОТ Набргу бројката на заболени ќе биде повеќе од 1.000 appeared first on plusinfo.mk.

Професорот додава дека се покажа дека eкологијата е математика. Адаптацијата е динамичен процес во којшто се воспоставува меѓусебна рамнотежа меѓу микро и макро живите видови на планетава.

– Короната дојде за да остане – со помалку или повеќе крв и солзи, сеедно. Ние цело време, од почетокот на пандемијата, имавме „лабава“ кореографија на „танцот“. И тоа нѐ чинеше (и нѐ чини) многу крв и солзи. Но, се покажа дека таа скапа цена ни овозможи т.н. четврти бран да го искусиме први во регионот – летно-есенскиот бран. Да не ги елаборираме веќе секому познатите причини за тоа (непостоење на бариери на границите во текот на летото, свадбите, журките). Во тоа меѓувреме, сите други околу нас како да беа „уљуљкани“ во едно самозадоволство дека тие имаат успешна кореографија, пред сѐ, заради порано достапните вакцини кај нив. Па, дури и великодушно ги поканија и нашите граѓани да се вакцинираат кај нив. Благодарни сме заради тоа, дефинитивно – објаснува д-р Даниловски во врска четвртиот бран на коронавирусот кај нас.

Вакцините беа дизајнирани за вуханскиот сој на вирусот, а делта е во состојба да ја заобиколи во одредена мера заштитата што ја обезбедуваат

Проф. Д-р Драган Даниловски епидемиолог

Во разговорот за Плусинфо, проф. Даниловски се осврна и на процесот на вакцинација и на имунизација кај нас и зошто заинтересираноста кај населението е значително ниско.

– Времето си врвеше неумоливо. Се покажа дека интересот за вакцинација бил ограничено присутен само кај дел од населението. Повеќе од половината кај нас, но и во Србија, на пример, се покажа дека не ни помислуваат да примат во себе „отров“, „екпериментална вакцина“, дури „чип“… А на невидливиот натрапник тоа му беше доволно – тој непречено го продолжи својот поход. Што резултираше со понатамошно „билдање“ на колективниот имунитет. Кој се потпираше, од една страна, на прележување на болеста и од друга, на вакцинацијата – вели Даниловски.

Професорот додава дека веројатно веќе имаме околу 70 проценти имуно население – повеќе или помалку… зашто се покажа дека имунитетот од вакцините не „држи“ вечно.

Дека антителата со време венеат… И заради што стана јасно дека нема шанси да се постигне колективен имунитет од близу 90 проценти – колкав што е потребен за да се задуши сосема делта сојот. Зошто нема шанси? Затоа што од една страна се регрутираат нови имуни граѓани, но од друга, дел од веќе вакцинираните повторно се заразуваат.

– Зошто? Затоа што вакцините беа дизајнирани за вуханскиот сој на вирусот, а делта е во состојба да ја заобиколи во одредена мера заштитата што ја обезбедуваат. И затоа што, се покажа, антителата од кинеските вакцини ги снемува по три месеци во просек, а кај другите вакцини – по шест месеци. Требаше да спроведеме „блицкриг“ со вакцинацијата – во што пократко време, да вакцинираме голем дел од луѓето. Се покажа дека тоа е невозможна мисија. Оттаму, колективен имунитет за елиминација на вирусот е „мисловна именка“. Но, колку е повисок тој колективен имунитет, толку помалку ќе има заразени-кандидати за хоспитализација – и за смрт – ни објасни професорот.

Според него ние врвот на четвртиот бран го поминавме на 25 август и оттогаш бројките беа во постојан пад, сѐ до 15 септември. Очигледно е дека наставата во живо во училиштата не влијаеше на нарушување на епидемиолошката рамнотежа, освен што бројките продолжија да паѓаат, но со позабавено темпо – сѐ до 12 октомври, кога конечно ефективниот репродукциски број стана повисок од единица. А тоа значеше почеток на експоненцијален раст.

– Тоа подразбира дека наредните денови ќе бидеме сведоци на сѐ поголемо забрзување на растот на бројките. Ќе имаме раст на заразените, но не верувам дека болниците ќе се преполнуваат. Причините дефинитивно се „згуснатите“ социјални контакти во текот на предизборните активности, но и веселбите, дружбите во затворено, заради постуденото време. Во моментов сме сведоци дека мерки практично нема – дури и се релаксирани (!?) – а бројките експоненцијално растат. И ќе растат цела зима, сѐ додека не се воспостави епидемиолошка рамнотежа на т.н. повисоко ниво. За потоа, експоненцијалниот раст да стивне. И од пролет да го имаме вирусот во ендемична форма на постоење. И така сите наредни години би имале сезони на настинки, грип и – ковид! Со тоа што на ковидот ќе му бидат истапени забите… – проценува д-р Даниловски.

Загрижувачки, како што вели професорот, независно од неповолниот развој на епидемиолошката ситуација, дека секому е јасно дека кај нас короната како да е избришана од свеста на населението.

– Не само кај обичните луѓе – особено младите и оние „заколнатите“ негатори на постоењето на вирусот… туку и кај сите политички партии! Јас не видов ни „м“ од мерка во тек на предизборните митинзи, особено не во тек на прославите после првиот круг. Јас не видов во разговори по телевизиите некој да носи маска… – реагира Даниловски за непочитувањето на протоколите за заштита од ковид-19.

Во епидемиологијата, според него се зборува за социолошки (социјален) крај и медицински (епидемиолошки) крај на една пандемија. Тој првиот многу порано настапува од оној вториот. Медицинскиот (епидемиолошкиот) крај сѐ уште е далеку. Евентуално после зимата ќе се сведе постоењето на вирусот на ендемски сој – како грипот. Ама дотогаш?

– Нашите соседи се штотуку на прагот на четвртиот бран. Поинтензивните „стегања“, помасовното вакцинирање… го одложи врвот кај нив. Во Србија попушти одбраната на кинеските вакцини – кои претежно ги користеа. Плус, огромната застапеност на противниците на вакцинирањето, исто така, си го стори своето… Мислам дека нас не може тоа да не засегне. Инаку, не верувам дека влошувањето на епидемиолоката состојба во нашата околина се должи на делта плус сојот. Премногу е рано за тоа. Но, дури кога и би се појавил, освен што се проценува дека е околу 10 проценти позаразен од делта, други последици не би требало да има. И понатаму, основната мерка за заштита останува што помасовната вакцинација  – вели професорот Даниловски.

The post НИ „М“ ОД МЕРКИ ВО КАМПАЊАТА Д-р Даниловски вели дека короната дојде за да остане appeared first on plusinfo.mk.

„Почнува денов, 21 август, 2021 г.

Шести ден од стапување на сила на владините мерки против последниов бран. Мерки кои ги критикував во последниот мој пост на Фејсбук („СТАВ“, 9 август, 2021).

Најмногу „здоболеа“ „мерките“ за несреќната потврда за примена само една доза и четириесет и петте дена за прележаните, како услови за уживање во животот.

И овој пат ќе повторам: Епидемиолошка (и имунолошка) бесмислица! И на сите што умеат логично да размислуваат, јасно им е зошто. Само на колегите во Комисијата за заразни болести и Комитетот за имунизација (како да) не им е … Зошто?

Џабе пишував. Џабе пишуваа и Никола и Нико и Бојан и уште неколкумина други … Кучињата лаат, карванот си врви …

Што се постигна со тие мерки? Ништо особено … Се зголеми донекаде бројот на заинтересирани за вакцинација … за да се втурнат во „живот“ веднаш утредента – со примена прва доза … Ама и оние со примена втора доза, се прашувам, се варделе ли во следните две, односно шест недели, за да им профункционира вакцината!? (Патем, зошто на секој вакциниран граѓанин не му се даде леток, на самото место, со инструкции како да се однесува по примање на дозите?)

Со тоа само се фаворизираше дневниот број на заразени!

И револтот и гневот! Се испокаравме меѓу себе!

И се исподеливме дополнително … А не моравме.

Излегоа луѓе на улица. А не мораа.

Протестираат угостителите. А не мораа.

Зјаат празни дуќани, молови, кафеани … А полни можеа да бидат.

Ретки минувачи по улиците … Спарина тешка …

Еве, (и) јас јавно ги молам колегите од Комисијата за заразни болести и Комитетот за имунизација да одговорат на следниве прашања:

– Како и колку се заштитени тие што примиле само една доза на вакцина – или дури и вакцинираните со две дози, без да се знае колку им се антителата?

– Зарем тие се позаштитени од оние што едвај извлекле жива глава, ама „имале несреќа“ да прележат ковид пред, да речеме, 46 дена?

– Во кои студии е напишано дека имунитетот на прележаните трае токму 45 дена?

– И зошто упорно се инсистира на две дози кај прележаните, кога последните студии недвосмислено покажуваат дека прележаните имаат посилен и подолготраен имунитет од вакцинираните (1) и дека заштитата на еден прележан ковид пациент, вакциниран само со една доза, е посилна, отколку заштитата со две дози кај непрележан?

– Понатаму, зошто упорно не се соопштува колкав е бројот на прележани со повторни инфекции?

– Колкумина прележани има меѓу хоспитализираните и починатите?

– Колкав е бројот на вакцинирани со една и две дози меѓу нив?

– Дали се знае после колку време од примената втора доза се имаат заразено инфицираните, хоспитализираните и починатите (барем приближно, нели).

Зашто, ако не се соопштуваат такви податоци, им се даваат „крилја“ на противниците на вакцините (Аха, ете, вакцините не штитат).

– И уште нешто! Зошто упорно – тие, комисиите – не предложат донесување на протокол за лекување на ковид инфекции и болни? Пак ли ќе се соочуваме со епидемиска форма на ординирање антибиотици за чиста ковид инфекција на сите нивоа на здравствена заштита? Не научивме ли ништо во изминативе година и кусур? Свесни ли сме (сте) дека без протоколи непотребно се зголемува ризикот од неповолни исходи – особено сега, кога Делта освојува сè поголем простор?

Толку ли е тешко да се преведе протокол барем од некоја од соседните земји?

Зошто во врска со горните прашања (пред сè, за протоколите) не излегуваат со став стручните асоцијации … и не само тие? Каде е Македонското лекарско друштво? Каде е Лекарската комора? Каде ми се колегите епидемиолози (секоја чест на колегата Сашо), инфектолози? Немате ништо да кажете?

Можно ли е нас, медицинската фела, да нè зафатила (веќе) општа апатија и индиферентност?

The post СЕ ИСПОКАРАВМЕ И СЕ ИСПОДЕЛИВМЕ, А НЕ МОРАВМЕ Даниловски со 9 прашања до Комисијата за мерките appeared first on plusinfo.mk.

– Тоа нема да биде пред есен, тогаш ќе залади и ќе почнат дружбите на затворено. Не верувам дека ќе има силен бран. За да се намали ризикот за брз продор преку границата, добро е да има бариера, а една од нив е ПСР-тестови на сите што влегуваат, особено на крај на летото – изјави Даниловски.

The post Даниловски: Делта-вирусот ќе дојде наесен appeared first on plusinfo.mk.

Петличковски објасни дека ефикасноста се мери на неколку нивоа, првото е инфективноста на делта варијанта кон прележани или имунизирани лица, второ е тешка болест и трето е исход од болеста. Како што вели, за тешките форми на вирусот и хоспитализација е јасно дека имунитетот во голем дел штити од повторна зараза.

– Немам видено сериозни студии со многу испитаници што ќе пресметаат и ќе укажат колкав процент од заболените навистина имале прележано претходно, но очекувам тој процент да биде многу мал, односно под пет проценти – заклучи Петличковски.

Д-р Драган Данаиловски надоврзувајќи се на прашањето, истакна дека досегашните искуства со делта варијантата во Велика Британија и Израел покажуваат дека 95 проценти од сите заболени се во категорија на невакцинирани или вакцинирани со една доза, а во категоријата на невакцинирани лица се претежно млади лица кои, како што вели, имаат малку отпор кон вакцинирањето и се оставени без заштита.

– Сега целиот свет е всушност во фаза четири, што значи на општата популација се евалуира, мери и идентификува дали ќе се појават одредени несакани ефекти што во третата клиничка фаза не можеле да се појават бидејќи таму биле 30-50 илјади испитаници. Сега се во прашање десетици милиони и стотици милиони население. И вакцинираните со две дози не се дефинитивно сто проценти заштитени во заразување, видовме информација од Уругвај дека стапката на заштита од Фајзер е 78 отсто во стекнување на вирусот, но има 22 проценти ризик да се зарази и со две дози вакцина, процентите се слични и во други земји – објаснува Данаиловски.

Тој напомена дека најважно од се е што сите вакцини нема да дозволат тешки симптоми и умирање од вирусот.

The post Д-р Даниловски: Сите вакцини спречуваат тешки симптоми или смрт од коронавирусот appeared first on plusinfo.mk.