Германскиот тенисер Александер Зверев завршува уште еден Мастерс турнир во полуфиналето. Тој вчера во мечот за пласман во финалето беше надигран од Јаник Синер и загуби со 2:0 и притоа освои пет гема, притоа тоа беше осми последователен пораз од Синер.

– Ако не играте најдобро што можете, едноставно ќе продолжите да губите од Карлос (Алкараз) и Јаник (Синер). Без најдобро издание немате шанса да ги победите – изјави Зверев.

Германецот истакна дека во Мајами бил блиску до победа над Синер, но дека во Монте Карло тоа не било случај.

Финалето на Мастерсот во Монте Карло меѓу Алкараз и Синер почнува во 15 часот.

The post АКО НЕ ИГРАТЕ НАЈДОБРО, НЕМАТЕ ШАНСА СО НИВ! Зверев надигран од Синер, се жали и од Алкараз appeared first on plusinfo.mk.

Победата на Данил Медведев над Карлос Алкараз во полуфиналето на Индијан Велс ја прекина серијата од 16 победи на Шпанецот. Рускиот тенисер славеше со 6-3 и 7-6, резултат што уште еднаш покажа дека борбата за врвот на светскиот тенис станува сè поизедначена.

Медведев во Калифорнија покажа поагресивен пристап од вообичаениот. Наместо дефанзивна игра од основната линија, Русинот презеде иницијатива и го диктираше ритамот на мечот.

Токму оваа тактичка промена се покажа како клучна. Со неа успеа да ги контролира најважните поени и да ја прекине победничката серија на светскиот рекет број еден.

Со оваа победа Медведев се врати во елитното друштво на АТП листата и потврди дека неговата адаптација на различни стилови е силно оружје против младата генерација.

Поразот за Карлос Алкараз е потсетник колку е тежок статусот на најдобар тенисер во светот. Шпанецот претходно изјави дека секој противник игра со максимален интензитет против него.

Тој го спореди ова чувство со притисокот што го чувствувале легенди како Роџер Федерер.

И покрај поразот, Алкараз останува на врвот. Но натпреварите како овој покажуваат дека конкуренцијата постојано го предизвикува.

Следниот голем турнир е Мастерсот во Мајами. Тој ќе се игра во специфични околности по повлекувањето на Новак Ѓоковиќ.

Српскиот тенисер го пропушта турнирот поради физички проблеми. На Индијан Велс се појави со завој на десната рака и се пожали на болки во рамото.

Поради ова ќе загуби 650 ранкинг поени. Неговиот тим очигледно избрал стратегија на внимателен избор на турнири за да се зачува здравјето.

Во меѓувреме Јаник Синер продолжува со одлична форма. Италијанецот со убедлива победа над Александер Зверев се пласираше во финалето на Индијан Велс.

Ова најавува ново ривалство меѓу младите сили во тенисот. Победата на Медведев има и статистичко значење. Медведев ја запиша осмата победа против актуелен светски број еден.

The post БОРБАТА ЗА КРУНАТА ВО ТЕНИСОТ СÈ ПОИЗЕДНАЧЕНА Медведев ја прекина серијата на Алкараз appeared first on plusinfo.mk.

Рускиот тенисер Данил Медведев е победник на турнирот АТП 250 во Бризбејн.

Во денешното финале, 13. светски тенисер го победи Американецот Брендон Накашима, кој е рангиран на 33. место на АТП ранг-листата, со 6:2 и 7:6 (7:1). Мечот траеше 1 час и 35 минути.

Медведев сервираше 10 аса, направи четири двојни грешки и реализираше три од пет брејк-топки. Накашима сервираше три аса и реализираше една од четири брејк-топки.

За 29-годишниот Медведев ова беше 22. АТП трофеј во своето 41. финале.

The post МЕДВЕДЕВ ГО ОСВОИ БРИЗБЕЈН Во финалето го победи Американецот Брендон Накашима appeared first on plusinfo.mk.

Додека повеќето тенисери едвај дишеле на Мастерсот во Шангај, се чини дека рускиот ас Данил Медведев – уживал. Неочекувано, тој признал дека му годат суровите услови, поради кои другите страдаат и дека и тој „страда со нив“, што наводно го прави среќен.

– Многумина страдаат кога е над 33 степени, а јас страдам уште на 28. Но овде сите страдаат, па тоа ме прави еднаков со нив – изјави Данил Медведев, насмеан по победата над Давидович Фокина со 6:3, 7:6.

Но, токму овие зборови се толкуваат како скриено „пецкање“ кон Новак Ѓоковиќ, кој прв јавно се пожали на екстремната влажност во Шангај. Српскиот шампион нагласи дека му е тешко да се справи со топлото време, кое го нарече „брутално“, велејќи дека „влажноста надминува 80% секој ден. Многу ми е потешко отколку пред неколку години“.

Реакцијата на пецкањето на Медведев не изостана, дури и сопругата на Новак Ѓоковиќ, Јелена, веднаш се насмеала на оваа негова изјава.

“I suffer at many tournaments, but here everyone suffers .. I’m happy about it.”

Daniil Medvedev offering a unique perspective in Shanghai pic.twitter.com/FlO5sB5Kh9

— Tennis Channel (@TennisChannel) October 6, 2025

Објавувајќи коментар со иконка што се смее од срце, Јелена индиректно ставила до знаење дека ја сфаќа провокацијата со доза на хумор.

Без зборови, но доволно јасно, нејзиниот коментар е оставен под видеото на Тенис Ченел, каде Медведев „со насмевка“ објаснува зошто му годи што сите страдаат од вжештеноста. Таа реакција веднаш добила десетици лајкови, а и другите коментатори го поддржале хуморот на Русинот, нарекувајќи го „легендарен“ и „премногу забавен“.

Новак Ѓоковиќ вчера се пласираше во осминафиналето на Мастерсот во Шангај. Тој го победи Германецот Јаник Ханфман во три сета со резултат 2:1, односно 4:6, 7:5, 6:3.

Ѓоковиќ имаше неколку изливи на бес. Тој гласно и насилно проколна во еден момент, па му рече на коментаторот:

– Ако не си слушнал, дали би сакал да ти го повторам? Можеби би сакал, но не ми е дозволено.

Интересно, додека Новак се борел на теренот, неговата сопруга Јелена била забележана на модна ревија на „Лакост“ во Париз. Облечена во брендот што Новак го носи со години, таа привлекла внимание со својот изглед.

Денеска Ѓоковиќ ќе се обиде да стигне до четвртфиналето против Хаумеа Мунара, кое  е закажано за 12:30 часот.

The post ДАНИЛ МЕДВЕДЕВ ГО „ПЕЦНА“ ЃОКОВИЌ, ЈЕЛЕНА РЕАГИРАШЕ Кој страда од бруталната влага во Шангај? appeared first on plusinfo.mk.

Ретко се случува турнири од ваков голем карактер да поминат без изненадувања, а Ролан Гарос покажува во првото коло дека фаворитите воопшто не се сигурни.

Рускиот тенисер Данил Медведев претрпе пораз од Британецот Камерон Нори по пет сета (7:5, 6:3, 4:6, 1:6, 7:5). Од друга страна, несреќа го снајде Григор Димитров, кој мораше да го пропушти својот четврти последователен Гренд слем натпревар.

Поранешниот број еден ќе се обиде што побрзо да го заборави овој пораз, кој речиси го сврте во своја корист. Имено, тој успеа да надомести два сета заостанување, само за да го потроши целиот свој труд во решавачкиот сет. Ова е пораз против 81-от рангиран тенисер на АТП ранг-листата, кој по речиси четири часа игра го забележа еден од најголемите триумфи во кариерата и се пласираше во второто коло каде што ќе се соочи со Аргентинецот Федерико Гомез.

Заедно со Медведев, учеството во првото коло го заврши и бугарскиот тенисер Григор Димитров. Неговиот пораз е далеку поболен од оној на Русинот, бидејќи мораше да го предаде мечот на Итан Квин поради повреда на бутот. Уште поголемо жалење доаѓа од фактот што ова е четвртиот Гренд слем по ред на кој мораше да го направи ова, а „солта на раната“ доаѓа во форма на водството што 17-тиот рекет во светот го имаше во неговите раце.

Димитров ги освои првите два сета за само 75 минути тенис, земајќи медицински тајм-аути по двата. Сепак, тоа не беше од голема помош бидејќи третиот играч загуби убедливо, а потоа сфати дека не може да го продолжи овој натпревар. Американецот во следнот коло ќе игра против Казахстанецот Александар Шевченко.

The post МЕДВЕДЕВ ИСПАДНА ВО ПРВОТО КОЛО НА РОЛАН ГАРОС Турнирот заврши и за Григор Димитров кој замина со болка во бутот appeared first on plusinfo.mk.

Медведев имаше предност во вториот сет, сè одеше по планот на рускиот тенисер и покрај тоа што не можеше да се контролира. За волја на вистината, Русинот имаше причина да се лути бидејќи линискиот судија му додели два поени на Гаел Монфис по очигледен аут.

Незадоволен од судењето, Медведев влезе во вербална расправија со главниот судија Мохамед Лајани, а потоа бесот го истури на чадорот над неговото столче.

Medvedev not happy with the umpire in Monte Carlo

Lahyani: “I saw it catching the back.”

*Daniil smacks umbrella*

Daniil: “How can you apologize? I lost the freaking game. You guys are getting ridiculous. With Hawk Eye live you don’t see anything”

pic.twitter.com/9xIeiPvtSL

— The Tennis Letter (@TheTennisLetter) April 10, 2024

– Аут е, аут е! Како можеш да зборуваш за извинување? Загубив гем. Луѓе, ова станува смешно. Имате помош од  „око соколово“ и сè уште не гледате вакви работи, смешно е – извика видно незадоволниот Данил Медведев.
По две судиски грешки, Монфис успеа да дојде до брејк и да поведе со 4:1. Лајани му се извини на Медведев, но тоа не даде резултат. Сепак, за рускиот тенисер е добро што својот гнев успеа да го преточи во добри потези на теренот, бидејќи врза пет гема и на крај славеше победа со која се пласира во следната фаза на Мастерсот во Монте Карло.

На крајот од мечот, русинот се смири и со судијата, му подаде рака и страстите се смирија.

The post 📽 МЕДВЕДЕВ НАПРАВИ ХАОС ВО МОНТЕ КАРЛО Русинот беснееше и се расправаше со судијата appeared first on plusinfo.mk.

Германскиот тенисер Зверев поведе со 2:0 во сетови, но Медведев за чудо се врати и на крајот комплетно го сврте мечот и победи со 3:2. Во третиот и четвртиот сет ги освои тај-брејковите со блескава игра.

El resumen del primer set entre Medvedev y Zverev.
51 golpes para uno de los puntos del torneo.

#AusOpen | #AusOpenEurosport pic.twitter.com/gaSkIh0I1r

— Eurosport.es (@Eurosport_ES) January 26, 2024

Русниот се избори за нова шанса да стигне до титулата во Млебурн, откако остана со празни раце во мечот за трофејот во 2021 година против Ѓоковиќ и во 2022 година против Шпанецот Рафаел Надал, кога на Ѓоковиќ не му беше дозволено да учествува.

На патот до големото финале, Медведев ги победи Полјакот Хуберт Хуркач и во четвртфиналето Финецот Емил Русувори во пет сета, кој исто како и Зверев во второто коло поведе со 2:0 во сетови.

Неговиот противник во финалето, Јаник Синер, кој е рангиран на четвртото место, најголемиот успех досега го има забележано во 2022 година кога стигна до четвртфиналето во Мелбурн.

Финалето на Австралија Опен меѓу Синер и Медведев  е во недела во 9:30 часот по средноевропско време.

The post ПОЗНАТИ ФИНАЛИСТИТЕ НА АВСТРАЛИЈА ОПЕН Медведев го доби маратонот против Зверев appeared first on plusinfo.mk.

На нив лани им беше забрането да дојдат во Лондон поради руската инвазија врз Украина, а и покрај тоа што војната сè уште трае, дел од британските весници пишуваат дека забраната би можела да биде укината.

Вимблдон годинава ќе се одржи од 3 до 16 јули.

Според медиумите, руските и белоруските тенисери ќе настапат на Вимблдон под неутрални обележја, а веднаш ќе бидат санкционирани доколку на каков и да е начин покажат дека ја поддржуваат руската агресија врз Украина.

– Секогаш ќе ја почитувам одлуката на Вимблдон каква и да е. Ја почитував и лани и сметав дека е во ред. Тенисот е моја работа и секако дека би сакал да настапам на лондонската трева, но доколку не е судено ќе го прифатам тоа без најмала забелешка – изјави шесторангираниот тенисер на АТП листата, Русинот Данил Медведев.

The post САНКЦИИТЕ ПОЛЕКА ИЗБЛЕДУВААТ Руските тенисери се враќаат на Вимблдон appeared first on plusinfo.mk.

Хуркач до титулата дојде со фантастичен тенис и комплетно го надигра најдобриот светски тенисер.

Полскиот тенисер во финалето дојде до победата за 63 минути игра и ја освои петтата титула во кариерата, играјќи го своето петто АТП финале.

За Русинот Медведев ова беше 25 финале во кариерата и 12 пораз.

The post ХУРКАЧ НАЈДОБАР ВО ХАЛЕ Во финалето совладан светскиот рекет број 1 appeared first on plusinfo.mk.

Рускиот тенисер Данил Медведев се искачи на првото место на најновата АТП ранг-листа.

Дваесет и шестгодишникот Медведев го престигна Србинот Новак Ѓоковиќ, кој падна на третото место. Втор е Германецот Александар Зверев.

Топ 10 тенисери во светот на ранг-листата на АТП: 1. Данил Медведев (Русија) – 7 950 поени, 2. Александар Зверев (Германија) – 7 075, 3. Новак Ѓоковиќ (Србија) – 6 770, 4. Рафаел Надал (Шпанија) – 6 525, 5. Каспер Руд (Норвешка) – 5 050, 6. Стефанос Циципас (Грција) – 4 945, 7. Карлос Алкарас (Шпанија) – 4 893, 8. Андреј Рубљов (Русија) – 4 125, 9. Феликс Оже-Алиасиме (Канада) – 3 895. 10. Матео Беретини (Италија) – 3 570.

The post МЕДВЕДЕВ Е СВЕТСКИ РЕКЕТ БРОЈ 1 Ѓоковиќ падна на третата позиција appeared first on plusinfo.mk.