Фотографиите од неговата прељуба го обиколија светот во 1996 година. Италијанските таблоиди ги објавија на своите насловни страници во тоа време, а медиумската помпа беше огромна: Даниел Дукруе, поранешниот сопруг на принцезата Стефани од Монако, беше снимен како страсно се бакнува покрај базенот со белгиската стриптизета Фили Хоутмен, која сега има 53 години.

Речиси три децении подоцна, тој повторно проговори – во италијанската емисија „La Volta Buona“ и упати сериозни обвинувања: тврди дека бил жртва на „сексуална стапица со дрога“.

Во тоа време, Стефани и Даниел беа во брак само една година, а нивните деца Луис и Полин имаа три и две години.

Дукруе за италијанската државна телевизија РАИ изјави: Бев жртва на стапица! Сè започна кога ѝ помагав на девојката на еден пријател која минуваше низ раскинување. Кога пристигнавме, таа и нејзината пријателка беа таму. Ни понудија вино, но имаше нешто во виното. Веќе имаше папарацо во близина, подготвен да преземе акција. Сите го знаат остатокот од приказната.

Фотографиите што наскоро протекоа во италијанските весници јасно покажуваат интимен момент помеѓу Дукруе и стриптизетата. Дукруе се врати дома и веднаш ѝ призна на сопругата Стефани дека ја изневерил.

– Таа почна да плаче, но во тоа време не зборувавме за развод. Тоа не беше тема на денот – се присети тој сега.

Сепак, таа вечер добил и заканувачки анонимен повик

– Ми рекоа: „Премногу се забавуваше. Сега си мртов.

Во паника, тој ги контактирал уредниците на италијанскиот весник и се обидел да го спречи објавувањето на скандалозните фотографии – дури и нудејќи пари. Но, било предоцна. Три дена подоцна, сликите се појавија на насловните страници. Скандалот го обиколи светот, а неговиот брак со принцезата Стефани набрзо заврши со развод.

Денес, речиси 30 години подоцна, Дукруе вели дека не сакал никого да именува.

 

View this post on Instagram

 

A post shared by La Volta Buona Rai (@voltabuonarai)

– Важно ми е моите деца да знаат дека бев жртва, а не само човек кој ја изневерил својата сопруга и избегал. Не можев само да ја кажам мојата верзија – сакав да знаат како сето тоа навистина се случило – пренесува германски Билд.

И покрај нивното бурно минато, Стефани и Даниел денес одржуваат пријателски однос. Заедно со сопругата на Дукруе, Кели Мари Лансиен и нивната ќерка Линуе (13), тие формираат големо проширено семејство.

Последен пат се појавија заедно во јавноста во 2020 година на Неделата на модата во Париз – принцезата Стефани, нивните деца Полин и Луис, Даниел и неговата сегашна сопруга Кели Мари Лансиен седеа во задниот ред, додека нивната ќерка Линуе седеше во првиот ред, објавува Билд.

Патем, во 2000 година, белгиската стриптизета, папарацо и асистентка беа осудени за „повреда на приватноста“ и мораа да му платат на Дукруе 75.000 швајцарски франци (околу 80.000 евра) отштета, заедно со условни казни од шест до дванаесет месеци затвор.

The post 🎥 АФЕРА СО СТРИПТИЗЕТА МУ ГО УНИШТИ БРАКОТ СО ПРИНЦЕЗАТА Проговори за скандалот по 30 години: „Бев жртва…“ appeared first on plusinfo.mk.