Преку усвоениот Ребаланс на Буџетот, на денешната седница на Советот на Град Скопје биле обезбедени 50 милиони денари за изградба на нова противпожарна станица за потребите на Бригадата за противпожарна заштита на Град Скопје.

Новата станица, како што информираат од прес-службата на Град Скопје, ќе биде лоцирана во Општина Аеродром, во близина на Центарот за јавно здравје, и претставува значајна инвестиција во безбедноста на граѓаните и унапредувањето на условите за работа на скопските пожарникари.

Со реализацијата на овој проект, како што се наведува во соопштението, ќе се овозможи подобра организација на противпожарните служби, побрза реакција при интервенции, поефикасно спасување човечки животи и зголемена заштита од пожари и други вонредни ситуации во урбаните и приградските подрачја на градот.

„Пожарникарите секојдневно се соочуваат со сериозни ризици во извршувањето на своите задачи и затоа заслужуваат современи услови за работа, модерна опрема и соодветна инфраструктура. Изградбата на новата станица е конкретен чекор кон целосна модернизација на Противпожарната бригада на Град Скопје и создавање систем кој ќе биде подготвен, брз и ефикасен кога тоа е најпотребно“, посочуваат од Град Скопје.

Градот Скопје изразува благодарност до сите советници кои го поддржале овој проект и придонеле за неговата реализација.

„Станува збор за инвестиција од трајно значење која директно ќе придонесе за поголема безбедност и подобар квалитет на живот на сите граѓани. Град Скопје продолжува посветено да работи на реализација на проектите кои носат конкретни резултати и придобивки за градот и неговите жители“, се вели во соопштението на Град Скопје.

The post ЌЕ СЕ ГРАДИ НОВА БАЗА ЗА СКОПСКИТЕ ПОЖАРНИКАРИ ВО АЕРОДРОМ Градот обезбеди 50 милиони денари од буџетот appeared first on plusinfo.mk.

Приватните автобуски и такси превозници од Скопје предупредуваат дека најавеното зголемување на минималната плата за 200 евра може сериозно да го загрози нивното работење, доколку државата не обезбеди соодветни субвенции. Во спротивно, велат тие, дел од фирмите ќе работат со загуби, а дел ќе бидат принудени целосно да ги раскинат договорите.

Од Синдикатот на приватни автобуски превозници на град Скопје посочуваат дека барањето на Сојузот на синдикатите на Македонија за зголемување на минималната плата за околу 50 проценти е неизводливо за микро-компаниите кои работат во јавниот превоз.

– Ние сме мали фирми со еден до двајца вработени и веќе подолго време се соочуваме со финансиски проблеми. Во минатото имавме сериозни доцнења во исплатите од Град Скопје, особено за време на мандатот на градоначалничката Данела Арсовска, со која и денес имаме активен судски спор поради неисплатени обврски – изјави за МИА Кемал Муриќ, претседател на Синдикатот.

Тој нагласува дека дел од превозниците биле принудени да земаат кредити за да можат да продолжат со работа и да ги исполнат обврските кон граѓаните.

– Ако минималната плата се зголеми за 50 проценти, ќе дојдеме во ситуација во која нема да можеме да возиме. Работењето ќе биде сведено на минимум или со загуби, што ќе нè принуди да ги откажеме договорите – предупредува Муриќ.

Според него, ваквиот развој на настаните би имал директни последици и за граѓаните.

– Или ќе се зголеми цената на автобуската карта, или јавниот превоз ќе остане без дел од превозниците. Во двата случаи, последиците ќе ги почувствуваат и граѓаните и стотици семејства кои живеат од овој сектор – додава тој.

Муриќ потсетува дека во многу европски држави јавниот превоз се субвенционира од државата, бидејќи без поддршка е нерентабилен.

– Апсолутно размислуваме и делуваме во насока на обезбедување државни субвенции. Само така може да се најде одржливо решение – вели тој, посочувајќи дека синдикатот застапува околу 200 приватни превозници.

Сличен став имаат и од Синдикатот на автотакси превозници на град Скопје, од каде што истакнуваат дека зголемувањето на платите без државна поддршка ќе доведе до поскапување на такси услугите.

– Нашите членови самите си ги плаќаат платите и придонесите. Со секое зголемување на платата, растат и давачките, а тоа директно ја намалува заработката – изјави за МИА Ѓорѓи Мариновски, претседател на Синдикатот на такси превозници.

Тој предупредува дека зголемувањето на цените ќе значи и помал број патници.

– Едвај ги покриваме и сегашните придонеси. Ако се зголеми минималната плата без поддршка, целиот товар ќе падне врз таксистите – вели Мариновски.

Како можно решение, тој предлага државата да го покрие разликата.

– Ако државата обезбеди субвенција од околу 3.000 денари по вработен, тогаш ова зголемување би било издржливо. Во спротивно, секторот ќе биде сериозно погоден – додава Мариновски, чиј синдикат обединува 18 компании со околу 1.500 членови.

The post ПРЕВОЗНИЦИТЕ АЛАРМИРААТ Зголемување на минималната плата може да го стопира јавниот превоз во Скопје appeared first on plusinfo.mk.

Колку поблиску до правдата, толку повеќе Данела Арсовска ќе е бучна и нервозна, соопшти ВМРО-ДПМНЕ.

„Ѝ посакуваме да се надмине себеси и да ги победи своите стравови и болки. Борбата со таквите демони не е лесна, и ѝ посакуваме среќа. Исто како и со соочувањето со правдата за хаосот што го остави зад себе, кој е неодминлив процес“, порача ВМРО-ДПМНЕ.

Видовме дека подобро и поинакво Скопје може да функционира, се додава во соопштението.

„Сите надлежни институции мора да се посветат на цунамито кое го остави Данела Арсовска“, се вели во соопштението на ВМРО-ДПМНЕ.

Арсовска, поранешната градоначалничка на Скопје, во статус на Фејсбук, во нервозен тон го повика новиот скопски градоначалник Орце Ѓорѓиевски на телевизиска дебата во врска со наодите што ги изнесува Ѓорѓиевски за криминал и неправилности во јавните претпријатија со кои раководеа кадри што го поставуваше Арсовска.

ОЧЕКУВАВ 200, НО ДОЛГОТ Е НАД 300 МИЛИОНИ ЕВРА Ѓорѓиевски ја откри задолженоста на скопските претпријатија, отпуштени 500 лица

The post ДАНЕЛА Е БУЧНА И НЕРВОЗНА ЗАШТО ПРАВДАТА СЕ БЛИЖИ Среќа ѝ посакуваме по хаосот во кој го остави Скопје, порача ВМРО-ДПМНЕ appeared first on plusinfo.mk.

Со букет во рака, денеска новиозбраниот градоначаник на Скопје Орце Ѓеоргиевски ја презеде официјално должноста од својата претходничка Данела Арсовска. По протоколарниот разговор, кој траел помалку од еден час, новиот градоначаник даде изјава во која најави дека уште вечерва во 20:30 часот, почнува акција за темелно чистење на градот.

– Појдовната точка ќе ни биде паркингот пред спортската сала Борис Трајковски. Во следните 72 часа ќе дадеме сè од себе да блесне градот, онака како што ветив. Во следните 72 часа ќе го исчистиме секој агол, секоја улица, секој запуштен простор. Скопјани повеќе нема да живеат во запуштеност ќе живеат во град достоен за нив – рече Ѓорѓиевски.

Тој најави дека во чистењето ќе биде вклучена механизација на „Комунална хигиена“, но и камиони од другите градови. Покрај чистењето, ќе се мијат и улиците, но и кејот и на плоштадот „Македонија“.

За наредните денови тој најави средба со приватните превозници, за да се вклучат уште 60 автобуси во јавниот превоз.

Како приоритетни проекти ги најави тие кај клучката Момин Поток, проширување на улицата „Борис Трајковски“ во булевар и доградба на мостовите во Карпош 4 и во Аеродром, проекти што се почнати во времето на ексградоначалникот Петре Шилегов, а во мандатот на Арсовска не беа довршени.

Новиот градоначалник рече дека ќе следи ревизија за работењето на сите јавни претпријатија, како и за Градот Скопје.

Во својата објава на Фејсбук Ѓорѓиевски рече дека „од овој ден испишуваме ново поглавје во историјата на нашиот град“.

Тој информира дека се отстранети рампите од влезот во кругот на локалната администрација, „Скопје повеќе нема да биде затворен град, сега е отворен и за медиумите и за сите граѓани!

The post ОД ДЕНЕСКА СКОПЈЕ Е СЛОБОДЕН, ОТВОРЕН И ДОСТАПЕН ЗА СИТЕ! Орце со цвеќе ја презеде функцијата од Данела appeared first on plusinfo.mk.

Основниот кривичен суд Скопје денеска му изрече условна казна затвор од две години на Реџеп Нуредини, кој во јуни ја нападна градоначалничката на Град Скопје, Данела Арсовска, во населбата Чаир. Казната нема да се реализира доколку во наредните пет години не стори ново кривично дело.

Судот ја донесе оваа одлука врз основа на признание на вина од страна на обвинетиот, кој во текот на судската постапка изразил искрено каење и се извинил за своето однесување.

Бранителот на Нуредини, адвокатот Насер Рауфи, по завршувањето на рочиштето изјави дека ваквата пресуда е резултат на соработката на обвинетиот со судот.

– Обвинетиот Реџеп Нуредини денеска покажа искрено каење за стореното и за грубото однесување кон оштетената. Градоначалничката покажа доблест и не се приклучи кон кривичниот прогон, ниту најави имотно-правно побарување. Тоа помогна да се изрече максимално алтернативна казна – изјави Рауфи, додавајќи дека Нуредини ветил дека ќе се воздржи од вакви испади во иднина.

Одбраната посочи дека обвинетиот придонел за ефикасно завршување на постапката, поради што судот го прифатил предлогот за условна казна и пробациски надзор.

Градоначалничката Данела Арсовска, пак, по излегувањето од судницата беше видно вознемирена и не даде изјава за медиумите.

Според обвинението, Нуредини се товари за кривично дело „насилство“ од член 386 став 1 од Кривичниот законик. Настанот се случил на 11 јули годинава, околу 11:30 часот, на улица Севастополска во Чаир, кога обвинетиот ја навредувал и ѝ се заканувал на градоначалничката за време на увид на дивоградба, со што предизвикал чувство на страв и несигурност во јавноста.

The post УСЛОВНА КАЗНА ЗА НАПАЃАЧОТ НА ДАНЕЛА Арсовска не побара отштета, Нуредини вети дека ќе се поправи appeared first on plusinfo.mk.

Градоначалничката на Скопје Данела Арсовска за нов директор на Комунална хигиена Скопје го иманува Александар Јовановски, досегашен инспектор во Секторот за инспекторат, а претходно искуство имал и во Секторот за локален економски развој, соопшти администрацијата на Град Скопје.

„Александар има повеќегодишно искуство во приватниот сектор во трговија како раководител на организациска единица, а со работен ангажман во Здружение за заштита и унапредување на животната средина работел на реализација на еколошки и општествено одговорни проекти.

Јовановски има високо образование за менаџмент на Универзитетот „Гоце Делчев” во Штип, и стекнат меѓународен сертификат за Институционални пристапи за заштита на животната средина.

Со своето образование, професионално искуство и ангажман во јавниот и приватниот сектор, Јовановски ќе придонесе во КХС Скопје за унапредување на стандардите на јавното претпријатие, модернизација на системите за управување со отпад и одржување на чиста, здрава и еколошки одговорна животна средина во Скопје“ – се вели во соопштението на Град Скопје.

АРСОВСКА ИТНО ДА НАЗНАЧИ НОВ ДИРЕКТОР НА „КОМУНАЛНА ХИГИЕНА“! Управниот одбор ја потсети дека само таа има такви ингеренции

The post КОМУНАЛНА ХИГИЕНА ДОБИ НОВ ДИРЕКТОР Александар Јовановски досега беше градски инспектор appeared first on plusinfo.mk.

Управниот одбор на ЈП „Комунална хигиена“ ја повика градоначалничката Данела Арсовска итно да назначи нов в.д. директор на претпријатието и дека ако не го стори тоа во најкус можен рок одговорноста за алармантната состојба со одржувањето на хигиената во Скопје ќе биде исклучиво нејзина.

Управниот одбор на ЈП „Комунална хигиена“ ѝ пиша итна ургенција на Арсовска во која наведува дека само таа има ингеренции и надлежности да назначи нов директор на претпријатието.

Оттаму ја потсетуваат Арсовска дека во изминатите 4 години назначила 5 и разрешила 4 директори.

Управниот одбор ја информира Арсовска дека при крај се резервите за нафта за возилата на Комунална хигиена кои го собираат отпадот и дека нафтата не може да се набави без потпис од в.д. директор.

The post АРСОВСКА ИТНО ДА НАЗНАЧИ НОВ ДИРЕКТОР НА „КОМУНАЛНА ХИГИЕНА“! Управниот одбор ја потсети дека само таа има такви ингеренции appeared first on plusinfo.mk.

Советничката група на ВМРО-ДПМНЕ и Коалицијата одговорно тврди дека сите одлуки предложени од страна на Данела Арсовска до Советот на Град Скопје поврзани со „Комунална хигиена“ се прифатени и изгласани од страна на советниците на ВМРО-ДПМНЕ, соопшти партијата.

„Апелираме да каже која одлука врзана со тековното работење на „Комунална хигиена“ не е изгласана од советниците? Тезата на Арсовска дека овој проблем е намерно создаден е површна, неточна и нелогична: зошто ВМРО-ДПМНЕ во сред изборна кампања би го оставило Скопје во ѓубре, ако се знае дека товарот и негативата ќе одат на сметка на ВМРО-ДПМНЕ?“, реагира партијата.

Арсовска треба да одговори зошто не се собира ѓубре? Што се прави со парите кои граѓаните уредно ги плаќаат, прашува ВМРО-ДПМНЕ.

„Апелираме да се испита и кривичната одговорност на надлежните за ваквиот хаос од кој страдаат скопјани. Ова го прави некој што сака да наштети на ВМРО-ДПМНЕ во изборна кампања, а тоа е тајната коалиција која ја поддржуваше Арсовска и ја раководеше 4 години. Ќе дојде крајот на ова и ќе има одговорност“, соопшти ВМРО-ДПМНЕ.

The post АРСОВСКА, КАДЕ СЕ ПАРИТЕ, ЗОШТО НЕ СЕ СОБИРА ЃУБРЕТО? Да се испита кривичната одговорност за хаосот во Скопје, бараат советниците од ВМРО-ДПМНЕ appeared first on plusinfo.mk.

Во првите 72 часа ќе направам генералка на цело Скопје, рече вечерва кандидатот на ВМРО-ДПМНЕ  за градоначалник на Скопје, Орце Ѓорѓиевски.

– Проблемот со сметот не е само од денес и не е од изминатата недела, ние имаме хроничен проблем неколку години наназад, со кој се соочуваме како скопски градоначалници, земајќи во предвид дека на многумина не им се јасни ингеренциите и постојано го вперуваат прстот. Граѓаните на крајот од денот и не ги интересира, тие уредно си плаќаат, но, го вперуваат често пати прстот во нас како локални градоначалници во која било од скопските општини. Ние во неколку наврати во минатото делувавме самите, дури во неколку од тие случаи и бевме казнувани, но подоцна се покажа дека се неиздржани казните, паѓаа пред да дојде ред општината да плаќа евентуална глоба – рече Ѓорѓиевски во гостување на телевизија Сител.

Во тој контекст, додаде тој, изминатиот период од неколку дена е најалармантен, во предизборието, кога се случува „Комунална хигиена“ да не постапува или делумно да постапува.

– Дополнителен проблем што е констатиран од сите скопски градоначалници е дека на многу од микролокациите, на места каде имало 3-4 контејнери во моментот има по 1 контејнер. Ќе треба да утврдиме дали некој свесно или намерно го направил тоа – рече Ѓорѓиевски.

Ние дејствуваме, додаде тој, почнавме уште пред некој ден. снаоѓајќи се самите.

– Треба да земеме во предвид дека ние немаме механизација соодветна за празнење на контејнерите, но алтернативно делуваме. Ни помагаат општествено одговорни компании за барем оние минидепонии околу контејнерите да ги исчистиме. Ќе мора да делуваме брзо. Секаде каде што градоначалникот во скопските општини нема да може сам заедно со општествено одговорни компании да одговори на предизвикот, се договоривме да се вклучи некоја од соседните општини. Ќе побараме помош – истакна Ѓорѓиевски.

Ѓорѓиевски кажа дека одговорноста за сметот во Скопје е кај менаџментот и има име и презиме, во случајот тоа е Данела Арсовска.

– Не треба оној кој е создавач на кризите и тој којшто треба да ги најде решенијата постојано да го вперува прстот сите да бидат виновни, освен тој. Одговорноста има име и презиме, односно тој којшто е менаџер на главниот град, во случајот Арсовска. Се знае каде е командната одговорност. Дали е директор на „Комунална хигиена“, дали Управниот одбор, колективна вина има таму кај сите и сите треба да си одговараат за непостапување соодветно. Јас немам детали за тоа што се случува внатре – истакна Ѓорѓиевски.

Ѓорѓиевски посочи дека стои позади секое ветување и сè што ветил ќе биде реализирано во рок.

– На Скопје му треба генералка и тоа не е квантна физика, тука треба добро да се организираме. Но, главната организација треба да е во „Комунална хигиена“ кое ги има сите ресурси за коишто граѓаните плаќаат – рече Ѓорѓиевски.

Ѓорѓиевски истакна дека тоа што во Советот на Град Скопје ќе има мнозинство истовремено значи и дека има огромна одговорност.

– Важно е мнозинството, важно е што граѓаните имаат сериозни очекувања од нас, одговорноста е уште поголема и тука нема да има изговор. Јас сум човек којшто никогаш позади никого нема да се крие и тоа го покажав изминатите 4 години. Во Советот освен нашето цврсто мнозинство има партиципиенти од други партии, на сите ќе им биде подадена рака. Потребно е јавно и транспарентно, одговорно да работите во интерес на граѓаните – потенцира Ѓорѓиевски.

Ѓорѓиевски истакна дел од проектите кои се приоритетни како изградбата на подземна сообраќајница во Скопје.

– За мене најсериозен предизвик, освен да ги завршам оние 4 проекти – Љубљанска, Михајло Апостолски мостот, булеварот Борис Трајковски и клучката кај Момин Поток кои мораме да ги завршиме, фокус ми е сообраќајницата подземна Лимак. Градот треба да ги доврши трите кружни тека, два спрема Кисела Вода на граница со Центар и едниот кај „Нова Македонија“ и тоа ќе биде првиот предизвик кој ќе го реализираме. Тоа ќе биде првата подземна сообраќајница во Македонија – нагласи Ѓорѓиевски.

Ѓорѓиевски кажа дека очекува поддршка од сите скопјани. Додаде и дека добил поддршка од коалициските партнери во Владата, Вреди и ЗНАМ.

The post ОДГОВОРНОСТА ЗА ЃУБРЕТО Е НА ДАНЕЛА АРСОВСКА Виновно е и раководството на „Комунална хигиена“ и сите треба да одговараат, вели Ѓорѓиевски appeared first on plusinfo.mk.

Додека Данела Арсовска се прави инфлуенсерка и троши време на театар, јавните претпријатија во Град Скопје штрајкуваат, вработените немаат плати, а Скопје е пред колапс – оцени ВМРО-ДПМНЕ во соопштение.

„Со длабоко разбирање за состојбата во која се наоѓа и за предизвиците од лична природа на кои е изложена, нема да ја коментираме Данела Арсовска. Ѝ посакуваме добро здравје и брзо опоравување. Јасно нѝ е, а и сите експерти кои ги консултиравме, тоа ни го потврдија дека ова нејзино однесување е надвор од нејзината волја и е посилно од нејзе.

Се надеваме дека ќе се избори со работите кои ја оптоваруваат, и иако ова однесување не доликува на дама, овие зборови, пцовки и изливи на емоции не се нормални, ги повикуваме сепак граѓаните да не ја судат за ова.

Нејзиното неработење и грешки како градоначалник се едно, а ваквите изблици на емоции и отскокнување од нормалното и пристојното се сосема друга работа, за што се надеваме дека ќе успее да го надмине ова и да се стабилизира. Мандатот, за среќа на сите, а и нејзина, ѝ завршува.

Очигледно и беше преголем товар и не се снајде, правњјќи грешки, неработејки и создавајки тензии и соработка со најголемите бандити и криминалци од ДУИ, за кои се зборува дека имаат удел во она што таа денес го претставува како личност.

Ние направивме грешка во проценката за неа, водени од најдобри намери, и за доброто на Скопје, за што жалиме и извлекуваме поука, но ваква грешка нема да се повтори и Скопје го чекаат многу проекти, многу работа и многу заеднички успеси на кои ќе се гордеат скопјани и сите ние. А ова време изгубено да биде поука за сите нас, од која мора да научиме.

Исто така сакаме да напоменеме дека по нејзиниот мандат во град Скопје ќе има детална ревизија на работењето со која ќе види јавноста, а и институциите кои се вистинските причини за некои работи, настани и нечие однесување“ – се вели во соопштението од Центарот за комуникации на ВМРО-ДПМНЕ.

The post ГРАДОТ Е ВО КОЛАПС, А ДАНЕЛА СЕ ПРАВИ ИНФЛУЕНСЕРКА Ќе следи детална ревизија на нејзината работа, ѝ порача ВМРО-ДПМНЕ appeared first on plusinfo.mk.