Енергичен и впечатлив настап на Охридско лето имаше еден од најдобрите гитаристи на македонската, но и на светската сцена, Дамјан Пејчиноски, кој вчеравечер беше дел од фестивалската програма заедно со неговиот квинтет, Дејан Милосављевиќ на ударни инструменти, перкусионистот Зоран Јасгоридовски, Горан Гешовски на бас-гитара и пијанистот Трајче Станков.

Програмата со којашто настапија и ѝ приредија на публиката прекрасна вечер содржеше авторски композиции на Пејчиноски, џез  теми, како и македонски етно композиции.

– Чувствувам огромна одговорност со мојот настап, со оглед на тоа дека станува збор за престижен фестивал низ чија долгогодишна историја продефилирале фантастични уметници, фестивал кој носи еден посебен дух, една огромна уметничка вредност – вели Пејчиноски.

Младиот гитарист Пејчиноски свири електрична и акустична гитара и специјализира повеќе музички стилови вклучувајќи џипси-џез, џез-фјужн, блуз, рок, кантри, традиционална македонска музика и слично.

Тој е спознориран од компанијата за гитари „Страндберг“ и е истовремено дел од уметниците кои ја претставуваат оваа компанија.  Ќе ја има честа да го промовира и најновиот модел на гитари што го изработува „Страндберг“. Ова е доказ дека неговото име е прочуено и во светски рамки.

– Компанијата „Страндберг“ ќе вади нов модел на гитара и особено имам чест што од сите нивни уметници ме избраа мене да ја промовирам новата гитара. Што се однесува до интернационалните настапи, тие не се толку чести, но ете, успевам нешто да договорам сам, нешто преку компанијата „Страндберг“ која е мој спонзор. Инаку сум задоволен, изминатиот период ми беше мошне активен. Во мај имав учество на фестивал во Португалија, а потоа и во Велика Британија. Да, би сакал мојата кариера да е светска. Посакувам да имам и менаџер којшто ќе ми договара настапи низ светот. Јас можеби сум скромен но реален во ова што го кажувам, и сепак, сум свесен за својата музичка вредност и знам дека треба повеќе да работам на маркетинг за да ги добијам големите светски сцени – вели Пејчиноски.

Тој почнал да свири гитара на шестгодишна возраст, но вистински интерес покажал на 14-годишна возраст. По завршувањето на основното училиште и гимназијата во родниот град Охрид, каде што живее и денес, се запишал на Националната музичка академија „Проф. Пантчо Владигеров “ во Софија (2003) и на Новиот бугарски универзитет, каде добил целосна стипенидија за неговите студии во областа на џезот каде што и магистрирал. Во текот на својата музичка кариера Пејчиноски имал бројни национални и меѓународни настапи и награди: во 2009 година тој бил финалист на Светскиот натпревар по гитара „Гитар идол“ одржан во Лондон. Во 2010 година победил на 2 меѓународни натпревари за гитара – „Шред дис ту“ („Shred This Too“ – онлајн натпревар) и „Зиуа Китарелор“ („Ziua Chitarelor“) во Романија (настап во живо). Во мај 2010 година ја претставувал својата земја како дел од Изборот за песна на Евровизија во Осло, како учесник на сцената. Во април 2013 година Пејчиноски настапил како солист со Претседателскиот оркестар на Белорусија во Минск, Белорусија. Предавал во повеќе музички училишта, меѓу кои и на Факултетот за музичка уметност во Скопје каде што бил раководител на Катедрата за гитара како вонреден професор. Во јули 2017 година одржал 4 концерти во Кина со своето трио, каде што бил примен со најголеми почести од градоначалникот на градот Ланџоу кој му ја врачил наградата „Екселенс ин перформанс“ („Excellence in Performance“).

Концертите, турнеите и мајсторските курсеви на Дамјан се одржуваат во Австралија, Кина, САД, Малдиви, Бугарија, Србија, Хрватска, Унгарија, Романија, Косово, Македонија… Тој настапувал и ја делел сцената со многу големи имиња како што се: Џенифер Батен (гитарист од бендот на Мајкл Џексон), Сту Хам (Џо Сатријани), Мајкл Ли Фиркинс, Андреас Оберг и други.

The post ДАМЈАН ПЕЈЧИНОСКИ ИЗБРАН ДА ЈА ПРОМОВИРА НОВАТА ГИТАРА НА „СТРАНДБЕРГ“ Виртуозот приреди незаборавна вечер на Охридско лето appeared first on plusinfo.mk.

Поради најавите за лошите временски услови во наредните денови проследени со краткотрајни поројни врнежи од дожд, грмежи и засилен ветер концертот на Дамјан Пејчиноски, кој е на 31 јули во рамките на музичкиот дел од програмата на „Охридско лето“, наместо во Предворјето на „Света Софија“ ќе се одржи во Центарот за култура „Григор Прличев“ со почеток во 21 часот.

Познатиот македонски гитарист Дамјан Пејчиноски ќе настапи заедно со бендот Дејан Милосављевиќ – ударни инструменти, Зоран Јасгоридовски – перкусии, Горан Гешовски – бас-гитара и Гордан Спасовски – пијано.

Дамјан Пејчиноски свири електрична и акустична гитара и специјализира повеќе музички стилови вклучувајќи  џипси-џез, џез-фјужн, блуз, рок, кантри, традиционална македонска музика и др.

Пејчиноски започнува да свири гитара на 6-годишна возраст, но вистински интерес покажува на 14-годишна возраст. По завршувањето на основното училиште и гимназијата во родниот град Охрид, каде што живее и денес, се запишува на Националната музичка академија „Проф. Пантчо Владигеров“ во Софија (2003) и на Новиот бугарски универзитет, каде добива целосна стипенидија за неговите студии во областа на џезот каде што и магистрира. Во текот на својата музичка кариера Пејчиноски има бројни национални и меѓународни настапи и награди: во 2009 година тој е финалист на Светскиот натпревар по гитара „Гитар идол“ одржан во Лондон. Во 2010 година победува на 2 меѓународни натпревари за гитара – „Шред дис ту“ („Shred This Too“ – онлајн натпревар) и „Зиуа Китарелор“ („Ziua Chitarelor“) во Романија (настап во живо). Во мај 2010 година беше дел од Изборот за песна на Евровизија во Осло, како учесник на сцената. Во април 2013 година Пејчиноски настапува како солист со Претседателскиот оркестар на Белорусија во Минск, Белорусија.

Предава во повеќе музички училишта, меѓу кои и на Факултетот за музичка уметност во Скопје каде што бил раководител на Катедрата за гитара како вонреден професор. Во јули 2017 година одржува 4 концерти во Кина со своето трио, каде што е примен со најголеми почести од градоначалникот на градот Ланџоу кој му ја врачува наградата „Екселенс ин перформанс“ („Excellence in Performance“).

Концертите, турнеите и мајсторските курсеви на Дамјан се одржуваат во Австралија, Кина, САД, Малдиви, Бугарија, Србија, Хрватска, Унгарија, Романија, Косово, Македонија и др. Тој настапувал и ја делел сцената со многу големи имиња како што се: Џенифер Батен (гитарист од бендот на Мајкл Џексон), Сту Хам (Џо Сатријани), Мајкл Ли Фиркинс, Андреас Оберг и други.

Дамјан Пејчиновски е спознориран од компанијата за гитари „Страндберг“ и е истовремено дел од уметниците кои ја претставуваат компанијата.

The post КОНЦЕРТОТ НА ДАМЈАН ПЕЈЧИНОСКИ СЕ ПРЕФРЛА ВО ЦЕНТАРОТ „ГРИГОР ПРЛИЧЕВ“ Најавите за лошо време ја сменија локацијата appeared first on plusinfo.mk.

Познатиот македонски музичар и гитарист Дамјан Пејчиноски на социјалните мрежи откри дека му е намалена професорската плата во музичката паралелка во Струга, подружница на средното музичко училиште „Тодор Скаловски – Тетоец“ од Тетово.

Пејчиновски за октомври лани зел редовна плата од 42.000 денари, но во следните два месеца платата му е намалена на одвај 10.000 денари, поради намалениот број ученици.

– Јас не тврдам дека училиштето не е во право од правен аспект. Сепак, убеден сум дека доколку постоела волја, можело да се најде решение со прераспределување на часовите во другите паралелки. Како и да е, мојата цел не е да барам милостина, туку да укажам на фактот дека треба да се води повеќе грижа за уметниците во Македонија – вели популарниот Пејчин за Плусинфо.

Во објава на Фејсбук, младиот гитарист ги повикува оние кои се планираат да се занимаваат со уметност за катастрофалните услови во Македонија, каде што, како што вели, „никој нема да им подаде рака“.

„Колку и да се радувам за секој мој ангажман надвор од Македонија, толку и знам дека е трн во очите на многумина. Нема да помине неказнето, како што моето матично средно музичко училиште, во кое што предавам гитара од 2009-та на неопределено време реши да направи – да ми ја намали платата на 10.000 денари месечно од септември 2024, пишува тој.

Иако постојат многу вработени коишто земаат плата воопшто недоаѓајќи на работа, сепак, поради намалениот мој фонд на часови и недоволниот број на ученици по гитара (кој според училиштето е моја вина), претпоставените одлучија дека јас треба да сум жртвеното јагне кое треба да најде начин да го преживее месецот со плата дупло помала од државниот минималец.

Сепак, ова ме инспирира, да работам, да свирам повеќе и интелектуално да напредувам.

Не сакам да се жалам, туку сакам да го споделам овој пост за сите оние ентузијасти кои избираат да се артисти и уметници наместо музички работници. Бидете спремни дека вашиот избор нема да ви донесе финансиска стабилност, ниту пак социјален статус, а не очекувајте ни дека ке ви подадат рака за тоа што го правите“, напиша Пејчиноски на Фејсбук.

Дамјан Пејчиновски е водечки македонски гитарист од помладата генерација. Често настапува на меѓународни фестивали и концерти.

The post ЗА ВОДЕЧКИОТ МАКЕДОНСКИ ГИТАРИСТ САМО 10.000 ДЕНАРИ ПЛАТА Замислете, професорот Пејчин немал доволен фонд часови и треба да биде казнет!? appeared first on plusinfo.mk.