Возачот на автобусот што вчера, 17 октомври, се преврте кај Сремска Митровица, имал лекарско уверение со неограничен рок на важност, потврди српскиот министер за внатрешни работи Ивица Дачиќ. Тој истакна дека според првичните наоди на сообраќајната полиција, причината за несреќата била неприлагодената брзина, јави српски Курир.

– Три лица го загубија животот. Во возачот имало повеќе од 80 патници, 57 се повредени, а седум или осуммина се во тешка состојба, но стабилни. Тоа е страшна несреќа. Како што ми кажаа од полицијата, виновен е возачот, поради неприлагодена брзина. Сега тоа треба да го утврди истрагата – изјави Дачиќ.

Српскиот министер додаде дека случајот отвора сериозно прашање околу старосната граница на возачите и системот на издавање лекарски уверенија.

– Треба да се испита како човек на 69 години добил продолжување на уверение без рок. Како и зошто, тоа нека го утврди истрагата – нагласи Дачиќ.

Меѓутоа, најтешките последици од оваа трагедија ги чувствуваат семејствата на настраданите, додаде тој.

Директорот на Општата болница во Сремска Митровица, Војислав Мирниќ, потврди дека во установата се примени 39 повредени лица, од кои седум се на Одделот за интензивна нега.

Од утринава нема промени во состојбата на најтешко повредените. На Одделот за општа хирургија има 13 пациенти кои се подготвени за отпуст, а неколку веќе се пуштени дома. На ортопедија двајца пациенти се стабилни и исто така ќе бидат отпуштени – изјави Мирниќ за Курир.

Српската полиција го обезбедила местото на несреќата и спроведува истрага за техничката исправност на автобусот, како и за можните пропусти во надзорот на возачките уверенија.

The post ДАЧИЌ ЈА ОТКРИ МОЖНАТА ПРИЧИНА ЗА НЕСРЕЌАТА КАЈ СРЕМСКА МИТРОВИЦА Како возачот на 69 години добил продолжено лекарско уверение? appeared first on plusinfo.mk.

Претседателот на Србија, Александар Вучиќ, денеска изјави дека нема да потпише помилувања или каква било аболиција за кривичното гонење на оние кои учествуваа во насилства.

Вучиќ додаде дека ќе има уште многу апсења поради нападите врз полицијата во саботатабеч по протестот на студентите што блокираат факултети.

– Ова не е крај, лицата се идентификуваат, на тоа работи БИА – рече Вучиќ.

„Најважно е што Србија победи“

„Неа (Србија) не можете да победите со насилства, таа не запре и нема да застане“.

Ова го рече Вучиќ и најави инфраструктурни проекти, патишта и отворање железнички делници. Според него, најавата „имате зелено светло“ на крајот од вчерашниот протест во Белград е директен повик за граѓански конфликти и за напади врз полицијата.

– Ги повикувам надлежните обвинителства да си ја работат својата работа, да не се преправаат дека се неспособни и наивни. Доаѓа време на одговорност, почитувани граѓани – рече српскиот претседател.

Приведени се 77 лица, а 38 луѓе се задржани

Министерот за внатрешни работи на Србија, Ивица Дачиќ, изјави дека синоќа по протестот се приведени 77 лица, од кои 38 се задржани. Меѓу приведените има и едно малолетно лице.

Против 35 лица ќе бидат поднесени кривични пријави, а против 26 лица ќе биде поднесено барање за прекршочна постапка. Во акцијата на полицијата се повредени 48 полицајци, изјави Дачиќ на прес-конференцијата.

– Еден припадник на полицијата има тешки телесни повреди на главата. Голем дел од заштитната опрема е уништена или оштетена – изјави Дачиќ на заедничката прес-конференција со српскиот претседател, Александар Вучиќ.

Мацут повика на смирување на тензиите

Премиерот на Србија, Ѓуро Мацут, го осуди насилството и нападите на хулиганите врз полицијата по протестот во Белград и ги повика сите да ги смират тензиите и да се однесуваат одговорно.

Како што соопшти Владата, Мацут изрази искрена благодарност до припадниците на МВР и до сите безбедносни служби што реагираа брзо и професионално, спречија поголеми инциденти и што ги заштитија граѓаните и нивниот имот.

– Србија е демократско општество во кое мислењата можат и мора да се изразуваат на мирен и на цивилизиран начин, без да се загрози безбедноста на граѓаните и да се наруши јавниот ред и мир. На Србија ѝ се потребни мир, стабилност и заедничка работа за подобра иднина – истакна Мацут.

„Студентите повикаа на граѓанска војна“

Претседателката на Собранието на Србија, Ана Брнабиќ, јавно реагираше дека студентите на вечервашниот протест во Белград на плоштадот Славија повикале на граѓанска војна.

„Блокаторите не го завршија својот митинг на Видовден со зборовите ‘Да живее Србија’. Завршија со морничав повик за убивање на Србија, монструозен и отворен повик за граѓанска војна. Памти Србијо“, напиша Брнабиќ на социјалната мрежа Икс.

Блокадери свој скуп на Видовдан нису завршили речима – Живела Србија. Завршили су језивим позивом на убиство Србије, монструозним и отвореним позивом на грађански рат. Памти Србијо. pic.twitter.com/IiOiU3A0Kl

— Ana Brnabic (@anabrnabic) June 28, 2025

Десетици хулигани се приведени доцна синоќа во инцидентите што се случија во центарот на Белград, додека 6 полицајци и двајца граѓани се повредени.

ТЕНЗИЧНО ПО ЗАВРШУВАЊЕ НА ПРОТЕСТОТ НА СТУДЕНТИТЕ ВО БЕЛГРАД Полицијата употреби солзавец за да ги растера младите кои фрлаа шишиња и камења кон неа

The post ВУЧИЌ ВЕТУВА СТРОГА КАЗНА БЕЗ ПОМИЛУВАЊЕ ЗА НАСИЛНИЦИТЕ Брнабиќ вели дека студентите повикале на граѓанска војна и на убивање на Србија appeared first on plusinfo.mk.

Министрите за внатрешни работи на Македонија и Србија, Панче Тошковски и Ивица Дачиќ, денеска во Белград потпишаа договор за воспоставување заеднички контроли на Табановце-Прешево. Овој договор воведува „One Stop“ систем на граничниот премин. Системот има цел да се забрза протокот на луѓе и стоки, да се поттикне трговијата, туризмот и пријателството меѓу двете земји.

– На мое огромно задоволство го потпишавме договорот врз основа на кој нашите две држави ќе имаат заедничка контрола на граничниот премин Табановце-Прешево со што ќе овозможиме побрз трансфер и проток како на стоки и услуги, така и на луѓе на нашата граница. Со имплементација на системот очекуваме за двојно да се забрза трансферот на луѓе, а по потпишување и ратификација на договорот ќе можеме да започнеме со тест фазата од аспект на техничко решение и се надеваме дека пред почетокот на летната сезона ќе можеме и официјално да го ставиме во функција и да го забрзаме протокот на луѓе – изјави министерот Тошковски.

Тошковски истакна дека соработката со српската полиција продолжува успешно, особено во борбата против криминалот. Тој потврди дека и ова лето ќе продолжи размената на полициски службеници, со српски полицајци во Охрид и македонски на настани во Србија.

Министерот Дачиќ објасни дека договорот за заедничките контроли на Табановце-Прешево ќе го олесни преминувањето на границата.

– Денес го потпишавме договорот меѓу двете влади за воспоставување на заеднички контроли за меѓународен патен сообраќај Прешево-Табановце каде воспоставуваме нов процес на работа кој има за цел поедноставување на комплетната процедура на граничните проверки така што полициските службеници на земјата домаќин ќе бидат овластени покрај влезната гранична контрола на својата земја ќе ја извршат и излезната гранична контрола на соседната земја. Така го воспоставуваме ‘One Stop’ системот со едно место на контрола – рече Дачиќ.

Системот ќе овозможи полициските службеници на една земја да вршат и влезна и излезна контрола, намалувајќи го времето на чекање.

Тошковски најави дека по ратификацијата на договорот ќе започне тест-фазата за техничкото решение. Целта е системот да биде функционален пред летната сезона, за да се забрза протокот на туристи и патници. Дачиќ додаде дека „One Stop“ системот веќе е имплементиран со Косово на премин Блаце-Елез Хан, а наскоро се очекува и со Албанија. Со тоа, Македонија ќе го има овој систем со сите соседи надвор од ЕУ.

The post 📷 ЗАЕДНИЧКИ КОНТРОЛИ НА ТАБАНОВЦЕ-ПРЕШЕВО Тошковски и Дачиќ потпишаа договор за „One Stop“ систем appeared first on plusinfo.mk.

Министерот за внатрешни работи на Србија Ивица Дачиќ кажа за порталот Данас дека полицијата поседува сонично оружје или колоквијално наречено „звучен топ“, односно дека тоа се системи купени во 2021 година, во сопственост на министерството за внатрешни работи на Србија.

Како што пренесува Данас, Дачиќ синоќа навел дека тие системи стојат во магацини во кутии, дека се сопственост на МВР, но дека не се уфрлени во употреба, ниту се монтирани на кое било возило или систем.

На прашањето зошто тогаш изјавил дека полицијата не поседува „звучен топ“ ниту какви било други слични звучни оружја, Дачиќ кажа дека станува збор за несмасна изјава.

– Тоа е несмасна изјава. Под тоа се мислеше дека МВР не го вклучил ова средство во својот арсенал на средства на принуда.

На прашањето зошто државата „однапред го купила системот“, кога неговото користење не е дозволено, Дачиќ кажа дека тоа е промашена инвестиција.

– Веројатно тогаш се мислело дека ќе биде усвоен нов закон за полицијата кој како уште едно средство на принуда предвидувал и користење на звучно оружје.

Српската Влада испратила синоќа барање до ФБИ и до Руската служба за безбедност (ФСБ) да спроведат независни истраги дали на протестот на 15 март во Белград бил употребен звучен топ, јави дописникот на МИА од Белград.

Потврдата за тоа беше изнесена денеска откако српскиот премиер Милош Вучевиќ нагласи за белградски медиуми дека по разговорот со српскиот претседател Александар Вучиќ потпишал официјални документи и преку Министерството за надворешни работи, поточно српските амбасади во Вашингтон и Москва, испратил барања до безбедносните служби на тие држави.

The post 🎥 СРБИЈА ПОСЕДУВА ЗВУЧЕН ТОП, НО ТОЈ НЕ Е ВО УПОТРЕБА Дачиќ откри дека системите биле купени во 2021 година appeared first on plusinfo.mk.

Потврдата за тоа беше изнесена денеска откако премиерот на Србија, Милош Вучевиќ, нагласи за белградски медиуми дека по разговорот со српскиот претседател Александар Вучиќ потпишал официјални документи и преку Министерството за надворешни работи, поточно преку српските амбасади во Вашингтон и Москва, испратил барања до безбедносните служби на тие држави.

– Можам со најголема одговорност да кажам дека на 15 март на ниедна локација не беше употребен звучен топ или нешто слично. За тоа не беше издадена наредба, никој не ја виде таа направа. Невозможно е да немате здравствени повреди во моментот на употребата на тој уред. Таквата направа произведува непосредни последици – рече тој.

Министерот за внатрешни работи на Србија, Ивица Дачиќ, за порталот Данас изјави дека полицијата поседува звучно оружје или колоквијално наречено „звучен топ“. Тоа е купено во 2021 година и е во сопственост на МВР на Србија.

Тој додава дека тие системи се наоѓаат во магацини, во кутии и дека не се пуштени во употреба. На прашањето зошто претходно изјавил дека МВР не поседува „звучен топ“ или друго слично звучно оружје, министерот рече дека тоа е несмасна изјава.

– Тоа е несмасна изјава. Со тоа се мислело дека МВР не го вклучува тоа средство во својот арсенал – појасни Дачиќ.

The post СРПСКАТА ВЛАДА ПОБАРА ИСТРАГА ОД ФБИ И ОД РУСКАТА БЕЗБЕДНОСНА СЛУЖБА Дали на протестот бил употребен звучен топ? appeared first on plusinfo.mk.

Како точно гласеше изјавата на Тијана?

Доделувајќи награди на познати личности за време на 18. роденден на детскиот хор „Чаролија“ Тијана го најави српскиот министер за внатрешни работи Ивица Дачиќ како „чичко кој ќе прими плакета за поддршка на проект од своето основање“.

На социјалните мрежи се коментираше дека Тијана со изјавата ја поддржала актуелната власт на Вучиќ во светло на најновите случувања во Србија и протестите на студентите кои бараат одговорност за трагедијата со уривањето натстрешница на Железничката станица во Нови Сад.

• ТИЈАНА ДАПЧЕВИЌ ИСВИРКАНА ВО БЕЛГРАД Пејачката го поздрави „чичко“ Ивица Дачиќ, па наиде на незадоволство кај публиката

Тијана се огласи на Инстаграм велејќи:

„Постојат ситуации во кои е излишен секој обид за оправдување, колку и да имате основа за тоа. Случката во неделата е една од таквите ситуации. Многу ми е жал што се случи да излезам на сцена со текст кој беше изменет во последен момент без јас да знам. Уште повеќе ми е жал што тоа беше причина да се помисли дека моите ставови се спротивни на ставовите на оние кои бараат вистинските виновници за смртта на 15 невини луѓе да бидат соодветно казнети. Секогаш сум била и ќе бидам на страната на тоа што е вистинито и прваедно, посебно во момент кога за овие две доблести на човечкиот род се борат нашите потмоци од кои оваа земја ја позајмивме. Слава на Бога“, напиша Тијана.

Потоа пејачката ја избриша објавата и постави слична објава на стори на Инстаграм.

The post ТИЈАНА ВЕЛИ ДЕКА НЕКОЈ Ѝ ГО СМЕНИЛ ТЕКСТОТ ЗА „ЧИЧКО“ ДАЧИЌ Пејачката направи пиши-бриши на Инстаграм appeared first on plusinfo.mk.

Српскиот министер за внатрешни работи Ивица Дачиќ за „Политика“ изјави дека вчера биле сослушани 26 лица во врска со падот на настрешницата на железничката станица во Нови Сад, а денеска ќе бидат сослушани уште петмина. Тој порача дека ќе се утврди кривична и политичка одговорност за виновниците за несреќата.

Дачиќ изјави дека во на 1 ноември во 11.58 часот дошла информацијата за падот на настрешницата и дека за 10 минути сите возила и служби за итна помош пристигнале на железничката станица во Нови Сад.

Како што рече, за жал само тројца, од седумнаесет лица кои биле таму, преживеале и истакна дека состојбата на повредените е се уште сериозна и дека се работи за тешки физички повреди.

Дачиќ додаде дека на повредениот млад човек и на едното девојче им биле ампутирани двете нозе, додека на другата девојка, која спасувачите првично не можеле да ја видат, туку само ја слушнале под урнатините, и била ампутирана раката.

Тој изјави дека конструкцијата што се урна врз луѓето што седеа под неа е многу тешка и дека на пример, од едно лице кое преживеало отстранети се 26 тони бетон.

– Ја најдов таа жена кога дојдов. Беше на самиот агол од оградата и само главата и беше испакната, додека се останато беше покриено со бетон. Таа гледаше во нас. Спасувачот ризикувајќи го животот влезе под бетон да и даде вода и да и приклучи инфузија – рече министерот за внатрешни работи.

На прашањето кој е одговорен, Ивица Дачиќ рече дека тоа повеќе не е надлежност на МВР, туку дека Обвинителството ја води истрагата.

– По наредба на обвинителот, во просториите на ПУ Нови Сад, со координација на Управата за криминалистичка полиција и во присуство на обвинители, сослушавме дваесетина лица. Станува збор за луѓе од Министерството за градежништво, транспорт и инфраструктура на чело со министерот, државниот секретар, раководителот на секторот за инспекциски надзор, раководителот на секторот за градежна инспекција и градежен инспектор. Значи, пет лица од министерството -рече Дачиќ.

На прашањето дали некој е приведен, тој одговори дека информациите се само собрани. Дачиќ рече сослушани се директорот на Заводот за заштита на спомениците на културата од Нови Сад, седум лица од „Железница Србија“ на чело со генералниот директор Горан Аџиќ, седум лица од компанијата „Инфраструктура железница Србија“ на чело со генералниот директор Јелена Танасковиќ и луѓе кои се директно одговорни за задачите поврзани со реконструкција.

– Секако, и директорот и изведувачот, одговорното лице, главниот инженер за извршување на работите, одговорното лице кај подизведувачот, одговорното лице во надзорниот орган, проектантот, директорот на сообраќајниот институт ЦИП… Таму беа вкупно 26 сослушувања – рече Дачиќ.

Тој додаде дека денеска ќе бидат сослушани уште пет лица, а од Заводот за заштита на спомениците во Нови Сад ќе биде земена документација во врска со согласноста за реконструкција, доградба и адаптација на железничката станица и како што рече, ќе се подигне и документација за периодични прегледи на објектот и ќе се чека наодот на вештачењето.

Зборувајќи за доказите кои се заштитени, Дачиќ рече дека се работи за метални кабли и дека тие се скриени на безбедна локација за никој да не ги уништи.

The post НА МОМЧЕ И НА ДЕВОЈКА ИМ СЕ АМПУТИРАНИ ДВЕТЕ НОЗЕ Од еден преживеан спасувачите отстраниле 26 тони бетон appeared first on plusinfo.mk.

Погледнете:

А еве како пееше Ивица Дачиќ пред седум години:

Ердоган во четврток и во петок беше во официјална посета на Србија. Домаќин на претседателот на Турција беше претседателот на Србија, Александар Вучиќ, со кого разговараше приватно, а двајцата присуствуваа на потпишувањето на повеќе договори и меморандуми меѓу двете земји.

Песната „Осман ага“ прв ја испеа и прослави Муарем Сербезовски.

Сербезовски е познат пејач, писател и преведувач од ромско потекло. Роден бил во Скопјe во 1950 година, а живее во Сараево.

Почнал да пее на 14 години и објавил педесетина албуми и напишал 400 песни.

The post 📽️ ДАЧИЌ МУ ПЕЕШЕ НА УВЦЕ НА ЕРДОГАН Ечеше истата песна од 2017 година appeared first on plusinfo.mk.

Системот „Оне стоп“ ќе почне суштински да функционира до почетокот на наредната летна сезона. Досега се потпишани повеќе согласности, но потребно е да се поедностави процедурата.

– Господинот Дачиќ има огромно искуство во рамки на неговата политичка кариера и јас како и секогаш ќе бидам малку брутално искрен. Кај нас е кабаетот, како и за сè друго. Како што е кај нас кабаетот за тоа што не го воспоставиле „Оне стоп“ системот со Република Албанија, со Косово и со Република Србија кабаетот е во Македонија заради тоа што и во овој случај имаме потпишано договор во 2019, Србија е подготвена во целост и со техничко решение и со сè, а ние сме си спиеле како што во изминативе години е добро познато како факт за преземање на дејствија од страна на македонската страна. Но, тоа веќе заврши. Имаме енергија, имаме знаење, имаме поддршка и од нашите меѓународни пријатели и од нашите соседи и повеќе пати имам кажано до почетокот на наредната летната сезона ќе го воспоставиме навистина ванстоп шоп системот и со Албанија, и со Косово и со Србија – рече министерот Тошковски.

Целта е да се намали метежот на граничниот премин, вели вицепремиерот и министер за внатрешни работи на Србија, Ивица Дачиќ.

– Ние веќе имаме потпишани некои согласности, но треба да се поедностави процедурата. Тоа да биде еден преглед. Треба едноставно технички да се реши тој проблем и што повеќе да се поедностави постапката. Јас пред малку на мојот пријател му реков и заедно сме се жалеле еден на друг, дека не чека слична ситуација генерално со ЕУ затоа што од 10 ноември се во сила нивните посебни правила за влез во ЕУ за граѓаните од земјите кои не се членки на ЕУ и на секој влез ќе морате да давате отисоци на четири прсти и фотографија за да влезете во тој систем. Тоа значи, дека сите нивни премини мора да бидат технички оспособени за да ја имаат можноста тоа брзо го апсорбираат бидејќи тоа ќе бидат стотина, илјада па и милиони луѓе кога ќе тргнат, тогаш е прашање. Тие велат дали може по пат на некои апликации, па не може по пат на апликација, бараат прсти, сигурно до толку знаат законодавство дека тоа не може така. Така што ни самата Европска унија понекогаш не знае што бара од нас, но она што се однесува за нас двајцата за овој наш премин еве и едните и другите го дадовме тој налог, бидејќи ние веќе се потпишавме повеќепати, но ајде сега навистина да се направи. Не дека баш ќе нема гужва, но барем да се чека помалку – рече Дачиќ.

Министерот за внатрешни работи Панче Тошковски и вицепремиерот и министер за внатрешни работи на Република Србија, Ивица Дачиќ денеска разговараа за продлабочување на соработката, намалување на метежот на граничните премини, справување со миграцијата, заеднички патроли и меѓусебна поддршка. Двајцата оценија дека средбата помеѓу тимовите е успешна, како и соработката помеѓу двете министерства. Разговарале и за други теми како што борба против тероризмот и криминалот, борбата против мигрантите, трговија на луѓе, шверц со дрога и наркотици, борбата против општиот криминал, како и за брза размена на информации во борбата против тероризам. Претходно двајцата министри се сретнаа во Белград и на ГП Табановце-Прешево.

The post НЕМА ВЕЌЕ ДА СЕ ГУЖВАМЕ НА ТАБАНОВЦЕ Тошковски и Дачиќ воведуваат едношалтерски систем на границите appeared first on plusinfo.mk.

Српскиот министер за внатрешни работи, Ивица Дачиќ, во врска со заканувачките пораки добиени преку е-пошта до аеродромот во Белград, српските амбасади и конзулати во Австрија и Германија и белградскиот центар за безбедносна политика, изјави дека МВР на Србија добила официјална информација дека станува збор за Денис Красниќи од Швајцарија, чии родители се од Косово.

– Во врска со заканувачките пораки добиени преку електронска пошта на белградскиот аеродром, нашите амбасади и конзулати во Австрија и Германија и белградскиот Центар за безбедносна политика, Министерството за внатрешни работи доби официјална информација од Германија и Швајцарија дека се работи за Денис Красниќи (26), од Швајцарија, чии родители се од Косово и Метохија. Лицето моментално се наоѓа на Косово и Метохија и издадена е наредба по враќањето во Швајцарија веднаш да се пријави во полиција – изјави министерот Дачиќ.

Министерот за надворешни работи на Србија, Марко Ѓуриќ, претходно соопшти дека амбасади на Србија во две големи европски престолнини во изминатите 24 часа добиле закани дека ќе бидат цел на терористички напади.

Како што јави Н1, тој додаде дека според првичните информации, тие закани доаѓаат од „екстремни сепаратистички кругови на дел од дијаспората од Косово односно од лица од албанска националност“.

ДВЕ СРПСКИ АМБАСАДИ ДОБИЈА ЗАКАНИ ЗА ТЕРОРИСТИЧКИ НАПАДИ Станува збор за екстремни сепаратисти од косовската дијаспора, тврди Ѓуриќ

The post ОВА Е ЧОВЕКОТ КОЈ СЕ ЗАКАНУВАШЕ НА СРПСКИТЕ АМБАСАДИ И НА АЕРОДРОМОТ Денис Красниќи од Швајцарија пратил мејлови, Дачиќ ги откри деталите appeared first on plusinfo.mk.