Министерот за надворешни работи и надворешна трговија Тимчо Муцунски во рамки на работната посета на Ирска, имаше обраќање во Институтот за меѓународни и европски работи IIEA, каде што говореше за европската интеграција, политиката на проширување на Европската Унија и иднината на Западен Балкан.

„Потенцирав дека проширувањето мора да остане процес заснован на заслуги, јасни правила и објективни критериуми. Кредибилитетот на Европската Унија зависи од нејзината способност да остане доследна на принципите и ветувањата врз кои е изградена“, објави Муцунски на Фејсбук.

Шефот на макеоднската дипломатија истакнал и дека е потребна нова политичка енергија во процесот на проширување.

„Во услови на засилени геополитички предизвици, Западниот Балкан не смее да остане на маргините, туку треба да биде составен дел од европската визија за безбедност, стабилност и просперитет. Во пресрет на ирското претседавање со Советот на ЕУ, ја поздравив континуираната и принципиелна поддршка што Ирска ја дава на политиката на проширување и на европската перспектива на регионот. Европа останува наш стратешки избор, а полноправното членство во Унијата наша јасна и непроменета цел“, нагласил Муцунски во обраќањето на Институтот за меѓународни и европски работи IIEA во Даблин, одржано во рамки на неговата работна посета на Ирска.

The post ПРОШИРУВАЊЕ ЗАСНОВАНО НА OБЈЕКТИВНИ ЗАСЛУГИ Кредибилитетот на ЕУ зависи од доследноста кон принципите appeared first on plusinfo.mk.

Македонската фудбалска репрезентација одигра без голови (0-0) против Ирска на пријателски натпревар одигран вечерва на стадионот Авива стадион, во дуел на селекции кои неодамна останаа без пласман на Светското првенство.

Избраниците на селекторот Гоце Седлоски настапија претежно дефанзивно и упатија само еден удар кон противничкиот гол. Седлоски направи четири измени во почетниот состав во однос на дуелот против Данска, давајќи им шанса на Велковски, Костадинов, Алими и дебитантот Фетаи.

Домаќините ја имаа иницијативата, но првата посериозна шанса ја имаше Македонија, кога голманот Куивин Келехер го одбрани ударот на Енис Барди од слободен удар во 21. минута.

Во периодот од 24. до 26. минута Ирска се закани двапати, но Столе Димитриевски интервенираше по ударот со глава на Трој Перот, додека Азез беше непрецизен од слободен удар.

Во финишот на првото полувреме Ирците повторно беа опасни. Перот во 39. минута од десетина метри шутираше над голот, а четири минути подоцна негов погодок беше поништен поради офсајд.

По паузата Ирска тргна поофанзивно и во 52. минута ја имаше најдобрата шанса, кога Перот од непосредна близина ја погоди стативата.

Бројните измени и прекини поради повреди го успорија темпото во продолжението, а домаќините во судиското продолжение пропуштија идеална шанса за победа преку Еван Фергусон Кени, па натпреварот заврши без голови.

The post ИРСКА ДОМИНИРАШЕ, НО БЕЗ ПОБЕДА Македонија се одбрани за реми appeared first on plusinfo.mk.

Дваесет и три лица се уапсени во неколкучасовните судири со ирската полиција, која беше гаѓана со петарди, камења и други предмети во уште една ноќ на судири за време на антиимигрантските протести во главниот град Даблин, објави ДПА.

Двајца полицајци се однесени во болница откако беа повредени во судирите со демонстрантите.  Едниот бил погоден од шише, а вториот се здобил со повреда на рамото.

Стотици луѓе и ноќеска се собраа пред хотел во кој се сместени баратели на азил во западен Даблин.

Ова беше трета ноќ демонстрации во градот по наводен сексуален напад врз малолетно девојче во близина на хотелот во понеделникот рано утрината.

Во врска со случајот во вторникот пред суд се појавил 26-годишен маж, чие име не можело да се објави поради законите за сексуален напад во Ирска.

Ирскиот министер за правда Џим О’Калаган вчера изјави дека „имало многу апсења и ќе има уште“.

Тој рече дека врз уапсените ќе се применува законот со полна сила и дека полицијата професионално реагирала на „хулиганското насилство“.

Премиерот Мајкл Мартин го осуди насилството и рече дека „нема оправдување“ за напади врз полицајци.

Демонстрантите мавтаа со ирски знамиња, скандираа антиимигрантски пароли и фрлаа предмети.

The post АПСЕЊА И ПОВРЕДЕНИ ПОЛИЦАЈЦИ ВО ДАБЛИН Трет ден од антиимигрантските протести appeared first on plusinfo.mk.

Маж е уапсен во Даблин по напад со нож во кој се повредени неколку лица во главниот град на Ирска, објави Скај њуз.

Повикувајќи се на „сериозен инцидент“, ирската полиција посочи дека уапсениот маж моментално е „во притвор во полициска станица на северот од градот“ и дека „повеќе нема никаков ризик за јавноста“.

По инцидентот, 3 лица се пренесени во болница.

Околу местото на нападот бил поставен полициски кордон, а на местото на настанот биле видливи полицајци и возила на брза помош.

Нападот се случил на истокот од градот и полицијата во оваа фаза не верува дека станува збор за терористички напад.

The post МАЖ ИЗБОЛ СО НОЖ НЕКОЛКУ ЛИЦА ВО ДАБЛИН Напаѓачот е уапсен, а жртвите завршиле во болница appeared first on plusinfo.mk.

„16 од возилата се на класичен погон и 6 возила се на електричен погон, а градот се одлучи за моделот 400 ZE, машина со рачно управување, кој е еден од најпродаваните модели. Даблин ги избра возилата Грин Машинс на БРАКО поради лесното управување, тивкиот режим на работа, издржливоста, ефикасноста и можноста да чистaт и тешко пристапни места, додека електричниот модел има вграден најмодерен систем за рециркулација на воздухот со кој максимално се намалуваат штетни честички и прашина при чистење на коловозите, пешачките и велосипедските патеки“, се вели во соопштението.

Од БРАКО сметаат дека е успех за државата тоа што македонски возила ќе бидат ангажирани за хигиената во Даблин, главниот град на Република Ирска, земја-членка на ЕУ и една од земјите со најбрз економски раст во светот и во топ 5 земјите кога станува збор за бруто домашен производ по глава на жител.

The post 📷 ДАБЛИН КУПИ 22 ВОЗИЛА ЗА ЧИСТЕЊЕ ОД БРАКО Лесно се управуваат, тивко работат и чистат на тешко пристапни места appeared first on plusinfo.mk.

Шефот на полицијата Дру Харис ги осуди „срамните сцени“ во близина на местото на нападот и предупреди да не се шири „дезинформации“.

Две деца на возраст од 5 и 6 години и маж на возраст од 50 години беа повредени денеска во напад со нож во близина на училиште во центарот на Даблин. Повредените се хоспитализирани во различни болници низ градот. Полицијата соопшти дека осомничениот напаѓач е уапсен и дека нападот не е извршен од терористички мотиви.

The post 📽 ХАОС ВО ЦЕНТАРОТ НА ДАБЛИН Демонстрантите се судрија со полицијата, откако две деца и еден маж беа прободени со нож appeared first on plusinfo.mk.

О’Конор, која почина во Лондон минатата недела на 56-годишна возраст, стекна меѓународна слава во 1990 година со нејзината верзија на хит песната.

Со моќен глас и текстови, ирската пејачка беше позната по своите остри општествено-политички ставови, меѓу кои се и оние поврзуваат со скандали на злоупотреба во Католичката црква и сексуализација на женски музичари.

Попладневното пеење на плоштадот Бернардо во центарот на Даблин го организираше социјалистичката феминистичка група Роуз. Активистката на Роуз и поранешна ирска парламентарка Рут Копингер и оддадоа почит на починатата пејачка.

– Таа ја маѓепса публиката со нејзиниот извонреден и единствен глас кој можеше да биде шепот и крик во еден стих. Уметноста и активизмот на Шинејд О’Конор се неразделни – тие се клучни еден за друг. Нејзиниот уметнички интегритет и чувството за правда произлегоа од нејзиното искуство на неправда – изјави Копингер.

Лауреатот на меѓународната книжевна награда Даблин, Колм Тоибин, рече дека О’Конор пеел со „чувство за мисија“ да зборува против неправдата.

The post ТРОГАТЕЛЕН СОБИР ВО ДАБЛИН Фановите ги пееја песните на Шинејд О’Конорд appeared first on plusinfo.mk.

Кристијано Роналдо немаше своја вечер со Португалија затоа што неговата репрезентација одигра само 0:0 против Ирска во квалификациите за Светското првенство.

Како и обично, во центарот на вниманието беше Кристијано Роналдо, кој како и многупати досега покажа колку се грижи за своите фанови, а овој беше навистина посебен.

Имено, една девојче успеа да истрча до првата ѕвезда на Португалија, иако никој не знае како, но никој не ја спречи да го стори тоа бидејќи, очигледно, не претставуваше закана за никого на теренот. И тогаш се случи најубавиот момент на целата вечер.

Расплакана, возбудена, со детски солзи во очите од среќа, таа успеа да го привлече вниманието на Португалецот, а тој не застана ниту за момент, го прегрна и бакна девојчето, а потоа го соблече дресот и ѝ го подарил како спомен.

Прекрасен гест на најдобриот стрелец во историјата на фудбалот, а девојчето од среќа беше во шок што доби незаборавен подарок.

Cristiano Ronaldo gives his jersey to a young Irish fan that ran on the pitch after the final whistle pic.twitter.com/g6Em9rquBx

— SportsJOE (@SportsJOEdotie) November 11, 2021

The post ГЕСТОТ НА РОНАЛДО ГО РАЗНЕЖНИ СВЕТОТ Тој израдува девојче кое плачеше од среќа поради тој момент (ВИДЕО) appeared first on plusinfo.mk.