Продолжува новогодишната магија во Дајмонд мол. Денеска почнува Новогодишниот базар, кој ќе понуди голем избор на подароци и сувенири во празничен дух. Новогодишниот базар ќе трае до 28 декември, а во истиот период посетителите ќе можат да уживаат во виртуелно патување на Северниот пол и да пазаруваат во продавниците на Дедо Мраз.

Викендите до Нова година ќе бидат исполнети со атрактивни содржини за најмладите. Па така, на 20 декември ќе се одржи концертот со детски песни „Поточиња“, а на 21 декември ќе биде организирана креативна работилница на која децата ќе бојат и украсуваат новогодишни ѕвезди и снегулки и ќе се одржи филмски маратон посветен на доживувањата на омилените детски јунаци Биби и Боби.

Програмата за деца продолжува на 27 декември со креативна работилница за новогодишни украси од шишарки и памук, а истиот ден децата ќе можат да се дружат со Дедо Мраз од Заз. 28 декември е резервиран за уште една креативна работилница, овој пат за изработка на новогодишни елки од хартија, но и за големиот новогодишен концерт на Биби и Боби.

Дополнително, посетителите на Дајмонд мол, во текот на викендите ќе можат да направат новогодишни фотографии со магичното огледало, но и да ја искористат специјалната апликација за умните деца да го известат Дедо Мраз со порака и да добијат диплома од него.

Дајмонд мол ја започна новогодишната програма на 6 декември со понуда на разновидни содржини. Се одржаа неколку креативни работилници, како и работилница со популарниот лик од истоимената книга Исидора Мун, во соработка со издавачката куќа Литература. Беше организирано и големото шоу со Петко и фамилијата 5+, а се изработуваа и украси од чоколадо со познатиот лик Роки од Винчини.

The post НОВОГОДИШНО ОДБРОЈУВАЊЕ ВО ДАЈМОНД МОЛ Отворен Новогодишниот базар, виртуелно патување на Северниот пол appeared first on plusinfo.mk.

Јавното претпријатие „Лајка“ доби 600 килограми храна за кучиња и 10 рачно изработени куќички за кучиња, a донацијата беше обезбедена преку активностите организирани по повод вториот роденден на Diamond Mall. Во рамките на одбележувањето на вториот роденден, Diamond Mall организираше низа активности во соработка со ЈП „Лајка“, во насока на подигнување на јавната свест за потребата од заедничко делување за подобрување на состојбата со бездомните животни во Скопје.

– Комплексот Diamond of Skopje, чиј дел е Diamond Mall, е дел од оваа заедница, дел од Скопје. Како одговорна компанија, ние активно се вклучивме во заедничка акција за подобрување на состојбата со бездомните животни. Навистина ни е драго што нашата иницијатива беше одлично прифатена, а резултатот е потврда за тоа. И во следниот период продолжуваме да градиме мостови за подобар живот – изјави Куртхан Апајдин, генерален директор на „Лимак Скопје“, компанија во чија сопственост е комплексот.

Најмалку еден килограм храна беше услов за присуство на хуманитарниот концерт кој се одржа на 26 октомври 2025 година. На концертот настапија македонски музички ѕвезди Лозано, Викторија Лоба, Лара и Пајак, како и музичката легенда Драган Мијалковски како специјален гостин. Покрај тоа од 20 до 26 октомври во Diamond Mall беше отворена Зона за донации, каде што сите посетители можеа да остават храна и опрема за бездомните животни.

– Задоволни сме што нашиот роденден се претвори во убава хумана приказна, која покажа дека кога луѓето се обединети околу позитивна цел, резултатите се исклучителни. Веруваме дека токму ваквите моменти ја градат културата на одговорност и солидарност, како и дека малите гестови можат да доведат до големи промени – изјави Селин Октај, директорка на Diamond Mall.

Во трговскиот центар се организираа и активности за да се поттикне вдомување на кучињата кои чекаат нов дом, а се одржа и креативна работилница за бојадисување куќички за кучиња, на која беа изработени десетте куќички и потоа донирани на „Лајка“.

Преку оваа иницијатива Diamond Mall обезбеди конкретна поддршка за ЈП „Лајка“, но истовремено успеа да го зголеми бројот на луѓе кои се вклучија да помогнат.

Diamond Mall продолжува да го развива и својот концепт на современ лајф центар, но и да поттикнува и поддржува активности од јавен интерес.

The post 600 КГ ХРАНА И 10 КУЌИЧКИ ЗА КУЧИЊА СОБРАНИ ЗА РОДЕНДЕНОТ НА ДАЈМОНД МОЛ Прославата се претвори во убава хумана приказна appeared first on plusinfo.mk.

„Funky Buddha“, главниот моден бренд на грчката компанија „Altex S.A.“, влегува на македонскиот пазар со отворање на својата прва продавница во трговскиот центар Diamond Mall. Продавницата е лоцирана на првиот кат на молот и нуди модерна облека и обувки за мажи и жени, како и различни модни додатоци.

Брендот „Funky Buddha“ се карактеризира со минималистичка естетика и дизајн инспириран од урбаната култура. Брендот е верен на принципите за одржливост и одржлив развој, нудејќи високо квалитетна, удобна и достапна облека со уникатен карактер.

Во новата продавница на „Funky Buddha“ во Diamond Mall се достапни најновите модели на брендот од сезоната есен-зима 2025 година. Можат да се најдат и многу уникатни модни додатоци, кои се вистинско уживање за љубителите на модните трендови.

Основана во 2005 година, „Altex S.A.“ е модна компанија за дизајн и дистрибуција на облека и модни додатоци. Компанијата има мрежа од над 70 продавници во Грција и на Кипар и постепено го шири своето присуство во други земји. Вработува 350 вработени и има годишен обрт од 44 милиони евра.

Со новата продавница на уште еден ексклузивен моден бренд Diamond Mall дополнително ја збогатува својата шопинг понуда и нуди нов урбан шмек во градот. Покрај шопинг сегментот, кој го сочинуваат 150 продавници, Diamond Mall ја има и Гурманската авенија (Gourmet Avenue), каде што се лоцирани модерни ресторани и кафулиња и Зоната на соништата (Dream Zone), која е најголем едукативно-забавен центар за деца и млади кај нас.

The post МОДНИОТ БРЕНД „FUNKY BUDDHA“ СТАСА ВО МАКЕДОНИЈА Отворена првата продавница во Diamond Mall appeared first on plusinfo.mk.

Улична парада по повод вториот роденден на Diamond Mall се одржа денеска. Парадата, која е наменета за најмладите, ја предводеа 20 добро познати маскоти на популарни ликови од детските анимирани филмови. Парадата под мотото „Да зборуваме и да покажеме дека ни е грижа“, стартуваше од градскиот плоштад, а заврши кај Diamond Mall, каде се одржа детската роденденска забава.

На забавата настапуваа познатите ликови Биби и Боби, а беше организиран и квиз, со богати награди и многу изненадувања. Се одржа и креативна работилница „Бојадисај куќичка за куче“ на која децата декорираа куќички за милениците кои ќе му бидат донирани на јавното претпријатие за благосостојба на бездомни животни „Лајка“ од Скопје.

Роденденските активности по повод вториот роденден на Diamond Mall почнаа на 20 октомври, кога беше отворена Зоната за донации, каде посетителите можат да остават храна и опрема за миленици, кои потоа ќе му бидат донирани на ЈП „Лајка“. Oд 24 до 26 октомври се одржува и Саем за храна за миленици на кој учествуваат компании од оваа индустрија кои нудат совети за правилна грижа за животните. На специјалниот ветеринарен штанд посетителите имаат можност за консултации со ветеринари за нивните домашни миленици, а оние што сакаат да вдомат бездомно куче можат да ги видат и изложените фотографии од бездомните кучиња и да се сретнат со нив.

Утре е централната прослава на роденденот, односно хуманитарниот концерт, што ќе се случува во атриумот на Diamond Mall со почеток во 12 часот. На концертот ќе настапат популарните пејачи Тамара Тодевска, Лозано и Викторија Лоба, а специјален гостин ќе биде музичката легенда Драган Мијалковски. Влезот за концертот е бесплатен, а единствен услов, во духот на целиот настан, ќе биде да се донесе минимум еден килограм храна за кучиња, која потоа ќе ѝ биде донирана на ЈП „Лајка“, кој е партнер на Diamond Mall во реализација на овој хуманитарен настан. Во 14.00 часот ќе бидат објавени добитниците од роденденската наградна игра, по што концертот продолжува.

Diamond Mall официјално беше отворен на 20 октомври 2023 година и со својот уникатен концепт на Лајф-центар стана едно од омилените места за шопинг, дружење и забава.

The post ДОНЕСЕТЕ 1 КГ ХРАНА ЗА КУЧИЊА И ВЛЕЗЕТЕ НА КОНЦЕРТ ВО ДАЈМОНД МОЛ За најмладите – парада со популарни ликови appeared first on plusinfo.mk.

Diamond Mall ја започна својата роденденска прослава со повик до граѓаните на заедничка хумана мисија, посветена на грижа за напуштените животни и поттикнување на нивно вдомување. Наместо класична прослава, Diamond Mall преку низа активности сака да ја подигне свесноста за грижата за бездомните животни и да ги поттикне граѓаните повеќе да вдомуваат улични кучиња.

Роденденските активности стартуваат на 20 октомври, кога во трговскиот центар ќе биде отворена Зона за донации, каде посетителите, сѐ до 25 октомври, ќе можат да остават храна и опрема за миленици, кои потоа ќе му бидат донирани на Јавното претпријатие „Лајка“. Oд 24 до 26 октомври ќе се одржи Саем за храна за миленици, на кој ќе учествуваат компании од оваа индустрија, а ќе нудат совети за правилна грижа за животните. Посетителите во тие три дена ќе имаат можност и за бесплатни консултации со ветеринари за нивните домашни миленици, на специјалниот ветеринарен штанд. Тука ќе бидат изложени и „кандидатите“ кои чекаат нов дом, преку специјално поставениот Ѕид за вдомување, на кој ќе бидат изложени фотографии од кучињата, а ќе има и секојдневни средби со нив.

– Веруваме дека мали гестови на солидарност создаваат голема промена, а овој роденден е можност да покажеме дека комбинацијата на забава и добри дела е вистинскиот пат за создавање позитивни општествени вредности. Со ваквиот пристап Diamond Mall ја потврдува својата определба дека не е само место за купување и забава, туку и простор што создава позитивни општествени промени и ги мотивира граѓаните кон поголема одговорност и емпатија – изјави Селин Октај, директорка на Diamond Mall.

На 25 октомври, во утринските часови, ќе се одржи голема улична парада, која ќе ја предводат 20 маскоти на ликови од детски цртани филмови. Под мотото „Да зборуваме и да покажеме дека ни е грижа“, парадата ќе стартува од градскиот плоштад, по што маскотите ќе влезат во молот и ќе изведат шоу за почеток на детската роденденска забава. Потоа следува концерт на омилените детски херои Биби и Боби, како и квиз, награди и многу изненадувања. Предвидена е и креативна работилница „Бојадисај куќичка за куче“, во која е планирано купување и декорирање куќички со помош на децата, по што сликарски изработените куќички ќе ѝ бидат донирани на „Лајка“.

На 26 октомври ќе се случи големиот хуманитарен концерт во атриумот на Diamond Mall, а ќе настапат популарни пејачи Тамара Тодевска, Лозано, Викторија Лоба, кои се познати и по грижата за животните. Специјален гостин ќе биде музичката легенда Драган Мијалковски. Влезот ќе биде бесплатен, а единствен услов, во духот на целиот настан, ќе биде да се донесе минимум еден килограм храна за кучиња, која потоа ќе ѝ биде донирана на „Лајка“, која е партнер на Diamond Mall во реализација на овој хуманитарен настан. Во 14.00 часот ќе бидат објавени добитниците од роденденската наградна игра, по што концертот продолжува.

За потсетување, големата роденденска наградна игра трае до 26 октомври, а главната награда е најновиот модел на автомобил Geely Cityray, како и повеќе парични награди, меѓу кои и две од по 50.000 денари. За учество е потребен купон, кој се добива за секое купување на производи и услуги од Diamond Mall во вредност од 1.000 денари.

Инаку, модната понуда на Diamond Mall ќе биде збогатена и со новиот бренд Funky Buddha, кој ќе биде вистинско изненадување за сите љубители на урбаниот стил, а во финална фаза се и подготовките за отворањето на најголемиот фитнес центар.

Diamond Mall официјално беше отворен на 20 октомври 2023 година и со својот уникатен концепт на Лајф-центар стана едно од омилените места за шопинг, дружење и забава.

The post ГОЛЕМА ХУМАНИТАРНА ПРОСЛАВА ЗА ВТОРИОТ РОДЕНДЕН НА DIAMOND MALL Во центарот се домашните миленици appeared first on plusinfo.mk.

Под мотото „На наградите им нема крај“ од денеска започнува наградната игра во Diamond Mall. Наградната игра го означува почетокот на одбележувањето на вториот роденден на Diamond Mall, а ќе трае сѐ до 26 октомври 2025 година, месецот кога се одбележува вториот роденден.

Главната награда е најновиот модел на автомобилот Geely Cityray, а дополнително на тоа предвидени се две парични награди во вредност од по 50.000 денари, четири парични награди од по 25.000 денари, осум парични награди во вредност од по 10.000 денари и 10 парични награди во вредност од по 5.000 денари.

За учество во наградната игра е потребен купон, кој се добива за секое купување на производи и услуги во вредност од 1.000 денари, а еден купувач може да учествува со неограничен број на купони.

Пoкрај наградната игра Diamond Mall подготвува и дополнителни изненадувања. Во финална фаза се подготовките за отворањето на најголемиот фитнес центар, кој ќе ги понуди последните трендови во оваа индустрија, адаптирани според денешниот начин на живот.

Уникатната понуда на Diamond Mall ќе биде збогатена и со новиот бренд Funky Buddha, кој ќе биде вистинско изненадување за сите љубители на урбаниот стил. Планирани се и дополнителни изненадувања и нови содржини кои ќе бидат достапни наскоро.

Diamond Mall официјално беше отворен на 20 октомври 2023 година и со својот уникатен концепт на „лајф-центар“ стана едно од омилените места за шопинг, дружење и забава. Со површина од  7.000м2, разноликата понуда од едукација и забава за деца и млади во „Зоната на соништата“ (Dream Zone), врвната гурманска понуда во „Гурманската Авенија“ (Gourmet Avenue) и разновидната шопинг понуда, Diamond Mall, станува препознатливо место во градот.

Купоните за учество во наградната игра ќе може да се подигнат на пултот во Diamond Mall, а повеќе детали за наградната игра, ќе најдете на веб страницата https://diamondmall.mk/en/campaign/rodendenska-nagradna-igra .

The post ГОЛЕМ НАГРАДНА ИГРА НА ДАЈМОНД МОЛ Главната награда е автомобил „geely cityray“ appeared first on plusinfo.mk.

Под мотото „Рециклирај, креирај, блескај“, на 17 и 18 мај, Дајмонд мол ќе биде домаќин на едукативно-забавен дводневен настан, со цел да се подигне свеста за повторната употреба и рециклирањето на отпадот, особено меѓу најмладите.

Настанот опфаќа креативни работилници, модна ревија од рециклирани материјали, советувалиште за модни стилови, танцови перформанси, како и поставување специјални контејнери за рециклирање текстил во соработка со компанијата „Тексомак“.

На 17 мај (сабота), од 12 до 14 часот, децата од 5 до 12 години ќе имаат можност да учествуваат на забавни и интерактивни работилници каде ќе учат како да изработуваат накит, декорации и нови парчиња облека од стар текстил. Целта е да се поттикне креативното размислување и да се едуцираат децата за важноста на рециклирањето.

Следниот ден, на 18 мај (недела), ќе се одржи модна ревија со креации од отпад, детска модна ревија, советувалиште за модни стилови и танцова изведба на „Скил фактори“, исто така во терминот од 12 до 14 часот.

Покрај забавните активности, Дајмонд мол заедно со „Тексомак“ овозможува граѓаните да придонесат кон заштита на животната средина, со тоа што ќе можат да го одложат својот отпаден текстил во посебни рециклажни контејнери поставени на неколку локации во молот.

„Со овој настан сакаме да испратиме порака дека секој може да придонесе за поздрава животна средина, без разлика дали е дете или возрасен. Преку креативност и едукација, сите заедно можеме да направиме позитивна промена“, велат од Дајмонд мол.

The post ДЕЦАТА ЌЕ СОЗДАВААТ ЧУДА ОД СТАРИ ФАРМЕРКИ Дајмонд мол организира уникатен еко-настан што не се пропушта appeared first on plusinfo.mk.

Специјални велигденски декорации, празнична атмосфера и интересни содржини за најмладите ги очекуваат посетителите на Дајмонд мол во периодот од 18 до 22 април.

Во рамки на содржините кои го симболизираат велигденското празнување, на 18 април од 17.30 до 19.30 часот и на 19 април од 12.30 до 14.30 часот, ќе бидат организирани детски работилници за цртање велигденски мотиви и креативно украсување на детските лица. Во истиот овој период, најмладите ќе имаат можност и да се запознаат и фотографираат со велигденското зајаче.

Покрај овие активности, посетителите ќе можат да создадат спомени и да се фотографираат во велигденскиот амбиент, секој ден од 12.00 до 20.00 часот, до 22 април. Незаборавните моменти во форма на фотографии ќе бидат достапни на профилите на Дајмонд мол на социјалните мрежи.

Велигденската програма на Дајмонд мол е дел од низата активности што трговскиот центар им ги нуди на своите посетители, овозможувајќи им нови и поинакви искуства. Во комбинација со уникатниот концепт што го има молот и понудата на врвни шопинг и гастрономски искуства, овие содржини го прават Дајмонд мол едно од омилените дестинации за уживање во различни прилики, особено со семејството и со пријатели.

The post ВЕЛИГДЕНСКА МАГИЈА ЗА НАЈМЛАДИТЕ ВО ДАЈМОНД МОЛ Активности ќе има од 18 до 22 април appeared first on plusinfo.mk.

Дајмонд мол продолжува со поддршка на малите бизнис иницијативи. Од 6 до 9 март, во Дајмонд мал се одржува „Базарот на ракотворби“, каде што 17 жени претприемачки и занаетчии ги презентираат своите уникатни производи.

Настанот, организиран во чест на Меѓународниот ден на жената 8 Март, ја истакнува важноста на женското претприемништво и занаетчиство, обезбедувајќи простор за промоција, продажба и афирмација на нивниот труд. Покрај рачно изработените предмети и уникатни производи, базарот има за цел да ја подигне свеста за значајната улога на занаетчиите во зачувување на традицијата и занаетчиските вештини.

Базарот е отворен за сите посетители, со можност да откријат автентични ракотворби изработени со посветеност и креативност, истовремено поддржувајќи ги жените кои градат сопствен бизнис и ја негуваат занаетчиската традиција.

Дајмонд мол е домаќин на иницијатива посветена на жените претприемачки и занаетчии, кои со својата креативност и посветеност придонесуваат за локалната економија.

The post БАЗАР НА РАКОТВОРБИ ВО ДАЈМОНД МОЛ Уникатни производи ќе презентираат 17 жени занаетчии appeared first on plusinfo.mk.

Дајмонд мол, омилената дестинација за шопинг и забава во срцето на Скопје, оваа година подготвува незаборавно празнично искуство.

По повод Денот на виното и љубовта, во периодот од 13 до 16 февруари 2025 година, посетителите ќе имаат можност да уживаат во Саемот на виното и чоколадото, каде што ќе се спојат врвни вкусови и празнична атмосфера.

Во соработка со македонски и меѓународни вински и кондиторски брендови, скопјани и нивните гости ќе можат да дегустираат внимателно селектирани вина и слатки деликатеси, создавајќи совршена комбинација за љубителите на добриот вкус.

Како специјален додаток на празничното искуство, ексклузивен гостин на настанот ќе биде реномираниот слаткар Петко Костадинов.

Овој мајстор на слаткарството, кој своето знаење го стекнал во најпрестижните европски училишта и освојувал светски награди, ќе сподели дел од своите слаткарски тајни со присутните.

Имено, во сабота (15 февруари) од 12:00 до 14:00 часот ќе се одржи слаткарска работилница со Петко Костадинов, каде што љубителите на слатките ќе можат да научат нови техники и трикови.

Во недела (16 февруари) пак, од 12:00 часот, посетителите ќе бидат сведоци на чоколадно шоу со изработка на џиновско чоколадо, долго 2 метри и широко 80 сантиметри – вистинско ремек-дело на слаткарската уметност.

Овој настан е одлична можност за сите љубители на виното и чоколадото да уживаат во врвни дегустации, ексклузивни работилници и квалитетен шопинг во празнична атмосфера.

Дајмонд мол ги кани сите граѓани да бидат дел од ова уникатно искуство и да го прослават празникот на љубовта и виното на највкусниот можен начин.

The post САЕМ НА ВИНОТО И ЧОКОЛАДОТО По повод празникот на љубовта и виното Дајмонд мол подготви незаборавно празнично искуство appeared first on plusinfo.mk.