Рускиот претседател Владимир Путин денеска изјави дека Украина на крајот ќе ги изгуби своите западни територии, нагласувајќи оти левиот брег на реката Дњепар историски секогаш бил дел од Русија.

– Сигурен сум дека Украина порано или подоцна ќе ги изгуби овие западни територии. Она што им припаѓаше на Полска, Унгарија и Романија, порано или подоцна – можеби не утре, задутре, за една година, две, 10 или 15 – историски ќе се врати на своето место – рече Путин, во обраќањето до припадниците на руската морнарица.

Овие територии, како што посочи, Јосиф Сталин не ѝ ги подарил на Украина, туку ѝ ги остапил „во рамките на заедничката држава“.

Путин кажа дека Русија била единствен гарант на територијален интегритет на Украина.

– Постоеше само еден гарант на територијалниот интегритет на Украина – а тоа беше Русија. Но, тие сметаа дека е потребно, можно и корисно да ја прогласат Русија за непријател, а Русите во Украина за неконститутивен народ, што е целосна бесмислица и глупост – рече рускиот претседател.

Тој смета дека „Украина отсекогаш била историски поделена на лев брег и десен брег – а левиот брег отсекогаш се сметал не само за ориентиран кон Русија, туку и за дел од Русија“. Посочи дека Ленин не ѝ го дал Донбас на Русија, туку на Украина, и дека Русија сега „мора сè да врати во нормални историски рамки“.

Тој ги повтори тврдењата дека „нема агресија од руска страна“ и дека Русија била „принудена да започне специјална воена операција за да ги запре непријателствата што веќе ги започнаа Западот и режимот во Киев“.

Уверен е дека војната ќе заврши со пораз на „непријателот“ и победа на Русија.

The post ПУТИН Ѝ ПОРАЧА НА УКРАИНА ДЕКА ЌЕ ГИ ИЗГУБИ ЗАПАДНИТЕ ТЕРИТОРИИ Смета дека левиот брег на Дњепар треба да биде дел од Русија appeared first on plusinfo.mk.

Најмалку две лица загинаа, а осум се повредени во руски напад врз украинскиот град Дњепар, кој се случил во текот на ноќта, соопштија локалните власти.

– Две лица загинаа, осум се повредени. Бројот на настрадани во ноќниот напад врз Дњепар расте. Едно лице сè уште се води како исчезнато – објави на Телеграм началникот на Днепропетровската воена администрација Олександр Ганжа.

Според него, погодени се станбена зграда, продавница и автомобил.

Индустрискиот град Дњепар се наоѓа на околу сто километри од линијата на фронтот, која се протега низ источниот и јужниот дел на Украина. Во сличен напад во оваа област на 14 април загинаа четири лица.

Во меѓувреме, преговорите меѓу Киев и Москва, со посредство на САД, се во застој, додека вниманието на Вашингтон е насочено кон кризата на Блискиот Исток.

The post ДЊЕПАР ПОВТОРНО ПОД ОГАН Има загинати и повредени во рускиот напад appeared first on plusinfo.mk.

Украинскиот претседател Володимир Зеленски денеска изјави дека територијални отстапки на Украина само ќе доведат до тоа рускиот претседател Владимир Путин да ги искористи освоените територии како отскочна даска за нови офанзиви.

– Некои медиуми тврдат дека ако украинските војници се повлечат од источните региони на нашата земја, мирот би се вратил. Тоа не е вистина. Путин изврши инвазија на Крим за да го искористи како отскочна даска и да го опколи југот на нашата земја. Тоа значи дека се подготвувал за уште една офанзива, рече Зеленски.

Според него, Русија извршила инвазија на еден дел од истокот на Украина во 2014 година за да го „искористи за целосна окупација на овие региони“, пренесува француски „Поен“.

– Ако утре некако го напуштиме Донбас, што нема да се случи, ќе му отвориме на Путин незаштитен простор, близу град со милион ипол жители – Харков. Тој исто така би го зазел индустрискиот центар Дњепар. Тоа би му отворило можности –  наведе Зеленски и додаде дека ако Путин успее да ја освои цела Украина, „би ја искористил на како отскочна даска на ист начин“.

Дали ќе го направи тоа или не, додаде украинскиот лидер, зависи од цврстината на Европа.

– Ако Европа е силна, веројатно нема ништо да преземе, но ако е слаба, ќе биде подложна на руските акции. Меѓу Москва и Париз има помалку од 3.000 километри. Денес, ракетите што Русија ги користи против Украина имаат дострел од 2.500 километри. Ние самите имаме ракети со дострел од 3.000 километри – нагласи Зеленски.

Тој додаде дека со овој технолошки развој повеќе нема војни на голема далечина.

– Верувајте ми, за две години Русите ќе имаат многу ракети, ќе ги имаме и ние, со дострел од 5.000 километри. Морето нема да заштити никого. Океанот нема да заштити никого. Ракетите еден ден ќе можат да имаат дострел дури и од 10.000 километри – заклучи Зеленски.

The post АКО ИЗЛЕЗЕМЕ ОД ДОНБАС, ПУТИН БИ ГИ ЗЕЛ И ДЊЕПАР И… Зеленски ja отфрли можноста за територијални отстапки appeared first on plusinfo.mk.

Претседателот на Украина, Володимир Зеленски, по повод денешниот руски напад врз градот Дњепар, ги повика партнерите да ја зголемат помошта за Украина и да извршат притисок врз Москва.

– Русија ги користи секој ден и секоја ноќ за да убива. Треба да извршиме притисок врз убијците и да помогнеме да се стави крај на оваа војна и да гарантираме траен мир. Сакам да им се заблагодарам на сите партнери кои на овој начин ги користат своите можности. Војните се прекинуваат со сила – сила против агресорите, сила во одбрана на животот – порача Зеленски.

Тој нагласи дека денес секој одбранбен пакет од партнерите и сите форми на поддршка од светот за украинскиот отпор „буквално значат заштита на животот“.

The post РУСИЈА ГО КОРИСТИ СЕКОЈ МИГ ЗА ДА УБИВА, МОРА ДА СЕ ИЗВРШИ ПРИТИСОК ВРЗ УБИЈЦИТЕ Зеленски коментираше за рускиот напад врз Дњепар appeared first on plusinfo.mk.

Три лица загинаа, а 30 други се ранети во денешниот руски напад врз градот Дњепар во областа Днепропетровск, меѓу кои и три деца – деветмесечно девојче и момчиња на возраст од шест и единаесет години.

– Русите убија млада девојка во Дњепар – изјави Серхиј Лисак, гувернер на регионот Днепропетровск, додавајќи дека во нападот е убиена и една постара жена.

Според градоначалникот на Дњепар, Борис Филатова еден од „Шахедите“ за малку ќе удрeл во градското собрание, пренесе агенцијата УНИАН. Шефот на воената управа во Керсон, Роман Мрочко, објави дека бил цел на руска артилериска стрелба додека им се обраќал на граѓаните.

JUST IN: RUSSIANS UNLEASH HELL ON DNIPRO WITH ‘SHAHED’ DRONES

Central streets are literally covered in shattered glass after the raid. Explosions and fires are raging across the city. Reports of partial power outages.

Cars are burning at the impact sites. Homes and… pic.twitter.com/8FUu43vWHT

— NEXTA (@nexta_tv) April 16, 2025

Massive Russian drone attack on the city of Dnipro – Russians targeting the city center, hitting cars, apartment buildings, shops.

Children are again among the victims – rescue efforts ongoing. pic.twitter.com/rDblpMXdDg

— SPRAVDI — Stratcom Centre (@StratcomCentre) April 16, 2025

– Откако руските наведувани бомби КАБ го погодија централниот плоштад во Херсон, и јас се најдов на мета на руската артилерија – рече Мрочко и потврди дека не е повреден.

Нападот врз Дњепар е дел од засилените руски напади врз Украина. Нападите доаѓаат во време кога Москва и Киев меѓусебно се обвинуваат за непочитување на начелниот договор да не се напаѓаат енергетските постројки.

Русите го ракетираа градот Суми на празникот Цветници во голем напад во која загинаа 35 луѓе и 117 беа ранети.

The post 📽 РУСИЈА ГИ ИНТЕНЗИВИРА НАПАДИТЕ, ДЊЕПАР НА УДАР Дете загина во ракетирањето на општинската зграда во градот appeared first on plusinfo.mk.

Портпаролката на руското Министерство за надворешни работи, Марија Захарова додека држеше брифинг, емитуван на платформата „ЈуТјуб“ (YouTube), доби инструкции да не го коментира наводниот напад со интерконтинентална балистичка ракета врз Дњепар, Украина.

Украинската армија соопшти дека Русија истрелала интерконтинентална балистичка ракета врз Дњепар.

Додека Захарова зборуваше и заѕвони мобилниот телефон и неидентификуван соговорник ѝ кажа: „Што се однесува до нападот со балистички ракети врз фабриката „Јужмаш“, за што Западот почна да зборува, воопшто не коментирајте“.

Захарова само се заблагодари и продолжи со брифингот, наведувајќи оти Русија е подготвена да ја разгледа секоја „реална иницијатива“ за мир во Украина, при тоа земајќи ги предвид нејзините интереси и ситуацијата на теренот.

wow, in the middle of her press briefing just now, Russian Foreign Ministry spokeswoman Maria Zakharova got a phone call from someone instructing her not to comment on today’s ICBM allegations. pic.twitter.com/rH3fpoxIHQ

— Kevin Rothrock (@KevinRothrock) November 21, 2024

The post 📽️ НА ЗАХАРОВА Ѝ ЗАЅВОНИ ТЕЛЕФОНОТ ДОДЕКА ЗБОРУВАШЕ ВО ЖИВО Некој ѝ нареди да не го коментира ракетниот напад врз Дњепар appeared first on plusinfo.mk.

• • РУСКАТА РАКЕТА НЕ БИЛА ИНТЕРКОНТИНЕНТАЛНА, ТУКУ САМО БАЛИСТИЧКА Западните дипломати откриваат нови информации

„Денеска нашиот луд сосед уште еднаш покажа каков е во суштина и колку ги презира достоинството, слободата и човечкиот живот воопшто. Толку многу се плаши што веќе користи нови ракети“, напиша Зеленски.

• РУСИЈА ГО ГАЃАШЕ ДЊЕПАР СО ИНТЕРКОНТИНЕНТАЛНА РАКЕТА Украинската војска јави дека градот е погоден и со „Кинжал“

Украинскиот лидер додаде дека спорната ракета е од руско потекло и дека ги „поседува сите карактеристики – брзина и висина – на интерконтинентална балистичка ракета“.

• РУСИЈА МАСОВНО ГО НАПАЃА ДЊЕПРОПЕТРОВСК Песков одби да коментира за интерконтиненталната ракета

Утрово, украинските воздушни сили објавија дека Русија лансирала интерконтинентална балистичка ракета (ICBM) кон градот Дњепар, што предизвика противречни извештаи.

The post РУСИЈА НАПАДНАЛА СО НОВ ТИП РАКЕТА? Зеленски открива свежи информации за оружјето на Кремљ appeared first on plusinfo.mk.

Западен дипломат изјави дека проектилот лансиран од Русија во нападот врз источниот украински град Дњепар е балистичка, но не и интерконтинентална балистичка ракета, јави Си-Ен-Ен.

• РУСИЈА ГО ГАЃАШЕ ДЊЕПАР СО ИНТЕРКОНТИНЕНТАЛНА РАКЕТА Украинската војска јави дека градот е погоден и со „Кинжал“

Дипломатот, кој брифирал новинари на маргините на самитот на азиските министри за одбрана во Лаос, одбил дополнително да ја опише ракетата, велејќи дека нејзиното влијание сè уште се проценува.

• РУСИЈА МАСОВНО ГО НАПАЃА ДЊЕПРОПЕТРОВСК Песков одби да коментира за интерконтиненталната ракета

Во исто време, западен функционер за Еј-Би-Си Њуз изјавил дека „изгледа нападот не бил извршен со интерконтинентална балистичка ракета (ИЦБМ)“.

– Тоа била балистичка ракета, насочена кон Дњепар, во југоисточниот дел на Украина – рекол западниот функционер.

• АМЕРИКАНСКО И АНГЛИСКО ОРУЖЈЕ? ДЕТСКА ШЕГА! Русија собори 2 ракети „Сторм шедоу“ и 6 ракети ХИМАРС

Украинската армија претходно соопшти дека Русија утрово лансирала интерконтинентална балистичка ракета од нејзиниот јужен регион Астрахан и 7 крстаречки ракети. Цел на нападот биле бизниси и критична инфраструктура во централно-источниот украински град Дњепар, соопштија властите.

Портпаролот на Кремљ, Дмитриј Песков, потоа рече дека нема „ништо што да каже“ за обвинувањата на украинската војска дека Русија истрелала ИЦБМ.

– Тоа е прашање за нашата војска, рече тој.

The post РУСКАТА РАКЕТА НЕ БИЛА ИНТЕРКОНТИНЕНТАЛНА, ТУКУ САМО БАЛИСТИЧКА Западните дипломати откриваат нови информации appeared first on plusinfo.mk.

Портпаролот на Кремљ, Дмитриј Песков, нема „ништо да каже“ за обвинувањата на украинската војска дека Русија утрово истрелала интерконтинентална балистичка ракета (ИЦБМ) врз Украина. Шефот на воената администрација на украинскиот регион Дњепропетровск, пак, денеска соопшти дека Русија „масовно го напаѓа Дњепропетровск од утринава“.

Во разговор со новинарите, Песков одби да коментира, јави Си-Ен-Ен.

– Тоа е прашање за нашата војска – рече тој.

„Русија денеска лансирала интерконтинентална балистичка ракета ‘Кинџал’ од нејзиниот јужен регион Астрахан, како и седум крстосувачки ракети“, соопшти украинската војска.

• РУСИЈА ГО ГАЃАШЕ ДЊЕПАР СО ИНТЕРКОНТИНЕНТАЛНА РАКЕТА Украинската војска јави дека градот е погоден и со „Кинжал“

Русија го употреби ова оружје со долг дострел првпат откако ја почна војната.

Нападот следуваше откако Украина оваа недела употреби американски и британски ракети за да нападне цели во Русија, за што Москва со месеци предупредуваше како потенцијална ескалација.

Цел на нападот биле бизниси и критична инфраструктура во централно-источниот украински град Дњепар, соопштија властите.

Дополнително, шефот на воената администрација на украинскиот регион Дњепропетровск, во кој се наоѓа градот Дњепар, денеска соопшти дека Русија „масовно го напаѓа Дњепропетровск од утринава“.

„Од раните утрински часови, агресорот масовно го напаѓа регионот“, напиша Серхиј Лисак на Телеграм.

Тој пријавил „оштетување на индустриско претпријатие“ во регионалниот главен град Днипро.

– Во градот имало два пожара – рече тој.

Според неговата последна објава на Телеграм, во градот Криви Рих загинале 2 лица. Подоцна ќе бидат објавени повеќе детали.

Лисак не го спомна обвинувањето од украинските власти дека Русија лансирала интерконтинентална балистичка ракета (ИЦБМ) во нејзиниот напад врз регионот Дњепропетровск.

The post РУСИЈА МАСОВНО ГО НАПАЃА ДЊЕПРОПЕТРОВСК Песков одби да коментира за интерконтиненталната ракета appeared first on plusinfo.mk.

Русија употреби интерконтинентална балистичка ракета за прв пат откако ја почна војната.

Нападот следуваше откако Украина оваа недела употреби американски и британски ракети за да нападне цели во Русија, за што Москва со месеци предупредуваше дека таков напад ќе значи ескалација.

Не е познато што конкретно е погодено од интерконтиненталната ракета или колкава е штетата.

Руските ракети имаат дострел од неколку илјади километри и можат да носат нуклеарни боеви глави.

Украинскиот систем за противвоздушна одбрана собори шест крстосувачки ракети Кх-101 за време на нападот.

Воздухопловните сили на Украина соопштија дека ракетата била лансирана од областа Астрахан во Русија, но не прецизираа за каков тип на интерконтинентална балистичка ракета се работи.

The post РУСИЈА ГО ГАЃАШЕ ДЊЕПАР СО ИНТЕРКОНТИНЕНТАЛНА РАКЕТА Украинската војска јави дека градот е погоден и со „Кинжал“ appeared first on plusinfo.mk.