Бројот на загинатите во силниот земјотрес што денеска ја погоди источна Индонезија се зголеми на 38 лица, потврди за новинарите Сухарјанто, директор на индонезиската Национална агенција за управување со катастрофи (БНПБ).

Спасувачките екипи ги пребаруваат урнатините во потрага по преживеани во подрачјето во близина на островот Флорес, каде што земјотресот со магнитуда од 7,7 степени предизвика сериозни разурнувања и принуди илјадници жители да ги напуштат своите домови. Во соседниот регион Мангараи потврдено е дека најмалку две лица се живи заглавени под урнатините.

По главниот удар се регистрирани десетици последователни потреси, од кои најсилниот бил со магнитуда од 6,1 степен.

Индонезија лежи на пацифичкиот „Огнен прстен“ – појас на интензивна сеизмичка активност што се протега од Јапонија низ Југоисточна Азија и Пацификот – поради што регионот е постојано изложен на силни земјотреси.

Островот Флорес претходно беше погоден од катастрофален земјотрес и цунами со магнитуда од 7,7 степени во 1992 година, кога загинаа околу 2.500 луѓе.

The post БРОЈОТ НА ЗАГИНАТИ ОД ЗЕМЈОТРЕСОТ СЕ ИСКАЧИ НА 38 Спасувачките екипи трагаат по преживеани во Индонезија appeared first on plusinfo.mk.

Речиси 30.000 членови на службите за итни случаи и повеќе од 3.300 меѓународни спасувачи се тркаат со времето за да пронајдат преживеани по разорните земјотреси што ја погодија Венецуела на 24 јуни.

Сепак, во овие бројки не е вклучен најспецијалниот трагач, а тоа се десетици високо обучени кучиња-трагачи, распоредени како дел од тимови од повеќе од 20 земји, според France24.

Овие кучиња, специјално обучени за откривање на мириси на луѓе, поминаа денови барајќи луѓе закопани под урнатините на речиси 200 згради што се урнаа по два силни, последователни земјотреси.

– Нивната работа се базира на откривање на локациите на луѓето преку идентификување на температурата, мирисот на телото и јаглерод диоксидот што го издишуваат жртвите – рече Александар Парада од американскиот спасувачки тим Флорида Работна група. Според него, кучињата работат што луѓето не можат да ја работат.

Претседателот на Националното собрание на Венецуела, Хорхе Родригез, рече дека во операциите биле вклучени околу 137 кучиња за пребарување и спасување.

Едно од таквите кучиња е куче од мешана раса по име Цунами, кое се пробило низ урнатините, барајќи жртви и кое, во текот на изминатите десет дена, помогнало да се пронајдат голем број луѓе закопани под урнатините, објавува CNN.

– Нашиот четириножен спасител успеа да извлече 25 лица од урнатините на зградите уништени од земјотреси – објави венецуелската влада во четврток.

Интересно е што кучето Цунами било запуштено од своите сопственици, и во очајна состојба, било спасено од службите за грижа за животните, по што се „вработило“ како куче-спасител.

Друг член на овој меѓународен тим е белгискиот малиноа по име Барт од Аргентина, кој помогна во спасувањето на две деца од урнатините, како и во извлекувањето на шест тела на жртви.

Според портпаролот на аргентинскиот претседател Хавиер Милај, Барт е дел од воена мисија испратена од владата на земјата за да помогне во напорите во Венецуела.

Друго од кучињата што неуморно помагаат во спасувањето е женката лабрадор ретривер, Сису, која ги бара закопаните во урнатините со истата ревност и енергија со која трча по својата омилена играчка, портокалово-сина топка. Сису е член на американскиот спасувачки тим Флорида Работна група.

Топос, куче од Меѓународната спасувачка бригада на Мексико, пронајде бел малтезер жив под урнатините и помогна во водењето на потрагата што доведе до пронаоѓање на шест тела.

Вршителот на должноста претседател на Венецуела, Делси Родригез, им оддаде почит на кучињата во петокот доделувајќи им ја титулата „Венецуелски кучиња херои“ за време на церемонијата во Ла Гваира, крајбрежната држава најтешко погодена од земјотресите, објави Си-Ен-Ен.

The post 🎥 КУЧЕ СПАСИ 25 ЛУЃЕ ОД ПОД УРНАТИНИТЕ ВО ВЕНЕЦУЕЛА! Помошта од четвороножните спасители е непроценлива appeared first on plusinfo.mk.

Најмалку 32 лица загинаа во силен земјотрес со магнитуда од 7,8 степени што го погоди јужниот дел на Филипините утрово, а спасувачките операции се во тек откако се урнаа неколку згради.

Епицентарот на земјотресот беше југозападно од Масим во покраината Сарангани на јужниот остров Минданао, објави Институтот за вулканологија и сеизмологија (Phivolcs). Земјотресот беше силно почувствуван и во градот Генерал Сантос, дом на околу 70.000 жители.

Дванаесет лица се водат како исчезнати, а вкупно 134 се повредени, се досегашните официјални бројки. Предупредувања за цунами беа издадени во делови од земјата, но беа повлечени по неколку часа.

– Три лица загинаа во покраината Сарангани и две во покраината Јужен Котабато. Штетата и бројот на жртвите сè уште се проценуваат. Спасувачките операции се во тек. Има извештаи за луѓе заробени во зграда, во училиште, но сè уште не го знаеме точниот број – изјави Родриго Сосмења, раководител на регионалната Канцеларија за цивилна одбрана.

Another video captures the Jollibee building collapse in General Santos, Philippines following powerful earthquake. No word on casualties. https://t.co/LJEVl0qTjC pic.twitter.com/DgixNijwoY

— AZ Intel (@AZ_Intel_) June 8, 2026

Земјотресот беше почувствуван и во делови од Индонезија, особено на островот Сулавеси, а Јапонија предупреди делови од својот брег на Пацификот за можни бранови. Филипинската агенција за метеорологија, климатологија и геофизика (BMKG) објави дека регистрирала бранови до 1,4 метри во шест крајбрежни области и продолжува да ја следи ситуацијата и покрај откажувањето на предупредувањето за цунами.

Во источните делови на Индонезија, Агенцијата за метеорологија, климатологија и геофизика (BMKG) регистрираше мали цунами бранови на неколку мерни станици. Нивото на морето во областа малку се искачи, а предупредувањe за цунами.

First day of school… then the earth shattered everything

A powerful earthquake struck Southern Mindanao at around 7:37 a.m. on Monday, with General Santos City, Sarangani philippines pic.twitter.com/QfefDfiepi

— Benj (@B3n0444) June 8, 2026

Според видеата што кружат на социјалните медиуми, неколку згради се урнале или делумно се урнале во регионот Минданао на Филипините. Наставата во училиштата е откажана, а работата на владините и приватните канцеларии е прекината. Земјотресот се случи на првиот ден од учебната година, за време на церемониите за кревање знамиња во училиштата и владините канцеларии, па многу ученици, наставници и персонал веќе беа надвор од зградите.

7.8 magnitude earthquake struck the Philippines!! #Philippines#earthquake pic.twitter.com/GpjOIsVJwI

— Pha ที่อ่านว่า ภา (@Pha11w) June 8, 2026

The post 🎥 РАЗОРЕН ЗЕМЈОТРЕС ОД 7,8 СТЕПЕНИ НА ФИЛИПИНИ Најмалку 30 мртви, разрушени куќи и стравување дека е можно цунами appeared first on plusinfo.mk.

Чешката манекенка Петра Немцова повторно привлече големо внимание на овогодинешниот Кански филмски фестивал, потврдувајќи го својот статус како една од најлојалните и најгламурозните гостинки.

Таа пристигна на светската премиера на филмот „Garance“ во раскошен бел фустан направен од проѕирен тил и мрежеста ткаенина, украсен со тродимензионални цвеќиња и пердуви. Елегантната креација ја претвори во една од најфотографираните ѕвезди на вечерта, а нејзиниот романтичен моден изглед повторно ги воодушеви модните критичари и фотографите на Азурниот Брег.

За Немцова, Кан е еден вид пролетна традиција речиси две децении. Чешката манекенка е редовна гостинка на фестивалот од 2006 година, често учествувајќи во добротворните настани организирани таму. Сепак, зад гламурозните појавувања, луксузните кампањи и насловните страници се крие една од најдраматичните и најинспиративните животни приказни во светот на модата.

 

View this post on Instagram

 

A post shared by Petra Nemcova (@pnemcova)

Таа е родена во 1979 година во Карвина, во тогашна Чехословачка. Растела во скромни околности, а како тинејџерка сонувала за светот на модата и патувањата. Сè се променило кога победила на чешки натпревар за таленти и убавина на 16-годишна возраст, што ѝ ги отворило вратите кон меѓународната модна сцена.

По преселбата во Милано, а подоцна и во Њујорк, таа брзо станала едно од најбараните лица во модната индустрија. Во 1990-тите и почетокот на 2000-тите, работела за некои од најголемите модни куќи и списанија во светот, а насловната страница во „Спортс илустрејтид“ во 2003 година ѝ донесе светска слава.

За време на нејзината кариера, Петра соработувала со бројни луксузни брендови како што се „Картие“, „Шанел“, „Ла Перл“, „Макс Фактор“ и „Викторијас Сикрет“. Таа се појави на насловните страници на „Вог“, „Ел“, „Харперс Базар“ и „Космополитан“, а светот на модата особено го сакаше нејзиниот софистициран, но природен изглед.

Во времето на нејзината најголема популарност, таа се сметаше за една од најуспешните европски модели од нејзината генерација. Модните експерти често истакнуваа дека Петра го комбинира гламурот на супермодел од 1990-тите со топлината и пристапноста што ја разликуваа од другите ѕвезди на модната сцена.

На крајот од 2004 година, таа доживеа трагедија што го шокираше светот.

 

View this post on Instagram

 

A post shared by Good Morning America (@goodmorningamerica)

Петра беше во Тајланд, на одмор со својот свршеник, британскиот фотограф Сајмон Атли. Огромните бранови го уништија одморалиштето каде што престојуваа. Петра преживеала држејќи се 8 часа за палма и покрај тешките повреди, вклучувајќи повеќекратни фрактури на карлицата, додека Сајмон исчезна во катастрофата.

Неговото тело беше пронајдено неколку месеци подоцна. Нејзината исповед по трагедијата го обиколи светот. Многумина беа трогнати од нејзината сила, но и од фактот дека по ужасната траума одлучи да го посвети својот живот на помагање на другите.

По долго и тешко закрепнување, Петра полека се врати во јавниот живот. Наместо целосно да се повлече од светот на модата, таа одлучи да ја искористи својата популарност за хуманитарна работа. Го основаше Happy Hearts Fund, организација која им помагаше на децата и семејствата погодени од природни катастрофи низ целиот свет.

 

View this post on Instagram

 

A post shared by All Hands & Hearts (@allhandsandhearts)

Нејзината хуманитарна мисија стана подеднакво важна како и нејзината кариера како модел. Петра често нагласуваше дека трагедијата ја научила колку е кревок животот и колку е важно да им се помага на другите.

И покрај трауматичното искуство, Петра успешно се врати на манекенството, телевизиските проекти и јавните настани. Се појавуваше на престижни модни настани, учествуваше на добротворни гала вечери и остана едно од најпрепознатливите лица на светската модна сцена. Со текот на годините, таа беше поврзувана со неколку познати мажи, вклучувајќи актери и претприемачи, но најчесто го држеше својот приватен живот подалеку од очите на јавноста.

Во 2019 година, се омажи за францускиот претприемач Бенџамин Ларет, со кого доби син. Денес, Немцова живее помеѓу Европа и САД и останува активна во модата, хуманитарната работа и јавните кампањи.

Таа редовно учествува на филмски фестивали, модни настани и хуманитарни акции, а нејзиното појавување во Кан година по година потврдува дека сè уште има статус на модна икона. Иако помина низ голема лична трагедија, Петра успеа да изгради нов живот и да ја претвори болката во инспирација за другите.

The post 🎥 ЦУНАМИТО Ѝ ГО ПРОМЕНИ ЖИВОТОТ ЗАСЕКОГАШ Ја преживеа катастрофата што ѝ ја однесе љубовта на животот appeared first on plusinfo.mk.

Нов земјотрес беше регистриран во Јапонија, овој пат со јачина од 6,2 степени според Рихтеровата скала на островот Хокаидо, објави Германскиот истражувачки центар за геонауки, пренесе Би-би-си.

Епицентарот е регистриран на длабочина од околу 80 километри, а во првите часови по потресот не се пријавени жртви или материјална штета.

Хокаидо е најсеверниот остров во Јапонија и втор по големина. Не е издадено предупредување за цунами, а епицентарот се случил во регион кој не е пренаселен, 200 километри источно од Сапоро. Беше нагласено дека во областите каде што се случиле посилни тресења на земјиштето, ризикот од одрони на карпи и лизгање на земјиштето е зголемен.

Јапонија деновиве е актуелна со потресите. Претходната недела североисточниот брег го погоди земјотрес со јачина од 7,7 степени, поради што беше издадена наредба за евакуација и предупредувања за цунами бранови, кои достигнаа висина од 80 сантиметри.

Јапонските власти предупредија за зголемен ризик од „голем земјотрес кој ќе предизвика уште посилно тресење“, а со тоа и поголеми бранови. Ризикот од земјотрес со јачина од 8,0 степени е „релативно поголем од вообичаеното“.

The post ЈАПОНСКОТО ТЛО НЕ ПРЕСТАНУВА ДА СЕ ТРЕСЕ Регистриран нов земјотрес од 6,2 степени appeared first on plusinfo.mk.

Владата на Јапонија по големиот земјотрес формираше оперативна група за вонредни ситуации и ги повика граѓаните од погодените подрачја да се евакуираат на безбедно место, рече денеска јапонската премиерка, Санае Такаичи.

Владата и Јапонската метеоролошка агенција соопштија дека во северните крајбрежни области постои зголемен ризик од таканаречен огромен земјотрес, феномен во кој помал потрес може да предизвика многу посилен земјотрес. Веројатноста за тоа да се случи во наредната недела се проценува на 1 отсто.

Тоа се случи во Јапонија во 2011 година кога земјотрес со интензитет од 7,5 степени претходеше на огромен земјотрес со магнитуда од 9 степени според Рихтеровата скала, при што предизвика големо цунами, а загинаа приближно 20.000 луѓе.

Јапонската Агенција за управување со пожари и катастрофи соопшти дека досега не е пријавена штета или повредени лица по денешниот голем земјотрес што го погоди северниот дел на земјата.

Агенцијата за нуклеарна регулација соопшти дека при земјотресот не се погодени нуклеарните електрични централи и не се забележани никакви аномалии.

Земјотрес со интензитет од 7,5 степени според Рихтеровата скала денеска е регистриран во близина на брегот на Сенрикуа, северна Јапонија. Земјотресот бил на 10-ина километри под дното на Тихиот Океан, со епицентар на речиси 100 километри од брегот, по што е издадено предупредување за цунами.

Цунами со висина од 80-ина сантиметри е регистрирано во пристаништето Куја. Беше издадено предупредување дека можна е појава на бранови високи и до 3 метри поради што на 128.000 жители им беше препорачано да се оддалечат од брегот.

Предупредувања за цунами беа издадени и во префектурите Ивати и Аомори, за југоисточниот дел на островот Хокаидо и за брегот на префектурите Мијаги и Фукушима.

Земјотресите со интензитет од 7 до 7,9 се категоризирани како големи и можат да предизвикаат штети на зградите. Големите земјотреси може да се почувствуваат на голема оддалеченост, а штети може да предизвикаат и на 250 километри од епицентарот. Големите земјотреси предизвикуваат и цунами. Во светот годишно се случуваат од 10 до 20 големи земјотреси.

The post МОЖЕН Е ОГРОМЕН ЗЕМЈОТРЕС ВО ЈАПОНИЈА ПО ПОТРЕСОТ ОД 7,5 СТЕПЕНИ Премиерката Такаичи повика на евакуација од северните области appeared first on plusinfo.mk.

Земјотресот со јачина од 7,5 степени во Јапонија ги разбуди мрачните сеќавања од 2011 година. Тогаш, цунамито предизвика експлозии и топење во нуклеарната централа Фукушима — најголемата нуклеарна несреќа по Чернобил.

Јапонија во понеделникот, 8 декември, ја претрпе најсилната ноќна сеизмичка пресметка по повеќе години. Овојпат, сценариото беше поинакво. Јапонската метеоролошка агенција издаде предупредување за бранови до 3 метри, но измерените цунами бранови биле далеку послаби, од 20 до 70 сантиметри во неколку пристаништа.

Властите соопштија дека нема поголеми оштетувања и дека сите нуклеарни централи работат нормално.

– Во моментов имаме потврда за триесетина повредени и еден пожар – изјави премиерката Санае Такаичи, додавајќи дека повеќе од 90 илјади луѓе биле евакуирани, но дека најголем дел од нив се враќаат дома.

Developing : A massive magnitude 7.6 earthquake struck off the coast of Japan Monday, triggering a tsunami alert for waves up to 10 feet.

Last year’s video when the 7.1 magnitude earthquake hit Japan. This time 7.6. Prayers for our Japanese brothers & sisters. pic.twitter.com/xiJLchr2T2

— Baba Banaras (@RealBababanaras) December 8, 2025

Земјотресот се случил нешто по 23 часот по локално време, со епицентар на 80 километри од брегот на префектурата Аомори и длабочина од 54 километри. Во градот Хачинохе тресењето достигнало „горна шестка“ според јапонската скала, доволно силно за луѓето да не можат да стојат, туку да лазат кон излезите.

 

View this post on Instagram

 

A post shared by James (@prophecy_unfolding)

– Може да се очекуваат уште неколку силни земјотреси во следните денови – предупреди претставник на Метеоролошката агенција, повикувајќи ги жителите да останат внимателни.

9.1 Magnitude Earthquake

Footage of the 2011 Great East Japan tsunami shows the extensive devastation it caused. Well over 18,000 people lost their lives as a result of the disaster.#Japan #earthquake #Tsunami pic.twitter.com/U8Nta78pRX

— Sumit (@SumitHansd) December 9, 2025

Железничката компанија „Ист Јапан Рејлуеј“ ги прекина неколку линии, а други доцнеа поради безбедносни проверки. Во централите управувани од „Тохоку електрик“ и „Хокаидо електрик“ не се забележани никакви проблеми. Електричната енергија, која првично беше прекината во илјадници домаќинства, е повторно воспоставена.

По потресот, јенот, јапонската национална валута, накратко ослабе во однос на доларот и на еврото, но пазарите се стабилизираа до пладне.

Јапонија е дел од т.н. „огнен прстен“ околу Пацификот и регистрира земјотрес со големина над 6,0 по Рихтеровата скала речиси секоја недела.

The post 📽️ СТРАВОТ ОД НОВ ЧЕРНОБИЛ ЈА ЗДРМА ЈАПОНИЈА Земјотресот од 7,5 степени предизвика цунами и паника appeared first on plusinfo.mk.

Земјотрес со јачина од 7,5 степени според Рихтеровата скала синоќа го погоди преминот Дрејк (Осесово Море), подрачје помеѓу јужниот врв на Јужна Америка и Антарктикот.

Поморската хидрографска и океанографска служба на Чиле издаде предупредување за цунами за Чилеанската антарктичка територија по земјотресот со јачина од 8,0 степени по Рихтер.

Европско-медитеранскиот сеизмолошки институт објави дека епицентарот на земјотресот со јачина од 7,5 степени бил 717 км југоисточно од аргентинскиот град Ушуаја 706 километри северозападно од градот Толуин на аргентинскиот остров Тиера дел Фуего на длабочина од 10 километри.

Градот Ушуаја има околу 58.000 жители

The post ЗЕМЈОТРЕС ОД 7,5 СТЕПЕНИ ВО ОСЕСОВОТО МОРЕ Чиле издаде предупредување за цунами appeared first on plusinfo.mk.

По земјотресот, Камчатка се поместила за 2 метра, а и малку се намалила по висина, но не треба да се очекуваат нови сериозни последици.

За ова зборуваше директорот на Камчатскиот огранок на Обединетата геофизичка служба при Руската академија на науки, Данила Чебров, за Известија.

– Поместувањето е директен резултат на силен земјотрес. Затоа, таму нема да се случи ништо дополнително, освен она што следи како дел од процесот на афтершокови. А сеизмичкиот процес на Камчатка не запре сам од себе – изјавил експертот.

Камчатка постојано се движи

Тој посочил дека полуостровот постојано е во движење бидејќи се движат и литосферските плочи.

– Камчатка се спуштила малку. Помалку во областа на Петропавловск, а повеќе на југот. Камчатка се наоѓа на северноамериканската плоча. И таа се движи – океанската плоча ја притиска, потоа се враќа малку назад, па пак се турка, и така постојано – објаснил Чебров.

Земјотресот не е само тресењето, туку и бавните движења

Експертот додаде дека ваквите тектонски поместувања, што се случуваат при земјотреси, најчесто не се забележуваат.

– Земјотресите не се составени само од тоа тресење што сите го чувствуваат и го паметат, туку и од бавни движења со голема амплитуда, кои не можат да се почувствуваат или да се регистрираат без прецизни инструменти – рече тој.

Камчатскиот огранок на Обединетата геофизичка служба на Руската академија на науки претходно тој ден соопшти дека по силниот земјотрес, јужниот дел од полуостровот Камчатка се поместил за речиси 2 метри. Ова поместување е споредливо со хоризонталното поместување по земјотресот во Тохоку, Јапонија, во 2011 година.

Земјотресот на Камчатка се случи на 30 јули. Поради силниот земјотрес, на брегот на заливот Авача беше прогласена опасност од цунами.

Потоа следеше серија афтершокови. На 4 август, експерти соопштија дека во текот на денот се регистрирани 7 значајни земјотреси во Камчатка. Прецизирано е дека само за еден ден во регионот биле евидентирани повеќе од 85 сеизмички настани.

The post КАМЧАТКА СЕ ПОМЕСТИЛА ЗА 2 МЕТРА ПОРАДИ ЗЕМЈОТРЕСОТ Полуостровот исто така се спуштил малку appeared first on plusinfo.mk.

Воена база на нуклеарни подморници во оддалечениот Далечен Исток на Русија претрпе оштетувања минатата недела, откако регионот беше погоден од еден од најсилните земјотреси во последните децении, покажуваат сателитски снимки, објави Њујорк тајмс.

Пловечкото пристаниште на подморничката база Рибачиј, едно од клучните седишта на Пацифичката флота на Русија на полуостровот Камчатка, изгледа дека е сериозно оштетенo, според сателитски снимки направени во неделата од страна на комерцијалната сателитска компанија „Планет лабс“ (Planet Labs). Дел од пристаништето изгледа дека е откачен од своето сидриште.

Руските медиуми не известиле за инцидентот

Нема други видливи значајни оштетувања, а неколку пловни објекти, вклучително и 5 подморници, се забележани како се прицврстени на блиските пристаништа. Сè уште нема официјално соопштение за евентуални оштетувања на базата, а ниту руските медиуми не известија за инцидентот. Меѓународните тела што ги следат нуклеарните објекти не пријавиле покачени нивоа на радијација во областа.

Некои од пловечките пристаништа на Рибачиј се нови: најмалку 2 нови пристаништа биле нарачани и поставени на базата по почетокот на руската инвазија на Украина во 2022 година, според руската војска.

Базата, изградена во советско време, е поставена во залив за да ги заштити пловните објекти од високите бранови и од бурата на отворено море, кое е оддалечено само неколку километри.

Едно пристаниште со знаци на оштетување

Иако неколку пристаништа во Рибачиј изгледаат неоштетени, едно покажува знаци на оштетување од цунами брановите, предизвикани од земјотресот.

– Најверојатно ова нема значително да ја загрози борбената подготвеност на базата, а поправките на пристанот веројатно нема да бидат скапи – изјавија од Истражувачкиот тим за конфликтна интелигенција (Conflict Intelligence Team), група што користи податоци од отворени извори за да ја проучува руската војска, за Њујорк тајмс.

Земјотресот со јачина од 8,8 степени ја погоди областа на рускиот Далечен Исток во средата, предизвикувајќи паника кај локалното население, огромни цунами бранови кон пацифичкиот брег и вклучување на аларми ширум светот. Епицентарот на земјотресот бил околу 130 километри оддалечен од Рибачиј.

Базата се наоѓа на истиот залив со регионалниот главен град Петропавловск-Камчатски, кој претрпел мали оштетувања.

Цунами брановите не стигнале до самиот град, но биле забележани на отворено море неколку километри подалеку.

Подморничката база и градот Рибачиј се строго обезбедувани зони со ограничен пристап за јавноста.

Русија летово премести дел од своите воени капацитети подалеку на исток поради смела украинска нападна акција со дронови извршена од руска територија, при што беа погодени неколку важни цели илјадници километри далеку од фронтот, вклучително и аеродром во источен Сибир.

Камчатка минатата недела беше погодена од серија сеизмички настани, вклучително и од силниот земјотрес, неговите последователни потреси, како и од ерупции на вулкани.

The post ОШТЕТЕНА РУСКА БАЗА НА ПОДМОРНИЦИ ПОРАДИ ЗЕМЈОТРЕСОТ НА КАМЧАТКА Сателитски снимки откриваат разурнато пловечко пристаниште кај Рибачиј appeared first on plusinfo.mk.