Силен земјотрес со јачина од 7,5 степени ја погоди Јапонија, со епицентар во морето на околу 100 километри од брегот на Санрику, а првите цунами бранови веќе стигнаа до источниот брег, објави јапонскиот јавен сервис НХК.

Земјотресот бил регистриран на длабочина од 10 километри. Според истиот извор, интензитетот достигнал 5+ според јапонската сеизмичка скала. Оваа скала се движи од 0 до 7 степени.

– Според првите извештаи, потврдено е дека има човечки жртви и материјална штета. Сега собираме детални информации врз основа на кои ќе ги координираме сите активности за реагирање во случај на катастрофа – изјави јапонскaта премиерка Санае Такичи.

Првите бранови веќе го погодија источниот брег на земјата. Највисок бран од 80 см е забележан во Куџи, префектурата Ивате. Во градот Мијако, исто така во префектурата Ивате, брановите достигнаа 40 см, во Хачинохе, префектурата Аомори, 30 см, а во Уракава, на островот Хокаидо, се измерени 20 см.

Брановите стигнаа, алармот се активира

Јапонската метеоролошка агенција издаде предупредување за цунами. Според нив, бранови високи до 3 метри би можеле да погодат делови од брегот за помалку од 30 минути. Агенцијата нагласи дека станува збор за проценки.

Најзагрозени се централниот тихоокеански брег на Хокаидо и делови од префектурите Аомори и Ивате. Властите ги повикаа граѓаните да бидат внимателни. Предупредувањата остануваат на сила.

Мапите црвенеат, ризикот расте

Јапонскиот јавен сервис НХК објави мапа со зоните под ризик. Областите се означени со различни бои според нивото на опасност. Жолтите зони означуваат предупредување за цунами.

Црвените зони се најризични и вклучуваат делови од Хокаидо и Ивате. Таму предупредувањата се на највисоко ниво. Властите апелираат на претпазливост.

Нуклеарните централи под проверка

Јапонските власти проверуваат состојба во нуклеарната централа Онагава. Проверките се дел од стандардната процедура по силни потреси. Засега нема информации за неправилности.

Централата е во североисточниот дел на земјата. Таа често е во фокус поради искуствата од минатото. По секој поголем земјотрес се вршат дополнителни контроли.

EARTHQUAKE AND TSUNAMI WARNING IN JAPAN

7.4 magnitude earthquake hit Hokkaido, Aomori, and Iwate in Japan.

Tsunami alert of 3m issued in Iwate and Hokkaido.

Fishing boats are relocating.#Earthquake #TsunamiWarning #Japan https://t.co/daffDhGiUh pic.twitter.com/74dFNyhOPf

— India Strikes YT (@IndiaStrikes_) April 20, 2026

„Огнен прстен“ ја тресе Јапонија

Јапонија се наоѓа во т.н. Тихоокеански Огнен Прстен. Тоа е зона со висока сеизмичка и вулканска активност. Земјата лежи на спој на неколку тектонски плочи.

Поради тоа, таму се случуваат околу 20 проценти од силните земјотреси во светот. Повеќето згради се градат со стандарди отпорни на потреси. Граѓаните се обучени како да реагираат.

На 11 март 2011 година, Јапонија беше погодена од земјотрес од 9 степени. Тогаш следеа цунами бранови високи до 40 метри. Речиси 20.000 луѓе загинаа или исчезнаа.

The post 📽️ СТРАШЕН ЗЕМЈОТРЕС ВО ЈАПОНИЈА, СЛЕДИ ЦУНАМИ Првите бранови стигнаа, има жртви appeared first on plusinfo.mk.

Моќен земјотрес со јачина од 8,8 степени според Рихтеровата скала ја погоди областа околу градот Петропавловск на полуостровот Камчатка во Русија. Силниот потрес, кој траел неколку секунди, веднаш активирал опасен бран цунами што го зафати брегот и ги потопи делови од Курилските острови.

Првичните информации говорат за повредени лица, а локалните власти се во трка со времето – жителите се евакуираат на повисоки места. Гувернерот на Сахалин, Валери Лимаренко, изјави дека операциите за евакуација се во полн ек додека се очекуваат нови бранови во текот на наредните часови.

Паниката брзо се прошири и во други делови од Пацифичкиот Океан. Јапонија, Хаваи, западниот брег на САД, Чиле и други земји издадоа аларм за цунами и започнаа мерки за заштита на населението. Американскиот систем за рано предупредување предвиде бранови од над три метри за делови од Русија и Еквадор, додека помали, но сè уште опасни бранови се очекуваат во Хаваи, Јапонија и Чиле.

Тлото не мирува – повеќе последователни потреси се почувствувани во регионот, а експертите предупредуваат дека активноста може да продолжи со денови.

At least 4 whales have washed up along the coast of Japan, hours after 8.8 earthquake

Civilians seen on top of building in Hokkaido, Japan amid tsunami warning.

Tsunami Warning Russia, Alaska, Hawaii, Japan #earthquake #tsunami #Russia #Japan #Hawaii #Alaska pic.twitter.com/3BhfkszQjz

— Sumit (@SumitHansd) July 30, 2025

The post 📷 📽️ ЗЕМЈОТРЕС ОД 8,8 СТЕПЕНИ ПРЕДИЗВИКА ЦУНАМИ Русија, Јапонија и Хаваи наредија евакуација appeared first on plusinfo.mk.