Македонија и денес се буди со чад во воздухот. Според последните информации на Центарот за управување со кризи, на територијата на државата во изминатите 24 часа биле регистрирани вкупно 28 пожари на отворено, од кои три се сè уште активни, пет се под контрола, а дваесет се изгаснати.

Најсериозната состојба останува на планинските предели помеѓу Василево, Радовиш и Берово, каде пламенот зафати нискостеблеста шума, смреки и густа вегетација. Оддалечената и тешко пристапна локација ја отежнува интервенцијата на терен. Истовремено, во Прилеп, селото Бешиште и ридот познат како Бешишки Рид се соочуваат со пожар кој се шири во неколку насоки – кон селото Градешница во Општина Новаци и опасно се приближува до границата со Грција. Интервенцијата таму е суспендирана поради серија детонации, што дополнително ја усложнува ситуацијата.

Третиот активен пожар беснее меѓу селата Царевиќ, Смолани, Радобил и Дрен кај Прилеп, со ширење и кон територија на Кавадарци, вклучувајќи ги Галиште и Трстеник. Овој фронт зафати мешана шума и ниска вегетација, и покрај напорите, огнот сè уште не е локализиран.

Од друга страна, пет пожари се ставени под контрола, но не се целосно изгаснати. Меѓу нив се шумските подрачја околу селата Грешница и Црешево во Македонски Брод, каде деградираната дабова шума и ниската вегетација се покажаа како силно запаливи. Истиот епилог го имаат и пожарите во околината на Штип и Карбинци, како и борова шума кај Ќосевица во Македонска Каменица.

Добрата вест е дека 20 пожари се успешно изгаснати, иако дел од нив биле заканувачки. Најкритично беше во Кумановско и Старо Нагоричане, каде огнот се приближуваше до куќи во неколку села, но со координирана акција пожарот беше спречен. Слични ситуации беа пријавени и во Прилеп, Кичево, Струга, Охрид, Сарај и Бутел, но интервенирано е навремено.

Пожари беа пријавени и на градска депонија во Делчево, на гробишта во Струмица, како и на стрништа, ниви, па дури и корени од домати, што говори за разновидноста и сериозноста на проблемот кој ја зафати целата држава.

Институциите апелираат на крајна претпазливост, една искра е доволна за нова катастрофа.

The post ОГНОТ ОПКОЛУВА СЕЛА Прилеп, Берово, Радовиш и Кавадарци во опасност, пожарите се шират appeared first on plusinfo.mk.

Додека земјата се соочува со екстремно топло и суво лето, пожарите низ Македонија не стивнуваат, до пладнево се регистрирани 15 пожари, од кои 9 сè уште се активни и претставуваат сериозна закана за шумскиот фонд и локалното население.

Според најновите податоци од Центарот за управување со кризи (ЦУК), до 12:30 часот низ територијата на државата се регистрирани вкупно 15 пожари на отворен простор. Девет од нив се сè уште активни, а шест се ставени под контрола.

Најдраматично е во источниот и јужниот дел на државата – меѓу нив се шумските пожари што беснеат на подрачјето на општините Василево, Радовиш и Берово, каде што гори нискостеблеста шума, грмушки и смрека во реонот на Голем Готен и Малешевските Планини. Особено загрижува пожарот кај селото Бешиште во Прилеп, каде не може да се интервенира поради детонации, а огнот се шири кон селата Градешница и кон границата со Грција.

Мешани шуми и ниска вегетација гори и во шумскиот појас меѓу Прилеп и Кавадарци, во реонот на селата Царевиќ, Смолани, Радобил, Дрен, Галиште и Трстеник. Во Македонски Брод, пожарите го зафатија просторот помеѓу селата Црешево, Локвица и Крапа, каде гори деградирана дабова шума, а во Желино – помеѓу селата Церово и Групчин – се шири пожар во нискостеблеста и деградирана шума.

Сериозни последици трпат и општините Крива Паланка и Македонска Каменица, каде пламените јазици зафатија борова шума кај селата Нерав и Ќосевица. Додека кај селото Ореше, во Чашка, гори букова шума и ниска вегетација, а во Илинден, меѓу Мршевци и Бучинци, пожарот зафатил стрниште.

Состојбата е нешто постабилна кај шест пожари кои се ставени под контрола, но и тие се следат внимателно бидејќи не е исклучена можноста од повторно активирање. Меѓу нив е и пожарот во Облавце, Бељаковце и Довезенце кај Куманово, кој се прошируваше кон кратовските села Димонце и Коњух, каде веќе имаше закана по куќи.

Под контрола се и пожарите кај Грешница (Македонски Брод), Драгоево и Селце (Штип), Јунузлија (Карбинци), Горно Црско (Кичево), како и оној меѓу Катланово и селото Чифлик во Петровец.

ЦУК апелира до граѓаните да не палат оган на отворено, да пријавуваат веднаш секој забележан чад и да соработуваат со надлежните служби. Прогнозите најавуваат нестабилно време со ветер, што дополнително го зголемува ризикот за ширење на пожарите.

The post ПОЖАРИ КАЈ БЕРОВО, ПРИЛЕП, РАДОВИШ… Десетици села во опасност, oгновите се шират appeared first on plusinfo.mk.

За едно деноноќие, од 27 до 28 јули 2025, Центарот за управување со кризи регистрирал вкупно 51 пожар, од кои 8 се активни, 7 се ставени под контрола, а 36 се изгаснати. Најзагрозени се подрачјата со густа шума и непристапен терен, каде гаснењето бара дополнителни ресурси и човечки капацитети.

Еден од најопасните пожари избувнал во регионот помеѓу Василево, Радовиш и Берово, на планината Голем Готен и Малешевските Планини, каде се зафатени нискостеблеста шума, смрека, грмушки и ниска вегетација. Огнот брзо се проширува, а теренот е исклучително тежок за пристап. Слична слика доаѓа и од селото Бешиште кај Прилеп, каде пламените јазици се движат кон Градешница, па дури и кон границата со Грција.

Во опасност е и просторот меѓу селата Царевиќ, Смолани, Радобил и Дрен кај Прилеп, како и Галиште и Трстеник кај Кавадарци. Овде гори мешана шума и ниска вегетација, а воени и цивилни сили се обидуваат да го спречат ширењето. Сериозна состојба се бележи и во Општина Македонски Брод, помеѓу селата Црешево, Локвица и Крапа, каде што гори деградирана дабова шума.

Пожарот меѓу селата Церово и Групчин во Општина Желино зафати деградирана шума и се шири со помош на ветрот. Во Крива Паланка, село Нерав е зафатено од оган во густа борова шума, додека слична сцена се одвива и кај селото Горно Црско во Кичевско, каде гори ниска шума и вегетација. Во Македонска Каменица, борова шума кај селото Ќосевица исто така гори и претставува закана за околината.

Седум пожари се ставени под контрола, вклучително и оној кај селата Облавце, Бељаковце, Довезенце и Руѓинце, кој се ширел и кон територијата на Кратово. Петровец е погоден во два наврати, во селата Коњаре и Катланово, а Македонски Брод регистрираше ново жариште кај селата Грешница и Латово. Слична ситуација е и кај Штип и Карбинци, каде противпожарните служби со часови се борат со нискостеблеста шума.

Добрите вести се дека дури 36 пожари се целосно изгаснати, меѓу нив неколку пожари во Битолско, Прилепско, Светиниколско, Гостиварско и Кумановско. Во Шуто Оризари се гаснел пожар на ѓубриште, а во Колешино се интервенирало кај Колешинските водопади.

Центарот за управување со кризи и противпожарните единици апелираат до граѓаните да бидат исклучително внимателни во природата, особено во близина на шуми. И најмала искра може да предизвика нова катастрофа.

The post ПЕКОЛ ВО ПЛАНИНИТЕ Пожари кај Берово, Прилеп, Кичево и Крива Паланка appeared first on plusinfo.mk.

Во пресекот на денот до 12 часот во Македонија се регистрирани се 12 пожари на отворен простор, од кои 6 се сè уште активни, 3 се ставени под контрола, а 3 се целосно изгаснати, информира Центарот за управување со кризи (ЦУК).

Еден од најсериозните пожари е оној што се проширува во атарот меѓу Василево, Радовиш и Берово, каде се гори планински предел – Голем Готен и делови од Малешевските Планини. Станува збор за пожар кој уништува нискостеблеста шума, смрека и густа вегетација, а пристапот до некои точки е речиси невозможен за теренските екипи.

Во Прилепскиот регион, два пожари се сè уште активни. Едниот се проширува во село Бешиште, каде огнот се движи кон село Градешница и кон граничниот појас со Грција, горејќи мешана шума. Вториот пожар е активен во кракот кон село Дрен, додека делот помеѓу Царевиќ и Смолани засега е под контрола. Овие пожари постојано се реактивираат поради ветерот и високите температури.

Во општина Македонски Брод, повторно се шири пламен меѓу селата Црешево, Локвица и Крапа. Станува збор за пожар кој зафаќа деградирана дабова шума и грмушки, а теренот е крајно непристапен.

Штипскиот регион се бори со нов пожар помеѓу селата Драгоево и Селце, каде гори нискостеблеста шума, прнар и сува трева, што ја зголемува опасноста од неконтролирано ширење.

Во општина Желино, огнот беснее меѓу селата Церово и Групчин, каде гори деградирана и нискостеблеста шума, а пожарот се движи по тешко пристапни падини.

Од другите пожари, тројца се ставени под контрола — тоа се пожарите во Грешница и Латово (Македонски Брод) и во Јунузлија (Карбинци). Иако ситуацијата таму е под контрола, надлежните остануваат на терен поради ризикот од повторна активација.

Добрата вест е дека три пожари се целосно изгаснати – во Струмица (место викано Три Води), во село Гумалево (Зелениково) и во Шуто Оризари, каде изгоре дива депонија на улица Брсјачка Буна.

ЦУК и сите надлежни служби апелираат на внимателност, особено кај граѓаните кои се движат или престојуваат во природа. Човечки фактор останува една од главните причини за настанување на пожари, а последиците можат да бидат катастрофални.

The post ПЛАНИНИ И ШУМИ ВО ПЛАМЕН, СЕЛАТА ПОД ЗАКАНА Огнот стаса и до Малешевијата и Прилеп appeared first on plusinfo.mk.

Според најновите податоци на Центарот за управување со кризи (ЦУК), до утрово (26 јули 2025, 07:00 часот), се регистрирани вкупно 29 пожари на отворен простор. Од нив, 10 се сѐ уште активни, 3 се ставени под контрола, додека 16 се веќе изгаснати. Високите температури, сувата вегетација и тешко пристапните терени ја отежнуваат интервенцијата.

Најголемата закана доаѓа од поширокиот регион меѓу Василево, Радовиш и Берово, каде пламените јазици ја зафатија планината Голем Готен и делови од Малешевските Планини. Огнот таму се шири низ нискостеблеста шума, смрека и густа грмушка, а пожарникарите тешко пристапуваат до фронтот.

Во Прилепскиот крај, ситуацијата е алармантна. Во село Бешиште, пожарот зафаќа Бешишки Рид и се шири кон Градешница и кон граничната линија со Грција. Друг активен фронт во Прилеп се спушта кон село Дрен, додека пожарот меѓу Царевиќ и Смолани е ставен под контрола.

Македонски Брод се соочува со два активни пожара – едниот кај село Црешнево, каде што гори ниска вегетација, а другиот меѓу селата Локвица и Крапа, каде што се гори деградирана дабова шума и суви грмушки. Во регионот на Штип, огнот помеѓу селата Драгоево и Селце горат нискостеблеста шума и сува трева.

Пожар избувна и во Зелениково, во село Гумалево, каде што гори мешана вегетација. Во Желино, пламените јазици беснеат меѓу Церово и Групчин, зафаќајќи деградирана шума. Во Струмичкиот регион, пожарот го зафати предeлот „Три Води“.

Од позитивната страна, три пожари се ставени под контрола. Во село Грешница кај Македонски Брод, се гаси мешана шума и сува трева. Во Шуто Оризари, на улицата Брсјачка Буна е локализиран пожарот на дива депонија, додека во Карбинци е стабилизирана ситуацијата со шумскиот пожар кај село Јунузлија.

ЦУК информира и за 16 изгаснати пожари – меѓу нив има и пожари кај депонии, ниска вегетација, трска, стрништа и сува трева. Гореше во Кочани, Куманово, Прилеп, Ресен, Велес, Гостивар, па дури и во Старо Нагоричане каде пламенот зафати куќа. На автопатот Гостивар–Тетово исто така бил изгаснат пожар со висок ризик.

Од ЦУК ги повикуваат граѓаните на зголемена претпазливост. Фрлањето отпушоци, неконтролираното палење стрништа и несовесното однесување можат да предизвикаат катастрофи од невидени размери.

The post ШУМИ, СЕЛА, ДЕПОНИИ ВО ПЛАМЕН Пожарите не стивнуваат, опасност за животни и имот appeared first on plusinfo.mk.

Пожарот во дојранското село Николиќ е ставен под контрола, но четири други пожари и натаму се активни и со сериозен потенцијал за ширење, информира Центарот за управување со кризи (ЦУК).

Според најновите податоци, активни се пожарите кај велешките села Џидимирци, Крушје и Иванковци, како и на поширокиот потег меѓу селата Црешнево, Локвица, Крапа и Слатина во општина Македонски Брод.

ЦУК соопшти дека вкупно 18 пожари се изгаснати низ повеќе региони во државата. Во скопскиот регион се ставени под контрола пожарите кај село Горњани и над црквата „Св. Троица“ во Чучер Сандево, како и во близина на Смилковско Езеро и село Раштак кон Љуботен во општина Гази Баба.

Пожарите кај селата Љубин и Крушопек кон село Лака во општина Сарај, како и на булевар „Борис Трајковски“ во Кисела Вода, каде гореа градежни материјали, се исто така целосно изгаснати.

По два пожари се изгаснати во Кумановско – кај селата Четирце и Пчиња – и во општина Долнени, кај Црнилиште и Слепче. Интервенирано е и во населбата Баир во Битола, каде пожарот е успешно ликвидиран.

Дополнително, пожарите се изгаснати и во општините Кичево, Струга, Штип, Пробиштип, Кратово и Теарце.

Надлежните апелираат граѓаните да бидат внимателни и да пријавуваат каква било појава на чад или пламен за навремена интервенција, бидејќи високите температури и сувото време остануваат ризик за нови пожари.

The post СЕ ГАСИ, НО И СЕ ПАЛИ Активни пожари во 4 региони, 18 изгаснати низ Македонија appeared first on plusinfo.mk.