Момчето кое ја усмрти Фросина Кулакова на булеварот Партизански одреди со „пежо 207“ било пијано и не поседувало возачка дозвола. Основното јавно обвинителство соопшти нареди да се спроведе истражна постапка против 20-годишник осомничен за  тешки дела против безбедноста на луѓето и имотот во сообраќајот од член 300 став 2 во врска со член 297 став 1 од Кривичниот законик.

Иако возел по десната сообраќајна лента со автомобилот на неговиот татко, 20-годишникот, не ги почитувал прописите и поминал на црвено светло на семафорите, соопшти ОЈО Скопје. Претходно, дежурен јавен обвинител изврши увид на местото и беше наредена обдукција на телото на починатата, како и испитување на крвта и урината на возачот.

• 22-ГОДИШНА ДЕВОЈКА ЗАГИНА НА ПАРТИЗАНСКА Приведен е 20-годишен возач

„Меѓутоа, (возачот) не се придржувал кон прописите и со тоа го загрозил јавниот сообраќај. Автомобилот го управувал без возачка дозвола и под дејство на алкохол со 0,82 промили присуство на алкохол во урина, со што го довел во опасност животот на луѓето. Кога дошол пред обележан пешачки премин на крстосницата со ул.„29-ти Ноември“, не ја приспособил брзината на движење на возилото спрема својствата и состојбата на патот и сообраќајот и другите сообраќајни услови за да може навремено да го запре возилото пред секоја пречка“, се вели во соопштението.

Во написот стои дека „пред пешачкиот премин регулиран со семафори кои за време на незгодата работеле исправно, продолжил со движење на вклучено црвено светло на семафорот и со предниот лев дел од возилото удрил во телото на пешакот-жртва Фросина Кулакова, која на обележан пешачки премин попречно ја преминувала коловозната лента. Од ударот оштетената се здобила со тешки телесни повреди од кои на лице место починала“.

Јавниот обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот.

The post ВОЗАЧОТ КОЈ УСМРТИ ДЕВОЈКА НА ПАРТИЗАНСКА БИЛ ПИЈАН И НЕМАЛ ДОЗВОЛА Јавниот обвинител предложи мерка притвор appeared first on plusinfo.mk.

Словеченкиот кошаркар Лука Дончиќ (25) закрепнува од повреда, а на мечот на неговиот Далас и Оклахома (106:98) дојде облечен во целосно црвена комбинација. Со тоа сакаше да го поздрави триумфот на омилениот клуб Црвена звезда над Монако (88:82) во Евролигата.

„Црвена звезда. Задолжително објави го ова”, искоментира Дончиќ при доаѓањето во салата.

Видео објави и Звезда, која се потсети на фотографии од младоста на Дончиќ на кои се гледаат обележјата на белградскиот клуб.

Познато е дека словенечкиот кошаркар редовно ги следи настаните во Евролигата, а еднаш изјави и дека повеќе ги следи натпреварите од тоа првенство отколку НБА лигата.

When the club you’ve supported since childhood achieves a very important victory in @EuroLeague @luka7doncic #kkcz #WeAreTheTea pic.twitter.com/9bHAFAwZ13

— KK Crvena zvezda Meridianbet (@kkcrvenazvezda) January 18, 2025

The post 📽️ ЛУКА ДОНЧИЌ ГИ ИЗНЕНАДИ ЗВЕЗДАШИТЕ ОБЛЕЧЕН ВО ЦРВЕНО Ја прослави победата на омилениот тим од детството appeared first on plusinfo.mk.

Министерот за внатрешни работи Панче Тошковски рече дека очекува Сејф Сити да се прилагоди, да се утврдат процедурите, ќе треба судовите да бидат подготвени да изрекуваат голем број казни на дневно ниво. Tошковски очекува системот целосно да биде ставен во функција веќе следната година во Скопје, Тетово и Куманово.

– Проектот иако планиран и почнат од порано не се предвиделе системските решенија како ќе се имплементира и низ другите институции како судовите. Законските измени ќе бидат во насока на усогласување на нашето законодавство со европското законодавство. Измените се однесуваат на воведување на нови членови во Законот за безбедност на сообраќајот на патиштата кои директно се однесуваат на сопственикот на возилото (или оној со правото на користење на возилото) со кое е сторен сообраќајниот прекршок. Сообраќајниот прекршок ќе биде документиран со соодветни технички средства и уреди за снимање при што на сопственикот на возилото ќе му биде доставен соодветен поднесок за сторениот сообраќаен прекршок. Дорегулирањето на постапката за заштита на личните податоци е во тек, односно во периодот што следи, запазувајќи ги сите законски регулативи. Секако ќе има период на информирање на граѓаните, нивно прилагодување кон системот со цел да стартуваме сите спремни и заедно да градиме сообраќајна култура која ќе резултира со ред во сообраќајот без жртви – потенцираше Тошковски.

Инаку системот ќе регистрира сообраќајни прекршоци како што се минување на затворен сигнал (црвено светло), возење со брзина поголема од дозволената и непрописно паркирање со крајна цел зголемување на сообраќајната култура и намалување на сообраќајните несреќи со човечки жртви чии бројки се очекува драстично да се намалат.

Тошковски истакна дека Министерството е целосно посветено кон креирање на опремена, обучена и модерна европска полиција која ќе ја штити безбедноста на сите свои граѓани и бескомпромисно ќе се бори со сите видови криминал и корупција кои ја нагризуваат функционалноста и просперитетот на општеството.

Министерот рече дека при преземањето на функцијата иако начеканата состојба била катастрофална во поглед на организација и ресурсим сепак и со тие ресурси и голема посветеност резултатите во борбата со организираниот криминал и корупцијата дава значително подобри резултати од претходно. Тој додаде дека за разлика од минатото, повеќе нема протекување на информации од нивните редови, па затоа акциите се успешни.

– Еден врховен судија и еден член на Совет на јавни обвинители со правосилна пресуда повеќе не се дел од рекетарски систем којшто институционално го граделе години наназад. Во една недела за два дена имавме две сеопфатни акции, едната на територија на Југоисточна Македонија и едната на Западна Македонија. Разликата од претходно во спроведување на таков тип на акции е што тогаш на денот на акцијата некако магично првите луѓе на тие криминални групи секогаш беа надвор од државата и недостапни за полицијата, а беа апсени луѓе кои не се носители на криминалот. Е сега таква информација која ќе им дозволи да избегаат не протекува и затоа акциите се успешни и ќе продолжат да бидат успешни – дециден беше министерот.

The post СЛЕДНАТА ГОДИНА ЌЕ ПРОРАБОТИ СЕЈФ СИТИ Судовите да се подготват, дневно ќе се изрекуваат илјадници казни appeared first on plusinfo.mk.

– Имплементацијата на надградбата на системот „Сејф сити“ е во почетна фаза. Во тек се пристигнување на целокупната опрема и подготовките за поставување на новите локации – велат од МВР за Плусинфо.

Оттаму додаваат дека временската рамка за имплементацијата за надградбата за системот „Сејф сити“ е класифицирана информација.

– Засега не можеме да информираме кога точно ќе биде пуштен во употреба новиот систем. Во поглед на прашањето која е цената на надградбата на системот „Сејф сити“ и која е фирмата која е ангажирана за нејзина имплементација, истото е класифицирана информација – додаваат од МВР.

Како што претходно информиравме, поминувањето на црвено, движењето со поголема брзина од дозволената, погрешното паркирање и сличните прекршоци ќе бидат регистрирани од новите камери на „Сејф сити“, а казните за сообраќајните прекршоци ќе пристигнуваат на домашните адреси на сопствениците на автомобили.

Според нашите информациите, а тоа го потврдија и од МВР, сѐ уште не се донесени законските промени за да биде пуштен во функција системот. Со овие промени треба да биде овозможено фотографијата за сторениот прекршок од страна на возачот да се користи како доказен материјал за негово санкционирање.

– Во постапка се измени и дополнувања на Законот за безбедност на сообраќајот на патиштата, со цел да се уреди начинот на обезбедување и испраќање на доказниот материјал од сторителот на прекршокот – велат од МВР.

По стартувањето на новиот систем со новите камери, возачите ќе треба да бидат многу повнимателни, бидејќи ќе бидат казнувани за секое зголемување на брзината над дозволеното. Исто така, системот ќе ги регистрира и оние возила кои на раскрсница ќе минат кога на семафорот ќе биде вклучено црвено светло.

Покрај овие казни, од „Сејф сити“ ќе фрчат казни и за непрописно паркираните возила, кои го попречуваат нормалното одвивање на сообраќајот во градските средини.

Нема да куртулат ниту возачите кои не ги носат безбедносните појаси, како и оние кои користат мобилен телефон додека управуваат со автомобилот.

На крајот на минатата година нашиот извор нѐ информираше дека секој сторител на сообраќаен прекршок што ќе биде „фатен“ од камерите, на домашна адреса ќе добие фотографија од возилото со регистарската табличка, местото, времето и опис за тоа кој прекршок е направен.

– Доколку сопственикот го негира прекршокот, тврдејќи дека тој не го управувал возилото за кое е утврдена казна, тогаш повторно ќе му биде испратена фотографија само од лицето кое го возело автомобилот, но не и на другите патници кои се наоѓале во тој момент во возилото. Тогаш казната ќе биде наменета за возачот, но не и за сопственикот на автомобилот. Секако, приватноста на секој од возачите ќе биде загарантирана, па затоа фотографии ќе добива само лицето кое го управува автомобилот – објасни тогаш нашиот извор.

Камери коишто ќе евидентираат сообраќајни прекршоци засега ќе има во Скопје, во Тетово и во Куманово, како и на автопатиштата, а во иднина се размислува за воведување на системот „Сејф сити“ и во другите градови во земјава и на автопатиштата.

НЕМА РАСПРАВАЊЕ, ЌЕ ДОБИЕТЕ ДВЕ ПИСМА И ПОТОА ЌЕ ВЕ РЕПНАТ! Еве како ќе фунцкионира системот на безбедносните камери

The post КАЈ И ДА Е, ОЧЕКУВАЈТЕ ПИСМА СО ФОТКИ И СОЛЕНИ КАЗНИ Камерите на „Сејф сити“ спремни да им го загорчат животот на недисциплираните возачи appeared first on plusinfo.mk.

Луѓето кои обожуваат нуркање, без разлика дали се аматери или професионалци, истакнуваат дека истражувањето на Црвеното Море е посебна авантура и искуство кое ќе се памети цел живот. Во 2019 година, првиот подводен воен музеј во светот беше отворен во пристаништето Акаба во Јордан. Црвеното Море стана дом на тенкови, воени хеликоптери, артилерија, воени авиони и оклопни возила, пишува „Дајв магазин“.

Туризмот во Акаба почна да се развива во 1965 година, кога тогашниот крал на Јордан Хусеин склучи договор со Саудиска Арабија со кој ќе предаде 6.000 квадратни метри пустина на 12 километри од брегот на Црвеното Море. Јордан потоа доби крајбрежје долго 27 километри на Црвеното Море. Во тоа море има уникатен корален гребен во светот поради повеќе од 150 различни видови корали.

– Воениот музеј е прв од ваков вид во регионот, но и во светот. Ова е важно бидејќи нуркањето е важна туристичка атракција во Акаба, многу туристи од различни делови на светот доаѓаат тука за да вежбаат спортско нуркање – рече Наџе Бахит, поранешен министер за туризам и антиквитети и актуелен директор на АСЕЗА (Управа за специјална економска зона Акаба).

Во соопштението за медиумите, АСЕЗА ги објасни сите детали за воениот музеј во Црвеното Море. Посебно внимание посветуваа на подводната средина каде се сместени воените возила. Сите опасни компоненти од возилото се отстранети со цел да се зачува еколошкиот свет.

Внимателно беше избрана и локацијата каде што ќе се наоѓаат воените возила. Избрана е локација каде нема многу животни и корали за да не се наруши подводната рамнотежа. Целта е да се зголеми атрактивноста на Акаба, како и да се „симне товарот“ од коралните гребени преку овој подводен аранжман, кој веќе привлече голем број туристи.

– Оваа локација е релативно сиромашна со морски организми, а има многу малку корални гребени кои привлекуваат нуркачи. Ова ќе го намали притисокот од коралните гребени нудејќи им на туристите „вештачка“ локација – рече Абдула Абу-Авали, директор на управата за плажа и крајбрежје во AСЕЗА.

Воените возила се наоѓаат на длабочина од 15 до 28 метри. Оние кои се плашат од нуркање ќе можат јасно да го видат овој неверојатен воен музеј кој им го одзема здивот од површината. На дното е дури и познатиот „C-130 Hercules“, воен авион кој го привлече вниманието на многу политичари и медиуми кога беше поставен на дното.

The post (ВИДЕО) ТЕНКОВИ И ХЕЛИКОПТЕРИ „ВОЈУВААТ“ ВО ЦРВЕНОТО МОРЕ Фронтот на дното е покриен со корали, глетката го одзема здивот appeared first on plusinfo.mk.

Невообичаена појава во Кина, таканареченото „црвено небо“ ги преплаши луѓето во оваа земја кои тврдат дека тоа е лош знак.

На снимките објавени на социјалните мрежи се гледаат исплашени граѓани во Кина кои снимиле како небото ја менува бојата. Бидејќи црвеното небо беше најинтензивно во близина на пристаништето, многумина мислеа дека избувнал пожар кој излегол од контрола.

Црвеното небо во кинескиот пристаништен град Жоушан стана една од главните теми на кинеските социјални мрежи, а некои го нарекоа лош знак поради постапките на Кина во врска со пандемијата со ковид-19, со оглед на тоа што во Шангај се појавија нови случаи.

„Ќе се случат незгоди“, или „Почнав да трупам резерви“, се само дел од коментарите на преплашените граѓани на социјалните мрежи, но локалните медиуми објаснуваат дека тоа не е знак за апокалипса, туку резултат на рефлексија на светлината.

Red sky in Zhoushan, China, on the evening of May 7th, 2022!!#RedSky #China pic.twitter.com/gcjPrdr2PN

— My thoughts too (@my_thoughts_too) May 9, 2022

– Кога временските услови се добри, водата во атмосферата создава аеросоли кои ја прекршуваат и расфрлаат светлината на рибарските чамци и создаваат црвено небо што го гледа јавноста – велат метеоролозите од Жоушан.

Одразот можеби потекнува од рибарски брод што ловел пацифичка скуша, риба поврзана со скушата, според локалните медиуми, цитирајќи ја компанијата „China Aquatic Products Joseph Marine Fisheries“, која е сопственик на споменатиот брод.

Unusual red sky in Zhoushan, Zhejiang Province, local media reported that the red sky that appeared was caused by the refraction and scattering of light, most likely from ship lights in the port. China #weather #Climat #ClimateChange #ClimateCrisis pic.twitter.com/rJnep4OhVe

— NEWS/INCIDENTS (@Brave_spirit81) May 9, 2022

The post СТРАШНА СЦЕНА ГИ ИСПЛАШИ ГРАЃАНИТЕ По мрежите се шират апокалиптични сцени, луѓето подготвуваат залихи (ФОТО/ВИДЕО) appeared first on plusinfo.mk.

Камионот, управуван од 50-годишен Турчин, поминал на црвено светло на раскрсница, се судрил со автомобил, а потоа налетал на повеќе од 30 паркирани возила.

#Fuerth #Fürth das Video eines Anwohners #Trümmerfeld pic.twitter.com/fljJv9KKhn

— Hei Schönin (@HeiSchonin) February 9, 2022

Голем број автомобили се сериозно оштетени, а избувна и пожар во кој целосно изгореа некои од возилата.

По судирот камионот се запалил, а пламенот се проширил на делови од станбени згради, поради што неколку станари беа евакуирани.

Според информациите од полицијата повреден е возачот на камионот, како и возачот на автомобилот со кој се судрил камионот кога поминал на црвено светло, а исто така и еден пешак е повреден.

Verwüstung nach Alkoholfahrt #Fürth #Hardstraße pic.twitter.com/B9hErkqlKj

— Birgit Behringer (@Bridgidy) February 9, 2022

– Никогаш не сум видел таков размер на уништување. Можеме само да ја замислиме силата со која камионот удрил во автомобилите. Можеше да се случи кошмарно сценарио доколку на улицата имаше повеќе пешаци – изјави портпаролот на полицијата за германски Билд, опишувајќи го местото на несреќата. Штетата се проценува на меѓу 400.000 и 500.000 евра.

Полицијата го уапсила возачот, 50-годишниот турски државјанин без постојан престој во Германија. Веднаш по несреќата му бил направен алкотест, а од полицијата велат дека бил далеку над секоја дозволена граница на алкохол во крвта.

The post КАРАМБОЛ ВО ГЕРМАНИЈА Пијан камионџија минал на црвено и уништил над 30 возила (ФОТО+ВИДЕО) appeared first on plusinfo.mk.

Вака ја почнува својата необична приказна Џон Раш, антрополог и инструктор на колеџот Сиера во Роклин, Калифорнија. Таа не е далеку од реалноста, ако знаеме дека печурките се црвено-бели исто како наметката на Дедо Мраз, а докази навистина постојат дека шамани на Сибир во црвени торбички им оставале подароци на луѓето еднаш годишно, на 21 декември кога денот е најкраток.

Секако, делот со св.Никола или со божиќното дрво кое луѓето го кителе уште од римско време дошле малку подоцна во божиќните ритуали, а на крај биле зачинети со маркетингот на Кока-Кола.

Но, да се држиме до печурките. Еве осум начини на кои халуциногените печурки ја објаснуваат приказната за црвениот човек и неговите ирваси, според ЖиваНаука.

Факт 1: Шаманите од Арктикот раздавале печурки за зимската краткодневница

– Како што вели приказната, до пред неколку стотини години, овие шамани или свештеници поврзани со постарите традиции ја собирале Amanita muscaria (Светата печурка), ја сушеле и потоа ја подарувале на зимската краткодневица. Бидејќи снегот вообичаено ги блокира вратите, на покривот имаше отвор низ кој луѓето влегуваа и излегуваа, па така и приказната за оџакот – вели антропологот Раш.

Факт 2: Печуркитите обично се наоѓаат под боровите дрвја

Во својата книга „The Book Tree“ покојниот автор Џејмс Артур истакнува дека Amanita muscaria, позната и како мушичка агарика, живее низ северната хемисфера под четинари и брези, со кои таа имаа симбиотски однос. Ова делумно ја објаснува практиката на новогодишната елка и поставувањето светло црвено-бели подароци под неа, кои изгледаат како печурки Аманита, напишал тој. Да се потсетиме, Аманита е црвена со бели точки.

GM! Interesting history. Red & white colors inspired by . Santa was a Siberian Woman Shaman. Live & Learn https://t.co/1ABkg0lGW8

— Marina Romashko (@BIdeaLab) December 25, 2021

Факт 3: Ирвасите биле шамански „духовни животни“

– Меѓу сибирските шамани, имате животински духови со кои можете да патувате во потрагата по визија. Меѓу нив се и ирвасите кои се вообичаени и им се познати на луѓето во источен Сибир – вели Карл Рук, професор по класици на Универзитетот во Бостон.

Според Доналд Фистер, пак, биолог од Харвард, ирвасите јадат од овие печурки.

Факт 4: Шаманите биле облечени како … Дедо Мраз

– Овие шамани „исто така имале традиција да се облекуваат како (печурката) … тие се облекувале во црвени костуми со бели дамки – продолжува Раш со својата приказна.

Факт 5: Печурките ги има многу во денешната Божиќна иконографија

– Орнаменти во облик на печурки Аманита или се исто така распространети во божиќните украси низ целиот свет, особено во Скандинавија и северна Европа – истакна Фистер.

Сепак, тој вели дека не знае за директна поврзаност меѓу Божиќ каков што го знаеме денес и тогашното јадење печурки.

Факт 6: Носот на Рудолф наликува на светлоцрвена печурка

Џон Раш го посочува Рудолф како уште еден пример за повторно појавување на мотивот на печурки:

– Неговиот нос изгледа точно како црвена печурка. Неверојатно е што токму (Рудолф), ирвасот со нос како црвена печурка е на чело, и ги води другите (ирваси) – вели тој.

Многу од овие традиции биле споени со култот на Свети Никола, светец од четвртиот век познат по својата дарежливост, како што вели приказната.

Did Santa Claus and his reindeer actually originate from wise women traditions?

This is Tatiana Urkachen, a Siberian shaman, preparing sacred Amanita Muscaria mushrooms just as her ancestors did for generations.

~ pic.twitter.com/NZoSGfpKpE

— ॐ SPATiAL DEiTY ॐ (@_SPACECHi) December 24, 2021

Факт 7: „Посетата од Дедо Никола“ можеби е позајмена од шаманските ритуали

Многу од модерните детали за современиот американски Дедо Мраз доаѓаат од поемата „Посета од Свети Никола“ од 1823 година. Поемата му се припишува на Клемент Кларк Мур, аристократски академик кој живеел во Њујорк.

Потеклото на визијата на Мур е нејасно, иако научниците мислат дека тој веројатно црпел од северноевропските мотиви кои потекнуваат од сибирските или арктичките шамански традиции.

„Во најмала рака, напиша Артур, санките и ирвасите на Дедо Мраз веројатно се референци за разни поврзани северноевропски митологии. На пример, нордискиот бог Тор (познат на германски како Донер) летал во кочија влечена од две кози, кои во модерното прераскажување се заменети со ирвасите на Дедо Мраз“, напишал Џејмс Артур во својата книга.

Факт 8: Дедо Мраз и онака е од Арктикот

Да, тој живее во Лапонија, но за историчарот Роналд Хатон, приказната за шаманите не е доволно уверлива.

– Ако ги погледнете доказите за сибирскиот шаманизам, што јас го направив ќе откриете дека шаманите не патувале со санки, обично не се занимавале со духови на ирваси, многу ретко ги земале печурките за да одат во трансови и не носеле црвено-бела облека – вели тој.

Но, неговиот колега Раш не се согласува, велејќи дека шаманите навистина се занимаваат со духови на ирваси и дека голтањето печурки е добро документирано.

– Што се однесува до санките, поентата е дека „патувањето“ вклучува превоз до друго, небесно царство. Понекогаш луѓето би пиеле и обична урина од шаман или од ирвас, бидејќи и на овој начин се излачуваат халуциногените соединенија, без некои од штетните хемикалии присутни во печурките (кои ги разложува шаманот или ирвасите кога ги консумира) – рече Раш и додава:

– Луѓето кои знаат за шаманизмот ја прифаќаат оваа приказна. Постои ли друга причина поради која Дедо Мраз би живеел на Северниот Пол?

The post ДЕДО МРАЗ БИЛ ШАМАН КОЈ ЈАДЕЛ МАГИЧНИ ПЕЧУРКИ Протече вистината за божиќниот чудотворец appeared first on plusinfo.mk.

Пукнатината е видлива од вселената

Местото каде Африка навистина „пука“ е многу поголемо и може да се види дури и од вселената. Од Мозамбик на југоисток до Црвено Море на север, има депресија со ширина од 100 километри, една од нејзините гранки западно од езерото Викторија, каде се одделува огромен дел од континентот. Сомалиската тектонска плоча, на која лежи источна Африка, постепено се одвојува од остатокот на копното, па еден ден ќе се формира нов континент, кој ќе одвои ново море од Африка.

Пукнатината во Африка расте

Раздвојувањето на плочите започна пред 20 милиони години и оттогаш ровот постојано се зголемува.

– Африка е на пат кон поделба, пукнатината е веќе таму – вели Саша Стаубах, геолог од универзитетот Гете во Франкфурт.

Според него, на некои места во Етиопија, ровот е веќе под нивото на морето, и еден ден водата ќе го пополни јазот меѓу континентот. Тој верува дека ова ќе се случи во „блиска иднина“, со тоа што „блиската иднина во геологијата значи неколку милиони години“.

Афарска депресија: Температури над 50 степени Целзиусови

Прво најверојатно ќе биде поплавен Афарската депресија, низина на Црвеното Море, на горниот крај на ровот. Тука, не само Источна Африка е одделена од остатокот на континентот, туку и африканската и арапската плоча, ги придвижуваат огромни сили.

Афарската депресија е една од најтоплите области во светот, со температури кои достигнуваат над 50 Целзиусови степени. Вулканската карпа создава бизарни предели, кратери во кои врие лава и топла вода извира од земјата. Постојат зелени острови, обвиени со кора од сол.

Земјата често трепери

Номадите кои живеат во регионот велат дека земјата често трепери. Одеднаш земјата се отвора и камили и кози исчезнуваат во пукнатините. Вулканската активност и земјотресите се несакани ефекти од движењето на тектонските плочи. Во Афарската депресија, земјата станува потенка поради влијанието на силите од сите страни.

– Земјината кора се растегнува – објаснува геологот Стаубах. Ова доведува до нејзино пропаѓање. Веќе, овој регион се наоѓа на најниската точка во Африка, 155 метри под нивото на морето и е исполнет со солено езеро. Ако продолжи спуштањето на ровот, еден ден тој ќе биде исполнет со вода од Црвеното Море.

The post Во Африка се појавува ново море! Тектонските промени ќе предизвикаат отцепување на дел од континентот (ФОТО+ВИДЕО) appeared first on plusinfo.mk.

Два споменика во Париз поврзани со француската колонијална ера денеска се исфарбани со црвена боја.

Едниот споменик е на Ибер Лиоте, кој служеше во Мароко, Алжир, Мадагаскар и Индокина додека беа под француска контрола, а за време на Првата светска војна беше француски министер за војна.

Другиот обоен споменик е на Волтер, водечки мислител на француското просветителство, кој дел од богатството го стекна со трговија.

Акцијата уследи откако се поголем број активисти, кои се борат против расизмот во неколку држави, бараат уривање на спомениците на историскте личности, кои биле дел од трговијата со робови или со колонијализмот.

The post Во Париз обоени во црвено два споменика appeared first on plusinfo.mk.