Демонстрантите кои го блокираа мостот Орел набргу се разотидоа.

На видеото поставено на социјалните мрежи се гледа како кран е поставен крај споменикот. Стручните анализи покажеле дека споменикот има расцеп по целата должина и дека е опасност за граѓаните.

„Ние не отстрануваме само споменик, туку ја враќаме можноста историјата да ја толкуваме низ наша призма, наместо низ руската пропаганда“, коментираше на социјалните мрежи пратеникот Ивајло Мирчев од „Демократска Бугарија“.

Пред да започне рушењето приврзаниците на бугарската левица предводени од Маја Манолова, Вазраждане, БСП и русофили се обидуваа физички да ги запрат работниците и опремата, но во на крајот тие го кренаа својот шаторски камп.

Георги Свиленски од Бугарската социјалистичка партија БСП пред новинарите изјави дека тој и неговите колеги биле претходно денеска, околу 11 часот, пред Споменикот на советската армија, откако биле информирани дека се одвиваат некои акции, јавува БГНЕС.

– Заменик-регионалниот гувернер беше од внатрешната страна на оградата, ние однадвор. Полицијата ни помогна да стигнеме до оградата и преку влезот, каде што влеговме минатиот пат. Заменик регионалниот гувернер рече дека ние немаме право да влеземе, само тој има право на пристап – објасни тој.

Според Свиленски, директор на дирекција во подрачната управа се фрлил на оградата, а таа паднала врз него.

– Оградата ми ја повреди раката. Повредата не е сериозна – полесна повреда. Поднесов пријава во полиција, извадив медицински, отсега ова за мене непознато лице, во полиција, претпоставувам, е познато, ќе ги сноси соодветните одговорности – рече пратеникот на БСП.

Лидерката на Бугарската социјалистичка партија Корнелија Нинова во парламентот нагласи дека е погазено правото на слобода и мислење.

– Со уништување споменици ја уништувате историјата – рече Нинова и обзнани дека едно лице од нејзината партија завршило во болница со исечена рака, мислејќи на Свиленски.

На местото на настанот пристигна и пратеникот од „Вазраждане“ Ивајло Чорбов, кој изрази несогласување со демонтирањето на споменикот.

– Ние ја негираме нашата историја и ја бришеме – рече тој.

Свиленски смета дека 8% е довербата во бугарскиот парламент, 80% од бугарските граѓани не сакаат демонтирање на ниту еден споменик. Тој повика на секојдневни протести.

– Не само Лукоил, не само Шенген, не само еврозоната се важни за Бугарија. Нам ни е важна историската меморија, спомениците, историјата, а Бугарите тоа го ценат и почитуваат“, рече Свиленски, нагласувајќи дека државата е на бугарските граѓани, „не е на Борисов, ниту на Пеевски, ниту на Кирил Петков, ниту на Христо Иванов“…

The post РУШЕЊЕТО НА СОВЕТСКИ СПОМЕНИК ГИ РАЗБУДИ СТРАСТИТЕ ВО СОФИЈА „Соросиди, фашисти, ја уништуваме нашата историја…“ appeared first on plusinfo.mk.

– Во христијанска цивилизација, уништувањето гробови е варварски чин. Во мојата земја, во Полска, гробиштата се места за вечен одмор, што значи и за оние, кои, според нашите земни сметки, можеби, одмор и мир не заслужуваат. Но, неправдата кон жртвите, силувањето на историјата, историската вистина и чесноста, ги ставаат на пиедестал оние, кои не избрале слободна, независна држава – изјави денеска пред уривањето на споменикот во Сједлец, директорот на IPN, Карол Навроцки.

Тој додаде дека Полска нема ни да ги допре гробовите на советските војници. Но, уште поодлучно ќе го примени законот од 2016 година, како и волјата на Парламентот, да се спроведе декомунизација на јавниот простор и да се забрани пропаганда со нацистички и комунистички симболи.

– Советските симболи мора да се отстранат, не само поради лагите за историјата, туку и затоа што комунистичките симболи, како што се црвените знамиња и ѕвезди, ги користат и руските сили во Украина. Облечени во униформи на Руската федерација, со Ленин и Сталин во главите и во срцата, руските војници наводно ја ослободуваат Украина убивајќи жени, деца, убивајќи војници на независна држава – истакна Навроцки, пренесе полската приватна телевизија Полсат.

И покрај острото противење на Русија, Полска ги отстранува спомениците за благодарност на Црвената армија, истовремено продолжува да се грижи за гробовите на војници од 2016 година, кога е усвоен новиот закон и на листата се нашле околу 500 несоодветни споменици. По законот, локалните власти мораа и да преименуваат улици.

Just for the context. In Poland there are 705 Russian WW2 and 1129 WW1 military cemeteries. There are even 11 of them from the time of the Napoleonic wars. All under protection of Polish authorities. There are only 2 Polish military cemeteries in Russia – in Katyn and Miednoye. https://t.co/90T8qcmE9z

— Sławomir Dębski (@SlawomirDebski) April 15, 2022

Претходниот шеф на IPN, Лукаш Камињски, ги отфрли категоричните обвинувања од Кремљ, дека Варшава „сака да го избрише од сеќавање тоа што за слободата на Полјаците од хитлеровите фашисти животите ги дадоа околу 660.000 војници на Црвената армија“.

– Реакцијата на Русија не изненадува, но, помалку е апсурдна. Потегнуваат прашања за ликвидација на таканаречените споменици за благодарност на Црвената армија, а IPN планира да ги премести во музеи. Ние постојано повторуваме дека отстранувањето на споменици, не опфаќа и воопшто, гробови на советски војници – појасни Камињски.

Тој рече дека на Запад, луѓето мислат дека „спомениците се подигнати од самите, благодарни, Полјаци“.

– Меѓутоа, вистината е дека тоа е симбол на комунистичката диктатура по Втората светска војна – подвлече Камињски, по повод усвојување на законот и противењето на Русија.

Според неговите зборови, спомениците, во најголем дел, се поставени од Црвената армија.

The post ПОЛСКА УРНА ТРИ СПОМЕНИЦИ НА ЦРВЕНАТА АРМИЈА Забранети се комунистичките исто како и нацистичките симболи appeared first on plusinfo.mk.