Американскиот рапер Канје Вест, често предмет на контроверзии во САД, е во приватна посета на Москва, објавија руските медиуми. Тоа се случува во период кога западните музичари во голема мера ја избегнуваат Русија по нападот на Украина во февруари 2022 година.

– Канје Вест е во Москва. Тоа се одлични вести, тој е во срцето на главниот град – објави продуцентката Јана Рудковскаја.

Таа, инаку, е сопруга на еден од најголемите и најтрофејни лизгачи во историјата на спортот, Јевгениј Плушенко.

Ксенија Собчак, поранешна кандидатка на претседателските избори, на „Телеграм“ објави видео на коешто, вели, се гледа познатиот рапер на покривот на познатиот трговски центар „ГОУМ“ го набљудува Црвениот плоштад.

Според наводите, Канје е во Москва за да го прослави 40. роденден на својот пријател Гоша Рубчински – познат моден дизајнер, фотограф и основач на бренд, инспириран од падот на „Железната завеса“ и руската младешка улична култура.

Kanye West goes East https://t.co/cQf6zNnLFQ pic.twitter.com/MS5dgpKKF9

— Russian Market (@runews) June 30, 2024

Kanye West spotted in Moscow, Russia.

Follow: @AFpost pic.twitter.com/C0YaiKpZmN

— AF Post (@AFpost) June 30, 2024

Канје Вест и самиот е дизајнер и има свој моден бренд – „Јизи“.

Инаку, Канје е познат и по контроверзиите – наводно, во минатото изразувал воодушевување од рускиот претседател Владимир Путин, на пр., како и пофалби кон Адолф Хитлер и антисемитизмот.

Поради неговите јавни изјави тој стана своевиден „одметник“ во забавната индустрија, па повеќе компании коишто соработуваа со него ги прекинаа договорите.

The post 📽 РУСИТЕ ГО ПРЕЧЕКАА КАНЈЕ ВЕСТ КАКО ЦАР Американскиот рапер се појави на Црвениот плоштад appeared first on plusinfo.mk.

Портпаролот на Кремљ, Дмитриј Песков, соопшти дека Путин не планира да игра хокеј на Црвениот плоштад оваа новогодишна ноќ.

– Колегите ми кажуваат дека обраќањето би можело да се одржи следната година, а има извештаи дека може да биде писмено. Не, никогаш не било писмено. Што се однесува до информациите дека е можно да се одржи следната година, секако дека е можно – рече Песков.

Тој не ја објасни причината за откажувањето на плановите.

The post ПУТИН ГИ ОТКАЖА НОВОГОДИШНИТЕ ПЛАНОВИ Нема да игра хокеј на Црвениот плоштад appeared first on plusinfo.mk.

Русија вели дека се глупост шпекулациите дека ќе и објави сеопшта војна на Украина на Денот на победата над фашизмот.

Би-Би-Си коментира дека Москва досега негираше оти е во војна, и инвазијата врз Украина ја нарекува „специјална воена операција“.

„Но, западните власти шпекулираат дека претседателот Владимир Путин би можел да ја искористи денешната парада во Москва за да објави ескалација на воената акција. Тој, се разбира, ги крие картите и додека не проговори на парадата на Црвениот плоштад, негирањата на Москва треба да ги прифаќаме со резерва“, пишува Би-Би-Си.

Британскиот медиум потсетува дека во деновите пред почетокот на инвазијата на 24 февруари, „руските функционери постојано ги исмеваа информациите за неизбежна инвазија како ’западна хистерија и пропаганда‘“. Сепак, Русија иврши инвазија, изненадувајќи дури и многу Украинци.

„Така, најмалку што можеме да очекуваме се некакви триумфални најави за постигнати цели и победени непријатели (вистински или замислени)“, додава Би-Би-Си.

Вината за бавното темпо на руското напредување во Донбас најверојатно ќе биде лоцирана кај НАТО и веројатно ќе има дополнителни предупредувања до Западот да престане да и помага на Украина да се брани.

Што и да се случи денес, тешко е да се очекува дека оваа војна ќе заврши наскоро, заклучува Би-Би-Си.

The post ЌЕ ПРОГЛАСИ СЕОПШТА ВОЈНА ИЛИ НЕ? Светот го чека Путиновиот говор на Црвениот плоштад appeared first on plusinfo.mk.

Снимка од две жени кои експресно се уапсени на сред бел ден на Црвениот плоштад во Москва поради антивоените ставови во врска со окупацијата на Украина, се прошири на социјалните мрежи. Жените не се дел од протест туку зборуваат пред ТВ-камера. Првата вели „нема да кажам многу, само два збора“ и држи ливче на кое е буквално напишано „два збора“, а потоа, како на филм, полициските специјалци ја земаат и ја носат кон група од комбиња.

Бргу потоа, втора жена доаѓа пред камерите.

– Ги снимате сите мислења на граѓани? – прашува таа подисплашено пред камерите, на што добива потврден договор.

– Дури и на оние граѓани кои не протестираат, но мислат дека воената операција во Украина…?

– Ги снимаме сите мислења, госпоѓо – ѝ одговараат.

– Епа добро, еве јас сум задоволна… – почнува жената и без да доврши двајца специјалци и неа ја земаат.

Видеото предизвика лавина коментари по социјалните мрежи.

„Можен ли е милионски протест на главниот плоштад во Москва“?

„Се чини дека дури и про-Кремљ пропагандистите се апсат сега во Москва, иако ова не беше планирано. Путинизмот ги јаде своите деца“, вели еден друг твитерџија.

The post КАКО СЕ АПСИ НА ЦРВЕНИОТ ПЛОШТАД? Ќе кажам два зборa, имам различно мислење (ВИДЕО) appeared first on plusinfo.mk.